ਲੈਫਟੀਨੈਂਟ ਸ਼ਿੰਵਾਗੀ ਬਣੇਗੀ ਨੇਵੀ ਦੀ ਪਹਿਲੀ ਮਹਿਲਾ ਪਾਇਲਟ

ਇੰਡੀਅਨ ਨੇਵੀ ਦੀ ਪਹਿਲੀ ਮਹਿਲਾ ਪਾਇਲਟ ਲੈਫਟੀਨੈਂਟ ਸ਼ਿਵਾਂਗੀ 2 ਦਸੰਬਰ ਨੂੰ ਜੁਆਇਨ ਕਰੇਗੀ। ਸ਼ਿਵਾਂਗੀ ਕੋਚੀ ਵਿਚ ਕਾਰਜਸ਼ੀਲ ਡਿਊਟੀ ਵਿਚ ਸ਼ਾਮਲ ਹੋਵੇਗੀ। ਉਹ 2 ਦਸੰਬਰ ਨੂੰ ਫਿਕਸਡ ਵਿੰਗ ਡੋਰਨੀਅਰ ਨਿਗਰਾਨੀ ਹਵਾਈ ਜਹਾਜ਼ ਦੀ ਉਡਾਣ ਭਰੇਗੀ। ਇਹ ਨਿਗਰਾਨੀ ਵਾਲੇ ਜਹਾਜ਼ ਥੋੜੇ ਦੂਰੀ ਦੇ ਸਮੁੰਦਰੀ ਮਿਸ਼ਨਾਂ ਤੇ ਭੇਜੇ ਜਾਂਦੇ ਹਨ। ਇਸ ਵਿਚ ਐਡਵਾਂਸਡ ਨਿਗਰਾਨੀ ਰਡਾਰ, ਇਲੈਕਟ੍ਰਾਨਿਕ ਸੈਂਸਰ ਅਤੇ ਨੈਟਵਰਕਿੰਗ ਵਰਗੇ ਉਪਕਰਣ ਸ਼ਾਮਿਲ ਹਨ । ਉਸਦੀ ਸਿਖਲਾਈ ਦੱਖਣੀ ਕਮਾਂਡ ਵਿਚ ਚੱਲ ਰਹੀ ਹੈ। ਉਹ ਕੋਚੀ ਵਿੱਚ ਆਪ੍ਰੇਸ਼ਨ ਡਿਊਟੀ ਵਿੱਚ ਸ਼ਾਮਲ ਹੋਵੇਗੀ।

ਸ਼ਿਵਾਂਗੀ ਬਿਹਾਰ ਦੇ ਮੁਜ਼ੱਫਰਪੁਰ ਦੀ ਰਹਿਣ ਵਾਲੀ ਹੈ। ਉਸਨੇ 12 ਵੀਂ ਤੱਕ ਦੀ ਪੜ੍ਹਾਈ ਡੀ.ਏ.ਵੀ. ਫਿਰ ਉਸਨੇ ਸਿੱਕਮ ਮਨੀਪਾਲ ਇੰਸਟੀਚਿਊਟ ਆਫ ਟੈਕਨੋਲੋਜੀ ਤੋਂ ਬੀ.ਟੈਕ ਕੀਤਾ। ਸ਼ਿਵਾਂਗੀ ਨੂੰ 27 ਐਨਓਸੀ ਕੋਰਸਾਂ ਤਹਿਤ ਐਸਏਸੀ (ਪਾਇਲਟ) ਵਜੋਂ ਸ਼ਾਮਲ ਕੀਤਾ ਗਿਆ ਸੀ। ਪਿਛਲੇ ਸਾਲ ਜੂਨ ਵਿਚ, ਵਾਈਸ ਐਡਮਿਰਲ ਏ ਕੇ ਚਾਵਲਾ ਨੇ ਰਸਮੀ ਤੌਰ 'ਤੇ ਨੇਵੀ ਦਾ ਹਿੱਸਾ ਬਣਾਇਆ ਸੀ।

ਦੱਸਣਯੋਗ ਹੈ ਕਿ ਇਸ ਸਾਲ ਭਾਵਨਾ ਕਾਂਤ ਭਾਰਤੀ ਹਵਾਈ ਸੈਨਾ ਦੀ ਪਹਿਲੀ ਮਹਿਲਾ ਪਾਇਲਟ ਬਣੀ, ਉਸਨੇ ਸਾਰੀ ਸਿਖਲਾਈ ਲਈ ਯੋਗਤਾ ਪ੍ਰਾਪਤ ਕੀਤੀ ਸੀ। ਮੋਹਣਾ ਸਿੰਘ ਅਤੇ ਅਵਨੀ ਚਤੁਰਵੇਦੀ ਵੀ ਲੜਾਕੂ ਪਾਇਲਟ ਬਣੇ। 100 ਮਹਿਲਾ ਸੈਨਿਕਾਂ ਦਾ ਪਹਿਲਾ ਜੱਥਾ 2021 ਵਿਚ ਭਾਰਤੀ ਫੌਜ ਵਿਚ ਸ਼ਾਮਲ ਹੋ ਸਕਦਾ ਹੈ। ਇਨ੍ਹਾਂ ਮਹਿਲਾ ਸੈਨਿਕਾਂ ਨੂੰ ਮਿਲਟਰੀ ਪੁਲਿਸ ਦੀ ਇੰਡੀਅਨ ਆਰਮੀ ਕੋਰ ਵਿੱਚ ਲਗਾਇਆ ਜਾਵੇਗਾ। ਕਈ ਮਹਿਲਾ ਅਧਿਕਾਰੀ ਜਲ ਸੈਨਾ ਦੇ ਹਵਾਬਾਜ਼ੀ ਵਿੰਗ ਵਿਚ ਹਵਾਈ ਟ੍ਰੈਫਿਕ ਕੰਟਰੋਲਰ ਅਤੇ ਨਿਗਰਾਨ ਵਜੋਂ ਤਾਇਨਾਤ ਹਨ।