10 ਸਾਲਾਂ ਤੋਂ ਨੌਕਰੀ ਦੀ ਉਡੀਕ ਵਿਚ ਬੈਠੇ ਨੌਜਵਾਨ ਨੇ ਲਿਆ ਫਾਹਾ

ਸੰਕੇਤਿਕ ਫੋਟੋ

  • Share this:
    ਬੇਰੁਜ਼ਗਾਰੀ ਤੋਂ ਤੰਗ ਆ ਕੇ ਰਾਜਸਥਾਨ ਦੇ ਧੌਲਪੁਰ 'ਚ ਇਕ ਨੌਜਵਾਨ ਨੇ ਖੁਦਕੁਸ਼ੀ (Unemployed Youth Suicide) ਕਰ ਲਈ। ਦੱਸਿਆ ਜਾ ਰਿਹਾ ਹੈ ਕਿ 28 ਸਾਲਾ ਨਰਾਇਣ ਮੀਨਾ ਪਿਛਲੇ 10 ਸਾਲਾਂ ਤੋਂ ਸਰਕਾਰੀ ਨੌਕਰੀ ਦੀ ਉਡੀਕ ਕਰ ਰਿਹਾ ਸੀ।

    ਇਸ ਹਫ਼ਤੇ ਉਸ ਨੇ ਕਿਰਾਏ ਦੇ ਮਕਾਨ ਵਿੱਚ ਫਾਹਾ ਲੈ ਲਿਆ। ਮ੍ਰਿਤਕ ਨੌਜਵਾਨ ਨੇ ਖੁਦਕੁਸ਼ੀ ਨੋਟ 'ਚ ਪਿਛਲੀ ਭਾਜਪਾ ਸਰਕਾਰ 'ਤੇ ਨੌਕਰੀਆਂ ਨਾ ਦੇਣ ਦਾ ਦੋਸ਼ ਲਗਾਇਆ ਹੈ।

    ਅੰਗਰੇਜ਼ੀ ਅਖਬਾਰ ਇੰਡੀਅਨ ਐਕਸਪ੍ਰੈਸ ਨੇ ਪਰਿਵਾਰ ਦੇ ਹਵਾਲੇ ਨਾਲ ਲਿਖਿਆ ਕਿ ਭਾਜਪਾ ਸਰਕਾਰ ਨੇ ਆਯੁਰਵੇਦ ਕੰਪਾਊਂਡਰ ਦੀ ਭਰਤੀ ਦਾ ਐਲਾਨ ਕੀਤਾ ਸੀ। ਪਰ ਇਸ ਅਹੁਦੇ 'ਤੇ ਕਦੇ ਕਿਸੇ ਨੂੰ ਨਹੀਂ ਲਿਆ ਗਿਆ। ਮੀਨਾ ਰਾਜ ਦੇ ਅਨੁਸੂਚਿਤ ਜਨਜਾਤੀ ਭਾਈਚਾਰੇ ਤੋਂ ਸੀ।

    ਕੀ ਲਿਖਿਆ ਸੀ ਸੁਸਾਈਡ ਨੋਟ 'ਚ
    ਆਪਣੇ ਸੁਸਾਈਡ ਨੋਟ ਵਿੱਚ ਮੀਨਾ ਨੇ ਮੁੱਖ ਮੰਤਰੀ ਗਹਿਲੋਤ ਨੂੰ ਆਪਣੇ ਮਾਤਾ-ਪਿਤਾ ਅਤੇ ਮਾਸੀ ਦੇ ਪਰਿਵਾਰ ਲਈ ਆਰਥਿਕ ਮਦਦ ਦੀ ਅਪੀਲ ਵੀ ਕੀਤੀ ਹੈ। ਨਰਾਇਣ ਮੀਨਾ ਨੇ ਸੁਸਾਈਡ ਨੋਟ 'ਚ ਅੱਗੇ ਲਿਖਿਆ, 'ਉਸ ਸਰਕਾਰ ਦੇ ਪੰਜ ਸਾਲ ਅਕਾਲ ਵਾਂਗ ਲੰਘ ਗਏ। ਮੈਂ 2012 ਤੋਂ ਇੰਤਜ਼ਾਰ ਕੀਤਾ ਅਤੇ ਆਪਣੇ ਪਰਿਵਾਰ ਦੇ ਪੈਸੇ ਬਰਬਾਦ ਕਰਦਾ ਰਿਹਾ।

    ਸਦਮੇ ਵਿੱਚ ਨੌਜਵਾਨ
    ਉਸ ਦੇ 65 ਸਾਲਾ ਪਿਤਾ ਭੰਵਰ ਸਿੰਘ ਮੀਨਾ ਨੇ ਫੋਨ 'ਤੇ ਦੱਸਿਆ ਕਿ ਉਹ ਨਵੇਂ ਕੰਪਾਊਂਡਰ ਦੀ ਅਸਾਮੀ ਲਈ ਗਿਆ ਸੀ, ਪਰ ਪਿਛਲੇ ਸਾਲ ਦੇ ਅੰਤ 'ਚ ਨਤੀਜੇ ਆਉਣ 'ਤੇ ਉਸ ਦੀ ਚੋਣ ਨਹੀਂ ਕੀਤੀ ਗਈ। ਉਸੇ ਦਿਨ ਉਹ ਤਿੰਨ ਦਿਨ ਖਾਣਾ ਬੰਦ ਕਰ ਕੇ ਰੋਂਦਾ ਰਿਹਾ।

    ਅਸੀਂ ਉਸ ਨੂੰ 15-20 ਦਿਨ ਆਪਣੇ ਕੋਲ ਰੱਖਿਆ। ਫਿਰ ਉਸ ਨੇ ਕਿਹਾ ਕਿ ਉਸ ਦੀ ਇੱਕ ਪ੍ਰੀਖਿਆ ਬਾਕੀ ਹੈ। ਇਸ ਤੋਂ ਬਾਅਦ ਉਹ ਫਿਰ ਧੌਲਪੁਰ ਚਲਾ ਗਿਆ।
    Published by:Gurwinder Singh
    First published: