• Home
  • »
  • News
  • »
  • national
  • »
  • PUNJAB SONU SOOD SAID THE POLITICS OF SUMMER PUNJAB LEADERS RESIGNATION IS ALSO ATTACHED TO MANIFESTO KS

ਸੋਨੂੰ ਸੂਦ ਨੇ ਗਰਮਾਈ ਪੰਜਾਬ ਦੀ ਰਾਜਨੀਤੀ, ਕਿਹਾ; ਨੇਤਾ ਅਸਤੀਫਾ ਵੀ ਮਨੋਰਥ ਪੱਤਰ ਨਾਲ ਨੱਥੀ ਕਰਨ

Punjab Politics: ਭਾਵੇਂ ਕਿ ਸੋਨੂੰ ਸੂਦ ਨੇ ਖੁਦ ਇਸ ਗੱਲ ਤੋਂ ਇਨਕਾਰ ਕੀਤਾ ਹੋਵੇ, ਪਰ ਪੰਜਾਬ ਦੀ ਸਿਆਸਤ (Punjab Politics) ਵਿੱਚ ਉਨ੍ਹਾਂ ਦੀ ਮੁੜ ਕੇਜਰੀਵਾਲ ਨਾਲ ਮੁਲਾਕਾਤ (Sonu Sood met Arvind Kejriwal) ਅਤੇ ਸਿਆਸੀ ਪਾਰੀ ਖੇਡਣ ਨੂੰ ਲੈ ਕੇ ਅਟਕਲਾਂ ਨੇ ਗਰਮਾਹਟ ਪੈਦਾ ਕਰ ਦਿੱਤੀ ਹੈ।

  • Share this:
    ਨਵੀਂ ਦਿੱਲੀ: ਕੋਰੋਨਾ ਦੌਰਾਨ ਲੌਕਡਾਊਨ ਵਿੱਚ ਲੋਕਾਂ ਲਈ ਮਸੀਹਾ ਬਣ ਕੇ ਬਹੁੜੇ ਬਾਲੀਵੁੱਡ ਅਦਾਕਾਰ (Bollywood Actor) ਸੋਨੂੰ ਸੂਦ (Sonu Sood) ਸਿਆਸਤ (Politics) ਵਿੱਚ ਕਦਮ ਰੱਖ ਸਕਦੇ ਹਨ। ਇਹ ਕਿਆਸਰਾਈਆਂ ਉਨ੍ਹਾਂ ਦੀ ਦਿੱਲੀ ਦੇ ਮੁੱਖ ਮੰਤਰੀ (Delhi CM) ਅਰਵਿੰਦ ਕੇਜਰੀਵਾਲ (CM Arvind Kejriwal) ਨਾਲ ਮੁਲਾਕਾਤ ਦੌਰਾਨ ਕੀਤੀ ਗੱਲਬਾਤ ਤੋਂ ਲੱਗਦੀ ਹੈ, ਜਿਸ ਦੌਰਾਨ ਉਨ੍ਹਾਂ ਨੇ ਕਿਹਾ ਕਿ ਨੇਤਾਵਾਂ ਨੂੰ ਆਪਣੇ ਚੋਣ ਮਨੋਰਥ ਪੱਤਰ ਨਾਲ ਅਸਤੀਫਾ ਵੀ ਨੱਥੀ ਕਰਨਾ ਚਾਹੀਦਾ ਹੈ, ਤਾਂ ਜੋ ਵਾਅਦੇ ਪੂਰੇ ਨਾ ਕਰਨ ਦੀ ਸਥਿਤੀ ਵਿੱਚ ਉਹ ਅਸਤੀਫਾ ਦੇਣ।

    ਭਾਵੇਂ ਕਿ ਸੋਨੂੰ ਸੂਦ ਨੇ ਖੁਦ ਇਸ ਗੱਲ ਤੋਂ ਇਨਕਾਰ ਕੀਤਾ ਹੋਵੇ, ਪਰ ਪੰਜਾਬ ਦੀ ਸਿਆਸਤ (Punjab Politics) ਵਿੱਚ ਉਨ੍ਹਾਂ ਦੀ ਮੁੜ ਕੇਜਰੀਵਾਲ ਨਾਲ ਮੁਲਾਕਾਤ (Sonu Sood met Arvind Kejriwal) ਅਤੇ ਸਿਆਸੀ ਪਾਰੀ ਖੇਡਣ ਨੂੰ ਲੈ ਕੇ ਅਟਕਲਾਂ ਨੇ ਗਰਮਾਹਟ ਪੈਦਾ ਕਰ ਦਿੱਤੀ ਹੈ। ਹਾਲਾਂਕਿ ਮੁੱਖ ਮੰਤਰੀ ਚਿਹਰਾ ਹੋਣ ਬਾਰੇ ਸ਼ਾਇਦ ਹੀ ਹੋਵੇ ਕਿਉਂਕਿ ਕੇਜਰੀਵਾਲ ਨੇ ਪਹਿਲਾਂ ਹੀ ਸਪੱਸ਼ਟ ਕੀਤਾ ਸੀ ਕਿ ਪੰਜਾਬ ਵਿੱਚ ਆਪ ਦਾ ਮੁੱਖ ਮੰਤਰੀ ਸਿੱਖ ਭਾਈਚਾਰੇ ਵਿੱਚੋਂ ਹੋਵੇਗਾ।

    ਜ਼ਿਕਰਯੋਗ ਹੈ ਕਿ ਸੂਦ ਨੇ ਕੁਝ ਸਮਾਂ ਪਹਿਲਾਂ ਅਰਵਿੰਦ ਕੇਜਰੀਵਾਲ ਨਾਲ ਮੁਲਾਕਾਤ ਕੀਤੀ ਸੀ, ਉਸ ਸਮੇਂ ਤੋਂ ਹੀ ਸੋਨੂੰ ਅਤੇ ਉਨ੍ਹਾਂ ਦੀ ਸਿਆਸੀ ਪਾਰੀ ਨੂੰ ਲੈ ਕੇ ਚਰਚਾ ਜ਼ੋਰਾਂ 'ਤੇ ਹੈ।

    ਇਸ ਦੌਰਾਨ ਸੋਨੂੰ ਸੂਦ ਨੇ ਕਿਹਾ ਕਿ ਉਹ ਕੁਝ ਭਾਵਨਾਵਾਂ ਸਾਂਝੀਆਂ ਕਰਨਾ ਚਾਹੁੰਦਾ ਹਾਂ। ਉਸ ਨੇ ਕਿਹਾ ਕਿ ਕਈ ਵੀਡੀਓ ਵੀਡੀਓ ਵੇਖੀਆਂ ਹਨ ਨੇਤਾ, ਸਰਕਾਰ ਅਤੇ ਸੂਬੇ ਦੇ ਲੋਕ ਮੈਨੀਫੈਸਟੋ ਸ਼ੇਅਰ ਕਰਦੇ ਹਨ। ਇਨ੍ਹਾਂ ਵਿੱਚ ਵੱਡੇ-ਵੱਡੇ ਐਲਾਨ ਕਰਦੇ ਹਨ ਕਿ ਕਿ ਜੇਕਰ ਸਾਡੀ ਸਰਕਾਰ ਆਈ ਤਾਂ ਅਸੀਂ ਇਹ ਚੀਜ਼ਾਂ ਲੋਕਾਂ ਨੂੰ ਦੇਵਾਂਗੇ। ਇਹ ਵੀ ਮੁਫਤ ਹੈ। ਸੋਨੂੰ ਨੇ ਕਿਹਾ ਕਿ ਉਸਦਾ ਖਿਆਲ ਹੈ ਕਿ ਜਦੋਂ ਵੀ ਇਹ ਮੈਨੀਫੈਸਟੋ ਆਵੇ ਤਾਂ ਆਮ ਲੋਕਾਂ ਨਾਲ ਸਮਝੌਤਾ ਹੋਣਾ ਚਾਹੀਦਾ ਹੈ। ਲੋਕਾਂ ਨੂੰ ਸਮਝੌਤੇ ਦੀ ਕਾਪੀ ਦੇਣੀ ਚਾਹੀਦੀ ਹੈ ਕਿ ਨੇਤਾ ਨੇ ਇਹ ਕੰਮ ਇਸ ਸਮਾਂ ਸੀਮਾ ਵਿੱਚ ਕਰੇਗਾ। ਜੇਕਰ ਉਹ ਕੰਮ ਨਹੀਂ ਕਰ ਸਕਿਆ ਤਾਂ ਅਸਤੀਫਾ ਦੇ ਦੇਣਾ ਚਾਹੀਦਾ ਹੈ ਕਿ ਜੇਕਰ ਕੰਮ ਨਹੀਂ ਕਰ ਸਕਿਆ ਤਾਂ ਕੁਰਸੀ ਵੀ ਛੱਡ ਦੇਵਾਂਗਾ।

    ਹਰ ਗਲੀ ਅਤੇ ਸ਼ਹਿਰ ਵਿੱਚ ਲੋਕ ਮੈਨੀਫੈਸਟੋ ਦੇਣ, ਉੱਥੇ ਹੀ ਲੋਕ ਸਮਝੌਤੇ ਅਤੇ ਅਸਤੀਫੇ ਵੀ ਦੇਣ। ਇਸਦੀ ਇੱਕ ਨਿਸ਼ਚਿਤ ਸਮਾਂ ਸੀਮਾ ਹੋਣੀ ਚਾਹੀਦੀ ਹੈ। ਅਕਸਰ ਅਸੀਂ ਨੇਤਾਵਾਂ ਨੂੰ ਇਹ ਕਹਿੰਦੇ ਹੋਏ ਦੇਖਦੇ ਹਾਂ ਕਿ ਪਿਛਲੀ ਸਰਕਾਰ ਕਿਵੇਂ ਫੇਲ੍ਹ ਹੋਈ ਸੀ। ਲੋਕਾਂ ਤੋਂ ਬਿਹਤਰ ਕੋਈ ਨਹੀਂ ਜਾਣਦਾ ਕਿ ਕਿਹੜੇ ਵਾਅਦੇ ਪੂਰੇ ਨਹੀਂ ਹੋਏ। ਉੱਥੇ ਕੀ ਸਮੱਸਿਆ ਹੈ। ਸੋਨੂੰ ਨੇ ਕਿਹਾ ਕਿ ਸਾਨੂੰ ਇਹ ਸੁਨੇਹਾ ਦੇਣਾ ਚਾਹੀਦਾ ਹੈ ਕਿ ਜੇ ਮੈਂ ਆ ਗਿਆ ਤਾਂ ਮੈਂ ਕੀ ਤਬਦੀਲੀ ਦਿਆਂਗਾ। ਲੀਡਰ ਉਹ ਹੋਣਾ ਚਾਹੀਦਾ ਹੈ ਜੋ ਕੁਰਸੀ ਦਾ ਭੁੱਖਾ ਨਾ ਹੋਵੇ।

    ਜਦੋਂ ਵੀ ਨੇਤਾ ਸਹੁੰ ਚੁੱਕਦਾ ਹੈ ਤਾਂ ਨੇਤਾ ਨੂੰ ਵੀ ਅਸਤੀਫਾ ਆਪਣੀ ਜੇਬ ਵਿੱਚ ਪਾ ਲੈਣਾ ਚਾਹੀਦਾ ਹੈ। ਜੇਕਰ ਮੈਂ ਕੰਮ ਨਹੀਂ ਕਰ ਸਕਿਆ ਤਾਂ ਇਹ ਅਸਤੀਫਾ ਵੀ ਰੱਖਿਆ ਹੋਇਆ ਹੈ। ਮੈਂ ਸੋਚਦਾ ਹਾਂ ਕਿ ਆਉਣ ਵਾਲੇ ਸਮੇਂ ਵਿੱਚ ਅਜਿਹਾ ਮਾਹੌਲ ਸਿਰਜਿਆ ਜਾਵੇ ਕਿ ਬੇਰੁਜ਼ਗਾਰੀ, ਸਿਹਤ ਵਿਵਸਥਾ ਖਰਾਬ ਹੋਣ ਦੀ ਸ਼ਿਕਾਇਤ ਕਰਨ ਦੀ ਲੋੜ ਹੀ ਨਾ ਰਹੇ।

    ਸੂਦ ਨੇ ਕਿਹਾ ਕਿ ਮੇਰੀ ਕੋਸ਼ਿਸ਼ ਰਹੇਗੀ ਕਿ ਇਸ ਵਾਰ ਚੰਗੇ ਲੋਕ ਅੱਗੇ ਆਉਣ ਅਤੇ ਲੋਕਾਂ ਅਤੇ ਉਨ੍ਹਾਂ ਦੇ ਬੱਚਿਆਂ ਦਾ ਭਵਿੱਖ ਵਧੀਆ ਬਣਾਉਣ।

    ਸੋਨੂੰ ਸੂਦ ਦੀਆਂ ਇਨ੍ਹਾਂ ਗੱਲਾਂ ਨੂੰ ਹੀ ਰਾਜਨੀਤੀ ਨਾਲ ਜੋੜਿਆ ਜਾ ਰਿਹਾ ਹੈ ਕਿ ਉਹ ਆਮ ਆਦਮੀ ਪਾਰਟੀ ਵੱਲੋਂ ਸਿਆਸੀ ਪਾਰੀ ਦੀ ਸ਼ੁਰੂਆਤ ਕਰ ਸਕਦਾ ਹੈ।
    Published by:Krishan Sharma
    First published: