Home /News /national /

Credit card fraud: '100 ਰੁਪਏ 'ਚ 3 ਥਾਲੀਆਂ' ਦੇ ਆਫ਼ਰ 'ਚ ਲੱਗਾ ਇੱਕ ਲੱਖਾ ਦਾ ਰਗੜਾ

Credit card fraud: '100 ਰੁਪਏ 'ਚ 3 ਥਾਲੀਆਂ' ਦੇ ਆਫ਼ਰ 'ਚ ਲੱਗਾ ਇੱਕ ਲੱਖਾ ਦਾ ਰਗੜਾ

Credit card fraud: '100 ਰੁਪਏ 'ਚ 3 ਥਾਲੀਆਂ' ਦੇ ਆਫ਼ਰ 'ਚ ਲੱਗਾ ਇੱਕ ਲੱਖਾ ਦਾ ਰਗੜਾ (representative Photo )

Credit card fraud: '100 ਰੁਪਏ 'ਚ 3 ਥਾਲੀਆਂ' ਦੇ ਆਫ਼ਰ 'ਚ ਲੱਗਾ ਇੱਕ ਲੱਖਾ ਦਾ ਰਗੜਾ (representative Photo )

Man loses Rs 1 lakh in card fraud-ਇੱਕ ਬਜ਼ੁਰਗ ਵਿਅਕਤੀ ਨੂੰ 100 ਰੁਪਏ ਵਿੱਚ ਥਾਲੀ ਦੇ ਨਾਲ-ਨਾਲ ਦੋ ਥਾਲੀਆਂ ਮੁਫ਼ਤ ਦੇਣ ਦਾ ਵਾਅਦਾ ਕਰਨ ਵਾਲੇ ਇੱਕ ਧੋਖੇਬਾਜ਼ ਇਸ਼ਤਿਹਾਰ ਦਾ ਸ਼ਿਕਾਰ ਹੋ ਕੇ ਉਸ ਦੇ ਕ੍ਰੈਡਿਟ ਕਾਰਡ 'ਤੇ 99,520 ਰੁਪਏ ਦਾ ਨੁਕਸਾਨ ਹੋ ਗਿਆ।

  • Share this:

    ਮੁੰਬਈ: ਅੱਜ ਕੱਲ ਪੈਸਿਆਂ ਦੇ ਆਨਲਾਈਨ ਦਾ ਚੱਲਣ ਵਿੱਚ ਬੜੀ ਤੇਜੀ ਨਾਲ ਵਾਧਾ ਹੋਇਆ ਹੈ। ਪਰ ਜਿੱਥੇ ਇਸਦੇ ਬਹੁਤ ਫਾਇਦੇ ਹਨ, ਉੱਥੇ ਹੀ ਇਸ ਪ੍ਰਕਿਰਿਆ ਦੌਰਾਨ ਕਈਆਂ ਨਾਲ ਵੱਡੀ ਠੱਗੀ ਵੀ ਵੱਜ ਜਾਂਦੀ ਹੈ। ਅਜਿਹੀ ਹੀ ਇੱਕ ਘਟਨਾ ਖਾਰ ਦੇ ਇੱਕ 74 ਸਾਲਾ ਬਜ਼ਰੁਗ ਨਾਲ ਵਾਪਰੀ। ਉਸਨੇ 100 ਰੁਪਏ ਦੇ ਵਿੱਚ ਇੱਕ ਖਾਣੇ ਦੀ ਥਾਲੀ ਨਾਲ ਦੋ ਥਾਲੀਆਂ ਫਰੀ ਦੇ ਚੱਕਰ ਵਿੱਚ ਕਰੀਬ ਇੱਕ ਲੱਖ ਗਵਾ ਲਿਆ ਹੈ। ਖਾਰ ਪੁਲਿਸ ਧੋਖੇਬਾਜ਼ ਦਾ ਪਤਾ ਲਗਾਉਣ ਲਈ ਕਾਲ ਡੇਟਾ ਦੀ ਜਾਣਕਾਰੀ ਵੀ ਇਕੱਠੀ ਕਰ ਰਹੀ ਹੈ। ਆਈਪੀਸੀ ਅਤੇ ਆਈਟੀ ਐਕਟ ਤਹਿਤ ਕੇਸ ਦਰਜ ਕੀਤਾ ਗਿਆ ਸੀ।

    ਕੀ ਹੈ ਸਾਰਾ ਮਾਮਲਾ-

    ਖਾਰ ਦੇ ਇੱਕ ਬਜ਼ੁਰਗ ਵਿਅਕਤੀ ਨੂੰ 100 ਰੁਪਏ ਵਿੱਚ ਥਾਲੀ ਦੇ ਨਾਲ-ਨਾਲ ਦੋ ਥਾਲੀਆਂ ਮੁਫ਼ਤ ਦੇਣ ਦਾ ਵਾਅਦਾ ਕਰਨ ਵਾਲੇ ਇੱਕ ਧੋਖੇਬਾਜ਼ ਇਸ਼ਤਿਹਾਰ ਦਾ ਸ਼ਿਕਾਰ ਹੋ ਕੇ ਉਸ ਦੇ ਕ੍ਰੈਡਿਟ ਕਾਰਡ 'ਤੇ 99,520 ਰੁਪਏ ਦਾ ਨੁਕਸਾਨ ਹੋ ਗਿਆ। 74 ਸਾਲਾ ਪੀੜਤ, ਐਨਡੀ ਨੰਦ, ਨੇ ਸੋਚਿਆ ਕਿ ਇਹ ਇੱਕ ਚੰਗਾ ਆਫਰ ਹੈ। ਕਿਉਂਕਿ ਵਿਗਿਆਪਨ ਵਿੱਚ ਕਿਹਾ ਗਿਆ ਹੈ ਕਿ ਉਸਨੂੰ ਕ੍ਰੈਡਿਟ ਕਾਰਡ ਦੁਆਰਾ ਸਿਰਫ 10 ਰੁਪਏ ਦੀ ਐਡਵਾਂਸ ਅਦਾ ਕਰਨੀ ਪਵੇਗੀ, ਅਤੇ ਫਿਰ ਡਿਲੀਵਰੀ ਹੋਣ 'ਤੇ ਬਾਕੀ 90 ਰੁਪਏ ਨਕਦ ਅਦਾ ਕਰਨੇ ਪੈਣਗੇ। ਇਸ ਦੀ ਬਜਾਏ ਉਸ ਦੇ ਕਾਰਡ ਤੋਂ ਦੋ ਵਾਰ 49,760 ਰੁਪਏ ਵਸੂਲੇ ਗਏ।

    ਇਹ ਧੋਖਾਧੜੀ 19 ਜਨਵਰੀ ਨੂੰ ਹੋਈ, ਜਦੋਂ ਨੰਦ ਫੇਸਬੁੱਕ 'ਤੇ ਬ੍ਰਾਊਜ਼ ਕਰ ਰਿਹਾ ਸੀ ਅਤੇ ਉਸ ਨੂੰ 100 ਰੁਪਏ ਦੀ ਸ਼ੁਰੂਆਤੀ ਕੀਮਤ 'ਤੇ ਥਾਲੀ ਦੀ ਪੇਸ਼ਕਸ਼ ਕਰਨ ਵਾਲਾ ਵਿਗਿਆਪਨ ਮਿਲਿਆ। ਸੌਦੇ ਦੇ ਲਾਲਚ ਵਿਚ ਆ ਕੇ ਨੰਦ ਨੇ ਵਿਗਿਆਪਨ 'ਤੇ ਸੂਚੀਬੱਧ ਨੰਬਰ 'ਤੇ ਕਾਲ ਕੀਤੀ।

    ਸ਼ਿਕਾਇਤ ਵਿੱਚ, ਨੰਦ ਨੇ ਕਿਹਾ, "ਇੱਕ ਵਿਅਕਤੀ ਨੇ ਆਪਣੀ ਪਛਾਣ ਦੀਪਕ ਵਜੋਂ ਕੀਤੀ ਅਤੇ ਮੈਨੂੰ ਆਰਡਰ ਦੇਣ ਲਈ ਮੇਰੇ ਕ੍ਰੈਡਿਟ ਕਾਰਡ ਦੇ ਵੇਰਵੇ ਪ੍ਰਦਾਨ ਕਰਨ ਲਈ ਕਿਹਾ। ਉਸਨੇ ਮੈਨੂੰ ਦੱਸਿਆ ਕਿ ਸ਼ੁਰੂ ਵਿੱਚ 10 ਰੁਪਏ ਕੱਟੇ ਜਾਣਗੇ ਅਤੇ ਇੱਕ ਵਾਰ ਆਰਡਰ ਡਿਲੀਵਰ ਹੋਣ ਤੋਂ ਬਾਅਦ ਮੈਨੂੰ 90 ਰੁਪਏ ਨਕਦ ਅਦਾ ਕਰਨੇ ਪੈਣਗੇ। ਉਸ ਵਿਅਕਤੀ ਨੇ ਫਿਰ ਮੈਨੂੰ ਆਰਡਰ ਨੂੰ ਪੂਰਾ ਕਰਨ ਲਈ ਮਿਲਿਆ ਵਨ-ਟਾਈਮ ਪਾਸਵਰਡ ਸਾਂਝਾ ਕਰਨ ਲਈ ਕਿਹਾ।

    ਪੁਲਿਸ ਅਧਿਕਾਰੀ ਨੇ ਕਿਹਾ ਕਿ ਨੰਦ ਨੂੰ ਆਪਣੇ ਕ੍ਰੈਡਿਟ ਕਾਰਡ ਤੋਂ ਕੀਤੇ ਗਏ ਧੋਖਾਧੜੀ ਵਾਲੇ ਲੈਣ-ਦੇਣ ਨਾਲ ਸਬੰਧਤ ਦੋ ਐਸਐਮਐਸ ਅਲਰਟ ਮਿਲਣ ਤੋਂ ਤੁਰੰਤ ਬਾਅਦ ਅਹਿਸਾਸ ਹੋਇਆ ਕਿ ਉਸਨੂੰ ਧੋਖਾ ਦਿੱਤਾ ਗਿਆ ਸੀ। ਖਾਰ ਪੁਲਿਸ ਸਟੇਸ਼ਨ ਦੇ ਇੱਕ ਅਧਿਕਾਰੀ ਨੇ ਕਿਹਾ, “ਅਸੀਂ ਬੈਂਕ ਤੋਂ ਉਸ ਖਾਤੇ ਦੀ ਜਾਣਕਾਰੀ ਇਕੱਠੀ ਕਰਨ ਲਈ ਵੇਰਵੇ ਮੰਗੇ ਹਨ ਜਿਸ ਵਿੱਚ ਪੈਸੇ ਕ੍ਰੈਡਿਟ ਹੋਏ ਹਨ।”

    Published by:Sukhwinder Singh
    First published:

    Tags: Credit Card, Facebook, Food, Home delivery, Online fatwa