ਹਿਮਾਚਲ ਪ੍ਰਦੇਸ਼ 'ਚ ਮੁੜ ਆ ਰਹੀ ਹੈ BJP, ਜੈਰਾਮ ਠਾਕੁਰ ਹੀ ਬਣੇ ਰਹਿਣਗੇ CM: ਜੇਪੀ ਨੱਢਾ

ਹਿਮਾਚਲ ਪ੍ਰਦੇਸ਼ ਦੀਆਂ 68 ਵਿਧਾਨ ਸਭਾ ਸੀਟਾਂ ਲਈ ਵੋਟਿੰਗ ਪੈ ਰਹੀ ਹੈ।  ਸੂਬੇ ਦੇ ਕੁੱਲ 7884 ਪੋਲਿੰਗ ਸਟੇਸ਼ਨਾਂ 'ਤੇ ਸ਼ਾਮ 5 ਵਜੇ ਤੱਕ ਵੋਟਾਂ ਪੈਣਗੀਆਂ ਅਤੇ ਵਿਧਾਨ ਸਭਾ ਚੋਣਾਂ ਲੜ ਰਹੇ 412 ਉਮੀਦਵਾਰਾਂ ਦੀ ਕਿਸਮਤ ਈਵੀਐਮ 'ਚ ਸੀਲ ਹੋ ਜਾਵੇਗੀ। ਨਤੀਜੇ 8 ਦਸੰਬਰ ਨੂੰ ਐਲਾਨੇ ਜਾਣਗੇ।

ਅਸੀਂ ਯਕੀਨੀ ਤੌਰ 'ਤੇ ਪੂਰਨ ਬਹੁਮਤ ਨਾਲ ਸੱਤਾ ਵਿਚ ਵਾਪਸ ਆ ਰਹੇ ਹਾਂ: ਜੇਪੀ ਨੱਡਾ

ਭਾਜਪਾ ਦੇ ਰਾਸ਼ਟਰੀ ਪ੍ਰਧਾਨ ਜੇਪੀ ਨੱਡਾ ਇਸ ਮੌਕੇ ਕਿਹਾ ਕਿ ਕਿ ਅਸੀਂ ਯਕੀਨੀ ਤੌਰ 'ਤੇ ਪੂਰੇ ਬਹੁਮਤ ਨਾਲ ਸੱਤਾ 'ਚ ਵਾਪਸ ਆ ਰਹੇ ਹਾਂ। ਜੈ ਰਾਮ ਠਾਕੁਰ ਦੀ ਅਗਵਾਈ ਹੇਠ ਚੋਣ ਲੜੀ ਗਈ ਹੈ ਅਤੇ ਉਹ (ਮੁੱਖ ਮੰਤਰੀ ਦੇ ਅਹੁਦੇ ਲਈ) ਬਣੇ ਰਹਿਣਗੇ। ਰਾਹੁਲ ਗਾਂਧੀ ਦੇ ਗੁਜਰਾਤ ਅਤੇ ਹਿਮਾਚਲ 'ਚ ਚੋਣ ਪ੍ਰਚਾਰ ਨਾ ਕਰਨ 'ਤੇ ਭਾਜਪਾ ਪ੍ਰਧਾਨ ਨੇ ਕਿਹਾ, 'ਉਹ ਇਕ ਕਰੀਅਰਿਸਟ ਨੇਤਾ ਹਨ, ਉਨ੍ਹਾਂ ਨੂੰ ਅਹਿਸਾਸ ਹੈ ਕਿ ਹਿਮਾਚਲ ਪ੍ਰਦੇਸ਼ ਅਤੇ ਗੁਜਰਾਤ 'ਚ ਕੁਝ ਹਾਸਲ ਨਹੀਂ ਹੋਵੇਗਾ।' ਇੱਕ ਵਾਰ ਜੇਕਰ ਉਨ੍ਹਾਂ ਨੂੰ ਲੱਗਾ ਕਿ ਉਹ ਚੋਣ ਜਿੱਤ ਰਿਹਾ ਹੈ ਜਾਂ ਜਿੱਤ ਸਕਦਾ ਹੈ ਤਾਂ ਉਹ ਇੱਥੇ ਸਿਹਰਾ ਲੈਣ ਲਈ ਜ਼ਰੂਰ ਆਉਂਦੇ। ਪਰ ਉਹ ਜਾਣਦੇ ਹਨ ਕਿ ਕੁਝ ਵੀ ਪ੍ਰਾਪਤ ਨਹੀਂ ਹੋਵੇਗਾ, ਇਸ ਲਈ ਉਹ ਪ੍ਰਗਟ ਨਹੀਂ ਹੋਇਆ।

We definitely are in comfortable majority. Election has been contested under the leadership of Jairam Thakur and he will continue (to be the CM face): BJP national president JP Nadda when asked #HimachalPradeshElection2022 and CM face pic.twitter.com/Kz7lCyFw4b

— ANI (@ANI) November 12, 2022

ਹਿਮਾਚਲ ਪ੍ਰਦੇਸ਼ ਵਿਧਾਨ ਸਭਾ ਚੋਣਾਂ ਲਈ ਵੋਟਿੰਗ ਜਾਰੀ ਹੈ। ਦੁਪਹਿਰ 1 ਵਜੇ ਤੱਕ ਕਰੀਬ 37.19 ਫੀਸਦੀ ਵੋਟਿੰਗ ਹੋ ਚੁੱਕੀ ਹੈ। ਸਵੇਰ ਤੋਂ ਹੀ ਵੋਟਿੰਗ ਕੇਂਦਰਾਂ 'ਤੇ ਕਤਾਰਾਂ ਦੇਖਣ ਨੂੰ ਮਿਲੀਆਂ ਹਨ। ਸੂਬੇ ਦੇ ਕਈ ਦਿੱਗਜ ਆਗੂਆਂ ਨੇ ਵੀ 10 ਵਜੇ ਤੱਕ ਆਪਣੀ ਵੋਟ ਪਾਈ ਹੈ। ਦੱਸ ਦੇਈਏ ਕਿ ਹਿਮਾਚਲ ਵਿੱਚ 68 ਵਿਧਾਨ ਸਭਾ ਸੀਟਾਂ ਲਈ ਵੋਟਾਂ ਪੈ ਰਹੀਆਂ ਹਨ।

ਜਾਣਕਾਰੀ ਮੁਤਾਬਕ ਸਵੇਰੇ 9 ਵਜੇ ਤੱਕ 4.5 ਫੀਸਦੀ ਵੋਟਿੰਗ ਹੋ ਚੁੱਕੀ ਹੈ। ਸਵੇਰੇ 9 ਵਜੇ ਤੱਕ ਸ਼ਿਮਲਾ ਜ਼ਿਲ੍ਹੇ ਦੇ ਚੋਪਾਲ ਵਿੱਚ 3 ਫੀਸਦੀ, ਥੀਓਗ 6.9, ਕਸੁੰਮਤੀ 4.4, ਸ਼ਿਮਲਾ (ਸ਼ਹਿਰੀ) 6.3, ਸ਼ਿਮਲਾ (ਦਿਹਾਤੀ) 2, ਜੁਬਲ ਕੋਟਖਾਈ 6.5, ਰਾਮਪੁਰ 6.7 ਅਤੇ ਰੋਹੜੂ ਵਿੱਚ 6.3 ਫੀਸਦੀ ਪੋਲਿੰਗ ਦਰਜ ਕੀਤੀ ਗਈ। ਸ਼ਿਮਲਾ ਜ਼ਿਲ੍ਹੇ ਵਿੱਚ ਸਵੇਰੇ 9 ਵਜੇ ਤੱਕ ਕੁੱਲ 5.26 ਫੀਸਦੀ ਪੋਲਿੰਗ ਦਰਜ ਕੀਤੀ ਗਈ ਹੈ।

ਸੀਐਮ ਜੈਰਾਮ ਠਾਕੁਰ ਨੇ ਆਪਣੇ ਪਰਿਵਾਰ ਸਮੇਤ ਮੰਡੀ ਜ਼ਿਲ੍ਹੇ ਦੇ ਆਪਣੇ ਗ੍ਰਹਿ ਖੇਤਰ ਸਿਰਾਜ ਵਿੱਚ ਵੋਟ ਪਾਈ। ਇਸ ਦੌਰਾਨ ਉਸ ਦੀਆਂ ਧੀਆਂ ਅਤੇ ਪਤਨੀ ਉਸ ਦੇ ਨਾਲ ਰਹੇ। ਇਸ ਤੋਂ ਇਲਾਵਾ ਮੰਡੀ ਸਦਰ ਤੋਂ ਅਨਿਲ ਸ਼ਰਮਾ, ਡਰੰਗ ਤੋਂ ਕੌਲ ਸਿੰਘ, ਨਾਹਨ ਤੋਂ ਭਾਜਪਾ ਦੇ ਰਾਜੀਵ ਬਿੰਦਲ ਨੇ ਆਪਣੀ ਵੋਟ ਪਾਈ। ਇਸ ਤੋਂ ਇਲਾਵਾ ਊਨਾ ਦੇ ਹਰੌਲੀ ਤੋਂ ਕਾਂਗਰਸ ਦੇ ਉਮੀਦਵਾਰ ਮੁਕੇਸ਼ ਅਗਨੀਹੋਤਰੀ ਨੇ ਪਰਿਵਾਰ ਸਮੇਤ ਆਪਣੀ ਵੋਟ ਪਾਈ। ਦੱਸ ਦੇਈਏ ਕਿ ਹਿਮਾਚਲ 'ਚ ਪਿਛਲੀਆਂ ਵਿਧਾਨ ਸਭਾ ਚੋਣਾਂ 'ਚ 75 ਫੀਸਦੀ ਵੋਟਿੰਗ ਹੋਈ ਸੀ। ਇਸ ਵਾਰ ਉਮੀਦ ਹੈ ਕਿ ਪਿਛਲੀਆਂ ਚੋਣਾਂ ਦਾ ਰਿਕਾਰਡ ਟੁੱਟ ਜਾਵੇਗਾ।