• Home
  • »
  • News
  • »
  • national
  • »
  • IF THE CHILD WAS NOT BORN THE ELDERLY PARENTS FILED A CASE AGAINST THE SON IN LAW ASKED FOR THE MONEY SPENT IN THE UPBRINGING

ਬੱਚਾ ਨਾ ਹੋਣ 'ਤੇ ਬਜ਼ੁਰਗ ਮਾਪਿਆਂ ਨੇ ਨੂੰਹ-ਪੁੱਤ 'ਤੇ ਦਰਜ ਕਰਵਾਇਆ ਕੇਸ, ਮੰਗੇ ਪਰਵਰਿਸ਼ 'ਚ ਖਰਚੇ ਪੈਸੇ

ਬਜ਼ੁਰਗ ਜੋੜੇ ਨੇ ਅਦਾਲਤ 'ਚ ਅਰਜ਼ੀ ਦੇ ਕੇ ਦੱਸਿਆ ਕਿ ਵਿਆਹ ਦੇ 6 ਸਾਲ ਬੀਤ ਜਾਣ 'ਤੇ ਵੀ ਉਨ੍ਹਾਂ ਦਾ ਲੜਕਾ ਤੇ ਨੂੰਹ ਬੱਚੇ ਪੈਦਾ ਨਹੀਂ ਕਰ ਰਹੇ, ਜਿਸ ਕਾਰਨ ਉਨ੍ਹਾਂ ਨੂੰ ਕਾਫੀ ਮਾਨਸਿਕ ਪ੍ਰੇਸ਼ਾਨੀ 'ਚੋਂ ਲੰਘਣਾ ਪੈ ਰਿਹਾ ਹੈ।

ਬੱਚਾ ਨਾ ਹੋਣ 'ਤੇ ਬਜ਼ੁਰਗ ਮਾਪਿਆਂ ਨੇ ਨੂੰਹ-ਪੁੱਤ 'ਤੇ ਦਰਜ ਕਰਵਾਇਆ ਕੇਸ, ਮੰਗੇ ਪਰਵਰਿਸ਼ 'ਚ ਖਰਚੇ ਪੈਸੇ

  • Share this:
     ਹਰਿਦੁਆਰ ਹਰਿਦੁਆਰ 'ਚ ਇਕ ਅਜੀਬੋ-ਗਰੀਬ ਮਾਮਲਾ ਸਾਹਮਣੇ ਆਇਆ ਹੈ, ਜਿਸ 'ਚ ਪੋਤੇ-ਪੋਤੀਆਂ ਨੂੰ ਸੁੱਖ ਨਾ ਦੇਣ 'ਤੇ ਬਜ਼ੁਰਗ ਮਾਤਾ-ਪਿਤਾ ਆਪਣੇ ਪੁੱਤਰ ਅਤੇ ਨੂੰਹ ਨੂੰ ਅਦਾਲਤ 'ਚ ਲੈ ਗਏ। ਹਰਿਦੁਆਰ ਦੇ ਤੀਜੇ ਏਸੀਜੇ ਐਸਡੀ ਕੋਰਟ ਵਿੱਚ ਦਾਇਰ ਮੁਕੱਦਮੇ ਵਿੱਚ, ਮਾਪਿਆਂ ਨੇ ਪੁੱਤਰ ਦੇ ਪਾਲਣ-ਪੋਸ਼ਣ ਅਤੇ ਸਿੱਖਿਆ ਵਿੱਚ ਖਰਚੇ ਗਏ ਲਗਭਗ 5 ਕਰੋੜ ਰੁਪਏ ਵਾਪਸ ਕਰਨ ਦੀ ਮੰਗ ਕੀਤੀ ਹੈ।

    ਬਜ਼ੁਰਗ ਜੋੜੇ ਦੇ ਵਕੀਲ ਅਰਵਿੰਦ ਕੁਮਾਰ ਸ੍ਰੀਵਾਸਤਵ ਨੇ ਦੱਸਿਆ ਕਿ ਸੰਜੀਵ ਰੰਜਨ ਪ੍ਰਸਾਦ ਭੇਲ 'ਚ ਬਤੌਰ ਅਧਿਕਾਰੀ ਕੰਮ ਕਰਦੇ ਸੀ। ਸੇਵਾਮੁਕਤੀ ਤੋਂ ਬਾਅਦ, ਉਹ ਆਪਣੀ ਪਤਨੀ ਸਾਧਨਾ ਪ੍ਰਸਾਦ ਨਾਲ ਇੱਕ ਹਾਊਸਿੰਗ ਸੁਸਾਇਟੀ ਵਿੱਚ ਰਹਿੰਦੇ ਹਨ। ਜੋੜੇ ਨੇ ਸਾਲ 2016 ਵਿੱਚ ਆਪਣੇ ਇਕਲੌਤੇ ਪੁੱਤਰ ਸ਼੍ਰੇ ਸਾਗਰ ਦਾ ਵਿਆਹ ਨੋਇਡਾ ਦੀ ਸ਼ੁਭਾਂਗੀ ਸਿਨਹਾ ਨਾਲ ਕੀਤਾ ਸੀ। ਸ਼੍ਰੇ ਸਾਗਰ ਪਾਇਲਟ ਹਨ, ਜਦਕਿ ਉਨ੍ਹਾਂ ਦੀ ਪਤਨੀ ਸ਼ੁਭਾਂਗੀ ਵੀ ਨੋਇਡਾ 'ਚ ਕੰਮ ਕਰਦੀ ਹੈ। ਬਜ਼ੁਰਗ ਜੋੜੇ ਨੇ ਅਦਾਲਤ 'ਚ ਅਰਜ਼ੀ ਦੇ ਕੇ ਦੱਸਿਆ ਕਿ ਵਿਆਹ ਦੇ 6 ਸਾਲ ਬੀਤ ਜਾਣ 'ਤੇ ਵੀ ਉਨ੍ਹਾਂ ਦਾ ਲੜਕਾ ਤੇ ਨੂੰਹ ਬੱਚੇ ਪੈਦਾ ਨਹੀਂ ਕਰ ਰਹੇ, ਜਿਸ ਕਾਰਨ ਉਨ੍ਹਾਂ ਨੂੰ ਕਾਫੀ ਮਾਨਸਿਕ ਪ੍ਰੇਸ਼ਾਨੀ 'ਚੋਂ ਲੰਘਣਾ ਪੈ ਰਿਹਾ ਹੈ।

    ਪਾਲਣ ਪੋਸ਼ਣ ਵਿੱਚ ਖਰਚਿਆ ਪੈਸਾ ਵਾਪਸ ਮੰਗਿਆ

    ਭਾਵੇਂ ਮਾਤਾ-ਪਿਤਾ ਆਪਣੇ ਬੱਚਿਆਂ ਦੇ ਪਾਲਣ-ਪੋਸ਼ਣ ਲਈ ਆਪਣੀ ਸਾਰੀ ਜਮ੍ਹਾਂ ਰਾਸ਼ੀ ਲਗਾ ਦਿੰਦੇ ਹਨ ਪਰ ਹਰਿਦੁਆਰ ਦੇ ਇਸ ਜੋੜੇ ਨੇ ਅਦਾਲਤ ਨੂੰ ਅਪੀਲ ਕੀਤੀ ਹੈ ਕਿ ਉਨ੍ਹਾਂ ਦੇ ਪੁੱਤਰ ਦੀ ਪਰਵਰਿਸ਼ 'ਚ ਖਰਚੇ ਗਏ ਕਰੀਬ 5 ਕਰੋੜ ਰੁਪਏ ਨੂੰਹ ਅਤੇ ਬੇਟੇ ਤੋਂ ਵਾਪਸ ਦਿਵਾਏ ਜਾਣ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪੁੱਤਰ ਨੂੰ ਇੰਨਾ ਕਾਬਲ ਬਣਾਉਣ ਦੇ ਬਾਵਜੂਦ ਜੇਕਰ ਉਸ ਨੂੰ ਬੁਢਾਪੇ ਵਿਚ ਇਕੱਲੇ ਰਹਿਣਾ ਪਵੇ ਤਾਂ ਇਹ ਉਸ ਨਾਲ ਜ਼ੁਲਮ ਕਰਨ ਦੇ ਬਰਾਬਰ ਹੈ। ਬਜ਼ੁਰਗ ਜੋੜੇ ਦੀ ਬੇਨਤੀ 'ਤੇ ਅਦਾਲਤ 'ਚ ਮਾਮਲਾ ਦਰਜ ਕਰ ਲਿਆ ਗਿਆ ਹੈ। ਮਾਮਲੇ ਦੀ ਅਗਲੀ ਸੁਣਵਾਈ ਲਈ 17 ਮਈ ਦੀ ਤਰੀਕ ਤੈਅ ਕੀਤੀ ਗਈ ਹੈ।
    Published by:Ashish Sharma
    First published: