• Home
  • »
  • News
  • »
  • national
  • »
  • PILIBHIT PILIBHIT BISALPUR BJP MLA RAMSHARAN VERMA SITS ON DHARNA AGAINST HIS OWN GOVERNMENT

UP: ਭਾਜਪਾ ਵਿਧਾਇਕ ਨੇ ਆਪਣੀ ਹੀ ਸਰਕਾਰ ਖਿਲਾਫ ਖੋਲ੍ਹਿਆ ਮੋਰਚਾ, ਧਰਨੇ 'ਤੇ ਬੈਠੇ

  • Share this:
    ਉਤਰ ਪ੍ਰਦੇਸ਼ ਦੇ ਪੀਲੀਭੀਤ (Pilibhit) ਜ਼ਿਲ੍ਹੇ ਦੀ ਬਿਸਲਪੁਰ ਵਿਧਾਨ ਸਭਾ ਸੀਟ (Bisalpur Assembly Seat) ਤੋਂ ਭਾਜਪਾ ਵਿਧਾਇਕ ਰਾਮਸ਼ਰਨ ਵਰਮਾ (BJP MLA Ramsharan Verma) ਆਪਣੀ ਕਾਰਜਸ਼ੈਲੀ ਨੂੰ ਲੈ ਕੇ ਹਮੇਸ਼ਾ ਸੁਰਖੀਆਂ ਵਿੱਚ ਰਹਿੰਦੇ ਹਨ। ਜਿਵੇਂ-ਜਿਵੇਂ ਵਿਧਾਨ ਸਭਾ ਚੋਣਾਂ (UP Assembly Election 2022) ਨੇੜੇ ਆ ਰਹੀਆਂ ਹਨ, ਉਨ੍ਹਾਂ ਦੀ ਚਰਚਾ ਵੀ ਵਧ ਗਈ ਹੈ।

    ਉਹ ਹੁਣ ਆਪਣੀ ਹੀ ਸਰਕਾਰ ਅਤੇ ਅਧਿਕਾਰੀਆਂ 'ਤੇ ਦੋਸ਼ ਲਾਉਂਦੇ ਹੋਏ ਧਰਨੇ 'ਤੇ ਬੈਠ ਗਏ ਹਨ ਕਿ ਉਨ੍ਹਾਂ ਦੀ ਕਿਤੇ ਵੀ ਸੁਣਵਾਈ ਨਹੀਂ ਹੋ ਰਹੀ | ਵਿਧਾਇਕ ਰਾਮਸ਼ਰਨ ਵਰਮਾ ਨੇ 9 ਨੁਕਾਤੀ ਮੰਗਾਂ ਰੱਖੀਆਂ ਹਨ, ਜਿਸ ਨੂੰ ਲੈ ਕੇ ਉਹ ਧਰਨੇ 'ਤੇ ਬੈਠੇ ਹਨ।

    ਇਸ ਵਿਚ ਸਭ ਤੋਂ ਅਹਿਮ ਮੰਗ ਆਵਾਰਾ ਪਸ਼ੂਆਂ ਕਾਰਨ ਕਿਸਾਨਾਂ ਨੂੰ ਹੋਣ ਵਾਲੇ ਨੁਕਸਾਨ ਤੋਂ ਰਾਹਤ ਦਿਵਾਉਣ ਦੀ ਹੈ। ਉਨ੍ਹਾਂ ਨੇ ਪਿੰਡ-ਪਿੰਡ ਗਊਸ਼ਾਲਾਵਾਂ ਸ਼ੁਰੂ ਕਰਨ, ਆਵਾਰਾ ਪਸ਼ੂਆਂ ਤੋਂ ਕਿਸਾਨਾਂ ਦੇ ਹੋਏ ਨੁਕਸਾਨ ਦਾ ਮੁਆਵਜ਼ਾ, ਗਊਸ਼ਾਲਾਵਾਂ ਦੀ ਸਮਰੱਥਾ ਵਧਾਉਣ, ਗਊਸ਼ਾਲਾਵਾਂ ਵਿੱਚ ਪਸ਼ੂਆਂ ਲਈ ਚਾਰੇ-ਪਾਣੀ ਦਾ ਯੋਗ ਪ੍ਰਬੰਧ, ਸਰਕਾਰੀ ਜ਼ਮੀਨ ’ਤੇ ਸਾਲਾਂ ਤੋਂ ਚੱਲ ਰਹੇ ਕਬਜ਼ੇ ਹਟਾਉਣ, ਖੰਡ ਮਿੱਲਾਂ ਤੋਂ ਬਕਾਇਆ ਦਿਵਾਉਣਾ ਸ਼ਾਮਲ ਹਨ।

    ਸ਼ਹਿਰੀ ਅਤੇ ਪੇਂਡੂ ਖੇਤਰਾਂ ਤੋਂ ਸੈਂਕੜੇ ਸਮਰਥਕਾਂ ਨਾਲ ਆਏ ਵਿਧਾਇਕ ਰਾਮਸ਼ਰਨ ਵਰਮਾ ਰਾਮਲੀਲਾ ਮੈਦਾਨ ਵਿੱਚ ਸਮੱਸਿਆਵਾਂ ਨੂੰ ਲੈ ਕੇ ਅਣਮਿੱਥੇ ਸਮੇਂ ਲਈ ਧਰਨੇ ’ਤੇ ਬੈਠ ਗਏ। ਧਰਨੇ ’ਤੇ ਬੈਠੇ ਵਿਧਾਇਕ ਨੇ ਦੱਸਿਆ ਕਿ ਜਦੋਂ ਤੱਕ ਮੰਗਾਂ ਨਹੀਂ ਮੰਨੀਆਂ ਜਾਂਦੀਆਂ ਉਦੋਂ ਤੱਕ ਧਰਨਾ ਜਾਰੀ ਰਹੇਗਾ। ਆਪਣੇ ਸਮਰਥਕਾਂ ਨੂੰ ਸੰਬੋਧਨ ਕਰਦਿਆਂ ਵਿਧਾਇਕ ਨੇ ਕਿਹਾ ਕਿ ਲੰਮੇ ਸਮੇਂ ਤੋਂ ਸਮੱਸਿਆਵਾਂ ਦੇ ਹੱਲ ਦੀ ਮੰਗ ਕਰ ਰਹੇ ਸਨ ਪਰ ਅਧਿਕਾਰੀ ਉਨ੍ਹਾਂ ਦੀ ਗੱਲ ਨਹੀਂ ਸੁਣ ਰਹੇ |
    Published by:Gurwinder Singh
    First published: