Himachal Weather: ਮਨਾਲੀ 'ਚ ਦੁਕਾਨ 'ਤੇ ਡਿੱਗੀ ਚੱਟਾਨ, ਚੱਕੀ ਪੁਲ ਕੀਤਾ ਬੰਦ
Himachal Weather: ਮਨਾਲੀ 'ਚ ਦੁਕਾਨ 'ਤੇ ਡਿੱਗੀ ਚੱਟਾਨ, ਚੱਕੀ ਪੁਲ ਕੀਤਾ ਬੰਦ
Heavy rain in Himachal Pradesh: ਹਿਮਾਚਲ ਪ੍ਰਦੇਸ਼ ਵਿੱਚ ਮੀਂਹ ਤੋਂ ਲੋਕਾਂ ਨੂੰ ਰਾਹਤ ਮਿਲੀ ਹੈ। ਹਾਲਾਂਕਿ, ਵੀਰਵਾਰ, 25 ਅਗਸਤ ਲਈ, ਮੌਸਮ ਵਿਭਾਗ ਨੇ ਯੈਲੋ ਅਲਰਟ ਜਾਰੀ ਕੀਤਾ ਹੈ। ਮਨਾਲੀ ਦੇ ਰੰਗਾਡੀ ਵਿੱਚ ਵੀਰਵਾਰ ਨੂੰ ਐਚਆਰਟੀਸੀ ਦੇ ਵੋਲਵੋ ਬੱਸ ਸਟੈਂਡ ਦੇ ਕੋਲ ਇੱਕ ਦੁਕਾਨ ਉੱਤੇ ਇੱਕ ਵੱਡਾ ਪੱਥਰ ਡਿੱਗ ਗਿਆ। ਸਵੇਰੇ ਵਾਪਰੀ ਇਸ ਘਟਨਾ ਕਾਰਨ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਹਾਲਾਂਕਿ ਦੁਕਾਨ ਦੇ ਬਾਹਰ ਰੱਖੇ ਸਮਾਨ ਸਮੇਤ ਫਰਿੱਜ ਦਾ ਨੁਕਸਾਨ ਹੋਇਆ ਹੈ। ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਡਰੇਨ 'ਚ ਪਾਣੀ ਵਧਣ ਕਾਰਨ ਵੋਲਵੋ ਬੱਸ ਸਟੈਂਡ ਦੇ ਨਾਲ-ਨਾਲ ਹਾਈਵੇ 'ਤੇ ਪੱਥਰਾਂ ਅਤੇ ਮਲਬੇ ਦਾ ਢੇਰ ਲੱਗ ਗਿਆ ਸੀ।
ਹੋਰ ਪੜ੍ਹੋ ...- NEWS18-PUNJABI
- Last Updated :
ਸੰਬੰਧਿਤ ਖ਼ਬਰਾਂ
ਸ਼ਿਮਲਾ: ਹਿਮਾਚਲ ਪ੍ਰਦੇਸ਼ ਵਿੱਚ ਮੀਂਹ ਤੋਂ ਲੋਕਾਂ ਨੂੰ ਰਾਹਤ ਮਿਲੀ ਹੈ। ਹਾਲਾਂਕਿ, ਵੀਰਵਾਰ, 25 ਅਗਸਤ ਲਈ, ਮੌਸਮ ਵਿਭਾਗ ਨੇ ਯੈਲੋ ਅਲਰਟ ਜਾਰੀ ਕੀਤਾ ਹੈ। ਮਨਾਲੀ ਦੇ ਰੰਗਾਡੀ ਵਿੱਚ ਵੀਰਵਾਰ ਨੂੰ ਐਚਆਰਟੀਸੀ ਦੇ ਵੋਲਵੋ ਬੱਸ ਸਟੈਂਡ ਦੇ ਕੋਲ ਇੱਕ ਦੁਕਾਨ ਉੱਤੇ ਇੱਕ ਵੱਡਾ ਪੱਥਰ ਡਿੱਗ ਗਿਆ। ਸਵੇਰੇ ਵਾਪਰੀ ਇਸ ਘਟਨਾ ਕਾਰਨ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਹਾਲਾਂਕਿ ਦੁਕਾਨ ਦੇ ਬਾਹਰ ਰੱਖੇ ਸਮਾਨ ਸਮੇਤ ਫਰਿੱਜ ਦਾ ਨੁਕਸਾਨ ਹੋਇਆ ਹੈ। ਇਸ ਤੋਂ ਪਹਿਲਾਂ ਬੁੱਧਵਾਰ ਨੂੰ ਡਰੇਨ 'ਚ ਪਾਣੀ ਵਧਣ ਕਾਰਨ ਵੋਲਵੋ ਬੱਸ ਸਟੈਂਡ ਦੇ ਨਾਲ-ਨਾਲ ਹਾਈਵੇ 'ਤੇ ਪੱਥਰਾਂ ਅਤੇ ਮਲਬੇ ਦਾ ਢੇਰ ਲੱਗ ਗਿਆ ਸੀ।
ਚੱਕੀ ਪੁਲ ਨੂੰ ਕੀਤਾ ਬੰਦ
ਕਾਂਗੜਾ ਦੇ ਕੰਦਵਾਲ ਚੱਕੀ ਪੁਲ ਨੂੰ ਬੁੱਧਵਾਰ ਦੇਰ ਰਾਤ ਤੋਂ ਆਵਾਜਾਈ ਲਈ ਬੰਦ ਕਰ ਦਿੱਤਾ ਗਿਆ ਹੈ। ਭਾਰੀ ਮੀਂਹ ਕਾਰਨ ਪੁਲ ਦੇ ਖੰਭਿਆਂ ਦੇ ਆਲੇ-ਦੁਆਲੇ ਦੀ ਮਿੱਟੀ ਰੁੜ੍ਹ ਗਈ ਹੈ ਅਤੇ ਪਿੱਲਰ ਵੀ ਨੁਕਸਾਨੇ ਗਏ ਹਨ। ਹਾਲ ਹੀ ਵਿੱਚ ਬੁੱਧਵਾਰ ਨੂੰ ਕੰਡਵਾਲ ਚੱਕੀ ਪੁਲ ਨੂੰ ਆਵਾਜਾਈ ਲਈ ਖੋਲ੍ਹ ਦਿੱਤਾ ਗਿਆ ਸੀ ਪਰ ਹੁਣ ਖਤਰੇ ਨੂੰ ਦੇਖਦੇ ਹੋਏ ਪੁਲ ਤੋਂ ਆਵਾਜਾਈ ਬੰਦ ਕਰ ਦਿੱਤੀ ਗਈ ਹੈ।
ਸੂਬੇ 'ਚ ਲਗਾਤਾਰ ਮੀਂਹ ਕਾਰਨ 113 ਸੜਕਾਂ ਅਜੇ ਵੀ ਬੰਦ ਹਨ। ਨਾਲ ਹੀ ਸੂਬੇ ਵਿੱਚ 475 ਟਰਾਂਸਫਾਰਮਰ ਨੁਕਸਦਾਰ ਹਨ। ਸਿਰਮੌਰ ਜ਼ਿਲ੍ਹੇ ਵਿੱਚ 327 ਟਰਾਂਸਫਾਰਮਰਾਂ, ਕੁੱਲੂ ਵਿੱਚ 63, ਮੰਡੀ ਵਿੱਚ 33, ਚੰਬਾ ਵਿੱਚ 31, ਲਾਹੌਲ-ਸਪੀਤੀ ਵਿੱਚ 11 ਅਤੇ ਸ਼ਿਮਲਾ ਵਿੱਚ 10 ਥਾਵਾਂ ’ਤੇ ਬਿਜਲੀ ਸਪਲਾਈ ਬਹਾਲ ਕਰਨ ਦੇ ਯਤਨ ਕੀਤੇ ਜਾ ਰਹੇ ਹਨ। ਜ਼ਮੀਨ ਖਿਸਕਣ ਨਾਲ ਚੰਬਾ ਜ਼ਿਲ੍ਹੇ ਦੀਆਂ 45 ਅਤੇ ਸ਼ਿਮਲਾ ਦੀਆਂ ਪੰਜ ਪੀਣ ਵਾਲੇ ਪਾਣੀ ਦੀਆਂ ਸਕੀਮਾਂ ਪ੍ਰਭਾਵਿਤ ਹੋਈਆਂ ਹਨ।
ਸਟੇਟ ਡਿਜ਼ਾਸਟਰ ਮੈਨੇਜਮੈਂਟ ਦੀ ਰਿਪੋਰਟ ਮੁਤਾਬਕ ਪਿਛਲੇ 12 ਘੰਟਿਆਂ 'ਚ ਸ਼ਿਮਲਾ, ਮੰਡੀ, ਕਾਂਗੜਾ, ਸੁੰਦਰਨਗਰ ਡਲਹੌਜ਼ੀ ਸਮੇਤ ਕਈ ਇਲਾਕਿਆਂ 'ਚ ਹਲਕੀ ਬਾਰਿਸ਼ ਹੋਈ ਹੈ। 26 ਅਤੇ 27 ਅਗਸਤ ਨੂੰ ਸੂਬੇ ਦੇ ਲੋਕਾਂ ਨੂੰ ਰਾਹਤ ਮਿਲਣ ਦੀ ਉਮੀਦ ਹੈ। ਦੋ ਦਿਨਾਂ ਤੱਕ ਕੋਈ ਅਲਰਟ ਨਹੀਂ ਹੋਵੇਗਾ। 28 ਅਗਸਤ ਨੂੰ ਯੈਲੋ ਅਲਰਟ ਜਾਰੀ ਕੀਤਾ ਗਿਆ ਹੈ। ਮਤਲਬ ਕਿ ਭਾਰੀ ਮੀਂਹ ਪੈ ਸਕਦਾ ਹੈ। ਸੂਬੇ ਵਿੱਚ 29 ਅਗਸਤ ਨੂੰ ਮੌਸਮ ਸਾਫ਼ ਰਹਿਣ ਦੀ ਸੰਭਾਵਨਾ ਹੈ।
ਹਿਮਾਚਲ ਦੇ 21 ਡੈਮ ਭਰ ਚੁੱਕੇ ਹਨ
ਹਿਮਾਚਲ ਪ੍ਰਦੇਸ਼ ਵਿੱਚ ਭਾਰੀ ਮੀਂਹ ਕਾਰਨ 21 ਡੈਮ ਪੂਰੀ ਤਰ੍ਹਾਂ ਭਰ ਗਏ ਹਨ। ਹਾਲਾਂਕਿ, ਇਹ ਕੋਈ ਖ਼ਤਰਾ ਨਹੀਂ ਹੈ। ਸਾਰੇ ਡੈਮਾਂ ਵਿੱਚ ਪਾਣੀ ਦਾ ਪੱਧਰ ਖ਼ਤਰੇ ਦੇ ਨਿਸ਼ਾਨ ਤੋਂ ਦੋ ਤੋਂ ਤਿੰਨ ਫੁੱਟ ਹੇਠਾਂ ਹੈ। ਇਸ ਸਬੰਧੀ ਸਰਕਾਰ ਵੱਲੋਂ ਇੱਕ ਰਿਪੋਰਟ ਜਾਰੀ ਕੀਤੀ ਗਈ ਹੈ, ਜਿਸ ਵਿੱਚ ਦੱਸਿਆ ਗਿਆ ਹੈ ਕਿ ਕਿਸ ਡੈਮ ਵਿੱਚ ਕਿੰਨਾ ਪਾਣੀ ਹੈ ਅਤੇ ਕਿੰਨਾ ਖ਼ਤਰਾ ਹੈ।
ਬ੍ਰੇਕਿੰਗ ਖ਼ਬਰਾਂ ਪੰਜਾਬੀ \'ਚ ਸਭ ਤੋਂ ਪਹਿਲਾਂ News18 ਪੰਜਾਬੀ \'ਤੇ। ਤਾਜ਼ਾ ਖਬਰਾਂ, ਲਾਈਵ ਅਪਡੇਟ ਖ਼ਬਰਾਂ, ਪੜ੍ਹੋ ਸਭ ਤੋਂ ਭਰੋਸੇਯੋਗ ਪੰਜਾਬੀ ਖ਼ਬਰਾਂ ਵੈਬਸਾਈਟ News18 ਪੰਜਾਬੀ \'ਤੇ।
Tags: Himachal, Monsoon, National news
