• Home
  • »
  • News
  • »
  • national
  • »
  • RAILWAYS RAILWAY S HUGE FREIGHT VILLAGE BEING BUILT NEAR JEWAR AIRPORT IN NOIDA UP GH AP

ਜੇਵਰ ਏਅਰਪੋਰਟ ਨੇੜੇ 540 ਕਰੋੜ ਦੀ ਲਾਗਤ ਨਾਲ ਬਣ ਰਿਹਾ Freight Village, ਹਜ਼ਾਰਾਂ ਲੋਕਾਂ ਨੂੰ ਮਿਲੇਗਾ ਰੁਜ਼ਗਾਰ

ਜ਼ਿਕਰਯੋਗ ਹੈ ਕਿ ਫਰੇਟ ਵਿਲੇਜ ਨੂੰ ਏਅਰਪੋਰਟ, ਐਨਐਚ, ਐਕਸਪ੍ਰੈਸਵੇਅ ਅਤੇ ਰੇਲ ਲਾਈਨ ਨਾਲ ਜੋੜਿਆ ਜਾਵੇਗਾ। ਡੀਐਫਸੀਸੀ ਦੇ ਐਮਡੀ ਆਰਕੇ ਜੈਨ ਨੇ ਨਿਊਜ਼ 18 ਇੰਡੀਆ ਨੂੰ ਦੱਸਿਆ ਹੈ ਕਿ ਇਹ ਮਲਟੀ-ਮੋਡਲ ਲੌਜਿਸਟਿਕ ਪਾਰਕ ਹਵਾਈ ਅੱਡੇ, ਰਾਸ਼ਟਰੀ ਰਾਜਮਾਰਗ, ਐਕਸਪ੍ਰੈਸਵੇਅ ਤੇ ਰੇਲ ਲਾਈਨ ਨਾਲ ਜੁੜਿਆ ਹੋਵੇਗਾ। ਇਹ DFC ਦੇ ਪੂਰਬੀ ਅਤੇ ਪੱਛਮੀ ਕੋਰੀਡੋਰ ਦੇ ਜੰਕਸ਼ਨ 'ਤੇ ਹੋਵੇਗਾ।

ਜੇਵਰ ਏਅਰਪੋਰਟ ਨੇੜੇ 540 ਕਰੋੜ ਦੀ ਲਾਗਤ ਨਾਲ ਬਣ ਰਿਹਾ Freight Village, ਹਜ਼ਾਰਾਂ ਲੋਕਾਂ ਨੂੰ ਮਿਲੇਗਾ ਰੁਜ਼ਗਾਰ

ਜੇਵਰ ਏਅਰਪੋਰਟ ਨੇੜੇ 540 ਕਰੋੜ ਦੀ ਲਾਗਤ ਨਾਲ ਬਣ ਰਿਹਾ Freight Village, ਹਜ਼ਾਰਾਂ ਲੋਕਾਂ ਨੂੰ ਮਿਲੇਗਾ ਰੁਜ਼ਗਾਰ

  • Share this:
ਜੇਵਰ ਹਵਾਈ ਅੱਡੇ ਦੇ ਨੇੜੇ ਰੇਲਵੇ ਦੁਆਰਾ ਇੱਕ ਵਿਸ਼ਾਲ Freight ਵਿਲੇਜ ਬਣਾਇਆ ਜਾ ਰਿਹਾ ਹੈ। ਰੇਲਵੇ ਦੇ ਡੈਡੀਕੇਟਿਡ ਫਰੇਟ ਕੋਰੀਡੋਰ ਦਾ ਇਹ ਹਿੱਸਾ ਮਲਟੀ-ਮੋਡਲ ਟਰਾਂਸਪੋਰਟ ਹੱਬ ਹੋਵੇਗਾ। ਇਸ ਨਾਲ ਨਾ ਸਿਰਫ਼ ਇਲਾਕੇ ਦੇ ਹਜ਼ਾਰਾਂ ਲੋਕਾਂ ਲਈ ਰੁਜ਼ਗਾਰ ਦੇ ਮੌਕੇ ਪੈਦਾ ਹੋਣਗੇ, ਸਗੋਂ ਇਸ ਨਾਲ ਦੇਸ਼ ਦੇ ਵਿਦੇਸ਼ੀ ਵਪਾਰ ਅਤੇ ਆਰਥਿਕ ਵਿਕਾਸ ਵਿੱਚ ਵੀ ਤੇਜ਼ੀ ਆਵੇਗੀ।

ਜ਼ਿਕਰਯੋਗ ਹੈ ਕਿ ਫਰੇਟ ਵਿਲੇਜ ਨੂੰ ਏਅਰਪੋਰਟ, ਐਨਐਚ, ਐਕਸਪ੍ਰੈਸਵੇਅ ਅਤੇ ਰੇਲ ਲਾਈਨ ਨਾਲ ਜੋੜਿਆ ਜਾਵੇਗਾ। ਡੀਐਫਸੀਸੀ ਦੇ ਐਮਡੀ ਆਰਕੇ ਜੈਨ ਨੇ ਨਿਊਜ਼ 18 ਇੰਡੀਆ ਨੂੰ ਦੱਸਿਆ ਹੈ ਕਿ ਇਹ ਮਲਟੀ-ਮੋਡਲ ਲੌਜਿਸਟਿਕ ਪਾਰਕ ਹਵਾਈ ਅੱਡੇ, ਰਾਸ਼ਟਰੀ ਰਾਜਮਾਰਗ, ਐਕਸਪ੍ਰੈਸਵੇਅ ਤੇ ਰੇਲ ਲਾਈਨ ਨਾਲ ਜੁੜਿਆ ਹੋਵੇਗਾ। ਇਹ DFC ਦੇ ਪੂਰਬੀ ਅਤੇ ਪੱਛਮੀ ਕੋਰੀਡੋਰ ਦੇ ਜੰਕਸ਼ਨ 'ਤੇ ਹੋਵੇਗਾ।

ਮਹਾਰਾਸ਼ਟਰ ਅਤੇ ਗੁਜਰਾਤ ਦੀਆਂ ਬੰਦਰਗਾਹਾਂ ਤੋਂ ਲੈ ਕੇ ਰਾਜਸਥਾਨ ਅਤੇ ਹਰਿਆਣਾ ਦੇ ਉਦਯੋਗਾਂ ਤੱਕਅਤੇ ਪੱਛਮੀ ਬੰਗਾਲ ਅਤੇ ਝਾਰਖੰਡ ਦੇ ਕੋਲੇ ਅਤੇ ਹੋਰ ਖਣਿਜਾਂ ਤੋਂ ਲੈ ਕੇ ਬਿਹਾਰ ਅਤੇ ਉੱਤਰ ਪ੍ਰਦੇਸ਼ ਤੱਕ, ਇਹ ਭਾਰਤ ਸਰਕਾਰ ਦੀ ਗਤੀ-ਸ਼ਕਤੀ ਯੋਜਨਾ ਦਾ ਇੱਕ ਮਹੱਤਵਪੂਰਨ ਮੀਲ ਪੱਥਰ ਹੋਵੇਗਾ। ਦੇਸ਼ ਅੰਦਰ ਹਰ ਤਰ੍ਹਾਂ ਦੀਆਂ ਵਸਤੂਆਂ ਨੂੰ ਮੰਜ਼ਿਲ ਤੱਕ ਪਹੁੰਚਾਉਣ ਦੇ ਮਾਮਲੇ ਵਿੱਚ ਇਹ ਬਹੁਤ ਮਹੱਤਵਪੂਰਨ ਰੋਲ ਅਦਾ ਕਰੇਗਾ। ਦਿੱਲੀ ਤੇ ਇਸ ਦੇ ਨੇੜੇ ਦੇ ਸ਼ਹਿਰਾਂ ਲਈ ਇਹ ਲੌਜਿਸਟਿਕ ਪਾਰਕ ਵਰਦਾਨ ਸਾਬਤ ਹੋਣ ਵਾਲਾ ਹੈ।

ਇਹ Freight ਕੋਰੀਡੋਰ ਜੇਵਰ ਇੰਟਰਨੈਸ਼ਨਲ ਏਅਰਪੋਰਟ ਦੇ ਨੇੜੇ ਹੋਣ ਕਾਰਨ ਇਹ ਅੰਤਰਰਾਸ਼ਟਰੀ ਕਾਰਗੋ ਤੋਂ ਆਉਣ ਵਾਲੇ ਸਮਾਨ ਅਤੇ ਕਾਰੋਬਾਰ ਨੂੰ ਵੱਡਾ ਹੁਲਾਰਾ ਦੇਣ ਜਾ ਰਿਹਾ ਹੈ। ਭਾਰਤ ਵਿੱਚ ਲੌਜਿਸਟਿਕਸ ਲਾਗਤ ਇੱਕ ਵੱਡੀ ਸਮੱਸਿਆ ਰਹੀ ਹੈ। ਇਸ ਕਾਰਨ ਵਸਤੂਆਂ ਦੀ ਕੀਮਤ ਔਸਤਨ 15-16 ਫੀਸਦੀ ਵਧ ਜਾਂਦੀ ਹੈ। ਜਦੋਂ ਕਿ ਦੁਨੀਆ ਭਰ 'ਚ ਇਹ 8 ਫੀਸਦੀ ਦੇ ਕਰੀਬ ਹੈ। ਇਸ ਨੂੰ ਘਟਾਉਣ ਅਤੇ ਬਿਹਤਰ ਆਵਾਜਾਈ ਲਈ ਪ੍ਰਧਾਨ ਮੰਤਰੀ ਨੇ ਗਤੀ-ਸ਼ਕਤੀ ਯੋਜਨਾ ਸ਼ੁਰੂ ਕੀਤੀ ਹੈ। ਦਾਦਰੀ ਰੇਲਵੇ ਸਟੇਸ਼ਨ ਦੇ ਨੇੜੇ ਬਣਾਏ ਜਾਣ ਵਾਲੇ ਇਸ ਫਰੇਟ ਕੋਰੀਡੋਰ ਨੂੰ ਤਿਆਰ ਕਰਨ 'ਤੇ ਲਗਭਗ 540 ਕਰੋੜ ਰੁਪਏ ਦੀ ਲਾਗਤ ਆਵੇਗੀ ਅਤੇ ਇਹ 800 ਏਕੜ 'ਚ ਫੈਲਿਆ ਹੋਵੇਗਾ।
Published by:Amelia Punjabi
First published: