SUV ਖਰੀਦਣ ਆਏ ਕਿਸਾਨ ਦਾ ਸੇਲਜ਼ਮੈਨ ਨੇ ਉਡਾਇਆ ਮਜ਼ਾਕ, 30 ਮਿੰਟਾਂ 'ਚ 10 ਲੱਖ ਲਿਆ ਕੇ ਕਰ ਦਿੱਤਾ ਹੈਰਾਨ...

ਤੁਸੀਂ ਉਹ ਕਿੱਸਾ ਤਾਂ ਜ਼ਰੂਰ ਸੁਣਿਆ ਹੋਵੇਗਾ, ਜਦੋਂ ਲੰਡਨ ਦੇ ਰੋਲਸ ਰਾਇਸ ਸ਼ੋਅਰੂਮ ਦੇ ਸੇਲਜ਼ਮੈਨ ਨੇ ਸਾਦੇ ਕੱਪੜਿਆਂ 'ਚ ਆਏ ਇਕ ਵਿਅਕਤੀ ਨੂੰ ਅੰਦਰ ਨਹੀਂ ਜਾਣ ਦਿੱਤਾ। ਉਹ ਵਿਅਕਤੀ ਕੋਈ ਹੋਰ ਨਹੀਂ ਸਗੋਂ ਅਲਵਰ ਦਾ ਮਹਾਰਾਜਾ ਜੈ ਸਿੰਘ ਪ੍ਰਭਾਕਰ ਸੀ।

ਇਸ ਬੇਇੱਜ਼ਤੀ ਦਾ ਬਦਲਾ ਲੈਣ ਲਈ ਉਨ੍ਹਾਂ ਨੇ ਸ਼ੋਅਰੂਮ 'ਚ ਖੜ੍ਹੀਆਂ ਸਾਰੀਆਂ 7 ਰੋਲਸ ਰਾਇਸ ਕਾਰਾਂ ਖਰੀਦੀਆਂ ਅਤੇ ਭਾਰਤ ਲਿਆ ਕੇ ਉਨ੍ਹਾਂ ਨਾਲ ਕੂੜਾ ਚੁਕਵਾਇਆ। ਬਾਅਦ ਵਿੱਚ ਰੋਲਸ ਰਾਇਸ ਨੂੰ ਮੁਆਫੀ ਮੰਗਣੀ ਪਈ। ਇਸ ਘਟਨਾ ਦੇ ਲਗਭਗ 100 ਸਾਲ ਬਾਅਦ ਹੁਣ ਭਾਰਤ ਵਿੱਚ ਅਜਿਹਾ ਹੀ ਕੁਝ ਵਾਪਰਿਆ ਹੈ।

ਮਾਮਲਾ ਕਰਨਾਟਕ ਦੇ ਤੁਮਕੁਰ ਜ਼ਿਲ੍ਹੇ ਦਾ ਹੈ। ਇਥੇ ਚਿੱਕਾਸਾਂਦਰਾ ਹੁਬਲੀ ਦੇ ਰਾਮਨਪਾਲਿਆ ਦੇ ਕਿਸਾਨ ਕੈਮਪੇਗੌੜਾ ਆਰਐਲ ਸ਼ੁੱਕਰਵਾਰ ਨੂੰ ਮਹਿੰਦਰਾ ਦੇ ਸ਼ੋਅਰੂਮ 'ਤੇ ਕਾਰ ਖਰੀਦਣ ਗਿਆ ਸੀ। ਨਾਲ ਕੁਝ ਦੋਸਤ ਵੀ ਸਨ।

ਉਸ ਨੇ ਮਹਿੰਦਰਾ ਬੋਲੈਰੋ ਐਸ.ਯੂ.ਵੀ.  ਬਾਰੇ ਪੁੱਛਿਆ ਤਾਂ ਸ਼ੋਅਰੂਮ ਦੇ ਸੇਲਜ਼ ਐਗਜ਼ੀਕਿਊਟਿਵ ਨੇ ਉਸ ਦੇ ਕੱਪੜਿਆਂ ਵੱਲ ਦੇਖਿਆ। ਉਹ ਉਸ ਨੂੰ ਸਧਾਰਨ ਜਿਹਾ ਲੱਗਾ। ਉਸ ਨੇ ਸੋਚਿਆ ਕਿ ਇਹ ਲੋਕ ਸਿਰਫ਼ ਟਾਈਮ ਪਾਸ ਕਰਨ ਲਈ ਆਏ ਹਨ।

ਇਲਜ਼ਾਮ ਹੈ ਕਿ ਸੇਲਜ਼ਮੈਨ ਨੇ ਉਸ ਦਾ ਮਜ਼ਾਕ ਉਡਾਉਂਦੇ ਹੋਏ ਕਿਹਾ ਕਿ 10 ਰੁਪਏ ਉਸ ਦੀ ਜੇਬ ਵਿੱਚ ਨਹੀਂ ਹਨ ਅਤੇ 10 ਲੱਖ ਦੀ ਕਾਰ ਖਰੀਦਣ ਆ ਗਿਆ ਹੈ!

ਬਸ ਫਿਰ ਕੀ ਸੀ, ਕਿਸਾਨ ਕੈਮਪੇਗੌੜਾ ਅਤੇ ਉਸ ਦੇ ਦੋਸਤ ਗੁੱਸੇ ਵਿਚ ਆ ਗਏ। ਉਸ ਨੇ ਸੇਲਜ਼ਮੈਨ ਨੂੰ ਚੁਣੌਤੀ ਦਿੱਤੀ ਕਿ ਜੇਕਰ ਉਹ ਤੁਰੰਤ ਪੈਸੇ ਦੇਵੇ ਤਾਂ ਕੀ ਉਹ ਅੱਜ ਉਸ ਨੂੰ ਕਾਰ ਦੇ ਦੇਵੇਗਾ। ਕੈਮਪੇਗੌੜਾ ਮੁਤਾਬਕ ਸੇਲਜ਼ਮੈਨਾਂ ਨੇ ਸੋਚਿਆ ਹੋਵੇਗਾ ਕਿ ਇਹ ਲੋਕ ਇੰਨੀ ਜਲਦੀ ਪੈਸਿਆਂ ਦਾ ਇੰਤਜ਼ਾਮ ਕਿਵੇਂ ਕਰ ਸਕਣਗੇ ਕਿਉਂਕਿ ਅੱਜ ਬੈਂਕ ਬੰਦ ਹਨ ਅਤੇ ਕੱਲ੍ਹ ਸ਼ਨੀਵਾਰ ਅਤੇ ਐਤਵਾਰ ਨੂੰ ਛੁੱਟੀ ਹੈ। ਉਸ ਨੇ ਚੁਣੌਤੀ ਸਵੀਕਾਰ ਕਰ ਲਈ।

ਟਾਈਮਜ਼ ਆਫ ਇੰਡੀਆ ਦੀ ਖਬਰ ਮੁਤਾਬਕ ਕੈਮਪੇਗੌੜਾ ਅਤੇ ਉਸ ਦੇ ਦੋਸਤ ਸ਼ੋਅਰੂਮ ਤੋਂ ਬਾਹਰ ਆਏ ਅਤੇ 30 ਮਿੰਟਾਂ ਦੇ ਅੰਦਰ 10 ਲੱਖ ਰੁਪਏ ਨਕਦ ਲੈ ਕੇ ਸੇਲਜ਼ਮੈਨ ਨੂੰ ਸੌਂਪ ਦਿੱਤੇ। ਮਾਮਲੇ ਦੀ ਸੂਚਨਾ ਮਿਲਦੇ ਹੀ ਸ਼ੋਅਰੂਮ 'ਚ ਕੰਮ ਕਰਦੇ ਬਾਕੀ ਲੋਕ ਵੀ ਇਕੱਠੇ ਹੋ ਗਏ।

ਹਰ ਕੋਈ ਹੈਰਾਨ ਰਹਿ ਗਿਆ। ਇਸ ਤੋਂ ਬਾਅਦ ਕੇਮਪੇਗੌੜਾ ਨੇ SUV ਦੀ ਡਿਲੀਵਰੀ ਕਰਨ ਲਈ ਕਿਹਾ। ਪਰ ਹੁਣ ਸੇਲਜ਼ ਸਟਾਫ਼ ਪਰੇਸ਼ਾਨ ਸੀ। ਉਹ ਨਹੀਂ ਕਰ ਸਕਿਆ। ਸ਼ਨੀਵਾਰ-ਐਤਵਾਰ ਨੂੰ ਸਰਕਾਰੀ ਛੁੱਟੀ ਹੁੰਦੀ ਸੀ। ਉਸ ਨੇ ਕਾਰ ਦੀ ਡਿਲੀਵਰੀ ਲਈ ਤਿੰਨ ਦਿਨ ਦਾ ਸਮਾਂ ਮੰਗਿਆ।

ਇਸ ਪਿੱਛੋਂ ਹੰਗਾਮਾ ਹੋ ਗਿਆ। ਭੀੜ ਇਕੱਠੀ ਹੋ ਗਈ। ਪੁਲਿਸ ਪਹੁੰਚ ਗਈ ਹੈ। ਕੈਮਪੇਗੌੜਾ ਨੇ ਤਿਲਕ ਨਗਰ ਥਾਣੇ 'ਚ ਸ਼ੋਅਰੂਮ ਖਿਲਾਫ ਸ਼ਿਕਾਇਤ ਦਿੱਤੀ ਹੈ। ਪੁਲਿਸ ਨੇ ਆ ਕੇ ਸਾਰਿਆਂ ਨੂੰ ਸਮਝਾਇਆ। ਸ਼ੋਅਰੂਮ ਦੀ ਤਰਫੋਂ ਕੰਮਪੇਗੌੜਾ ਤੋਂ ਮੁਆਫੀ ਮੰਗੀ ਗਈ।