Home /News /national /

ਸਾਉਣੀ ਲਈ ਨਹੀਂ ਹੋਵੇਗਾ ਖਾਦ ਦਾ ਸੰਕਟ, ਰੂਸ ਨੇ ਸਮੇਂ ਤੋਂ ਪਹਿਲਾਂ ਹੀ ਕਰ ਦਿੱਤੀ ਲੋੜੋਂ ਵੱਧ ਸਪਲਾਈ

ਸਾਉਣੀ ਲਈ ਨਹੀਂ ਹੋਵੇਗਾ ਖਾਦ ਦਾ ਸੰਕਟ, ਰੂਸ ਨੇ ਸਮੇਂ ਤੋਂ ਪਹਿਲਾਂ ਹੀ ਕਰ ਦਿੱਤੀ ਲੋੜੋਂ ਵੱਧ ਸਪਲਾਈ

(photo courtesy social media)

(photo courtesy social media)

  • Share this:

ਰੂਸ-ਯੂਕਰੇਨ ਜੰਗ ਅਤੇ ਦਰਾਮਦ ਸਮੱਸਿਆਵਾਂ ਕਾਰਨ ਖਦਸ਼ਾ ਪ੍ਰਗਟਾਇਆ ਜਾ ਰਿਹਾ ਸੀ ਕਿ ਇਸ ਵਾਰ ਸਾਉਣੀ ਦੇ ਸੀਜ਼ਨ 'ਚ ਕਿਸਾਨਾਂ ਨੂੰ ਖਾਦ ਸੰਕਟ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ। ਪਰ ਸਰਕਾਰ ਨੇ ਸਪੱਸ਼ਟ ਕੀਤਾ ਹੈ ਕਿ ਅਜਿਹਾ ਕੁਝ ਵੀ ਹੋਣ ਵਾਲਾ ਨਹੀਂ ਹੈ। ਸਗੋਂ ਇਸ ਵਾਰ ਤਾਂ ਲੋੜ ਤੋਂ ਵੱਧ 131 ਲੱਖ ਮੀਟ੍ਰਿਕ ਟਨ ਜ਼ਿਆਦਾ ਖਾਦ ਮਿਲਣ ਦੀ ਉਮੀਦ ਹੈ।

ਰੂਸ ਨੇ ਵੀ ਖਾਦਾਂ ਸਬੰਧੀ ਆਪਣਾ ਵਾਅਦਾ ਨਿਭਾਇਆ ਹੈ ਅਤੇ ਸਮੇਂ ਤੋਂ ਪਹਿਲਾਂ 3.60 ਲੱਖ ਮੀਟ੍ਰਿਕ ਟਨ ਖਾਦ ਦੀ ਸਪਲਾਈ ਕਰ ਦਿੱਤੀ ਹੈ। ਕੌਮਾਂਤਰੀ ਮੰਡੀ ਵਿੱਚ ਖਾਦਾਂ ਦੀਆਂ ਵਧਦੀਆਂ ਕੀਮਤਾਂ ਬਾਰੇ ਕੇਂਦਰੀ ਖਾਦ ਸਕੱਤਰ ਰਾਜੇਸ਼ ਚਤੁਰਵੇਦੀ ਨੇ ਕਿਹਾ ਕਿ ਜਲਦੀ ਹੀ ਖਾਦਾਂ ’ਤੇ ਸਬਸਿਡੀ ਬਾਰੇ ਕੈਬਨਿਟ ਮੀਟਿੰਗ ਵਿੱਚ ਫੈਸਲਾ ਲਿਆ ਜਾਵੇਗਾ।

ਸਮਾਚਾਰ ਏਜੰਸੀ ਪੀਟੀਆਈ ਦੇ ਅਨੁਸਾਰ, ਖਾਦ ਸਕੱਤਰ ਰਾਜੇਸ਼ ਚਤੁਰਵੇਦੀ ਨੇ ਦੱਸਿਆ ਕਿ ਸਾਉਣੀ ਦੇ ਆਗਾਮੀ ਸੀਜ਼ਨ ਵਿੱਚ 354.34 ਲੱਖ ਮੀਟ੍ਰਿਕ ਟਨ ਖਾਦ ਦੀ ਲੋੜ ਦਾ ਅਨੁਮਾਨ ਹੈ। ਇਸ ਦੇ ਮੁਕਾਬਲੇ 485.59 ਲੱਖ ਮੀਟ੍ਰਿਕ ਟਨ (LMT) ਖਾਦ ਦਾ ਪ੍ਰਬੰਧ ਕੀਤਾ ਗਿਆ ਹੈ।

ਇਸ ਵਿੱਚੋਂ 125.5 LMT ਖਾਦ ਪਹਿਲਾਂ ਹੀ ਸਟਾਕ ਵਿੱਚ ਹੈ। 104.72 LMT ਆਯਾਤ ਕੀਤਾ ਜਾਵੇਗਾ। ਬਾਕੀ 254.79 ਲੱਖ ਮੀਟ੍ਰਿਕ ਟਨ ਘਰੇਲੂ ਉਤਪਾਦਨ ਹੋਵੇਗਾ। ਇਸ ਤਰ੍ਹਾਂ ਲੋੜ ਤੋਂ ਵੱਧ ਖਾਦ ਉਪਲਬਧ ਹੋਵੇਗੀ। ਸਾਉਣੀ ਦੇ ਸੀਜ਼ਨ ਵਿੱਚ ਖਾਦ ਦੀ ਘਾਟ ਦੀ ਕੋਈ ਸੰਭਾਵਨਾ ਨਹੀਂ ਹੈ।

ਸਾਉਣੀ ਮੁਹਿੰਮ 2022 ਲਈ ਆਯੋਜਿਤ ਰਾਸ਼ਟਰੀ ਖੇਤੀ ਸੰਮੇਲਨ ਵਿੱਚ ਸਕੱਤਰ ਖਾਦ ਨੇ ਦੱਸਿਆ ਕਿ 24 ਫਰਵਰੀ ਨੂੰ ਰੂਸ-ਯੂਕਰੇਨ ਯੁੱਧ ਸ਼ੁਰੂ ਹੋਣ ਤੋਂ ਬਾਅਦ 3.60 ਲੱਖ ਮੀਟ੍ਰਿਕ ਟਨ ਡੀਏਪੀ (ਡਾਈ ਅਮੋਨੀਅਮ ਫਾਸਫੇਟ) ਅਤੇ ਐਨਪੀਕੇ (ਨਾਈਟ੍ਰੋਜਨ, ਫਾਸਫੋਰਸ, ਪੋਟਾਸ਼ੀਅਮ) ਲਿਆਂਦੀ ਗਈ ਸੀ। ਇਹ ਸਾਨੂੰ ਮਿਲ ਗਿਆ ਹੈ ਜਾਂ ਇਹ ਰਸਤੇ ਵਿੱਚ ਹੈ।

ਪਿਛਲੇ ਸਾਲ ਦਸੰਬਰ ਵਿੱਚ, ਰੂਸੀ ਏਜੰਸੀਆਂ ਨਾਲ ਇੱਕ ਸਮਝੌਤਾ ਹੋਇਆ ਸੀ ਕਿ ਉਹ ਅਗਲੇ ਤਿੰਨ ਸਾਲਾਂ ਲਈ ਸਾਲਾਨਾ 2.5 ਲੱਖ ਮੀਟ੍ਰਿਕ ਟਨ ਡੀਏਪੀ ਅਤੇ ਐਨਪੀਕੇ ਦੀ ਸਪਲਾਈ ਕਰਨਗੇ। ਉਹ (ਰੂਸ) ਇਸ ਸੌਦੇ ਦਾ ਸਨਮਾਨ ਕਰ ਰਿਹਾ ਹੈ ਅਤੇ ਸਾਨੂੰ ਲਗਾਤਾਰ ਸਪਲਾਈ ਮਿਲ ਰਹੀ ਹੈ।

ਰੂਸ ਨੇ 4 ਲੱਖ ਮੀਟ੍ਰਿਕ ਟਨ ਡੀਏਪੀ, 10 ਐਲਐਮਟੀ ਪੋਟਾਸ਼ (ਐਮਓਪੀ) ਅਤੇ 8 ਲੱਖ ਮੀਟ੍ਰਿਕ ਟਨ ਐਨਪੀਕੇ ਪ੍ਰਦਾਨ ਕਰਨ ਦਾ ਭਰੋਸਾ ਦਿੱਤਾ ਹੈ। ਉਨ੍ਹਾਂ ਦੱਸਿਆ ਕਿ ਰੂਸ 'ਤੇ ਅਮਰੀਕਾ ਵਰਗੇ ਦੇਸ਼ਾਂ ਦੀਆਂ ਆਰਥਿਕ ਪਾਬੰਦੀਆਂ ਦੇ ਮੱਦੇਨਜ਼ਰ ਇਹ ਹੱਲ ਕੱਢਿਆ ਜਾ ਰਿਹਾ ਹੈ ਕਿ ਰੂਸ ਨੂੰ ਇਸ ਦਰਾਮਦ ਦੀ ਅਦਾਇਗੀ ਕਿਵੇਂ ਕੀਤੀ ਜਾਵੇ।

Published by:Gurwinder Singh
First published:

Tags: Farmers, Fertiliser, Progressive Farmer, Punjab farmers