PM ਮੋਦੀ ਦੀ ਨਕਲ ਕਰਨ ਲਈ ਮਸ਼ਹੂਰ ਕਾਮੇਡੀਅਨ ਸ਼ਿਆਮ ਰੰਗੀਲਾ 'ਆਪ' ਵਿੱਚ ਹੋਏ ਸ਼ਾਮਲ

ਨਵੀਂ ਦਿੱਲੀ : ਕਾਮੇਡੀਅਨ ਸ਼ਿਆਮ ਰੰਗੀਲਾ (Shyam Rangeela)  ਵੀਰਵਾਰ ਨੂੰ ਆਮ ਆਦਮੀ ਪਾਰਟੀ (AAP)  ਵਿੱਚ ਸ਼ਾਮਲ ਹੋ ਗਏ ਹਨ। 'ਆਪ' ਦੇ ਰਾਜਸਥਾਨ ਚੋਣ ਇੰਚਾਰਜ ਵਿਨੈ ਮਿਸ਼ਰਾ ਨੇ ਜੈਪੁਰ 'ਚ ਸ਼ਿਆਮ ਰੰਗੀਲਾ ਨੂੰ ਪਾਰਟੀ 'ਚ ਸ਼ਾਮਲ ਕਰਵਾਇਆ। 'ਆਪ' ਨੇ ਕਿਹਾ, ''ਸ਼ਿਆਮ ਰੰਗੀਲਾ ਆਪਣੇ ਵਿਅੰਗ ਨਾਲ ਲੋਕਾਂ ਦੇ ਉਦਾਸ ਚਿਹਰਿਆਂ 'ਤੇ ਮੁਸਕਰਾਹਟ ਲਿਆ ਰਿਹਾ ਹੈ। ਹੁਣ ਉਹ ਦੇਸ਼ ਵਿੱਚ ਕਲਾ ਦੇ ਨਾਲ-ਨਾਲ ‘ਕੰਮ ਦੀ ਰਾਜਨੀਤੀ’ ਕਰਨ ਵਾਲੀ ਆਮ ਆਦਮੀ ਪਾਰਟੀ ਨਾਲ ਮਿਲ ਕੇ ਸਿੱਖਿਆ ਅਤੇ ਸਿਹਤ ਕ੍ਰਾਂਤੀ ਦਾ ਚਾਨਣ ਮੁਨਾਰਾ ਜਗਾਉਣਗੇ।

ਦੂਜੇ ਪਾਸੇ ਸ਼ਿਆਮ ਰੰਗੀਲਾ ਨੇ ਟਵੀਟ ਕਰਕੇ ਕਿਹਾ, "ਰਾਜਸਥਾਨ ਨੂੰ ਵੀ 'ਕੰਮ ਦੀ ਰਾਜਨੀਤੀ' ਦੀ ਲੋੜ ਹੈ ਅਤੇ ਅਸੀਂ 'ਕੰਮ ਦੀ ਰਾਜਨੀਤੀ' ਅਤੇ 'ਆਪ' ਦੇ ਨਾਲ ਹਾਂ।"

ਮਿਮਿਕਰੀ ਆਰਟਿਸਟ ਅਤੇ ਯੂਟਿਊਬਰ ਸ਼ਿਆਮ ਰੰਗੀਲਾ ਰਾਜਸਥਾਨ ਤੋਂ ਆਉਂਦੇ ਹਨ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਮਿਮਿਕਰੀ ਕਾਰਨ ਉਹ ਵਿਵਾਦਾਂ ਅਤੇ ਸੁਰਖੀਆਂ ਵਿੱਚ ਰਹੇ ਹਨ ਪਰ ਹੁਣ ਉਨ੍ਹਾਂ ਨੇ ਸਿਆਸਤਦਾਨਾਂ ਦੀ ਨਕਲ ਕਰਕੇ ਸਿਆਸਤ ਵਿੱਚ ਖੁੱਲ੍ਹ ਕੇ ਪ੍ਰਵੇਸ਼ ਕਰ ਲਿਆ ਹੈ। ਉਨ੍ਹਾਂ ਨੇ ਆਮ ਆਦਮੀ ਪਾਰਟੀ ਦ ਪੱਲਾ ਫੜ੍ਹ ਲਿਆ ਹੈ। ਵੀਰਵਾਰ ਨੂੰ ਰਾਜਸਥਾਨ ਦੇ ਚੋਣ ਇੰਚਾਰਜ ਵਿਨੈ ਮਿਸ਼ਰਾ ਨੇ ਰੰਗੀਲਾ ਅਤੇ ਕਾਮੇਡੀਅਨ ਖਿਆਲੀ ਨੂੰ ਪਾਰਟੀ 'ਚ ਸ਼ਾਮਲ ਕਰਨ ਲਈ ਮਿਲ ਕੇ ਉਨ੍ਹਾਂ ਦਾ ਸਵਾਗਤ ਕੀਤਾ।

राजस्थान को भी ‘काम की राजनीति’ की आवश्यकता है, और हम ‘काम की राजनीति’ और ‘आप’ के साथ है 🙏🏽 🙂
धन्यवाद https://t.co/oYW9Wj8wjJ

— Shyam Rangeela (@ShyamRangeela) May 5, 2022

ਇਸ ਦੌਰਾਨ ਭਾਵੁਕ ਹੋਏ ਸ਼ਿਆਮ ਰੰਗੀਲਾ ਨੇ ਕਿਹਾ ਕਿ ਉਹ 2014 'ਚ ਵੀ ਮੋਦੀ ਜੀ ਲਈ ਵੋਟਾਂ ਮੰਗ ਚੁੱਕੇ ਹਨ, ਉਦੋਂ ਉਨ੍ਹਾਂ ਨੇ ਬਦਲਾਅ ਲਈ ਵੋਟਾਂ ਮੰਗੀਆਂ ਸਨ ਅਤੇ ਹੁਣ ਉਹ ਆਮ ਆਦਮੀ ਪਾਰਟੀ 'ਚ ਸ਼ਾਮਲ ਹੋ ਕੇ ਮੁੜ ਬਦਲਾਅ ਲਈ ਵੋਟਾਂ ਮੰਗਣਗੇ |

ਮੇਰੇ  ਪਰਫਾਰਮਰ  'ਤੇ ਲਗਾਈ ਪਾਬੰਦੀ : ਰੰਗੀਲਾ

ਸ਼ਿਆਮ ਰੰਗੀਲਾ ਮੁਤਾਬਕ ਉਨ੍ਹਾਂ ਦਾ ਕਿੱਤਾ ਲੋਕਾਂ ਨੂੰ ਹਸਾਉਣਾ ਅਤੇ ਲੋਕਾਂ ਨੂੰ ਖੁਸ਼ ਕਰਨਾ ਹੈ। ਉਹ ਇਸ ਕੰਮ ਵਿਚ ਲੱਗੇ ਹੋਏ ਹਨ ਪਰ ਕੁਝ ਲੋਕਾਂ ਨੇ ਇਸ ਨੂੰ ਰਾਜਨੀਤੀ ਨਾਲ ਜੋੜ ਦਿੱਤਾ ਹੈ ਅਤੇ ਇਸ ਦਾ ਖਮਿਆਜ਼ਾ ਸ਼ਿਆਮ ਰੰਗੀਲਾ ਨੂੰ ਭੁਗਤਣਾ ਪਿਆ ਹੈ। ਰੰਗੀਲਾ ਮੁਤਾਬਕ ਸਾਲ 2017 'ਚ ਉਸ ਦੇ ਲਾਫਟਰ ਚੈਲੇਂਜ ਦੇ ਪ੍ਰਦਰਸ਼ਨ 'ਤੇ ਪਾਬੰਦੀ ਲਗਾ ਦਿੱਤੀ ਗਈ ਸੀ। ਇਸ ਦੌਰਾਨ ਸ਼ਿਆਮ ਰੰਗੀਲਾ ਵੀ ਥੋੜ੍ਹਾ ਭਾਵੁਕ ਹੋ ਗਏ।

ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨਾਲ ਅਜਿਹਾ ਸਿਰਫ ਰਾਜਨੀਤੀ ਕਾਰਨ ਹੋਇਆ ਹੈ, ਇਸ ਲਈ ਹੁਣ ਉਹ ਰਾਜਨੀਤੀ 'ਚ ਆ ਗਏ ਹਨ। ਉਨ੍ਹਾਂ ਨੇ ਦਿੱਲੀ ਵਿੱਚ ਆਮ ਆਦਮੀ ਪਾਰਟੀ ਦਾ ਕੰਮ ਦੇਖਿਆ, ਜਿਸ ਤੋਂ ਉਹ ਪ੍ਰਭਾਵਿਤ ਹੋਏ। ਇਹੀ ਕਾਰਨ ਹੈ ਕਿ ਉਨ੍ਹਾਂ ਨੇ ਸਿਆਸੀ ਖੇਤਰ ਲਈ ਆਮ ਆਦਮੀ ਪਾਰਟੀ ਨੂੰ ਚੁਣਿਆ।

ਪਾਰਟੀ ਚੋਣ ਲੜਨ ਦਾ ਫੈਸਲਾ ਕਰੇਗੀ

ਸ਼ਿਆਮ ਰੰਗੀਲਾ ਅਨੁਸਾਰ ਉਹ ਚੋਣ ਲੜਨ ਜਾਂ ਟਿਕਟ ਲੈਣ ਦੇ ਮਕਸਦ ਨਾਲ ਆਮ ਆਦਮੀ ਪਾਰਟੀ ਵਿੱਚ ਸ਼ਾਮਲ ਨਹੀਂ ਹੋਏ ਹਨ। ਪਰ ਸਮਾਜ ਸੇਵਾ ਅਤੇ ਵਿਕਾਸ ਉਨ੍ਹਾਂ ਦਾ ਮਨੋਰਥ ਹੈ। ਇਸੇ ਲਈ ਉਹ ਪਾਰਟੀ ਨਾਲ ਬਦਲਾਅ ਲਈ ਜੁੜੇ ਹੋਏ ਹਨ। ਹਾਲਾਂਕਿ ਸ਼ਿਆਮ ਰੰਗੀਲਾ ਦਾ ਇਹ ਵੀ ਕਹਿਣਾ ਹੈ ਕਿ ਜੇਕਰ ਪਾਰਟੀ ਇਸ ਸਬੰਧੀ ਕੋਈ ਹੁਕਮ ਦਿੰਦੀ ਹੈ ਤਾਂ ਉਹ ਦੇਖ ਕੇ ਚੋਣ ਲੜਨਗੇ। ਉਨ੍ਹਾਂ ਆਪਣੀ ਕਲਾ ਦਾ ਨਮੂਨਾ ਵੀ ਪੇਸ਼ ਕੀਤਾ। ਉਨ੍ਹਾਂ ਰਾਹੁਲ ਗਾਂਧੀ ਅਤੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੀ ਨਕਲ ਕਰਦਿਆਂ ਮੌਜੂਦਾ ਵਧਦੀ ਮਹਿੰਗਾਈ 'ਤੇ ਤਿੱਖਾ ਵਿਅੰਗ ਕੱਸਿਆ।