• Home
  • »
  • News
  • »
  • national
  • »
  • NO DEATH REPORTED IN THOSE INFECTED WITH COVID19 AFTER VACCINATION SAYS AIIMS DELHI STUDY

ਵੈਕਸੀਨ ਲੈਣ ਤੋਂ ਬਾਅਦ ਵੀ ਕੋਰੋਨਾ ਪਾਜੀਟਿਵ ਆਏ ਕਿਸੇ ਵੀ ਵਿਅਕਤੀ ਦੀ ਨਹੀਂ ਹੋਈ ਮੌਤ: ਸਟੱਡੀ

ਵੈਕਸੀਨ ਲੈਣ ਤੋਂ ਬਾਅਦ ਵੀ ਕੋਰੋਨਾ ਪਾਜੀਟਿਵ ਆਏ ਕਿਸੇ ਵੀ ਵਿਅਕਤੀ ਦੀ ਨਹੀਂ ਹੋਈ ਮੌਤ: ਸਟੱਡੀ (ਫਾਇਲ ਫੋਟੋ)

  • Share this:
    ਆਲ ਇੰਡੀਆ ਇੰਸਟੀਚਿਊਟ ਆਫ ਮੈਡੀਕਲ ਸਾਇੰਸਿਜ਼ (ਏਮਜ਼) ਦੀ ਬ੍ਰੇਕ ਥ੍ਰੂ ਸਟੱਡੀ ਮੁਤਾਬਕ ਵੈਕਸੀਨ  ਲਗਵਾਉਣ ਵਾਲੇ ਕਿਸੇ ਵੀ ਵਿਅਕਤੀ ਦੀ ਲਾਗ ਕਾਰਨ ਮੌਤ ਨਹੀਂ ਹੋਈ। ਜੇ ਵੈਕਸੀਨ ਲੈਣ ਵਾਲਾ ਵਿਅਕਤੀ ਕੋਰੋਨਾ ਸੰਕਰਮਿਤ ਹੋ ਜਾਂਦਾ ਹੈ, ਤਾਂ ਇਸ ਨੂੰ ਬ੍ਰੇਕ ਥ੍ਰੂ ਇਨਫੈਕਸ਼ਨ ਕਹਿੰਦੇ ਹਨ।

    ਏਮਜ਼ ਨੇ ਇਹ ਅਧਿਐਨ ਅਪ੍ਰੈਲ ਅਤੇ ਮਈ ਦੇ ਵਿਚਕਾਰ ਕੀਤਾ ਹੈ। ਇਸ ਦੌਰਾਨ ਦੇਸ਼ ਵਿਚ ਕੋਰੋਨਾ ਦੀ ਲਹਿਰ ਸਿਖਰ 'ਤੇ ਸੀ ਅਤੇ ਹਰ ਦਿਨ ਲਗਭਗ 4 ਲੱਖ ਲੋਕ ਸੰਕਰਮਿਤ ਹੋ ਰਹੇ ਸਨ। ਏਮਜ਼ ਦੇ ਅਧਿਐਨ ਦੇ ਅਨੁਸਾਰ ਜਿਨ੍ਹਾਂ ਨੇ ਕੋਵਿਡ ਟੀਕੇ ਦੀਆਂ ਦੋਵੇਂ ਖੁਰਾਕਾਂ ਲਈਆਂ ਸਨ, ਭਾਵੇਂ ਉਨ੍ਹਾਂ ਵਿਚੋਂ ਕੁਝ ਲੋਕਾਂ ਨੂੰ ਕੋਰੋਨਾ ਦੀ ਲਾਗ ਲੱਗ ਗਈ ਸੀ, ਪਰ ਕਿਸੇ ਦੀ ਵੀ ਮੌਤ ਨਹੀਂ ਹੋਈ।

    ਇਸ ਅਧਿਐਨ ਵਿਚ ਇਹ ਕਿਹਾ ਗਿਆ ਹੈ ਕਿ ਵੈਕਸੀਨ ਲੈਣ ਵਾਲੇ ਕਿਸੇ ਵੀ ਵਿਅਕਤੀ ਦੀ ਮੌਤ ਕੋਰੋਨਾ ਦੀ ਲਾਗ ਕਾਰਨ ਨਹੀਂ ਹੋਈ ਹੈ। ਏਮਜ਼ ਨੇ ਬ੍ਰੇਕ ਥ੍ਰੂ ਇਨਫੈਕਸ਼ਨ ਦੇ ਕੁੱਲ 63 ਮਾਮਲਿਆਂ ਦੀ ਜੀਨੋਮ ਕ੍ਰਮ (sequencing) ਰਾਹੀਂ ਅਧਿਐਨ ਕੀਤਾ। ਇਨ੍ਹਾਂ ਵਿੱਚੋਂ 36 ਮਰੀਜ਼ਾਂ ਨੇ ਟੀਕੇ ਦੀਆਂ ਦੋਵੇਂ ਖੁਰਾਕਾਂ ਲਈਆਂ ਸਨ, ਜਦੋਂ ਕਿ 27 ਨੇ ਘੱਟੋ ਘੱਟ ਇੱਕ ਖੁਰਾਕ ਲਈ ਸੀ। ਇਸ ਅਧਿਐਨ ਵਿੱਚ 10 ਮਰੀਜ਼ਾਂ ਨੇ ਕੋਵੀਸ਼ਿਲਡ ਟੀਕਾ ਲਵਾਇਆ ਸੀ, ਜਦੋਂ ਕਿ 53 ਮਰੀਜ਼ਾਂ ਨੇ ਕੋਵੋਕਸੀਨ ਪ੍ਰਾਪਤ ਕੀਤੀ ਸੀ। ਦੁਬਾਰਾ ਕੋਰੋਨਾ ਦੀ ਲਾਗ ਕਾਰਨ ਇਨ੍ਹਾਂ ਵਿੱਚੋਂ ਕਿਸੇ ਵੀ ਮਰੀਜ਼ ਦੀ ਮੌਤ ਨਹੀਂ ਹੋਈ।

    ਅਧਿਐਨ ਦੇ ਅਨੁਸਾਰ ਦਿੱਲੀ ਵਿੱਚ ਸੰਕਰਮਣ ਦੇ ਜ਼ਿਆਦਾਤਰ ਕੇਸ ਇਕੋ ਜਿਹੇ ਹਨ ਅਤੇ ਲਾਗ ਦੇ ਮਾਮਲੇ ਵਿੱਚ ਕੋਰੋਨਾ ਦਾ B.1.617.2 ਅਤੇ B.1.17 ਸਟ੍ਰੇਨ ਜ਼ਿਆਦਾਤਰ ਮਾਮਲਿਆਂ ਵਿੱਚ ਵੇਖੇ ਜਾ ਰਹੇ ਹਨ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਪਹਿਲਾਂ ਵੀ ਬ੍ਰੇਕ ਥ੍ਰੂ ਦੇ ਮਾਮਲੇ ਸਾਹਮਣੇ ਆਏ ਸਨ, ਪਰ ਜ਼ਿਆਦਾਤਰ ਮਾਮਲਿਆਂ ਵਿਚ ਇਹ ਲਾਗ ਹਲਕੀ ਸੀ। ਕਿਸੇ ਵੀ ਕੇਸ ਵਿਚ ਵਿਅਕਤੀ ਦੀ ਸਿਹਤ ਗੰਭੀਰ ਨਹੀਂ ਹੋਈ ਅਤੇ ਕਿਸੇ ਦੀ ਮੌਤ ਨਹੀਂ ਹੋਈ।

    ਅਧਿਐਨ ਵਿਚ ਸ਼ਾਮਲ ਲੋਕਾਂ ਦੀ ਔਸਤ ਉਮਰ 37 ਸਾਲ ਅਤੇ ਸਭ ਤੋਂ ਛੋਟੀ ਉਮਰ ਦਾ ਨੌਜਵਾਨ  21 ਸਾਲ ਦਾ ਸੀ, ਜਦੋਂ ਕਿ ਸਭ ਤੋਂ ਵੱਡੀ ਉਮਰ 92 ਸਾਲ ਸੀ। ਇਨ੍ਹਾਂ ਵਿੱਚ 41 ਆਦਮੀ ਅਤੇ 22 ਔਰਤਾਂ ਸ਼ਾਮਲ ਸਨ। ਕਿਸੇ ਵੀ ਮਰੀਜ਼ ਨੂੰ ਕੋਈ ਪਹਿਲਾਂ ਦੀ ਗੰਭੀਰ ਬਿਮਾਰੀ ਨਹੀਂ ਸੀ।
    Published by:Gurwinder Singh
    First published: