Home /News /national /

ਨਿਤਿਨ ਗਡਕਰੀ ਦਾ ਵੱਡਾ ਦਾਅਵਾ- ਅਗਲੇ ਪੰਜ ਸਾਲ ਵਿੱਚ ਦੇਸ਼ ‘ਚ ਬੈਨ ਹੋ ਜਾਵੇਗਾ ਪੈਟਰੋਲ!

ਨਿਤਿਨ ਗਡਕਰੀ ਦਾ ਵੱਡਾ ਦਾਅਵਾ- ਅਗਲੇ ਪੰਜ ਸਾਲ ਵਿੱਚ ਦੇਸ਼ ‘ਚ ਬੈਨ ਹੋ ਜਾਵੇਗਾ ਪੈਟਰੋਲ!

ਨਿਤਿਨ ਗਡਕਰੀ ਦਾ ਵੱਡਾ ਦਾਅਵਾ- ਅਗਲੇ ਪੰਜ ਵਿੱਚ ਦੇਸ਼ ‘ਚ ਬੈਨ ਹੋ ਜਾਵੇਗਾ ਪੈਟਰੋਲ! (ਸੰਕੇਤਿਕ ਤਸਵੀਰ)

ਨਿਤਿਨ ਗਡਕਰੀ ਦਾ ਵੱਡਾ ਦਾਅਵਾ- ਅਗਲੇ ਪੰਜ ਵਿੱਚ ਦੇਸ਼ ‘ਚ ਬੈਨ ਹੋ ਜਾਵੇਗਾ ਪੈਟਰੋਲ! (ਸੰਕੇਤਿਕ ਤਸਵੀਰ)

ਕੇਂਦਰੀ ਟਰਾਂਸਪੋਰਟ ਮੰਤਰੀ ਨਿਤਿਨ ਗਡਕਰੀ (Nitin Gadkari) ਦਾ ਦਾਅਵਾ ਹੈ ਕਿ ਆਉਣ ਵਾਲੇ 5 ਸਾਲਾਂ 'ਚ ਦੇਸ਼ 'ਚ ਪੈਟਰੋਲ 'ਤੇ ਪਾਬੰਦੀ ਲੱਗ ਜਾਵੇਗੀ ਅਤੇ ਇਸ ਦੀ ਕੋਈ ਲੋੜ ਨਹੀਂ ਰਹੇਗੀ।

  • Share this:
    ਨਵੀਂ ਦਿੱਲੀ- ਆਮ ਆਦਮੀ ਦੇਸ਼ 'ਚ ਪੈਟਰੋਲ 'ਤੇ ਪਾਬੰਦੀ (Petrol Ban) ਦੀ ਕਲਪਨਾ ਵੀ ਨਹੀਂ ਕਰ ਸਕਦਾ ਪਰ ਕੇਂਦਰੀ ਟਰਾਂਸਪੋਰਟ ਮੰਤਰੀ ਨਿਤਿਨ ਗਡਕਰੀ (Nitin Gadkari) ਦਾ ਦਾਅਵਾ ਹੈ ਕਿ ਆਉਣ ਵਾਲੇ 5 ਸਾਲਾਂ 'ਚ ਦੇਸ਼ 'ਚ ਪੈਟਰੋਲ 'ਤੇ ਪਾਬੰਦੀ ਲੱਗ ਜਾਵੇਗੀ ਅਤੇ ਇਸ ਦੀ ਕੋਈ ਲੋੜ ਨਹੀਂ ਰਹੇਗੀ। ਕੇਂਦਰੀ ਮੰਤਰੀ ਦੇ ਇਸ ਦਾਅਵੇ ਦੀ ਅਸਲੀਅਤ ਤਾਂ ਆਉਣ ਵਾਲੇ ਸਮੇਂ ਵਿੱਚ ਹੀ ਪਤਾ ਲੱਗੇਗੀ ਪਰ ਜੇਕਰ ਦੇਸ਼ ਵਿੱਚ ਪੈਟਰੋਲ ਦਾ ਸਸਤਾ ਵਿਕਲਪ ਲਾਗੂ ਹੋ ਜਾਂਦਾ ਹੈ ਤਾਂ ਆਮ ਆਦਮੀ ਲਈ ਵੱਡੀ ਰਾਹਤ ਦੀ ਗੱਲ ਹੋਵੇਗੀ।

    ਵੀਰਵਾਰ ਨੂੰ ਅਕੋਲਾ 'ਚ ਡਾ: ਪੰਜਾਬ ਰਾਓ ਦੇਸ਼ਮੁਖ ਐਗਰੀਕਲਚਰਲ ਯੂਨੀਵਰਸਿਟੀ ਦੇ 36ਵੇਂ ਕਨਵੋਕੇਸ਼ਨ ਸਮਾਰੋਹ 'ਚ ਬੋਲਦਿਆਂ ਗਡਕਰੀ ਨੇ ਦਾਅਵਾ ਕੀਤਾ ਕਿ ਆਉਣ ਵਾਲੇ ਸਮੇਂ 'ਚ ਦੇਸ਼ 'ਚ ਪੈਟਰੋਲ 'ਤੇ ਪਾਬੰਦੀ ਲਗਾ ਦਿੱਤੀ ਜਾਵੇਗੀ। ਇਸ ਮੌਕੇ ਖੇਤੀਬਾੜੀ ਯੂਨੀਵਰਸਿਟੀ ਨੇ ਗਡਕਰੀ ਨੂੰ ‘ਡਾਕਟਰ ਆਫ਼ ਸਾਇੰਸ’ ਦੀ ਡਿਗਰੀ ਵੀ ਪ੍ਰਦਾਨ ਕੀਤੀ। ਪ੍ਰੋਗਰਾਮ ਦੀ ਪ੍ਰਧਾਨਗੀ ਮਹਾਰਾਸ਼ਟਰ ਦੇ ਰਾਜਪਾਲ ਅਤੇ ਯੂਨੀਵਰਸਿਟੀ ਦੇ ਚਾਂਸਲਰ ਭਗਤ ਸਿੰਘ ਕੋਸ਼ਿਆਰੀ ਨੇ ਕੀਤੀ।

    ਕੇਂਦਰੀ ਮੰਤਰੀ ਗਡਕਰੀ ਨੇ ਕਿਹਾ ਕਿ ਹੁਣ ਵਿਦਰਭ ਵਿੱਚ ਬਣੇ ਬਾਇਓ-ਈਥਾਨੌਲ (bio-ethanol) ਦੀ ਵਰਤੋਂ ਵਾਹਨਾਂ ਵਿੱਚ ਕੀਤੀ ਜਾ ਰਹੀ ਹੈ। ਖੂਹ ਦੇ ਪਾਣੀ ਤੋਂ ਗ੍ਰੀਨ ਹਾਈਡ੍ਰੋਜਨ (Green hydrogen) ਬਣਾਈ ਜਾ ਸਕਦੀ ਹੈ ਅਤੇ ਇਸ ਨੂੰ 70 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵੇਚਿਆ ਜਾ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਅਗਲੇ ਪੰਜ ਸਾਲਾਂ ਵਿੱਚ ਦੇਸ਼ ਵਿੱਚ ਪੈਟਰੋਲ ਖਤਮ ਹੋ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਸਿਰਫ਼ ਕਣਕ, ਝੋਨਾ, ਮੱਕੀ ਆਦਿ ਰਵਾਇਤੀ ਫ਼ਸਲਾਂ ਉਗਾਉਣ ਨਾਲ ਕਿਸਾਨ ਦਾ ਭਵਿੱਖ ਉੱਜਵਲ ਨਹੀਂ ਹੋ ਸਕਦਾ। ਹੁਣ ਕਿਸਾਨ ਨੂੰ ਕੁਝ ਕਰਨਾ ਪਵੇਗਾ। ਗਡਕਰੀ ਨੇ ਕਿਹਾ ਕਿ ਕਿਸਾਨਾਂ ਨੂੰ ਹੁਣ ਅੰਨਦਾਤਾ ਦੇ ਨਾਲ-ਨਾਲ ਊਰਜਾ ਦਾਨੀ ਬਣਨ ਦੀ ਲੋੜ ਹੈ।



    ਗਡਕਰੀ ਨੇ ਕਿਹਾ ਕਿ ਈਥਾਨੌਲ ਦੇ ਫੈਸਲੇ ਨਾਲ ਦੇਸ਼ ਨੂੰ 20,000 ਕਰੋੜ ਰੁਪਏ ਦੀ ਬਚਤ ਹੋਈ ਹੈ। ਆਉਣ ਵਾਲੇ ਸਮੇਂ ਵਿੱਚ ਦੋ ਪਹੀਆ ਵਾਹਨ ਅਤੇ ਚਾਰ ਪਹੀਆ ਵਾਹਨ ਗ੍ਰੀਨ ਹਾਈਡ੍ਰੋਜਨ, ਈਥਾਨੌਲ ਅਤੇ ਸੀਐਨਜੀ 'ਤੇ ਆਧਾਰਿਤ ਹੋਣਗੇ। ਕੇਂਦਰੀ ਮੰਤਰੀ ਨੇ ਕਿਹਾ ਕਿ ਵਿਦਰਭ ਤੋਂ ਬੰਗਲਾਦੇਸ਼ ਨੂੰ ਕਪਾਹ ਨਿਰਯਾਤ ਕਰਨ ਦੀ ਯੋਜਨਾ ਹੈ, ਜਿਸ ਲਈ ਯੂਨੀਵਰਸਿਟੀਆਂ ਦੇ ਸਹਿਯੋਗ ਦੀ ਲੋੜ ਹੈ। ਵਿਦਰਭ ਵਿੱਚ ਕਿਸਾਨ ਖੁਦਕੁਸ਼ੀਆਂ ਨੂੰ ਰੋਕਣ ਵਿੱਚ ਯੂਨੀਵਰਸਿਟੀਆਂ ਅਹਿਮ ਭੂਮਿਕਾ ਨਿਭਾ ਸਕਦੀਆਂ ਹਨ।
    Published by:Ashish Sharma
    First published:

    Tags: Banned, Business, Nitin Gadkari, Petrol

    ਅਗਲੀ ਖਬਰ