Home /News /national /

ਸਿੱਲ੍ਹ ਕਾਰਨ ਬੈਂਕ 'ਚ ਗਲ-ਸੜ ਗਏ 42 ਲੱਖ ਰੁਪਏ, ਚਾਰ ਅਧਿਕਾਰੀ ਸਸਪੈਂਡ

ਸਿੱਲ੍ਹ ਕਾਰਨ ਬੈਂਕ 'ਚ ਗਲ-ਸੜ ਗਏ 42 ਲੱਖ ਰੁਪਏ, ਚਾਰ ਅਧਿਕਾਰੀ ਸਸਪੈਂਡ

ਬਾਰਸ਼ ਕਾਰਨ ਬੈਂਕ 'ਚ ਗਲ-ਸੜ ਗਏ 42 ਲੱਖ ਰੁਪਏ, ਚਾਰ ਅਧਿਕਾਰੀ ਸਸਪੈਂਡ  (ਫਾਇਲ ਫੋਟੋ)

ਬਾਰਸ਼ ਕਾਰਨ ਬੈਂਕ 'ਚ ਗਲ-ਸੜ ਗਏ 42 ਲੱਖ ਰੁਪਏ, ਚਾਰ ਅਧਿਕਾਰੀ ਸਸਪੈਂਡ (ਫਾਇਲ ਫੋਟੋ)

  • Share this:

    ਸਰਕਾਰੀ ਅਫਸਰਾਂ ਦੀ ਅਣਗਹਿਲੀ ਕਾਰਨ ਉੱਤਰ ਪ੍ਰਦੇਸ਼ ਦੇ ਕਾਨਪੁਰ ਵਿੱਚ ਇੱਕ ਬੈਂਕ ਵਿੱਚ ਪਈ 42 ਲੱਖ ਰੁਪਏ ਦੀ ਕਰੰਸੀ ਮੀਂਹ ਦੀ ਸਿੱਲ੍ਹ ਕਾਰਨ ਗਲ-ਸੜ ਗਈ। ਸਭ ਤੋਂ ਵੱਡੀ ਗੱਲ ਇਹ ਸੀ ਕਿ ਉਚ ਅਧਿਕਾਰੀਆਂ ਨੂੰ ਵੀ ਇਸ ਬਾਰੇ ਪਤਾ ਨਹੀਂ ਲੱਗਣ ਦਿੱਤਾ ਗਿਆ। ਮਾਮਲਾ ਸਾਹਮਣੇ ਆਉਣ 'ਤੇ ਚਾਰ ਅਧਿਕਾਰੀਆਂ 'ਤੇ ਕਾਰਵਾਈ ਕੀਤੀ ਗਈ ਅਤੇ ਉਨ੍ਹਾਂ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ।

    ਕਾਨਪੁਰ ਸ਼ਹਿਰ 'ਚ ਪੰਜਾਬ ਨੈਸ਼ਨਲ ਬੈਂਕ ਦੀ ਪਾਂਡੂ ਨਗਰ ਸ਼ਾਖਾ 'ਚ ਕਰੰਸੀ ਚੇਸਟ 'ਚ ਰੱਖੇ ਲੱਖਾਂ ਰੁਪਏ ਸੜ ਗਏ। ਅਧਿਕਾਰੀ ਇਸ ਨੂੰ ਲੁਕਾ ਰਹੇ ਸਨ ਪਰ ਜਦੋਂ ਆਰਬੀਆਈ ਵੱਲੋਂ ਜੁਲਾਈ ਮਹੀਨੇ ਦਾ ਆਡਿਟ ਕਰਵਾਇਆ ਗਿਆ ਤਾਂ ਸਾਰਾ ਮਾਮਲਾ ਸਾਹਮਣੇ ਆਇਆ। ਇਸ ਵਿੱਚ ਪਤਾ ਲੱਗਿਆ ਕਿ ਬਕਸੇ ਵਿੱਚ ਰੱਖੇ 42 ਲੱਖ ਰੁਪਏ ਦੇ ਕਰੰਸੀ ਨੋਟ ਗਿੱਲੇ ਹੋਣ ਕਾਰਨ ਸੜ ਗਏ।

    ਇਸ ਪੂਰੇ ਮਾਮਲੇ ਵਿੱਚ ਸੀਨੀਅਰ ਮੈਨੇਜਰ ਕਰੰਸੀ ਚੇਸਟ ਇੰਚਾਰਜ ਸਮੇਤ ਚਾਰ ਅਧਿਕਾਰੀਆਂ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਇਨ੍ਹਾਂ ਵਿੱਚੋਂ ਤਿੰਨ ਅਜਿਹੇ ਅਧਿਕਾਰੀ ਹਨ ਜਿਨ੍ਹਾਂ ਦਾ ਤਬਾਦਲਾ ਕੁਝ ਸਮਾਂ ਪਹਿਲਾਂ ਪੀਐਨਬੀ ਦੀ ਪਾਂਡੂ ਨਗਰ ਸ਼ਾਖਾ ਵਿੱਚ ਕੀਤਾ ਗਿਆ ਹੈ।

    ਜਦੋਂ ਆਰਬੀਆਈ ਨੇ 25 ਜੁਲਾਈ ਤੋਂ 29 ਜੁਲਾਈ ਤੱਕ ਬ੍ਰਾਂਚ ਦੀ ਚੇਸਟ ਕਰੰਸੀ ਦੀ ਜਾਂਚ ਕੀਤੀ ਤਾਂ ਇਹ 14 ਲੱਖ 74 ਹਜ਼ਾਰ 500 ਰੁਪਏ ਵੱਧ ਤੋਂ ਵੱਧ ਅਤੇ 10 ਲੱਖ ਰੁਪਏ ਘੱਟ ਦੱਸੀ ਗਈ। ਇਸ ਦੇ ਨਾਲ ਹੀ 10 ਰੁਪਏ ਦੇ 79 ਬੰਡਲ ਅਤੇ 20 ਰੁਪਏ ਦੇ 49 ਬੰਡਲ ਖਰਾਬ ਹੋਣ ਦੀ ਸੂਚਨਾ ਮਿਲੀ ਹੈ। ਸੂਤਰਾਂ ਮੁਤਾਬਕ ਇਸ ਤੋਂ ਬਾਅਦ ਜਦੋਂ ਦੁਬਾਰਾ ਗਿਣਤੀ ਕੀਤੀ ਗਈ ਤਾਂ ਪਤਾ ਲੱਗਾ ਕਿ 42 ਲੱਖ ਰੁਪਏ ਦੇ ਨੋਟ ਸੜੇ ਹੋਏ ਸਨ।

    ਕੁਝ ਲੋਕ ਅਤੇ ਬੈਂਕ ਇੰਪਲਾਈਜ਼ ਯੂਨੀਅਨ ਦੇ ਆਗੂ ਵੀ ਇਸ ਪੂਰੇ ਮਾਮਲੇ 'ਚ ਕਾਰਵਾਈ 'ਤੇ ਸਵਾਲ ਉਠਾ ਰਹੇ ਹਨ ਅਤੇ ਉਨ੍ਹਾਂ ਦੋਸ਼ ਲਾਇਆ ਕਿ ਸੀਨੀਅਰ ਅਧਿਕਾਰੀਆਂ ਖਿਲਾਫ ਕਾਰਵਾਈ ਨਹੀਂ ਕੀਤੀ ਜਾ ਰਹੀ, ਜਦਕਿ ਦੇਵੀਸ਼ੰਕਰ ਸੀਨੀਅਰ ਮੈਨੇਜਰ ਕਰੰਸੀ ਚੇਸਟ ਨੂੰ ਮੁਅੱਤਲ ਕਰ ਦਿੱਤਾ ਗਿਆ ਹੈ। ਉਹ 25 ਜੁਲਾਈ ਨੂੰ ਟਰਾਂਸਫਰ ਹੋਣ ਤੋਂ ਬਾਅਦ ਬੈਂਕ ਬ੍ਰਾਂਚ 'ਚ ਆਇਆ ਹੈ ਅਤੇ ਇਸ ਤੋਂ ਪਹਿਲਾਂ ਇਹ ਨੋਟ ਸੜਨ ਦੀ ਘਟਨਾ ਵਾਪਰੀ ਸੀ।

    ਬੈਂਕ ਵਿੱਚ ਨੋਟਾਂ ਦੇ ਬਕਸੇ ਰੱਖਣ ਵਿੱਚ ਲਾਪਰਵਾਹੀ ਇਹ ਰਹੀ ਕਿ ਇਨ੍ਹਾਂ ਨੂੰ ਵੱਡੀ ਸੇਫ ਵਿੱਚ ਨਹੀਂ ਰੱਖਿਆ ਗਿਆ ਅਤੇ ਜਦੋਂ ਕੈਸ਼ ਆਉਂਦਾ ਤਾਂ ਲਗਾਤਾਰ ਬਕਸਿਆਂ ਵਿੱਚ ਭਰ ਕੇ ਪਿੱਛੇ ਵੱਲ ਧੱਕ ਦਿੱਤਾ ਗਿਆ, ਜਿਸ ਕਾਰਨ ਨੋਟਾਂ ਵਿਚ ਨਮੀ ਆਉਂਦੀ ਗਈ ਤੇ ਸੜਨ ਲੱਗੇ।

    Published by:Gurwinder Singh
    First published:

    Tags: Bank fraud, Crypto-currency, Currency