ਬੰਗਲੁਰੂ :ਔਰਤ ਨਾਲ ਬਲਾਤਕਾਰ, ਬਦਸਲੂਕੀ ਦੇ ਮਾਮਲੇ ‘ਚ ਲੜਕੀ ਸਣੇ 6 ਬੰਗਲਾਦੇਸ਼ੀ ਗ੍ਰਿਫਤਾਰ

News18 Punjabi | News18 Punjab
Updated: May 28, 2021, 3:34 PM IST
share image
ਬੰਗਲੁਰੂ :ਔਰਤ ਨਾਲ ਬਲਾਤਕਾਰ, ਬਦਸਲੂਕੀ ਦੇ ਮਾਮਲੇ ‘ਚ ਲੜਕੀ ਸਣੇ 6 ਬੰਗਲਾਦੇਸ਼ੀ ਗ੍ਰਿਫਤਾਰ
ਬੰਗਲੁਰੂ :ਔਰਤ ਨਾਲ ਬਲਾਤਕਾਰ, ਬਦਸਲੂਕੀ ਦੇ ਮਾਮਲੇ ‘ਚ ਲੜਕੀ ਸਣੇ 6 ਬੰਗਲਾਦੇਸ਼ੀ ਗ੍ਰਿਫਤਾਰ

  • Share this:
  • Facebook share img
  • Twitter share img
  • Linkedin share img
ਬੰਗਲੁਰੂ ਇਕ ਔਰਤ ਨਾਲ ਬਦਸਲੂਕੀ ਅਤੇ ਬਲਾਤਕਾਰ ਕਰਨ ਦੇ ਦੋਸ਼ ਹੇਠ ਛੇ ਗੈਰਕਾਨੂੰਨੀ ਬੰਗਲਾਦੇਸ਼ੀਆਂ ਨੂੰ ਗ੍ਰਿਫਤਾਰ ਕੀਤਾ ਗਿਆ ਹੈ। ਇਸ ਘਟਨਾ ਦਾ ਇਕ ਵੀਡੀਓ ਵੀ ਵਾਇਰਲ ਹੋਇਆ ਹੈ। ਬੰਗਲੁਰੂ ਪੁਲਿਸ ਨੇ ਇੱਕ ਜਾਰੀ ਬਿਆਨ ਵਿੱਚ ਕਿਹਾ ਕਿ ਵੀਡੀਓ ਕਲਿੱਪ ਦੇ ਅਧਾਰ ਤੇ, ਇੱਕ ਔਰਤ ਸਣੇ ਪੰਜ ਮੁਲਜ਼ਮਾਂ ਨੂੰ ਤੁਰੰਤ ਬੰਗਲੁਰੂ ਸ਼ਹਿਰ ਦੀ ਪੁਲਿਸ ਨੇ ਲੱਭ ਕੇ ਗ੍ਰਿਫਤਾਰ ਕਰ ਲਿਆ ਹੈ। ਵੀਡੀਓ ਵਿਚ ਇਹ ਲੋਕ ਔਰਤ ਨਾਲ ਬਲਾਤਕਾਰ ਅਤੇ ਤੰਗ ਪ੍ਰੇਸ਼ਾਨ ਕਰਦੇ ਦਿਖਾਈ ਦੇ ਰਹੇ ਹਨ।

ਫਿਲਹਾਲ ਪੀੜਤਾ ਗੁਆਂਢੀ ਰਾਜ ਵਿੱਚ ਹੈ ਅਤੇ ਪੁਲਿਸ ਟੀਮ ਉਸ ਨੂੰ ਲੱਭਣ ਗਈ ਹੈ ਤਾਂ ਜੋ ਉਸਨੂੰ ਜਾਂਚ ਵਿੱਚ ਸ਼ਾਮਲ ਕੀਤਾ ਜਾ ਸਕੇ। ਪੁਲਿਸ ਨੇ ਦੱਸਿਆ ਕਿ ਸਾਰੇ ਦੋਸ਼ੀ ਬੰਗਲਾਦੇਸ਼ ਨਾਲ ਸਬੰਧਤ ਹਨ ਅਤੇ ਇਹ ਘਟਨਾ ਆਰਥਿਕ ਲੈਣ-ਦੇਣ ਦੇ ਵਿਵਾਦ ਨੂੰ ਲੈ ਕੇ ਕੀਤੀ ਗਈ ਸੀ। ਇਸ ਮਾਮਲੇ ਵਿੱਚ ਮੁਲਜ਼ਮਾਂ ਵਿੱਚੋਂ 2 ਔਰਤਾਂ ਹਨ।



ਵੀਡੀਓ ਵਿਚ ਇਕ ਔਰਤ ਨੂੰ ਦੋਸ਼ੀ ਵੱਲੋਂ ਪ੍ਰੇਸ਼ਾਨ ਕਰਦਿਆਂ ਵਿਖਾਇਆ ਗਿਆ ਹੈ। ਵਾਇਰਲ ਵੀਡੀਓ ਵਿਚ ਦੋਸ਼ੀ ਔਰਤ ਦੇ ਪ੍ਰਾਈਵੇਟ ਹਿੱਸੇ ਵਿਚ ਬੋਤਲ ਪਾਉਂਦੇ ਵੀ ਵੇਖੇ ਜਾ ਸਕਦੇ ਹਨ। ਇਸ ਤੋਂ ਬਾਅਦ, 22 ਸਾਲਾ ਔਰਤ ਨਾਲ ਕਥਿਤ ਤੌਰ 'ਤੇ ਸਮੂਹਿਕ ਬਲਾਤਕਾਰ ਕੀਤਾ ਗਿਆ।



ਇਹ ਘਟਨਾ ਕਰੀਬ ਛੇ ਦਿਨ ਪਹਿਲਾਂ ਦੱਸੀ ਜਾ ਰਹੀ ਹੈ। ਇਸ ਸਬੰਧ ਵਿੱਚ ਬੰਗਲੁਰੂ ਪੁਲਿਸ ਨੇ ਕਿਹਾ ਕਿ ਵੀਡੀਓ ਕਲਿੱਪ ਅਤੇ ਦੋਸ਼ੀ ਵਿਅਕਤੀਆਂ ਦੀ ਪੁੱਛਗਿੱਛ ਦੌਰਾਨ ਸਾਹਮਣੇ ਆਏ ਤੱਥਾਂ ਦੇ ਅਧਾਰ ‘ਤੇ ਦੋਸ਼ੀਆਂ ਖਿਲਾਫ ਬਲਾਤਕਾਰ, ਹਮਲੇ ਦੇ ਦੋਸ਼ਾਂ ਅਤੇ ਹੋਰ ਮਾਮਲਿਆਂ ਦੀਆਂ ਧਾਰਾਵਾਂ ਲਗਾਈਆਂ ਗਈਆਂ ਹਨ। ਸਥਾਨਕ ਪੁਲਿਸ ਨੇ ਕਿਹਾ ਕਿ ਹੁਣ ਤੱਕ ਸਾਹਮਣੇ ਆਈ ਜਾਣਕਾਰੀ ਦੇ ਅਨੁਸਾਰ, ਉਹ ਸਾਰੇ ਇਕੋ ਸਮੂਹ ਦੇ ਹਨ ਅਤੇ ਮੰਨਿਆ ਜਾਂਦਾ ਹੈ ਕਿ ਉਹ ਬੰਗਲਾਦੇਸ਼ ਦੇ ਹਨ। ਪੈਸੇ ਦੇ ਝਗੜੇ ਕਾਰਨ ਮੁਲਜ਼ਮ ਨੇ ਪੀੜਤਾ ਨੂੰ ਕੁੱਟਿਆ।



ਇਸ ਸੰਬੰਧ ਵਿਚ ਅਸਾਮ ਪੁਲਿਸ ਨੇ ਇਕ ਟਵੀਟ ਕੀਤਾ। ਉਨ੍ਹਾਂ ਕਿਹਾ, 'ਇਹ ਤਸਵੀਰਾਂ 5 ਦੋਸ਼ੀਆਂ ਦੀਆਂ ਹਨ ਜੋ ਇਕ ਵਾਇਰਲ ਹੋਈ ਵੀਡੀਓ ਵਿਚ ਇਕ ਜਵਾਨ ਲੜਕੀ 'ਤੇ ਬੇਰਹਿਮੀ ਨਾਲ ਤਸ਼ੱਦਦ ਕਰ ਰਹੀਆਂ ਹਨ। ਇਸ ਘਟਨਾ ਦਾ ਸਮਾਂ ਜਾਂ ਸਥਾਨ ਸਪਸ਼ਟ ਨਹੀਂ ਹੈ। ਜੇ ਕਿਸੇ ਨੂੰ ਇਸ ਬਾਰੇ ਜਾਣਕਾਰੀ ਹੋਵੇ ਤਾਂ ਉਸਨੂੰ ਪੁਲਿਸ ਨਾਲ ਸੰਪਰਕ ਕਰਨਾ ਚਾਹੀਦਾ ਹੈ।
Published by: Ashish Sharma
First published: May 28, 2021, 3:33 PM IST
ਹੋਰ ਪੜ੍ਹੋ
ਅਗਲੀ ਖ਼ਬਰ