ਪੰਚਕੂਲਾ 'ਚ 13 ਸਾਲਾ ਲੜਕੀ ਨਾਲ ਗੁਆਂਢੀ ਵੱਲੋਂ ਬਲਾਤਕਾਰ, 10 ਦਿਨ ਪਹਿਲਾਂ ਹੋਈ ਸੀ ਨਾਬਾਲਗ ਦੀ ਮਾਂ ਦੀ ਮੌਤ

News18 Punjabi | News18 Punjab
Updated: July 7, 2021, 10:49 AM IST
share image
ਪੰਚਕੂਲਾ 'ਚ 13 ਸਾਲਾ ਲੜਕੀ ਨਾਲ ਗੁਆਂਢੀ ਵੱਲੋਂ ਬਲਾਤਕਾਰ, 10 ਦਿਨ ਪਹਿਲਾਂ ਹੋਈ ਸੀ ਨਾਬਾਲਗ ਦੀ ਮਾਂ ਦੀ ਮੌਤ
ਪੰਚਕੂਲਾ 'ਚ 13 ਸਾਲਾ ਲੜਕੀ ਨਾਲ ਗੁਆਂਢੀ ਵੱਲੋਂ ਬਲਾਤਕਾਰ, 10 ਦਿਨ ਪਹਿਲਾਂ ਹੋਈ ਸੀ ਨਾਬਾਲਗ ਦੀ ਮਾਂ ਦੀ ਮੌਤ (ਸੰਕੇਤਕ ਫੋਟੋ)

  • Share this:
  • Facebook share img
  • Twitter share img
  • Linkedin share img
ਹਰਿਆਣਾ ਦੇ ਪੰਚਕੂਲਾ ਜ਼ਿਲ੍ਹੇ ਵਿਚ ਇਕ ਸ਼ਰਮਨਾਕ ਮਾਮਲਾ ਸਾਹਮਣੇ ਆਈ ਹੈ। ਜ਼ਿਲ੍ਹੇ ਵਿਚ ਇਕ 13 ਸਾਲਾ ਲੜਕੀ ਨਾਲ ਬਲਾਤਕਾਰ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਬਲਾਤਕਾਰ ਦੇ ਦੋਸ਼ ਗੁਆਂਢੀ 'ਤੇ ਲੱਗੇ ਹਨ।ਮੁਲਜ਼ਮ ਨੌਜਵਾਨ ਦੀ ਉਮਰ 25 ਸਾਲ ਦੱਸੀ ਜਾ ਰਹੀ ਹੈ। ਮਹਿਲਾ ਥਾਣਾ ਪੁਲਿਸ ਨੇ ਮਾਮਲਾ ਦਰਜ ਕਰਕੇ ਦੋਸ਼ੀ ਦੀ ਭਾਲ ਸ਼ੁਰੂ ਕਰ ਦਿੱਤੀ ਹੈ।

ਦੱਸ ਦਈਏ ਕਿ ਪੀੜਤ ਲੜਕੀ ਦੀ ਮਾਂ ਦੀ ਕਰੀਬ 10 ਦਿਨ ਪਹਿਲਾਂ ਮੌਤ ਹੋ ਗਈ ਸੀ। ਲੜਕੀ ਦਾ ਪਿਤਾ ਡਿਊਟੀ 'ਤੇ ਜਾਂਦਾ ਸੀ ਅਤੇ ਉਹ ਆਪਣੀ ਛੋਟੀ ਭੈਣ ਨਾਲ ਘਰ ਰਹਿੰਦੀ ਸੀ। ਗੁਆਂਢੀ ਇਸੇ ਮੌਕੇ ਦਾ ਫਾਇਦਾ ਉਠਾਉਂਦੇ ਹੋਏ ਲੜਕੀ ਨੂੰ ਆਪਣੇ ਘਰ ਲੈ ਗਿਆ ਅਤੇ ਜਬਰ ਜਨਾਹ ਕੀਤਾ।

ਦੋਸ਼ੀ ਨੇ ਲੜਕੀ ਨੂੰ ਧਮਕੀ ਵੀ ਦਿੱਤੀ ਕਿ ਜੇ ਉਸ ਨੇ ਇਸ ਬਾਰੇ ਕਿਸੇ ਨੂੰ ਦੱਸਿਆ ਤਾਂ ਉਹ ਉਸ ਨੂੰ ਮਾਰ ਦੇਵੇਗਾ। ਲੜਕੀ ਕੁਝ ਦਿਨ ਚੁੱਪ ਰਹੀ, ਪਰ ਪੁੱਛੇ ਜਾਣ ‘ਤੇ ਉਸ ਨੇ ਆਪਣੇ ਪਿਤਾ ਨੂੰ ਸਾਰੀ ਗੱਲ ਦੱਸੀ। ਫਿਰ ਪਿਤਾ ਨੇ ਮਹਿਲਾ ਥਾਣੇ ਵਿਚ ਸ਼ਿਕਾਇਤ ਦਰਜ ਕਰਵਾਈ।
ਸ਼ਿਕਾਇਤ ਮਿਲਦੇ ਹੀ ਪੁਲਿਸ ਨੇ ਲੜਕੀ ਦਾ ਮੈਡੀਕਲ ਕਰਵਾਇਆ ਅਤੇ ਮੁਲਜ਼ਮ ਨੂੰ ਫੜਨ ਲਈ ਪਹੁੰਚ ਗਈ, ਪਰ ਉਦੋਂ ਤੱਕ ਉਹ ਫਰਾਰ ਹੋ ਗਿਆ ਸੀ। ਜਾਂਚ ਅਧਿਕਾਰੀ ਰੀਟਾ ਨੇ ਦੱਸਿਆ ਕਿ ਲੜਕੀ ਦੇ ਮੈਡੀਕਲ ਟੈਸਟ ਵਿਚ ਬਲਾਤਕਾਰ ਦੀ ਪੁਸ਼ਟੀ ਹੋਈ ਹੈ।

ਮੁਲਜ਼ਮ ਖ਼ਿਲਾਫ਼ ਐਫਆਈਆਰ ਦਰਜ ਕੀਤੀ ਗਈ ਹੈ, ਪਰ ਉਹ ਫਰਾਰ ਹੋ ਗਿਆ। ਪੁਲਿਸ ਦਾ ਕਹਿਣਾ ਹੈ ਕਿ ਮੁਲਜ਼ਮ ਦੀ ਭਾਲ ਜਾਰੀ ਹੈ ਅਤੇ ਉਸ ਨੂੰ ਜਲਦੀ ਹੀ ਗ੍ਰਿਫ਼ਤਾਰ ਕਰ ਲਿਆ ਜਾਵੇਗਾ।
Published by: Gurwinder Singh
First published: July 7, 2021, 10:47 AM IST
ਹੋਰ ਪੜ੍ਹੋ
ਅਗਲੀ ਖ਼ਬਰ