ਚਿੜੀਆ ਘਰ 'ਚ ਪਾਬੰਦੀ ਤੋੜ ਕੇ ਸ਼ੇਰਾਂ ਦੇ ਘੇਰੇ 'ਚ ਵੜਿਆ ਵਿਅਕਤੀ, ਦਿਲ ਦਹਿਲਾ ਦੇਣ ਵਾਲੀ VIDEO

ਹੈਦਰਾਬਾਦ(Hyderabad) ਦੇ ਨਹਿਰੂ ਜ਼ੂਓਲੋਜੀਕਲ ਪਾਰਕ (Nehru Zoological Park) ਵਿੱਚ ਇੱਕ 31 ਸਾਲਾ ਸ਼ਖ਼ਸ ਨੇ ਸ਼ੇਰਾਂ ਦੇ ਵਾੜੇ ਵਿੱਚ ਛਾਲ ਮਾਰਨ ਦੀ ਕੋਸ਼ਿਸ਼ ਕੀਤੀ। ਚਿੜੀਆ ਘਰ ਦੇ ਅਧਿਕਾਰੀਆਂ ਦੇ ਮੁਸਤੈਦੀ ਕਾਰਨ ਇਸ ਨੌਜਵਾਨ ਮੌਤ ਦੇ ਜਬਾੜੇ ਤੋਂ ਬਾਹਰ ਕੱਢਿਆ (Man rescued from lion enclosure) ਗਿਆ। ਇਸ ਤੋਂ ਬਾਅਦ ਵਿਅਕਤੀ ਨੂੰ ਪੁਲਿਸ ਹਵਾਲੇ ਕਰ ਦਿੱਤਾ ਅਤੇ ਉਸ ਖਿਲਾਫ ਸ਼ਿਕਾਇਤ ਦਰਜ ਕਰਵਾਈ। ਵਿਅਕਤੀ ਦੀ ਪਛਾਣ ਜੀ ਸਾਈ ਕੁਮਾਰ ਵਜੋਂ ਹੋਈ ਹੈ।

ਦਿਲ ਦਹਿਲਾ ਦੇਣ ਵਾਲੀ ਘਟਨਾ ਕੈਮਰੇ 'ਚ ਕੈਦ ਹੋ ਗਈ। ਵੀਡੀਓ ਵਿਚ ਦਿਖਾਇਆ ਗਿਆ ਹੈ ਕਿ ਆਦਮੀ ਇਕ ਚੱਟਾਨ 'ਤੇ ਝੁਕਿਆ ਹੋਇਆ ਹੈ, ਉਹ ਸ਼ੇਰ ਵੱਲ ਦੇਖ ਰਿਹਾ ਹੈ। ਲੋਕਾਂ ਨੂੰ ਉਸ ਆਦਮੀ 'ਤੇ ਚੀਕਦੇ ਸੁਣਿਆ ਜਾ ਸਕਦਾ ਹੈ, ਉਸਨੂੰ ਸਾਵਧਾਨ ਰਹਿਣ ਅਤੇ ਮਦਦ ਲਈ ਬੁਲਾਉਂਦੇ ਹੋਏ ਸੁਣਿਆ ਜਾ ਸਕਦਾ ਹੈ।

A man was enters into the #Lion enclosure, walking on the boulders of #AfricanLion moat area, at #NehruZoologicalPark, #Hyderabad.

The person was rescued and caught by the #zoo staff and handed over to Bahadurpura police. pic.twitter.com/RO3TW2fh3G

— Surya Reddy (@jsuryareddy67) November 23, 2021

ਨਹਿਰੂ ਜ਼ੂਲੋਜੀਕਲ ਪਾਰਕ ਦੁਆਰਾ ਜਾਰੀ ਕੀਤੇ ਗਏ ਇੱਕ ਬਿਆਨ ਵਿੱਚ ਕਿਹਾ ਗਿਆ ਹੈ ਕਿ ਜੀ ਸਾਈਂ ਕੁਮਾਰ ਨੇ ਜਨਤਾ ਦੀ ਸੀਮਾ ਦੀ ਉਲੰਘਣਾ ਕਰਕੇ ਸ਼ੇਰ ਦੇ ਘੇਰੇ ਵਿੱਚ ਛਾਲ ਮਾਰ ਦਿੱਤੀ ਸੀ ਅਤੇ ਪੱਥਰਾਂ ਦੇ ਉੱਪਰ ਚੱਲ ਰਿਹਾ ਸੀ।

“ਨਹਿਰੂ ਜ਼ੂਲੋਜੀਕਲ ਪਾਰਕ, ਹੈਦਰਾਬਾਦ ਵਿਖੇ ਪ੍ਰਦਰਸ਼ਿਤ ਐਨਕਲੋਜ਼ਰ ਵਿੱਚ ਸ਼ੇਰਾਂ ਨੂੰ ਛੱਡਿਆ ਜਾਂਦਾ ਹੈ, ਜੋ ਕਿ ਇੱਕ ਬਿਲਕੁਲ ਮਨਾਹੀ ਵਾਲਾ ਖੇਤਰ ਹੈ। ਇਸ ਵਿਅਕਤੀ ਨੂੰ ਚਿੜੀਆਘਰ ਦੇ ਸਟਾਫ ਨੇ ਬਚਾਇਆ ਅਤੇ ਫੜ ਲਿਆ ਅਤੇ ਬਹਾਦੁਰਪੁਰਾ ਪੁਲਿਸ ਸਟੇਸ਼ਨ ਦੇ ਹਵਾਲੇ ਕਰ ਦਿੱਤਾ। ਦੱਸਿਆ ਜਾ ਰਿਹਾ ਹੈ ਕਿ ਨੌਜਵਾਨ ਦੀ ਦਿਮਾਗੀ ਹਾਲਤ ਠੀਕ ਨਹੀਂ ਹੈ।