Video- ਚਲਦੀ ਟਰੇਨ 'ਚ ਮੋਬਾਈਲ ਚੋਰ ਕਾਬੂ, ਲੋਕਾਂ ਨੇ 15 KM ਤੱਕ ਖਿੜਕੀ ਨਾਲ ਲਟਕਾ ਕੇ ਰਖਿਆ

ਬਿਹਾਰ ਦੇ ਬੇਗੂਸਰਾਏ ਜ਼ਿਲੇ 'ਚ ਇਕ ਮੋਬਾਇਲ ਚੋਰ ਨੂੰ ਦਿੱਤੀ ਗਈ ਅਜਿਹੀ ਸਜ਼ਾ, ਜਿਸ ਨੂੰ ਸੁਣ ਕੇ ਤੁਹਾਡੀ ਰੂਹ ਕੰਬ ਜਾਵੇਗੀ। ਇਸ ਮੋਬਾਈਲ ਚੋਰ ਨੂੰ ਯਾਤਰੀਆਂ ਨੇ ਰੰਗੇ ਹੱਥੀਂ ਫੜ ਲਿਆ ਅਤੇ ਚੱਲਦੀ ਟਰੇਨ ਦੀ ਖਿੜਕੀ ਨਾਲ ਲਟਕਾ ਦਿੱਤਾ। ਚੋਰ ਕਰੀਬ 15 ਕਿਲੋਮੀਟਰ ਤੱਕ ਆਪਣੀ ਜਾਨ ਦੀ ਭੀਖ ਮੰਗਦਾ ਰਿਹਾ। ਪਰ ਲੋਕਾਂ ਨੇ ਉਸਦੀ ਇੱਕ ਨਾ ਸੁਣੀ। ਹਾਲਾਂਕਿ ਬਾਅਦ 'ਚ ਦੋਸ਼ੀ ਨੂੰ ਜੀਆਰਪੀ ਦੇ ਹਵਾਲੇ ਕਰ ਦਿੱਤਾ ਗਿਆ। ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਮੋਬਾਈਲ ਚੋਰ ਪੰਕਜ ਕੁਮਾਰ ਨਵਾਂ ਟੋਲ ਸਾਹੇਬਪੁਰ ਕਮਾਲ ਥਾਣਾ ਖੇਤਰ ਦਾ ਰਹਿਣ ਵਾਲਾ ਹੈ।

ਦੱਸਿਆ ਜਾ ਰਿਹਾ ਹੈ ਕਿ ਇਹ ਵੀਡੀਓ ਮੰਗਲਵਾਰ ਦੀ ਹੈ। ਸਮਸਤੀਪੁਰ-ਕਟਿਹਾਰ ਯਾਤਰੀ ਰੇਲਗੱਡੀ ਰਾਤ ਕਰੀਬ 10.30 ਵਜੇ ਸਾਹਬਪੁਰ ਕਮਲ-ਉਮੇਸ਼ਨਗਰ ਦੇ ਵਿਚਕਾਰ ਲੰਘ ਰਹੀ ਸੀ। ਟਰੇਨ ਦੀ ਖਿੜਕੀ ਕੋਲ ਬੈਠਾ ਇੱਕ ਯਾਤਰੀ ਮੋਬਾਈਲ 'ਤੇ ਗੱਲ ਕਰ ਰਿਹਾ ਸੀ। ਜਿਵੇਂ ਹੀ ਟਰੇਨ ਚੱਲਣ ਲੱਗੀ, ਚੋਰ ਨੇ ਯਾਤਰੀ ਦੇ ਫੋਨ 'ਤੇ ਝਪਟਮਾਰ ਕਰ ਦਿੱਤੀ। ਮੁਸਾਫਰ ਨੇ ਫੁਰਤੀ ਦਿਖਾਉਂਦਿਆਂ ਚੋਰ ਨੂੰ  ਫੜ ਲਿਆ। ਇਸ ਤੋਂ ਬਾਅਦ ਚੋਰ ਸਾਹਬਪੁਰ ਕਮਾਲ ਤੋਂ ਖਗੜੀਆ ਨੂੰ ਰੇਲਗੱਡੀ ਨਾਲ ਲਟਕਾ ਕੇ ਲੈ ਗਏ। ਚੋਰ ਦੋਵਾਂ ਹੱਥਾਂ ਦੀ ਮਦਦ ਨਾਲ ਕਰੀਬ 15 ਕਿਲੋਮੀਟਰ ਤੱਕ ਟਰੇਨ ਦੀ ਖਿੜਕੀ ਨਾਲ ਲਟਕਦਾ ਰਿਹਾ।