99 ਸਾਲ ਦੀ ਲੀਜ਼ 'ਤੇ ਨਹਿਰੂ-ਗਾਂਧੀ ਨੇ ਅੰਗਰੇਜ਼ਾਂ ਤੋਂ ਆਜ਼ਾਦੀ ਲਈ ਸੀ: LIVE ਸ਼ੋਅ 'ਚ ਬੋਲੀ BJP ਬੁਲਾਰਨ

ਰੁਚੀ ਦਾ ਕਹਿਣਾ ਹੈ ਕਿ ਭਾਰਤ ਪੂਰੀ ਤਰ੍ਹਾਂ ਆਜ਼ਾਦ ਨਹੀਂ ਹੈ। ਇਹ ਆਜ਼ਾਦੀ 99 ਸਾਲਾਂ ਦੇ ਲੀਜ਼ 'ਤੇ ਲਈ ਗਈ ਹੈ। ਬ੍ਰਿਟਿਸ਼ ਕਰਾਊਨ ਨੇ ਭਾਰਤ ਨੂੰ 99 ਸਾਲ ਦੀ ਲੀਜ਼ 'ਤੇ ਆਜ਼ਾਦੀ ਦਿੱਤੀ ਹੈ ਅਤੇ ਇਸ ਲਈ ਕਾਂਗਰਸ ਵੀ ਜ਼ਿੰਮੇਵਾਰ ਹੈ।

99 ਸਾਲ ਦੀ ਲੀਜ਼ 'ਤੇ ਨਹਿਰੂ-ਗਾਂਧੀ ਨੇ ਅੰਗਰੇਜ਼ਾਂ ਤੋਂ ਆਜ਼ਾਦੀ ਲਈ ਸੀ: ਬੀਜੇਪੀ ਬੁਲਾਰਨ( IMAGE-TWITTER)

99 ਸਾਲ ਦੀ ਲੀਜ਼ 'ਤੇ ਨਹਿਰੂ-ਗਾਂਧੀ ਨੇ ਅੰਗਰੇਜ਼ਾਂ ਤੋਂ ਆਜ਼ਾਦੀ ਲਈ ਸੀ: ਬੀਜੇਪੀ ਬੁਲਾਰਨ( IMAGE-TWITTER)

  • Share this:
    ਨਵੀਂ ਦਿੱਲੀ :  ਦੇਸ਼ ਨੂੰ 99 ਸਾਲ ਦੀ ਲੀਜ਼ 'ਤੇ ਅੰਗਰੇਜ਼ਾਂ ਤੋਂ ਆਜ਼ਾਦੀ ਮਿਲੀ ਹੈ। ਇਸ ਗੱਲ ਦਾ ਪ੍ਰਗਟਾਵਾ ਭਾਰਤੀ ਜਨਤਾ ਪਾਰਟੀ ਦੇ ਯੁਵਾ ਮੋਰਚਾ ਦੀ ਬੁਲਾਰਨ ਰੂਚੀ ਪਾਠਕ ਨੇ ਕੀਤਾ ਹੈ। ਉਨ੍ਹਾਂ ਨੇ ਲਾਲਨਟੋਪ ਦੇ ਲਾਈਵ ਸ਼ੋਅ ਵਿੱਚ ਬੀਜੇਪੀ ਵੱਲੋਂ ਰੱਖੇ ਪੱਖ ਵਿੱਚ ਇਹ ਜਾਣਕਾਰੀ ਦਿੱਤੀ। ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ ਅਤੇ ਇਸ 'ਤੇ ਤਿੱਖੀਆਂ ਪ੍ਰਤੀਕਿਰਿਆਵਾਂ ਆ ਰਹੀਆਂ ਹਨ।

    ਬਹਿਸ ਵਿੱਚ ਆਜ਼ਾਦੀ ਅਤੇ ਕਾਂਗਰਸ ਨੂੰ ਲੈ ਕੇ ਰੁਚੀ ਪਾਠਕ ਦੀ ਪ੍ਰਤੀਕਿਰਿਆ ਦੇਖ ਕੇ ਹਰ ਕੋਈ ਹੈਰਾਨ ਰਹਿ ਗਿਆ। ਇੰਨਾ ਹੀ ਨਹੀਂ ਰੁਚੀ ਆਪਣੇ ਦਾਅਵੇ ਦੇ ਪੱਖ 'ਚ ਦਲੀਲਾਂ ਦਿੰਦੀ ਵੀ ਨਜ਼ਰ ਆਈ। ਰੁਚੀ ਦਾ ਕਹਿਣਾ ਹੈ ਕਿ ਭਾਰਤ ਪੂਰੀ ਤਰ੍ਹਾਂ ਆਜ਼ਾਦ ਨਹੀਂ ਹੈ। ਇਹ ਆਜ਼ਾਦੀ 99 ਸਾਲਾਂ ਦੇ ਲੀਜ਼ 'ਤੇ ਲਈ ਗਈ ਹੈ। ਬ੍ਰਿਟਿਸ਼ ਕਰਾਊਨ ਨੇ ਭਾਰਤ ਨੂੰ 99 ਸਾਲ ਦੀ ਲੀਜ਼ 'ਤੇ ਆਜ਼ਾਦੀ ਦਿੱਤੀ ਹੈ ਅਤੇ ਇਸ ਲਈ ਕਾਂਗਰਸ ਵੀ ਜ਼ਿੰਮੇਵਾਰ ਹੈ।


    ਰੁਚੀ ਨੇ ਕਿਹਾ ਕਿ ‘ਤੁਸੀਂ 99 ਸਾਲਾਂ ਲਈ ਲੀਜ਼ 'ਤੇ ਆਜ਼ਾਦੀ ਲੈਣ ਦੇ ਯੋਗ ਸੀ। ਜੇ ਤੁਹਾਡੇ ਕੋਲ ਇੰਨਾ ਹੁਨਰ ਹੁੰਦਾ ਤਾਂ ਤੁਸੀਂ ਪੂਰੀ ਆਜ਼ਾਦੀ ਲੈ ਲੈਂਦੇ। ਤੁਸੀਂ ਇਸ ਨੂੰ ਉਸ ਸਮੇਂ ਲੀਜ਼ 'ਤੇ ਕਿਉਂ ਲਿਆ ਸੀ? ਇਹ ਆਜ਼ਾਦੀ 99 ਸਾਲਾਂ ਲਈ ਲੀਜ਼ 'ਤੇ ਹੈ। ਭਾਰਤ ਪੂਰੀ ਤਰ੍ਹਾਂ ਆਜ਼ਾਦ ਨਹੀਂ ਹੈ। ਤੁਸੀਂ ਇਤਿਹਾਸ ਦੇ ਪੰਨੇ ਚੁੱਕ ਕੇ ਦੇਖੋ, ਉਹ ਨੇਤਾ ਜੋ ਉਸ ਸਮੇਂ ਬ੍ਰਿਟਿਸ਼ ਸਰਕਾਰ ਵਿੱਚ ਸਨ...ਜਦੋਂ ਆਜ਼ਾਦੀ ਦੀ ਗੱਲ ਹੋਈ ਸੀ ਅਤੇ ਆਜ਼ਾਦੀ ਦੇ ਆਗੂ, ਸਤਿਕਾਰਯੋਗ ਨਹਿਰੂ ਅਤੇ ਮਹਾਤਮਾ ਗਾਂਧੀ ਅੱਗੇ ਸਨ।‘


    ਉਨ੍ਹਾਂ ਅੱਗੇ ਕਿਹਾ, 'ਉਹ (ਅੰਗਰੇਜ਼) ਸਰਕਾਰ ਨਹੀਂ ਦੇਣਾ ਚਾਹੁੰਦੇ ਸਨ ਅਤੇ ਉਨ੍ਹਾਂ ਨੇ ਸਹੁੰ ਚੁੱਕੀ ਸੀ ਕਿਉਂਕਿ ਉਸ ਸਮੇਂ ਚੋਣਾਂ ਨਹੀਂ ਹੋਈਆਂ ਸਨ। ਨਹਿਰੂ ਗਾਂਧੀ ਨੇ ਕਿਸਨੂੰ ਸਹੁੰ ਚੁਕਾਈ ਸੀ? ਬ੍ਰਿਟਿਸ਼ ਤਾਜ ਦੀ ਸਹੁੰ ਚੁੱਕੀ ਗਈ ਨਾ ਕਿ ਭਾਰਤ ਦੇ ਸੰਵਿਧਾਨ ਦੀ ਸਹੁੰ ਚੁੱਕੀ ਗਈ। ਪ੍ਰਧਾਨ ਮੰਤਰੀ ਪਹਿਲਾਂ ਬਣੇ ਸਨ... 1951 ਵਿੱਚ ਚੋਣਾਂ ਹੋਈਆਂ, ਫਿਰ ਪਾਰਟੀ ਬਣੀ ਅਤੇ ਸੰਵਿਧਾਨ ਲਾਗੂ ਹੋਇਆ। ਭਾਰਤ ਪੂਰੀ ਤਰ੍ਹਾਂ ਆਜ਼ਾਦ ਨਹੀਂ ਹੈ ਅਤੇ ਇਹ ਵੀ ਕਾਂਗਰਸ ਵਾਲਿਆਂ ਦਾ ਤੋਹਫ਼ਾ ਹੈ।'


    ਕਾਂਗਰਸ ਨੇਤਾ ਸ਼੍ਰੀਨਿਵਾਸ ਬੀਵੀ ਨੇ ਵੀਡੀਓ ਸ਼ੇਅਰ ਕਰਕੇ ਰੁਚੀ ਪਾਠਕ 'ਤੇ ਜ਼ੋਰਦਾਰ ਹਮਲਾ ਕੀਤਾ ਹੈ। ਉਨ੍ਹਾਂ ਦੇ ਬਿਆਨ 'ਤੇ ਚੁਟਕੀ ਲੈਂਦੇ ਹੋਏ ਟਵੀਟ ਕੀਤਾ, 'ਇਹ ਤਾਜ਼ਾ ਅਤੇ ਏਪਿਕ ਹੈ। ਵਟਸਐਪ ਮੁਤਾਬਕ ਕਾਂਗਰਸ ਨੇ ਭਾਰਤ ਨੂੰ 99 ਸਾਲ ਦੀ ਲੀਜ਼ 'ਤੇ ਆਜ਼ਾਦ ਕਰਵਾਇਆ ਸੀ। ਮੈਂ ਇਸ ਵਟਸਐਪ ਗ੍ਰੈਜੂਏਟ ਨੂੰ ਸੰਬਿਤ ਪਾਤਰਾ ਅਤੇ ਅਮਿਤ ਮਾਲਵੀਆ ਐਂਡ ਕੰਪਨੀ ਲਈ ਵੱਡਾ ਖਤਰਾ ਸਮਝਦਾ ਹਾਂ।'


    ਫਿਲਮ ਨਿਰਮਾਤਾ ਵਿਨੋਦ ਕਾਪਰੀ ਨੇ ਟਵੀਟ ਕੀਤਾ, 'ਵਟਸਐਪ ਨੇ ਕੀ ਹਾਲ ਕਰ ਦੀਆ'। ਪੱਤਰਕਾਰ ਅਜੀਤ ਅੰਜੁਮ ਨੇ ਆਪਣੇ ਟਵੀਟ 'ਚ ਲਿਖਿਆ, 'ਇਹ ਵਟਸਐਪ ਯੂਨੀਵਰਸਿਟੀ ਤੋਂ ਜ਼ਿਆਦਾ ਗਿਆਨ ਹੈ। ਕੀ ਭਾਜਪਾ ਆਈਟੀ ਸੈੱਲ ਦੇ ਅਮਿਤ ਮਾਲਵੀਆ ਅਜਿਹੇ ਬੇਮਿਸਾਲ ਗਿਆਨ ਲਈ ਵੱਖਰੀ ਕੋਚਿੰਗ ਚਲਾ ਰਹੇ ਹਨ?'
    Published by:Sukhwinder Singh
    First published: