ਹੁਣ ਤੱਕ ਸਿਰਫ 37% ਸਿਹਤ ਤੇ ਫਰੰਟ-ਲਾਈਨ ਕਰਮੀਆਂ ਨੂੰ ਮਿਲੀਆਂ ਵੈਕਸੀਨ ਦੀਆਂ ਦੋ ਖੁਰਾਕਾਂ: ਰਿਪੋਰਟ

ਕੋਰੋਨਾਵਾਇਰਸ ਦੀ ਵਧ ਰਹੀ ਲਾਗ ਦੇ ਵਿਚਕਾਰ ਹੁਣ ਤੱਕ ਸਿਰਫ 37 ਪ੍ਰਤੀਸ਼ਤ ਸਿਹਤ ਅਤੇ ਫਰੰਟ-ਲਾਈਨ ਕਰਮਚਾਰੀਆਂ ਨੂੰ ਵੈਕਸੀਨ ਦੀਆਂ ਦੋ ਖੁਰਾਕਾਂ ਮਿਲੀਆਂ ਹਨ। ਟੀਕਾਕਰਨ ਮੁਹਿੰਮ ਦੀ ਸ਼ੁਰੂਆਤ ਸਮੇਂ ਸਰਕਾਰ ਨੇ 3 ਕਰੋੜ ਦਾ ਟੀਚਾ ਮਿੱਥਿਆ ਸੀ। ਇਸ ਤੋਂ ਇਲਾਵਾ ਸਿਰਫ 91 ਲੱਖ ਫਰੰਟ ਲਾਈਨ ਕਰਮਚਾਰੀਆਂ ਨੂੰ ਟੀਕੇ ਦੀ ਪਹਿਲੀ ਖੁਰਾਕ ਮਿਲੀ ਹੈ। ਦੱਸ ਦਈਏ ਕਿ ਇਸ ਸਾਲ 16 ਜਨਵਰੀ ਨੂੰ ਪੀਐਮ ਮੋਦੀ ਨੇ ਟੀਕਾਕਰਨ ਮੁਹਿੰਮ ਨੂੰ ਹਰੀ ਝੰਡੀ ਦਿੱਤੀ ਸੀ।

ਅੰਗਰੇਜ਼ੀ ਅਖਬਾਰ ਟਾਈਮਜ਼ ਆਫ ਇੰਡੀਆ ਦੇ ਅਨੁਸਾਰ ਸਿਰਫ 2.36 ਕਰੋੜ ਸਿਹਤ ਅਤੇ ਫਰੰਟ ਲਾਈਨ ਦੇ ਕਰਮਚਾਰੀਆਂ ਨੇ ਟੀਕਾ ਲਗਵਾਉਣ ਲਈ ਰਜਿਸਟਰ ਕੀਤਾ ਸੀ। ਜੇ ਵੇਖਿਆ ਜਾਵੇ ਤਾਂ ਹੁਣ ਤੱਕ ਰਜਿਸਟਰਡ ਸਿਹਤ ਅਤੇ ਫਰੰਟ ਲਾਈਨ ਦੇ 47 ਪ੍ਰਤੀਸ਼ਤ ਕਰਮਚਾਰੀ ਟੀਕੇ ਦੀ ਪਹਿਲੀ ਖੁਰਾਕ ਲੈ ਚੁੱਕੇ ਹਨ। ਯਾਨੀ ਇਹ ਗਿਣਤੀ ਅਜੇ ਅੱਧੀ ਹੈ।

ਇਹ ਕਿਹਾ ਜਾ ਰਿਹਾ ਹੈ ਕਿ ਲੋਕਾਂ ਦੀ ਰੁਚੀ ਵੀ ਇਸ ਹੌਲੀ ਰਫਤਾਰ ਲਈ ਜ਼ਿੰਮੇਵਾਰ ਹੈ। ਸ਼ੁਰੂ ਵਿਚ ਲੋਕ ਟੀਕਾ ਲੈਣ ਤੋਂ ਝਿਜਕਦੇ ਸਨ। ਬਾਅਦ ਵਿਚ, ਟੀਕੇ ਨਾਲ ਜੁੜੀਆਂ ਸਾਰੀਆਂ ਸ਼ੰਕਾਵਾਂ ਨੂੰ ਸਰਕਾਰ ਅਤੇ ਡਾਕਟਰਾਂ ਨੇ ਸਾਫ ਕਰ ਦਿੱਤਾ। ਇਸ ਦੇ ਬਾਵਜੂਦ, ਬਹੁਤ ਸਾਰੇ ਲੋਕ ਟੀਕਾ ਲੈਣ ਤੋਂ ਡਰਦੇ ਸਨ। ਦੇਸ਼ ਵਿਚ ਹੁਣ ਤੱਕ ਐਂਟੀ-ਕੋਵਿਡ ਟੀਕੇ ਦੀਆਂ 12.25 ਕਰੋੜ ਖੁਰਾਕਾਂ ਦਿੱਤੀਆਂ ਜਾ ਚੁੱਕੀਆਂ ਹਨ, ਜਿਨ੍ਹਾਂ ਵਿਚੋਂ 25.65 ਲੱਖ ਖੁਰਾਕ ਸ਼ਨੀਵਾਰ ਨੂੰ ਦਿੱਤੀ ਗਈ ਹੈ। ਸ਼ਨੀਵਾਰ ਨੂੰ 60,057 ਕੋਵਿਡ -19 ਟੀਕਾਕਰਨ ਕੇਂਦਰ ਚੱਲ ਰਹੇ ਸਨ ਅਤੇ ਇਹ ਅੰਕੜਾ ਔਸਤਨ 45 ਹਜ਼ਾਰ ਟੀਕਾਕਰਨ ਕੇਂਦਰਾਂ ਮੁਕਾਬਲੇ 15 ਹਜ਼ਾਰ ਵਧੇਰੇ ਹੈ।

ਸ਼ਨੀਵਾਰ ਰਾਤ ਅੱਠ ਵਜੇ ਤੱਕ ਦੇਸ਼ ਵਿੱਚ ਕੋਵਿਡ -19 ਟੀਕੇ ਦੀਆਂ 12,25,02,790 ਖੁਰਾਕ ਦਿੱਤੀਆਂ ਗਈਆਂ। ਇਨ੍ਹਾਂ ਵਿਚ 91,27,451 ਸਿਹਤ ਕਰਮਚਾਰੀ ਸ਼ਾਮਲ ਹਨ ਜਿਨ੍ਹਾਂ ਨੂੰ ਪਹਿਲੀ ਖੁਰਾਕ ਦਿੱਤੀ ਗਈ ਹੈ ਜਦੋਂ ਕਿ 57,07,322 ਨੂੰ ਦੂਜੀ ਖੁਰਾਕ ਦਿੱਤੀ ਗਈ ਹੈ। ਮੰਤਰਾਲੇ ਨੇ ਕਿਹਾ ਕਿ 60 ਸਾਲ ਤੋਂ ਵੱਧ ਉਮਰ ਦੇ 4,55,60,187 ਲੋਕਾਂ ਨੂੰ ਪਹਿਲੀ ਖੁਰਾਕ ਦਿੱਤੀ ਗਈ ਹੈ ਅਤੇ 38,77,667 ਨੂੰ ਦੂਜੀ ਖੁਰਾਕ ਦਿੱਤੀ ਗਈ ਹੈ।