Home /News /national /

Valentine's Day: ਸਿਰਫ਼ 6 ਫੁੱਟ ਚੌੜੀ ਜ਼ਮੀਨ 'ਚ ਬਣਾ ਦਿੱਤਾ 5 ਮੰਜ਼ਿਲਾ ਘਰ, ਲੋਕ ਕਹਿਣ ਲੱਗੇ "ਮੁਜ਼ੱਫਰਪੁਰ ਦਾ Eiffel Tower"

Valentine's Day: ਸਿਰਫ਼ 6 ਫੁੱਟ ਚੌੜੀ ਜ਼ਮੀਨ 'ਚ ਬਣਾ ਦਿੱਤਾ 5 ਮੰਜ਼ਿਲਾ ਘਰ, ਲੋਕ ਕਹਿਣ ਲੱਗੇ "ਮੁਜ਼ੱਫਰਪੁਰ ਦਾ Eiffel Tower"

ਮੁਜ਼ੱਫਰਪੁਰ ਦਾ 'ਆਈਫਲ ਟਾਵਰ' ਕਿਹਾ ਜਾਣ ਵਾਲਾ ਇਹ ਘਰ ਹੁਣ ਇਸ ਸ਼ਹਿਰ ਦਾ ਮਸ਼ਹੂਰ ਸੈਲਫੀ ਪੁਆਇੰਟ ਬਣ ਗਿਆ ਹੈ। ਲੋਕ ਇਸ ਦੀਆਂ ਤਸਵੀਰਾਂ ਦੀ ਕਦਰ ਕਰਦੇ ਹਨ, ਵੀਡੀਓ ਬਣਾਉਂਦੇ ਹਨ। ਨਿਊਜ਼18 'ਚ ਇਸ ਦਾ ਇਕ ਵੀਡੀਓ ਵੀ ਹੈ, ਜਿਸ 'ਚ ਤੁਸੀਂ ਇਸ ਘਰ ਦਾ ਹਰ ਕੋਨਾ ਦੇਖ ਸਕਦੇ ਹੋ।

ਮੁਜ਼ੱਫਰਪੁਰ ਦਾ 'ਆਈਫਲ ਟਾਵਰ' ਕਿਹਾ ਜਾਣ ਵਾਲਾ ਇਹ ਘਰ ਹੁਣ ਇਸ ਸ਼ਹਿਰ ਦਾ ਮਸ਼ਹੂਰ ਸੈਲਫੀ ਪੁਆਇੰਟ ਬਣ ਗਿਆ ਹੈ। ਲੋਕ ਇਸ ਦੀਆਂ ਤਸਵੀਰਾਂ ਦੀ ਕਦਰ ਕਰਦੇ ਹਨ, ਵੀਡੀਓ ਬਣਾਉਂਦੇ ਹਨ। ਨਿਊਜ਼18 'ਚ ਇਸ ਦਾ ਇਕ ਵੀਡੀਓ ਵੀ ਹੈ, ਜਿਸ 'ਚ ਤੁਸੀਂ ਇਸ ਘਰ ਦਾ ਹਰ ਕੋਨਾ ਦੇਖ ਸਕਦੇ ਹੋ।

ਮੁਜ਼ੱਫਰਪੁਰ ਦਾ 'ਆਈਫਲ ਟਾਵਰ' ਕਿਹਾ ਜਾਣ ਵਾਲਾ ਇਹ ਘਰ ਹੁਣ ਇਸ ਸ਼ਹਿਰ ਦਾ ਮਸ਼ਹੂਰ ਸੈਲਫੀ ਪੁਆਇੰਟ ਬਣ ਗਿਆ ਹੈ। ਲੋਕ ਇਸ ਦੀਆਂ ਤਸਵੀਰਾਂ ਦੀ ਕਦਰ ਕਰਦੇ ਹਨ, ਵੀਡੀਓ ਬਣਾਉਂਦੇ ਹਨ। ਨਿਊਜ਼18 'ਚ ਇਸ ਦਾ ਇਕ ਵੀਡੀਓ ਵੀ ਹੈ, ਜਿਸ 'ਚ ਤੁਸੀਂ ਇਸ ਘਰ ਦਾ ਹਰ ਕੋਨਾ ਦੇਖ ਸਕਦੇ ਹੋ।

  • Share this:

ਤੁਸੀਂ ਦੁਨੀਆ ਭਰ ਵਿੱਚ ਲੋਕਾਂ ਵੱਲੋਂ ਬਣਾਈਆਂ ਪਿਆਰ ਦੀਆਂ ਨਿਸ਼ਾਨੀਆਂ ਦੇਖੀਆਂ ਹੋਣਗੀਆਂ। ਭਾਰਤ ਵਿੱਚ ਤਾਜ ਤੇ ਪੈਰਿਸ ਦਾ ਆਈਫਲ ਟਾਵਰ ਕੁੱਝ ਅਜਿਹੀਆਂ ਇਮਾਰਤਾਂ ਹਨ ਜੋ ਪਿਆਰ ਨੂੰ ਬਿਆਨ ਕਰਦੀਆਂ ਹਨ ਪਰ ਅੱਜ ਅਸੀਂ ਮੁਜ਼ੱਫਰਪੁਰ ਤੋਂ ਇੱਕ ਅਜਿਹੀ ਇਮਾਰਤ ਦੀ ਕਹਾਣੀ ਲੈ ਕੇ ਆਏ ਹਾਂ ਜੋ ਕਿ ਪਿਆਰ ਦੀ ਇੱਕ ਨਵੀਂ ਮਿਸਾਲ ਬਣ ਗਈ ਹੈ।

ਮਹੀਨਾ-ਏ-ਮੁਹੱਬਤ ਕਹੇ ਜਾਣ ਵਾਲੇ ਫਰਵਰੀ ਮਹੀਨੇ 'ਚ ਵੈਲੇਨਟਾਈਨ ਡੇਅ (Valemtine Day) ਦੇ ਖਾਸ ਮੌਕੇ 'ਤੇ ਅਸੀਂ ਤੁਹਾਨੂੰ ਅਜਿਹੀ ਇਕ ਪ੍ਰੇਮ ਕਹਾਣੀ ਬਾਰੇ ਦੱਸਣ ਜਾ ਰਹੇ ਹਾਂ ਜਿਸ ਨੂੰ ਸੁਣ ਕੇ ਤੁਹਾਨੂੰ ਲੱਗੇਗਾ ਕਿ ਅੱਜ ਦੇ ਸਮੇਂ ਵਿੱਚ ਵੀ ਸੱਚਾ ਪਿਆਰ ਜਿਊਂਦਾ ਹੈ। ਜੀ ਹਾਂ, ਆਗਰਾ ਦੇ ਵਿਸ਼ਵ ਪ੍ਰਸਿੱਧ ਤਾਜ ਮਹਿਲ ਨੂੰ ਹਰ ਕੋਈ ਪਿਆਰ ਦੀ ਸਭ ਤੋਂ ਵੱਡੀ ਨਿਸ਼ਾਨੀ ਮੰਨਦਾ ਹੈ, ਪਰ ਅੱਜਕੱਲ੍ਹ ਬਿਹਾਰ ਦੇ ਮੁਜ਼ੱਫਰਪੁਰ ਵਿੱਚ ਪਿਆਰ ਦੀ ਨਿਸ਼ਾਨੀ ਕਾਫੀ ਸੁਰਖੀਆਂ ਬਟੋਰ ਰਹੀ ਹੈ।

ਇਹ ਆਗਰਾ ਦੇ 'ਤਾਜ' ਵਰਗਾ ਨਹੀਂ ਹੈ, ਸਗੋਂ 6 ਫੁੱਟ ਚੌੜੀ ਜ਼ਮੀਨ 'ਤੇ ਬਣਿਆ ਪੰਜ ਮੰਜ਼ਿਲਾ ਘਰ ਹੈ। ਇਹ ਇੱਕ ਵਿਲੱਖਣ ਕਿਸਮ ਦੀ ਇਮਾਰਤ ਹੈ। ਮੁਜ਼ੱਫਰਪੁਰ ਦੇ ਸੰਤੋਸ਼ ਨੇ ਆਪਣੀ ਪਤਨੀ ਅਰਚਨਾ ਲਈ ਇਹ ਅਨੋਖਾ ਘਰ ਬਣਾਇਆ ਹੈ। ਵਿਆਹ ਤੋਂ ਬਾਅਦ ਉਸ ਨੇ ਆਪਣੀ ਪਤਨੀ ਨੂੰ ਇਹ ਅਨੋਖਾ ਤੋਹਫਾ ਦਿੱਤਾ।

ਸਿਰਫ਼ 6 ਫੁੱਟ ਜ਼ਮੀਨ ਵਿੱਚ ਬਣੇ ਇਸ ਪਿਆਰ ਦੇ ਪ੍ਰਤੀਕ ਦਾ ਹਰ ਕੋਨਾ ਵੇਖਣ ਵਾਲਾ ਹੈ। ਇਹ ਦੇਖਣ ਵਿਚ ਇੰਨਾ ਅਨੋਖਾ ਹੈ ਕਿ ਹਰ ਕੋਈ ਇਸ ਨੂੰ ਅਜੂਬਾ ਕਹਿੰਦਾ ਹੈ। ਸੈਲਫੀ ਲੈਣ ਲਈ ਲੋਕ ਇਸ ਅਨੋਖੇ ਘਰ ਦੇ ਸਾਹਮਣੇ ਪਹੁੰਚ ਜਾਂਦੇ ਹਨ। ਇਹ ਘਰ ਮੁਜ਼ੱਫਰਪੁਰ ਸ਼ਹਿਰ ਅਤੇ ਆਸ-ਪਾਸ ਦੇ ਇਲਾਕੇ 'ਚ ਇੰਨਾ ਮਸ਼ਹੂਰ ਹੋ ਗਿਆ ਹੈ ਕਿ ਸਥਾਨਕ ਲੋਕ ਇਸ ਦੀ ਉਚਾਈ ਕਾਰਨ ਇਸ ਨੂੰ 'ਆਈਫਲ ਟਾਵਰ' ਕਹਿੰਦੇ ਹਨ।

ਸੰਤੋਸ਼ ਨੇ ਇਸ ਅਨੋਖੇ ਘਰ ਬਾਰੇ ਦੱਸਿਆ ਕਿ ਜਦੋਂ ਉਸ ਨੇ ਇਸ ਦੀ ਉਸਾਰੀ ਸ਼ੁਰੂ ਕੀਤੀ ਤਾਂ ਹਰ ਕੋਈ ਮਜ਼ਾਕ ਕਰ ਰਿਹਾ ਸੀ। ਪਰ ਅੱਜ ਸਥਿਤੀ ਬਦਲ ਗਈ ਹੈ। ਲੋਕ ਇਸ ਘਰ ਦੀ ਬਣਤਰ, ਇੱਥੋਂ ਤੱਕ ਕਿ ਇਸ ਦੇ ਕਮਰਿਆਂ ਦੇ ਆਰਕੀਟੈਕਚਰ ਦੀ ਵੀ ਤਾਰੀਫ ਕਰਦੇ ਨਜ਼ਰ ਆਉਂਦੇ ਹਨ।

ਮੁਜ਼ੱਫਰਪੁਰ ਦਾ 'ਆਈਫਲ ਟਾਵਰ' ਕਿਹਾ ਜਾਣ ਵਾਲਾ ਇਹ ਘਰ ਹੁਣ ਇਸ ਸ਼ਹਿਰ ਦਾ ਮਸ਼ਹੂਰ ਸੈਲਫੀ ਪੁਆਇੰਟ ਬਣ ਗਿਆ ਹੈ। ਲੋਕ ਇਸ ਦੀਆਂ ਤਸਵੀਰਾਂ ਦੀ ਕਦਰ ਕਰਦੇ ਹਨ, ਵੀਡੀਓ ਬਣਾਉਂਦੇ ਹਨ। ਨਿਊਜ਼18 'ਚ ਇਸ ਦਾ ਇਕ ਵੀਡੀਓ ਵੀ ਹੈ, ਜਿਸ 'ਚ ਤੁਸੀਂ ਇਸ ਘਰ ਦਾ ਹਰ ਕੋਨਾ ਦੇਖ ਸਕਦੇ ਹੋ।

ਇਸ ਵਿਲੱਖਣ ਘਰ ਦੀਆਂ ਵਿਸ਼ੇਸ਼ਤਾਵਾਂ ਵੀ ਜਾਣ ਲਓ : 5 ਮੰਜ਼ਿਲਾਂ ਦਾ ਇਹ ਹੈਰਾਨੀਜਨਕ ਘਰ ਸਿਰਫ 6 ਫੁੱਟ ਚੌੜੀ ਜਗ੍ਹਾ 'ਤੇ ਬਣਾਇਆ ਗਿਆ ਹੈ। ਇਸ ਪੰਜ ਮੰਜ਼ਿਲਾ ਇਮਾਰਤ ਦੇ ਅਗਲੇ ਅੱਧ ਵਿੱਚ ਪੌੜੀਆਂ ਬਣਾਈਆਂ ਗਈਆਂ ਹਨ, ਜਦੋਂ ਕਿ ਦੂਜੇ ਹਿੱਸੇ ਵਿੱਚ ਘਰ ਬਣਿਆ ਹੋਇਆ ਹੈ।

ਕਰੀਬ 20 ਫੁੱਟ ਲੰਬਾਈ ਅਤੇ 5 ਫੁੱਟ ਚੌੜਾਈ ਵਾਲੇ ਘਰ ਦੇ ਅੱਧੇ ਹਿੱਸੇ 'ਚ ਇਕ ਕਮਰੇ ਦਾ ਫਲੈਟ ਹੈ, ਜਿਸ 'ਚ ਰਸੋਈ ਤੋਂ ਲੈ ਕੇ ਟਾਇਲਟ ਤੱਕ ਮੌਜੂਦ ਹੈ। ਰਸੋਈ ਅਤੇ ਟਾਇਲਟ ਦਾ ਆਕਾਰ ਸਾਢੇ ਤਿੰਨ ਫੁੱਟ ਹੈ। ਕਮਰੇ ਦੀ ਲੰਬਾਈ 11 ਫੁੱਟ ਅਤੇ ਚੌੜਾਈ 5 ਫੁੱਟ ਹੈ। ਕੁੱਲ ਮਿਲਾ ਕੇ ਉਪਰੋਕਤ ਚਾਰ ਫਲੈਟ ਇੱਕ ਬੈਚਲਰ ਲਈ ਤਿਆਰ ਕੀਤੇ ਗਏ ਹਨ। ਜਦੋਂ ਕਿ ਇਸ ਦੀ ਹੇਠਲੀ ਮੰਜ਼ਿਲ ਨੂੰ ਹਾਲ ਵਰਗਾ ਆਕਾਰ ਦੇ ਕੇ ਉੱਪਰ ਜਾਣ ਲਈ ਪੌੜੀਆਂ ਬਣਾਈਆਂ ਗਈਆਂ ਹਨ।

ਇਥੇ ਦੱਸਣਯੋਗ ਹੈ ਕਿ 2014 ਦੇ ਨਵੇਂ ਬਿਲਡਿੰਗ ਬਾਈਲਾਜ਼ ਤੋਂ ਪਹਿਲਾਂ ਇਸ ਇਮਾਰਤ ਦਾ ਨਕਸ਼ਾ ਪਾਸ ਕੀਤਾ ਗਿਆ ਸੀ। ਇਹੀ ਕਾਰਨ ਹੈ ਕਿ ਜਿੰਨੀ ਜ਼ਮੀਨ ਸੀ, ਉਸ 'ਤੇ ਘਰ ਬਣਾਉਣਾ ਸੰਭਵ ਹੋ ਗਿਆ। ਇਮਾਰਤ ਵਿੱਚ ਬਾਹਰ ਖਿੜਕੀ ਖੋਲ੍ਹਣ ਲਈ ਵੀ ਜਗ੍ਹਾ ਨਹੀਂ ਬਚੀ ਹੈ।

ਇੰਝ ਦਿੱਤਾ ਘਰਵਾਲੀ ਨੂੰ ਪਿਆਰ ਦਾ ਤੋਹਫਾ : ਜ਼ਿਕਰਯੋਗ ਹੈ ਕਿ ਵਿਆਹ ਤੋਂ ਬਾਅਦ ਸੰਤੋਸ਼ ਅਤੇ ਅਰਚਨਾ ਨੇ 6 ਫੁੱਟ ਚੌੜੀ ਅਤੇ 45 ਫੁੱਟ ਲੰਬੀ ਇਹ ਜ਼ਮੀਨ ਖਰੀਦੀ ਸੀ। ਪਰ ਜ਼ਮੀਨ ਦੀ ਚੌੜਾਈ ਸਿਰਫ਼ 6 ਫੁੱਟ ਹੋਣ ਕਾਰਨ ਉਸ ਨੇ ਕਈ ਸਾਲਾਂ ਤੋਂ ਇਸ ’ਤੇ ਕੋਈ ਉਸਾਰੀ ਨਹੀਂ ਕਰਵਾਈ। ਲੋਕਾਂ ਨੇ ਉਨ੍ਹਾਂ ਨੂੰ ਜ਼ਮੀਨ ਵੇਚਣ ਦੀ ਸਲਾਹ ਵੀ ਦਿੱਤੀ ਪਰ ਦੋਵੇਂ ਇਸ ਜ਼ਮੀਨ 'ਤੇ ਘਰ ਬਣਾਉਣਾ ਚਾਹੁੰਦੇ ਸਨ ਜੋ ਵਿਆਹ ਦੀ ਯਾਦਗਾਰ ਹੋਵੇ।

ਇਸ ਦੇ ਲਈ ਉਹ ਖੁਦ ਘਰ ਦਾ ਨਕਸ਼ਾ ਲੈ ਕੇ ਨਿਗਮ ਦੇ ਇੰਜੀਨੀਅਰ ਕੋਲ ਗਿਆ ਅਤੇ ਨਕਸ਼ਾ ਪਾਸ ਕਰਵਾਇਆ। ਸਾਲ 2012 ਵਿੱਚ ਨਕਸ਼ਾ ਪਾਸ ਹੋਣ ਤੋਂ ਬਾਅਦ ਇਹ ਮਕਾਨ 2015 ਵਿੱਚ ਮੁਕੰਮਲ ਹੋ ਗਿਆ ਸੀ। ਜਦੋਂ ਇਹ ਘਰ ਬਣਿਆ ਤਾਂ ਲੋਕ ਇਸ ਨੂੰ ਮੁਜ਼ੱਫਰਪੁਰ ਦਾ ਆਈਫਲ ਟਾਵਰ ਅਤੇ ਕਈ ਅਜੂਬਾ ਕਹਿਣ ਲੱਗੇ।

ਪਿਆਰ ਦੀ ਨਿਸ਼ਾਨੀ ਹੈ ਇਹ ਘਰ : ਸੰਤੋਸ਼ ਕੁਮਾਰ ਦੱਸਦਾ ਹੈ ਕਿ ਉਸ ਨੇ ਇਹ ਜ਼ਮੀਨ ਆਪਣੀ ਨਵ-ਵਿਆਹੀ ਪਤਨੀ ਲਈ ਮੂੰਹ-ਦਿਖਾਈ ਦੇ ਤੋਹਫੇ ਵਜੋਂ ਖਰੀਦੀ ਸੀ। ਪਰ ਉਸ ਦੇ ਸਾਹਮਣੇ ਚੁਣੌਤੀ ਇਹ ਸੀ ਕਿ ਸਿਰਫ਼ 6 ਫੁੱਟ ਜ਼ਮੀਨ 'ਤੇ ਘਰ ਕਿਵੇਂ ਬਣਾਇਆ ਜਾਵੇ। ਪ

ਰ ਜਦੋਂ ਇਹ ਘਰ ਤਿਆਰ ਹੋ ਗਿਆ ਤਾਂ ਲੋਕ ਇਸ ਨੂੰ ਦੇਖਣ ਲਈ ਆਉਣ ਲੱਗੇ। ਸੰਤੋਸ਼ ਕੁਮਾਰ ਦਾ ਕਹਿਣਾ ਹੈ ਕਿ ਅੱਜ ਜਦੋਂ ਉਹ ਆਪਣੇ ਘਰ ਦੀ ਚਰਚਾ ਸੁਣਦਾ ਹੈ ਤਾਂ ਬਹੁਤ ਖੁਸ਼ੀ ਹੁੰਦੀ ਹੈ। ਇਸ ਤੰਗ ਥਾਂ 'ਤੇ ਸਾਰੀਆਂ ਸਹੂਲਤਾਂ ਵਾਲੇ ਘਰ ਨੂੰ ਦੇਖ ਕੇ ਲੱਗਦਾ ਹੈ ਕਿ ਪਿਆਰ 'ਚ ਕੁਝ ਵੀ ਅਸੰਭਵ ਨਹੀਂ ਹੈ।

Published by:Amelia Punjabi
First published:

Tags: Bihar, Home, Valentines day, Viral, Viral video