Home /News /national /

ਹਿੰਦੂ ਵਿਆਹ ਇੱਕ ਸੰਸਕਾਰ ਹੈ ਜਦਕਿ ਮੁਸਲਿਮ ਵਿਆਹ ਇਕਰਾਰਨਾਮਾ: ਕਰਨਾਟਕ ਹਾਈ ਕੋਰਟ

ਹਿੰਦੂ ਵਿਆਹ ਇੱਕ ਸੰਸਕਾਰ ਹੈ ਜਦਕਿ ਮੁਸਲਿਮ ਵਿਆਹ ਇਕਰਾਰਨਾਮਾ: ਕਰਨਾਟਕ ਹਾਈ ਕੋਰਟ

 ਦਿੱਲੀ ਕੋਰਟ ਦਾ ਵੱਡਾ ਫੈਸਲਾ, ਬੇਟੀ ਦੀ ਮੌਤ ਤੋਂ ਬਾਅਦ ਵੀ ਪਿਤਾ ਦੀ ਜਾਇਦਾਦ 'ਚ ਜਵਾਈ ਤੇ ਨਾਤੀ ਦਾ ਹੱਕ (ਸੰਕੇਤਿਕ ਤਸਵੀਰ)

ਦਿੱਲੀ ਕੋਰਟ ਦਾ ਵੱਡਾ ਫੈਸਲਾ, ਬੇਟੀ ਦੀ ਮੌਤ ਤੋਂ ਬਾਅਦ ਵੀ ਪਿਤਾ ਦੀ ਜਾਇਦਾਦ 'ਚ ਜਵਾਈ ਤੇ ਨਾਤੀ ਦਾ ਹੱਕ (ਸੰਕੇਤਿਕ ਤਸਵੀਰ)

  • Share this:

ਕਰਨਾਟਕ ਹਾਈ ਕੋਰਟ ਨੇ ਸਪੱਸ਼ਟ ਕੀਤਾ ਹੈ ਕਿ ਮੁਸਲਿਮ ਵਿਆਹ ਇਕ ਇਕਰਾਰਨਾਮਾ ਹੈ, ਜੋ ਕਈ ਰੂਪ ਲੈ ਸਕਦਾ ਹੈ। ਇਹ ਹਿੰਦੂ ਵਿਆਹ ਵਰਗਾ ਸੰਸਕਾਰ ਨਹੀਂ ਹੈ। ਇਕਰਾਰਨਾਮੇ ਦੀ ਉਲੰਘਣਾ ਜ਼ਿੰਮੇਵਾਰੀਆਂ ਨੂੰ ਖਤਮ ਨਹੀਂ ਕਰਦੀ। ਅਜਿਹੀ ਸਥਿਤੀ ਵਿੱਚ, ਤਲਾਕ ਤੋਂ ਬਾਅਦ ਵਿਸ਼ੇਸ਼ ਹਾਲਾਤ ਵਿੱਚ ਸਾਬਕਾ ਪਤਨੀ ਦਾ ਗੁਜਾਰਾ ਭੱਤਾ ਲੈਣ ਦਾ ਅਧਿਕਾਰ ਨਿਰਵਿਵਾਦ ਹੈ। ਅਦਾਲਤ ਨੇ ਸਪੱਸ਼ਟ ਕੀਤਾ ਕਿ ਤਲਾਕ ਦੁਆਰਾ ਵਿਆਹ ਦੇ ਬੰਧਨ ਦੇ ਟੁੱਟਣ ਤੋਂ ਬਾਅਦ ਵੀ, ਧਿਰਾਂ ਦੀਆਂ ਸਾਰੀਆਂ ਜ਼ਿੰਮੇਵਾਰੀਆਂ ਅਤੇ ਫਰਜ਼ਾਂ ਨੂੰ ਪੂਰੀ ਤਰ੍ਹਾਂ ਖਤਮ ਨਹੀਂ ਕੀਤਾ ਜਾਂਦਾ।

ਇਸ ਮਾਮਲੇ ਵਿੱਚ ਬੈਂਗਲੁਰੂ ਦੇ 52 ਸਾਲਾ ਏਜਾਜ਼ ਉਰ ਰਹਿਮਾਨ ਨੇ ਵਿਆਹ ਦੇ ਕੁਝ ਮਹੀਨਿਆਂ ਬਾਅਦ ਨਵੰਬਰ 1991 ਵਿੱਚ ਆਪਣੀ ਪਤਨੀ ਸਾਇਰਾ ਬਾਨੋ ਨੂੰ ਤਿੰਨ ਵਾਰ ਤਲਾਕ ਕਹਿ ਕੇ ਛੱਡ ਦਿੱਤਾ ਸੀ। ਉਸ ਦਾ ਵਿਆਹ ਪੰਜ ਹਜ਼ਾਰ ਰੁਪਏ ਦੀ ਮੇਹਰ 'ਤੇ ਹੋਇਆ। ਤਲਾਕ ਤੋਂ ਬਾਅਦ, ਉਸਨੇ ਦੂਜੀ ਵਾਰ ਵਿਆਹ ਕੀਤਾ। ਅਗਸਤ 2002 ਵਿੱਚ ਸਾਇਰਾ ਨੇ ਪਰਿਵਾਰਕ ਅਦਾਲਤ ਵਿੱਚ ਗੁਜ਼ਾਰਾ ਭੱਤਾ ਮੰਗਿਆ। ਅਗਸਤ 2011 ਵਿੱਚ ਅਦਾਲਤ ਨੇ ਉਸ ਨੂੰ 3000 ਰੁਪਏ ਪ੍ਰਤੀ ਮਹੀਨਾ ਭੱਤਾ ਦੇਣ ਦਾ ਆਦੇਸ਼ ਦਿੱਤਾ। ਇਹ ਭੱਤਾ ਸਾਇਰਾ ਜਾਂ ਰਹਿਮਾਨ ਦੇ ਜਿੰਦਾ ਹੋਣ ਤੱਕ ਜਾਂ ਸਾਇਰਾ ਦਾ ਦੂਜਾ ਵਿਆਹ ਹੋਣ ਤੱਕ ਦਿੱਤਾ ਜਾਣਾ ਹੈ। ਇਸ ਦੇ ਵਿਰੁੱਧ ਰਹਿਮਾਨ ਨੇ ਹਾਈ ਕੋਰਟ ਵਿੱਚ ਪਟੀਸ਼ਨ ਦਾਇਰ ਕੀਤੀ ਸੀ। ਪਟੀਸ਼ਨ ਨੂੰ ਖਾਰਜ ਕਰਦਿਆਂ ਜਸਟਿਸ ਕ੍ਰਿਸ਼ਨਾ ਐਸ ਦੀਕਸ਼ਿਤ ਨੇ ਉਨ੍ਹਾਂ 'ਤੇ 25,000 ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ।

ਇੱਕ ਬੇਸਹਾਰਾ ਪਤਨੀ ਦੀ ਮਦਦ ਕਰਨਾ ਇੱਕ ਮੁਸਲਮਾਨ ਦਾ ਨੈਤਿਕ ਅਤੇ ਧਾਰਮਿਕ ਫਰਜ਼ : ਜਸਟਿਸ ਦੀਕਸ਼ਿਤ ਨੇ ਕੁਰਾਨ ਦੇ ਹਵਾਲੇ ਨਾਲ ਕਿਹਾ ਕਿ ਇੱਕ ਸੱਚੇ ਮੁਸਲਮਾਨ ਲਈ ਆਪਣੀ ਨੈਤਿਕ ਅਤੇ ਧਾਰਮਿਕ ਜ਼ਿੰਮੇਵਾਰੀ ਹੈ ਕਿ ਉਹ ਆਪਣੀ ਬੇਸਹਾਰਾ ਸਾਬਕਾ ਪਤਨੀ ਦੀ ਮਦਦ ਕਰੇ। ਹਾਈ ਕੋਰਟ ਨੇ ਕਿਹਾ ਕਿ ਇਸਲਾਮਿਕ ਧਾਰਮਿਕ ਕਾਨੂੰਨ ਵਿੱਚ, ਮੇਹਰ ਨੂੰ ਆਮ ਤੌਰ 'ਤੇ ਸਾਬਕਾ ਪਤਨੀ ਨੂੰ ਦਿੱਤੇ ਗਏ ਇਨਾਮ ਵਜੋਂ ਦੇਖਿਆ ਜਾਂਦਾ ਹੈ। ਆਮ ਤੌਰ 'ਤੇ ਉਸ ਨੂੰ ਇਦੱਤ ਤੋਂ ਬਾਅਦ ਗੁਜ਼ਾਰਾ ਭੱਤਾ ਲੈਣ ਯੋਗ ਵੀ ਨਹੀਂ ਮੰਨਿਆ ਜਾਂਦਾ। ਪਰ ਇਹ ਹਮੇਸ਼ਾਂ ਪ੍ਰਵਾਨਤ ਮਿਆਰੀ ਨਿਯਮ ਨਹੀਂ ਹੁੰਦਾ।

ਮੇਹਰ ਦੀ ਰਕਮ ਵੀ ਅਕਸਰ ਗੁੰਮਰਾਹਕੁੰਨ ਅਤੇ ਨਾਕਾਫੀ ਅੰਕੜਾ ਹੁੰਦਾ ਹੈ। ਇਸ ਨੂੰ ਅਕਸਰ ਘੱਟ ਰੱਖਿਆ ਜਾਂਦਾ ਹੈ। ਫੈਸਲੇ ਵਿੱਚ, ਹਾਈ ਕੋਰਟ ਨੇ ਕਿਹਾ ਕਿ ਜਦੋਂ ਤਲਾਕ ਵਿਆਹ ਨੂੰ ਭੰਗ ਕਰਨ ਦਾ ਕਾਰਨ ਬਣਦਾ ਹੈ, ਇਸ ਦੇ ਕੁਝ ਅਧਿਕਾਰਾਂ ਅਤੇ ਜ਼ਿੰਮੇਵਾਰੀਆਂ ਨੂੰ ਪੂਰੀ ਤਰ੍ਹਾਂ ਖਤਮ ਨਹੀਂ ਕੀਤਾ ਜਾਂਦਾ। ਵਿਆਹ ਵਿੱਚ ਸ਼ਾਮਲ ਧਿਰਾਂ ਨੂੰ ਸਾਬਕਾ ਕੰਟਰੈਕਟ ਹੋਲਡਰ ਕਿਹਾ ਜਾ ਸਕਦਾ ਹੈ। ਕਾਨੂੰਨ ਅਨੁਸਾਰ ਇਸ ਤੋਂ ਨਵੀਆਂ ਜ਼ਿੰਮੇਵਾਰੀਆਂ ਉੱਠਦੀਆਂ ਹਨ। ਤਲਾਕ ਤੋਂ ਬਾਅਦ, ਬੇਸਹਾਰਾ ਸਾਬਕਾ ਪਤਨੀ ਨੂੰ ਗੁਜ਼ਾਰਾ ਭੱਤਾ ਦੇਣਾ ਪਤੀ ਦਾ ਸਥਾਈ ਫਰਜ਼ ਬਣ ਜਾਂਦਾ ਹੈ।

Published by:Amelia Punjabi
First published:

Tags: High court, Hindu, Hinduism, India, Karnataka, Marriage, Muslim, News, Wedding