ਵੱਡੀ ਲਾਹਪਰਵਾਹੀ: ਬੱਚਿਆਂ ਨੂੰ ਮਿੱਡ-ਡੇ ਮੀਲ ਦੀ ਥਾਂ ਭੇਜੀ ਪਸ਼ੂ ਫੀਡ, ਮੇਅਰ ਵੱਲੋਂ ਜਾਂਚ ਦੀ ਮੰਗ

ਪੁਣੇ- ਮਹਾਰਾਸ਼ਟਰ ਦੇ ਪੁਣੇ ਜ਼ਿਲੇ ਦੇ ਇਕ ਸਰਕਾਰੀ ਸਕੂਲ ਦੇ ਬੱਚਿਆਂ ਨੂੰ ਮਿਲਣ ਵਾਲੇ ਮਿਡ-ਡੇਅ ਮੀਲ ਵਿਚ ਵੱਡੀ ਅਣਗਹਿਲੀ ਸਾਹਮਣੇ ਆਈ ਹੈ। ਸਰਕਾਰੀ ਸਕੂਲ ਵਿੱਚ ਬੱਚਿਆਂ ਨੂੰ ਵੰਡਣ ਲਈ ਆਏ ਭੋਜਨ ਵਿਚ ਪਸ਼ੂ ਚਾਰਾ ਭੇਜ ਦਿੱਤਾ। ਪ੍ਰਸ਼ਾਸਨ ਵੱਲੋਂ ਪਸ਼ੂਆਂ ਦਾ ਚਾਰਾ ਨੂੰ ਸਕੂਲ ਭੇਜਣ ਤੋਂ ਬਾਅਦ ਅਧਿਆਪਕ ਅਤੇ ਅਧਿਕਾਰੀ ਵੀ ਹੈਰਾਨ ਹਨ।

ਇਸ ਸਾਰੇ ਮਾਮਲੇ 'ਤੇ ਪੁਣੇ ਦੇ ਮੇਅਰ ਨੇ ਕਿਹਾ ਕਿ ਮਿਡ-ਡੇਅ ਮੀਲ ਯੋਜਨਾ ਨੂੰ ਰਾਜ ਸਰਕਾਰ ਚਲਾਉਂਦੀ ਹੈ। ਵਿਦਿਆਰਥੀਆਂ ਵਿਚ ਵੰਡ ਲਈ ਸਿਰਫ ਨਗਰ ਨਿਗਮ ਜ਼ਿੰਮੇਵਾਰ ਹੈ। ਇਹ ਮੰਦਭਾਗਾ ਹੈ। ਨਿਊਜ਼ ਏਜੰਸੀ ਏਐਨਆਈ ਨਾਲ ਗੱਲਬਾਤ ਦੌਰਾਨ ਮੇਅਰ ਨੇ ਇਸ ਮਾਮਲੇ ਦੀ ਜਾਂਚ ਦੀ ਮੰਗ ਕੀਤੀ ਹੈ।

Maharashtra: A Govt school in Pune received cattle fodder, instead of mid-day meal for students.

Pune Mayor says, "Mid-day meal scheme is run by state govt. Municipal corporation is responsible for only distribution among students. It's very unfortunate. An inquiry is demanded." pic.twitter.com/9cO1wcfefQ

— ANI (@ANI) March 19, 2021

ਐਫਐਸਐਸਏਆਈ ਵੱਲੋਂ ਪਸ਼ੂ ਫੀਡ ਦੇ ਪੈਕੇਟ ਜ਼ਬਤ 

ਜਦੋਂ ਸਥਾਨਕ ਲੋਕਾਂ ਨੂੰ ਮਿਡ-ਡੇਅ ਮੀਲ ਸਪਲਾਈ ਵਿਚ ਪਸ਼ੂਆਂ ਦੇ ਖਾਣ ਬਾਰੇ ਪਤਾ ਲੱਗਿਆ, ਤਾਂ ਉਨ੍ਹਾਂ ਨੇ ਫੂਡ ਸੇਫਟੀ ਐਂਡ ਸਟੈਂਡਰਡ ਅਥਾਰਟੀ ਆਫ ਇੰਡੀਆ (ਐਫਐਸਐਸਏਆਈ) ਨੂੰ ਸ਼ਿਕਾਇਤ ਕੀਤੀ. ਸ਼ਿਕਾਇਤ ਮਿਲਣ ਦੇ ਬਾਅਦ, ਐਫਐਸਐਸਏਆਈ ਨੇ ਸਪਲਾਈ ਕੀਤੇ ਸਾਰੇ ਪਸ਼ੂ ਫੀਡ ਦੇ ਪੈਕੇਟ ਜ਼ਬਤ ਕਰ ਲਏ ਹਨ ਅਤੇ ਮਾਮਲੇ ਦੀ ਜਾਂਚ ਕੀਤੀ ਜਾ ਰਹੀ ਹੈ। ਇਹ ਮਾਮਲਾ ਪੁਣੇ ਦੇ ਸਰਕਾਰੀ ਸਕੂਲ ਨੰਬਰ 58 ਦਾ ਹੈ।