PM ਮੋਦੀ ਨੇ ਤੇਲੰਗਾਨਾ 'ਚ ਕਿਹਾ- ਵਿਕਾਸ ਸਾਡੇ ਲਈ 24 ਘੰਟੇ, 7 ਦਿਨ, 12 ਮਹੀਨਿਆਂ ਦਾ ਮਿਸ਼ਨ

ਹੈਦਰਾਬਾਦ- ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਅੱਜ ਆਪਣੇ ਦੱਖਣੀ ਭਾਰਤ ਦੇ ਦੌਰੇ 'ਤੇ ਤੇਲੰਗਾਨਾ ਨੂੰ 10 ਹਜ਼ਾਰ ਕਰੋੜ ਰੁਪਏ ਦਾ ਤੋਹਫਾ ਦਿੱਤਾ ਅਤੇ ਇਸ ਨੂੰ ਤੇਲੰਗਾਨਾ 'ਚ ਖੇਤੀ ਅਤੇ ਉਦਯੋਗ ਦੇ ਵਿਕਾਸ ਨੂੰ ਨਵੀਂ ਉਚਾਈ ਦੇਣ ਵਾਲਾ ਦੱਸਿਆ। ਪ੍ਰਧਾਨ ਮੰਤਰੀ ਮੋਦੀ ਨੇ ਇੱਥੇ ਤੇਲੰਗਾਨਾ ਦੇ ਪੇਦਾਪੱਲੀ ਜ਼ਿਲ੍ਹੇ ਦੇ ਰਾਮਗੁੰਡਮ ਵਿੱਚ ਰਾਮਗੁੰਡਮ ਫਰਟੀਲਾਈਜ਼ਰਜ਼ ਐਂਡ ਕੈਮੀਕਲਜ਼ ਲਿਮਿਟੇਡ (RFCL) ਦਾ ਯੂਰੀਆ ਪਲਾਂਟ ਰਾਸ਼ਟਰ ਨੂੰ ਸਮਰਪਿਤ ਕੀਤਾ। ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਨੇ ਭਦਰਚਲਮ ਰੋਡ ਅਤੇ ਸੱਤੂਪੱਲੀ ਵਿਚਕਾਰ ਨਵੀਂ ਰੇਲਵੇ ਲਾਈਨ ਵੀ ਰਾਸ਼ਟਰ ਨੂੰ ਸਮਰਪਿਤ ਕੀਤੀ। ਇਹ ਰੇਲਵੇ ਲਾਈਨ ਕਰੀਬ 1000 ਕਰੋੜ ਦੀ ਲਾਗਤ ਨਾਲ ਬਣਾਈ ਗਈ ਹੈ।

ਇਸ ਦੌਰਾਨ ਪੀਐਮ ਮੋਦੀ ਨੇ ਇੱਕ ਜਨ ਸਭਾ ਨੂੰ ਸੰਬੋਧਨ ਕਰਦੇ ਹੋਏ ਕਿਹਾ, 'ਅੱਜ ਤੇਲੰਗਾਨਾ ਲਈ 10,000 ਕਰੋੜ ਰੁਪਏ ਤੋਂ ਵੱਧ ਦੇ ਵਿਕਾਸ ਪ੍ਰੋਜੈਕਟਾਂ ਦਾ ਨੀਂਹ ਪੱਥਰ ਰੱਖਿਆ ਗਿਆ ਹੈ ਅਤੇ ਉਦਘਾਟਨ ਕੀਤਾ ਗਿਆ ਹੈ। ਇਹ ਪ੍ਰਾਜੈਕਟ ਇੱਥੋਂ ਦੀ ਖੇਤੀ ਅਤੇ ਉਦਯੋਗ ਦੋਵਾਂ ਨੂੰ ਹੁਲਾਰਾ ਦੇਣ ਜਾ ਰਹੇ ਹਨ।

#WATCH तेलंगाना: प्रधानमंत्री नरेंद्र मोदी ने पेद्दापल्ली जिले में रामागुंडम फर्टिलाइजर्स एंड केमिकल्स लिमिटेड (RFCL) प्लांट का दौरा किया।

(सोर्स- DD) pic.twitter.com/sTCE4ghUr7

— ANI_HindiNews (@AHindinews) November 12, 2022

ਪੀਐਮ ਮੋਦੀ ਨੇ ਕਿਹਾ, 'ਬਹੁਤ ਸਾਰੇ ਮਾਹਰ ਕਹਿ ਰਹੇ ਹਨ ਕਿ ਜੋ ਵਿਕਾਸ 1990 ਤੋਂ ਬਾਅਦ 30 ਸਾਲਾਂ ਵਿੱਚ ਹੋਇਆ, ਉਹ ਹੁਣ ਕੁਝ ਸਾਲਾਂ ਵਿੱਚ ਹੋਣ ਵਾਲਾ ਹੈ। ਅੱਜ ਦੁਨੀਆ ਦਾ ਭਾਰਤ ਵਿੱਚ ਅਜਿਹਾ ਬੇਮਿਸਾਲ ਵਿਸ਼ਵਾਸ ਹੈ, ਇਸ ਦਾ ਕਾਰਨ ਪਿਛਲੇ 8 ਸਾਲਾਂ ਵਿੱਚ ਭਾਰਤ ਵਿੱਚ ਆਈ ਤਬਦੀਲੀ ਹੈ। ਅੱਜ, ਵਿਕਾਸ ਦੀ ਅਭਿਲਾਸ਼ਾ ਦੇ ਨਾਲ, ਵਿਸ਼ਵਾਸ ਨਾਲ ਭਰਿਆ ਇੱਕ ਨਵਾਂ ਭਾਰਤ ਦੁਨੀਆ ਦੇ ਸਾਹਮਣੇ ਹੈ।

ਪੀਐਮ ਮੋਦੀ ਨੇ ਕਿਹਾ, ‘ਭਾਵੇਂ ਇਹ ਖਾਦ ਪਲਾਂਟ ਹੋਵੇ, ਨਵੀਂ ਰੇਲਵੇ ਲਾਈਨ ਹੋਵੇ ਜਾਂ ਹਾਈਵੇ, ਇਨ੍ਹਾਂ ਨਾਲ ਉਦਯੋਗੀਕਰਨ ਨੂੰ ਹੁਲਾਰਾ ਮਿਲੇਗਾ ਅਤੇ ਰੁਜ਼ਗਾਰ ਦੇ ਨਵੇਂ ਮੌਕੇ ਪੈਦਾ ਹੋਣਗੇ। ਮੈਂ ਇਨ੍ਹਾਂ ਵਿਕਾਸ ਪ੍ਰੋਜੈਕਟਾਂ ਲਈ ਤੇਲੰਗਾਨਾ ਦੇ ਲੋਕਾਂ ਨੂੰ ਵਧਾਈ ਦਿੰਦਾ ਹਾਂ।