Home /News /national /

ਮਹਿਲਾ IAS ਤੇ ਉਨ੍ਹਾਂ ਦੀ ਟੀਮ ‘ਤੇ ਜਾਨਲੇਵਾ ਹਮਲਾ, ਡਰਾਈਵਰ-ਗਨਮੈਨ ਜ਼ਖਮੀ

ਮਹਿਲਾ IAS ਤੇ ਉਨ੍ਹਾਂ ਦੀ ਟੀਮ ‘ਤੇ ਜਾਨਲੇਵਾ ਹਮਲਾ, ਡਰਾਈਵਰ-ਗਨਮੈਨ ਜ਼ਖਮੀ

ਓਵਰਲੋਡਿਡ ਵਾਹਨਾਂ ਦੀ ਚੈਕਿੰਗ ਦੌਰਾਨ ਆਈਏਐਸ ਅਧਿਕਾਰੀ ਅਤੇ ਟੀਮ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ।

ਓਵਰਲੋਡਿਡ ਵਾਹਨਾਂ ਦੀ ਚੈਕਿੰਗ ਦੌਰਾਨ ਆਈਏਐਸ ਅਧਿਕਾਰੀ ਅਤੇ ਟੀਮ ਨੂੰ ਜਾਨ ਤੋਂ ਮਾਰਨ ਦੀ ਧਮਕੀ।

ਏਡੀਸੀ ਅਤੇ ਆਰਟੀਏ ਪ੍ਰੀਤੀ ਨੇ ਦੱਸਿਆ ਕਿ ਹਰਿਆਣਾ ਦੇ ਗ੍ਰਹਿ ਮੰਤਰੀ ਅਨਿਲ ਵਿਜ ਦੇ ਦਖਲ ਤੋਂ ਬਾਅਦ ਪੁਲਿਸ ਨੇ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ।

  • Share this:
    ਗੈਰਕਾਨੂੰਨੀ ਓਵਰਲੋਡ ਵਾਹਨਾਂ 'ਤੇ ਸ਼ਿੰਕਜਾ ਕੱਸਣ ਵਿਚ ਲੱਗੀ ਆਈਏਐਸ ਅਧਿਕਾਰੀ ਪ੍ਰੀਤੀ 'ਤੇ ਜਾਨਲੇਵਾ ਹਮਲਾ ਕੀਤਾ ਗਿਆ। ਇਸ ਦੌਰਾ ਆਈਏਐਸ ਅਧਿਕਾਰੀ ਤਾਂ ਬਚ ਗਈ ਪਰ ਉਨ੍ਹਾਂ ਦਾ ਡਰਾਈਵਰ, ਗੰਨਮੈਨ ਅਤੇ ਹੋਰ ਕਰਮਚਾਰੀ ਜ਼ਖਮੀ ਹੋ ਗਏ। ਮਾਮਲੇ ਦੀ ਜਾਣਕਾਰੀ ਦਿੰਦੇ ਹੋਏ ਅੰਬਾਲਾ ਵਿੱਚ ਏਡੀਸੀ ਅਤੇ ਆਰਟੀਏ ਪ੍ਰੀਤੀ ਨੇ ਦੱਸਿਆ ਕਿ ਆਰਟੀਏ ਵਿਭਾਗ ਦੁਪਹਿਰ ਤੋਂ ਹੀ ਚੈਕਿੰਗ ਕਰ ਰਿਹਾ ਸੀ। ਇਸ ਸਮੇਂ ਦੌਰਾਨ ਬਹੁਤ ਸਾਰੇ ਵਾਹਨ ਇੰਪਾਊਂਡ ਕੀਤੇ ਸਨ। ਉਸੇ ਸਮੇਂ ਵਿਭਾਗ ਨੇ ਅੱਗੇ ਜਾ ਕੇ ਓਵਰਲੋਡਿਡ ਵਾਹਨਾਂ ਨੂੰ ਦੇਖ ਕੇ ਉਨ੍ਹਾਂ ਦਾ ਪਿੱਛਾ ਕਰਕੇ ਰੋਕਣ ਦੀ ਕੋਸ਼ਿਸ਼ ਕੀਤੀ।

    ਮਹਿਲਾ ਅਧਿਕਾਰੀ ਨੇ ਦੱਸਿਆ ਕਿ ਇਸ ਸਮੇਂ ਦੌਰਾਨ ਇਹ ਵਾਹਨ ਪੰਜਾਬ ਦੀ ਹੱਦ ਵਿੱਚ ਦਾਖਲ ਹੋਏ। ਜਦੋਂ ਆਰਟੀਏ ਦੀ ਟੀਮ ਪੰਜਾਬ ਬਾਰਡਰ ਦੇ ਲਗਭਗ 100 ਮੀਟਰ ਤੋਂ ਹਰਿਆਣਾ ਵੱਲ ਮੁੜ ਗਈ ਤਾਂ ਟਰਾਂਸਪੋਰਟਰਾਂ ਨੇ ਆਪਣੇ ਨਿੱਜੀ ਵਾਹਨਾਂ ਵਿਚ ਆ ਕੇ ਸਾਡੇ ਸਰਕਾਰੀ ਵਾਹਨਾਂ ਨੂੰ ਘੇਰ ਲਿਆ। ਇਸ ਸਮੇਂ ਦੌਰਾਨ ਹਮਲਾਵਰਾਂ ਨੇ ਪੱਥਰਬਾਜ਼ੀ ਕੀਤੀ ਅਤੇ ਆਰਟੀਏ ਵਿਭਾਗ ਦੀ ਸਰਕਾਰੀ ਗੱਡੀ ਨੂੰ ਡੰਡਿਆਂ ਨਾਲ ਬੁਰੀ ਤਰ੍ਹਾਂ ਨੁਕਸਾਨ ਪਹੁੰਚਾਇਆ। ਏਡੀਸੀ ਦੇ ਅਨੁਸਾਰ ਹਮਲਾਵਰਾਂ ਕੋਲ ਪੈਟਰੋਲ ਦੇ ਕੈਨ ਵੀ ਮੌਜੂਦ ਸਨ। ਇਸ ਹਮਲੇ ਵਿੱਚ ਇੱਕ ਏਡੀਸੀ ਡਰਾਈਵਰ ਅਤੇ ਗੰਨਮੈਨ ਵੀ ਜ਼ਖਮੀ ਹੋਏ ਹਨ। ਏਡੀਸੀ ਦੇ ਅਨੁਸਾਰ ਇਸ ਹਮਲੇ ਵਿਚ 50 ਤੋਂ 60 ਲੋਕ ਸ਼ਾਮਲ ਸਨ, ਜਿਨ੍ਹਾਂ ਵਿਚ ਕੁਝ ਦੀ ਪਛਾਣ ਕੀਤੀ ਗਈ ਹੈ।

    ਏਡੀਸੀ ਅਤੇ ਆਰਟੀਏ ਪ੍ਰੀਤੀ ਨੇ ਦੱਸਿਆ ਕਿ ਹਰਿਆਣਾ ਦੇ ਗ੍ਰਹਿ ਮੰਤਰੀ ਅਨਿਲ ਵਿਜ ਦੇ ਦਖਲ ਤੋਂ ਬਾਅਦ ਪੁਲਿਸ ਨੇ ਵੱਖ ਵੱਖ ਧਾਰਾਵਾਂ ਤਹਿਤ ਕੇਸ ਦਰਜ ਕੀਤਾ ਹੈ। ਉਨ੍ਹਾਂ ਦੱਸਿਆ ਕਿ ਹਮਲਾਵਰਾਂ ਨੇ ਧਮਕੀ ਦਿੱਤੀ ਕਿ ਜੇ ਆਰਟੀਏ (ਅੰਬਾਲਾ) ਦੁਬਾਰਾ ਕਿਸੇ ਦਾ ਚਲਾਨ ਕਰਨ ਆਏ ਤਾਂ ਉਸ ਨੂੰ ਮਾਰ ਦਿੱਤਾ ਜਾਵੇਗਾ। ਇਸ 'ਤੇ ਇਕ ਸੋਚੀ ਸਮਝੀ ਸਾਜਿਸ਼ ਤਹਿਤ ਹਮਲਾ ਕੀਤਾ ਗਿਆ ਹੈ ਕਿਉਂਕਿ ਟੀਮ ਸਵੇਰ ਤੋਂ ਹੀ ਚਲਾਨ ਕਰ ਰਹੀ ਸੀ ਅਤੇ ਉਹ ਸਵੇਰ ਤੋਂ ਹੀ ਟੀਮ 'ਤੇ ਨਜ਼ਰ ਰੱਖ ਰਹੀ ਸੀ। ਤਕਰੀਬਨ 10-11 ਲੋਕਾਂ ਦੇ ਚਲਾਨ ਵੀ ਕੀਤੇ ਗਏ ਹਨ।

    ਮਾਮਲੇ ਨੂੰ ਗੰਭੀਰਤਾ ਨਾਲ ਲੈਂਦਿਆਂ ਅੰਬਾਲਾ ਪੁਲਿਸ ਨੇ ਵੱਖ-ਵੱਖ ਧਾਰਾਵਾਂ ਤਹਿਤ ਕੇਸ ਵੀ ਦਰਜ ਕੀਤਾ ਹੈ। ਸ਼ਿਕਾਇਤ ਦੇ ਅਧਾਰ 'ਤੇ ਕਈ ਟਰਾਂਸਪੋਰਟਰਾਂ ਸਮੇਤ ਲਗਭਗ 50 ਲੋਕਾਂ 'ਤੇ ਕੇਸ ਦਰਜ ਕੀਤਾ ਗਿਆ ਹੈ। ਮਾਮਲੇ ਦੀ ਜਾਂਚ ਚੱਲ ਰਹੀ ਹੈ ਅਤੇ ਜਲਦੀ ਹੀ ਮੁਲਜ਼ਮ ਨੂੰ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।
    Published by:Ashish Sharma
    First published:

    Tags: Attack, Haryana, IAS

    ਅਗਲੀ ਖਬਰ