Home /News /national /

ਨੌਜਵਾਨ ਵੱਲੋਂ ਖੁਦਕੁਸ਼ੀ, ਸੁਸਾਇਡ ਨੋਟ 'ਚ ਲਿਖਿਆ-ਮੇਰੀ ਪਤਨੀ ਨੂੰ ਮੇਰੀ ਲਾਸ਼ ਨਾ ਦੇਣਾ

ਨੌਜਵਾਨ ਵੱਲੋਂ ਖੁਦਕੁਸ਼ੀ, ਸੁਸਾਇਡ ਨੋਟ 'ਚ ਲਿਖਿਆ-ਮੇਰੀ ਪਤਨੀ ਨੂੰ ਮੇਰੀ ਲਾਸ਼ ਨਾ ਦੇਣਾ

ਨੌਜਵਾਨ ਵੱਲੋਂ ਖੁਦਕੁਸ਼ੀ, ਸੁਸਾਇਡ ਨੋਟ 'ਚ ਲਿਖਿਆ-ਮੇਰੀ ਪਤਨੀ ਨੂੰ ਮੇਰੀ ਲਾਸ਼ ਨਾ ਦੇਣਾ (File pic)

ਨੌਜਵਾਨ ਵੱਲੋਂ ਖੁਦਕੁਸ਼ੀ, ਸੁਸਾਇਡ ਨੋਟ 'ਚ ਲਿਖਿਆ-ਮੇਰੀ ਪਤਨੀ ਨੂੰ ਮੇਰੀ ਲਾਸ਼ ਨਾ ਦੇਣਾ (File pic)

  • Share this:
    ਗੁਜਰਾਤ (Gujarat) ਵਿਚ ਖੁਦਕੁਸ਼ੀ ਦੀਆਂ ਘਟਨਾਵਾਂ ਲਗਾਤਾਰ ਸਾਹਮਣੇ ਆ ਰਹੀਆਂ ਹਨ। ਸੂਰਤ ਵਿਚ ਹੁਣ ਇੱਕ ਨੌਜਵਾਨ ਨੇ ਖੁਦਕੁਸ਼ੀ ਕਰ ਲਈ ਹੈ। ਸੂਰਤ ਦੇ ਪਾਂਡੇਸਰਾ ਵਿਚ ਰਹਿਣ ਵਾਲਾ ਇਕ ਅਕਾਊਂਟੈਂਟ ਪਰਿਵਾਰਕ ਝਗੜੇ ਕਾਰਨ ਪ੍ਰੇਸ਼ਾਨ ਸੀ। ਮੰਨਿਆ ਜਾ ਰਿਹਾ ਹੈ ਕਿ ਇਸੇ ਕਾਰਨ ਉਸ ਨੇ ਖੁਦਕੁਸ਼ੀ ਕੀਤੀ।

    ਉਸ ਕੋਲੋਂ ਮਿਲੇ ਸੁਸਾਈਡ ਨੋਟ ਵਿਚ ਇਹ ਲਿਖਿਆ ਹੈ ਕਿ ‘ਮੇਰੀ ਮ੍ਰਿਤਕ ਦੇਹ ਮੇਰੀ ਪਤਨੀ ਨੂੰ ਨਾ ਦਿੱਤੀ ਜਾਵੇ’। ਫਿਲਹਾਲ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਨੌਜਵਾਨ ਦੀ ਮੌਤ ਨਾਲ ਪਰਿਵਾਰ ਵਿੱਚ ਸੋਗ ਦੀ ਲਹਿਰ ਹੈ।

    ਹੇਮੰਤ ਨਵੀਨਚੰਦਰ ਪਟੇਲ ਸੂਰਤ ਦੇ ਡਿੰਡੋਲੀ ਖੇਤਰ ਵਿਚ ਲਕਸ਼ਮੀ ਨਰਾਇਣ ਡਵੀਜ਼ਨ -1 ਵਿਚ ਰਹਿੰਦਾ ਸੀ। ਉਹ ਹੀਰਾ ਉਦਯੋਗ ਵਿੱਚ ਲੇਖਾਕਾਰ ਵਜੋਂ ਕੰਮ ਕਰਦਾ ਸੀ। ਹੇਮੰਤ ਦੇ ਵਿਆਹ ਨੂੰ 13 ਸਾਲ ਹੋ ਗਏ ਹਨ, ਪਰ ਪਿਛਲੇ ਕੁਝ ਸਾਲਾਂ ਵਿੱਚ ਪਰਿਵਾਰ ਵਿੱਚ ਝਗੜਾ ਰਹਿੰਦਾ ਸੀ ਜਿਸ ਨੇ ਹੇਮੰਤ ਨੂੰ ਲਗਾਤਾਰ ਮਾਨਸਿਕ ਤਣਾਅ ਵਿੱਚ ਰੱਖਿਆ।

    ਹੇਮੰਤ ਨੇ ਮੰਗਲਵਾਰ ਰਾਤ ਨੂੰ ਘਰ ਛੱਡ ਦਿੱਤਾ ਸੀ। ਸ਼ਾਇਦ ਉਹ ਪਰਿਵਾਰਕ ਝਗੜਿਆਂ ਤੋਂ ਤੰਗ ਆ ਗਿਆ ਸੀ। ਉਹ ਆਪਣਾ ਪਰਸ, ਘੜੀ, ਮੋਬਾਈਲ ਅਤੇ ਸਾਈਕਲ ਵੀ ਘਰ ਛੱਡ ਗਿਆ। ਦੁਪਹਿਰ ਕਰੀਬ 12.30 ਵਜੇ ਉਸ ਦੀ ਭੈਣ ਦੇ ਮੋਬਾਈਲ 'ਤੇ ਥਾਣੇ ਤੋਂ ਕਾਲ ਆਈ। ਇਸ ਵਿੱਚ ਹੇਮੰਤ ਦੀ ਖੁਦਕੁਸ਼ੀ ਦੀ ਜਾਣਕਾਰੀ ਦਿੱਤੀ ਗਈ।

    ਖ਼ਬਰ ਮਿਲਦਿਆਂ ਹੀ ਪਰਿਵਾਰ ਤੁਰੰਤ ਥਾਣੇ ਚਲਾ ਗਿਆ। ਪੁਲਿਸ ਨੂੰ ਉਸ ਦੀ ਲਾਸ਼ ਨੰਦਨਵਨ ਰੇਲਵੇ ਪੁਲ ਦੇ ਹੇਠਾਂ ਦੋ ਹਿੱਸਿਆਂ ਵਿੱਚ ਕੱਟੀ ਮਿਲੀ। ਪੁਲਿਸ ਨੂੰ ਉਸ ਦੀ ਜੇਬ ਵਿੱਚ ਰੱਖੇ ਸੁਸਾਈਡ ਨੋਟ ਵਿੱਚ ਉਸ ਦੀ ਭੈਣ ਦਾ ਨੰਬਰ ਮਿਲਿਆ।
    Published by:Gurwinder Singh
    First published:

    Tags: Crime, Suicide

    ਅਗਲੀ ਖਬਰ