Home /News /national /

Lumpy Skin disease: ਰਾਜਸਥਾਨ ਦੇ 7 ਜ਼ਿਲ੍ਹਿਆਂ 'ਚ ਫੈਲੀ ਬਿਮਾਰੀ, ਹਜ਼ਾਰਾਂ ਗਾਵਾਂ ਦੀ ਮੌਤ, ਅਲਰਟ ਜਾਰੀ

Lumpy Skin disease: ਰਾਜਸਥਾਨ ਦੇ 7 ਜ਼ਿਲ੍ਹਿਆਂ 'ਚ ਫੈਲੀ ਬਿਮਾਰੀ, ਹਜ਼ਾਰਾਂ ਗਾਵਾਂ ਦੀ ਮੌਤ, ਅਲਰਟ ਜਾਰੀ

Lumpy skin havoc: ਰਾਜਸਥਾਨ ਦੇ 7 ਜ਼ਿਲ੍ਹਿਆਂ 'ਚ ਫੈਲੀ ਬਿਮਾਰੀ, ਹਜ਼ਾਰਾਂ ਗਾਵਾਂ ਦੀ ਮੌਤ, ਅਲਰਟ ਜਾਰੀ  (ਸੰਕੇਤਕ ਫੋਟੋ)

Lumpy skin havoc: ਰਾਜਸਥਾਨ ਦੇ 7 ਜ਼ਿਲ੍ਹਿਆਂ 'ਚ ਫੈਲੀ ਬਿਮਾਰੀ, ਹਜ਼ਾਰਾਂ ਗਾਵਾਂ ਦੀ ਮੌਤ, ਅਲਰਟ ਜਾਰੀ (ਸੰਕੇਤਕ ਫੋਟੋ)

ਲੰਪੀ ਵਾਇਰਸ ਦੀ ਲਾਗ ਨੂੰ ਰੋਕਣ ਲਈ ਨਾ ਤਾਂ ਕੋਈ ਖਾਸ ਟੀਕਾ ਉਪਲਬਧ ਹੈ ਅਤੇ ਨਾ ਹੀ ਇਸ ਬਿਮਾਰੀ ਦੀ ਰੋਕਥਾਮ ਲਈ ਬਾਜ਼ਾਰ ਵਿਚ ਦਵਾਈਆਂ ਹਨ। ਅਜੇ ਤੱਕ ਵੈਟਰਨਰੀ ਵਿਭਾਗ ਬੁਖਾਰ ਦੀਆਂ ਦਵਾਈਆਂ ਦੇ ਨਾਲ-ਨਾਲ ਐਂਟੀਬਾਇਓਟਿਕਸ ਰਾਹੀਂ ਹੀ ਇਲਾਜ ਕਰ ਰਿਹਾ ਹੈ। Lumpy ਵਾਇਰਸ ਦੇ ਇਨਫੈਕਸ਼ਨ ਦੇ ਖਤਰੇ ਦੇ ਮੱਦੇਨਜ਼ਰ ਕੇਂਦਰੀ ਟੀਮ ਰਾਜਸਥਾਨ ਦੇ ਦੌਰੇ 'ਤੇ ਆਈ ਹੈ।

ਹੋਰ ਪੜ੍ਹੋ ...
  • Share this:

ਰਾਜਸਥਾਨ ਦੇ ਸਰਹੱਦੀ ਜ਼ਿਲ੍ਹਿਆਂ ਦੀਆਂ ਗਾਵਾਂ ਵਿੱਚ ਲੰਪੀ ਸਕਿੱਨ ਬਿਮਾਰੀ (Lumpy skin disease) ਤੇਜ਼ੀ ਨਾਲ ਫੈਲ ਰਹੀ ਹੈ। ਗੁਜਰਾਤ ਅਤੇ ਪਾਕਿਸਤਾਨ ਦੀ ਸਰਹੱਦ ਨਾਲ ਲੱਗਦੇ ਸੱਤ ਤੋਂ ਵੱਧ ਜ਼ਿਲ੍ਹਿਆਂ ਵਿੱਚ ਹਜ਼ਾਰਾਂ ਗਾਵਾਂ ਇਸ ਬਿਮਾਰੀ ਦੀ ਲਪੇਟ ਵਿੱਚ ਆ ਗਈਆਂ ਹਨ। ਇਨ੍ਹਾਂ ਵਿੱਚੋਂ ਹਜ਼ਾਰਾਂ ਗਾਵਾਂ ਦੀ ਵੀ ਮੌਤ ਹੋ ਚੁੱਕੀ ਹੈ। ਰਾਜਸਥਾਨ ਦੀਆਂ ਵੱਡੀਆਂ ਗਊਸ਼ਾਲਾਵਾਂ ਵਿੱਚ ਇਹ ਬਿਮਾਰੀ ਜ਼ਿਆਦਾ ਫੈਲ ਰਹੀ ਹੈ।

ਇੱਥੇ ਸੈਂਕੜੇ ਗਾਵਾਂ ਇੱਕ ਦੂਜੇ ਦੇ ਸੰਪਰਕ ਵਿੱਚ ਆਉਣ ਕਾਰਨ ਇਸ ਦਾ ਪਸਾਰ ਵਧਦਾ ਜਾ ਰਿਹਾ ਹੈ। ਰਾਜ ਸਰਕਾਰ ਨੇ ਸਾਰੇ ਪ੍ਰਭਾਵਿਤ ਜ਼ਿਲ੍ਹਿਆਂ ਦੇ ਨਾਲ-ਨਾਲ ਨੇੜਲੇ ਜ਼ਿਲ੍ਹਿਆਂ ਵਿੱਚ ਅਲਰਟ ਜਾਰੀ ਕੀਤਾ ਹੈ ਅਤੇ ਪਸ਼ੂ ਪਾਲਣ ਵਿਭਾਗ ਦੀਆਂ ਟੀਮਾਂ ਨੂੰ ਮੈਦਾਨ ਵਿੱਚ ਉਤਾਰਿਆ ਹੈ।

ਪਸ਼ੂ ਪਾਲਣ ਮੰਤਰੀ ਲਾਲਚੰਦ ਕਟਾਰੀਆ ਨੇ ਵਿਭਾਗ ਦੇ ਉੱਚ ਅਧਿਕਾਰੀਆਂ ਨਾਲ ਮੀਟਿੰਗ ਕੀਤੀ ਅਤੇ ਪ੍ਰਭਾਵਿਤ ਜ਼ਿਲ੍ਹਿਆਂ ਦੇ ਕੁਲੈਕਟਰ ਨਾਲ ਗੱਲਬਾਤ ਕਰਦਿਆਂ ਸੂਬੇ ਦੇ ਪੱਛਮੀ ਜ਼ਿਲ੍ਹਿਆਂ ਦੇ ਪਸ਼ੂਆਂ ਵਿੱਚ ਫੈਲ ਰਹੀ ਬਿਮਾਰੀ ਦੀ ਸਥਿਤੀ ਅਤੇ ਇਸ ਨੂੰ ਰੋਕਣ ਲਈ ਕੀਤੇ ਜਾ ਰਹੇ ਯਤਨਾਂ ਦਾ ਜਾਇਜ਼ਾ ਲਿਆ।

ਉਨ੍ਹਾਂ ਬਿਮਾਰੀ ਦੇ ਇਲਾਜ ਅਤੇ ਰੋਕਥਾਮ ਲਈ ਪ੍ਰਭਾਵੀ ਕਦਮ ਚੁੱਕਣ ਦੇ ਨਿਰਦੇਸ਼ ਦਿੱਤੇ ਹਨ। ਪੱਛਮੀ ਰਾਜਸਥਾਨ ਦੇ ਜੈਸਲਮੇਰ, ਜਲੌਰ, ਬਾੜਮੇਰ, ਸਿਰੋਹੀ, ਜੋਧਪੁਰ ਅਤੇ ਬੀਕਾਨੇਰ ਜ਼ਿਲ੍ਹਿਆਂ ਦੀਆਂ ਗਾਵਾਂ ਵਿੱਚ ਇਹ ਛੂਤ ਦੀ ਬਿਮਾਰੀ ਤੇਜ਼ੀ ਨਾਲ ਫੈਲ ਰਹੀ ਹੈ।

ਲੰਪੀ ਵਾਇਰਸ ਦੀ ਲਾਗ ਨੂੰ ਰੋਕਣ ਲਈ ਨਾ ਤਾਂ ਕੋਈ ਖਾਸ ਟੀਕਾ ਉਪਲਬਧ ਹੈ ਅਤੇ ਨਾ ਹੀ ਇਸ ਬਿਮਾਰੀ ਦੀ ਰੋਕਥਾਮ ਲਈ ਬਾਜ਼ਾਰ ਵਿਚ ਦਵਾਈਆਂ ਹਨ। ਅਜੇ ਤੱਕ ਵੈਟਰਨਰੀ ਵਿਭਾਗ ਬੁਖਾਰ ਦੀਆਂ ਦਵਾਈਆਂ ਦੇ ਨਾਲ-ਨਾਲ ਐਂਟੀਬਾਇਓਟਿਕਸ ਰਾਹੀਂ ਹੀ ਇਲਾਜ ਕਰ ਰਿਹਾ ਹੈ। Lumpy ਵਾਇਰਸ ਦੇ ਇਨਫੈਕਸ਼ਨ ਦੇ ਖਤਰੇ ਦੇ ਮੱਦੇਨਜ਼ਰ ਕੇਂਦਰੀ ਟੀਮ ਰਾਜਸਥਾਨ ਦੇ ਦੌਰੇ 'ਤੇ ਆਈ ਹੈ। ਇਹ ਟੀਮ ਰਾਜਸਥਾਨ ਦੇ ਵਾਇਰਸ ਪ੍ਰਭਾਵਿਤ ਜ਼ਿਲ੍ਹਿਆਂ ਦਾ ਦੌਰਾ ਕਰੇਗੀ ਅਤੇ ਇਸ ਨੂੰ ਕਾਬੂ ਕਰਨ ਲਈ ਜ਼ਰੂਰੀ ਕਦਮ ਚੁੱਕਣ ਦੀ ਕੋਸ਼ਿਸ਼ ਕਰੇਗੀ।

Published by:Gurwinder Singh
First published:

Tags: Cow, Cow urine, Disease, Lumpy skin