ਰਿਲਾਇੰਸ ਇੰਡਸਟਰੀਜ਼ ਦੁਨੀਆ ਦੀ 40ਵੀਂ ਸਭ ਤੋਂ ਮੂਲਵਾਨ ਕੰਪਨੀ ਬਣੀ

ਰਿਲਾਇੰਸ ਇੰਡਸਟਰੀਜ਼ ਦੇਸ਼ ਦੀ ਪ੍ਰਮੁੱਖ ਕੰਪਨੀ ਹੈ ਜੋ ਕੱਚੇ ਤੇਲ, ਰਿਫਾਇਨਰੀ, ਪੈਟਰੋ ਕੈਮੀਕਲ, ਪ੍ਰਚੂਨ ਅਤੇ ਦੂਰਸੰਚਾਰ ਖੇਤਰਾਂ ਵਿਚ ਕੰਮ ਕਰਦੀ ਹੈ। ਰਿਲਾਇੰਸ ਦੁਨੀਆ ਭਰ ਵਿੱਚ ਮਾਰਕੀਟ ਮੁਲਾਂਕਣ ਦੇ ਹਿਸਾਬ 40ਵੀਂ ਸੱਭ ਤੋਂ ਮੂਲਵਾਨ ਕੰਪਨੀ ਹੈ।

ਮੁਕੇਸ਼ ਅੰਬਾਨੀ, ਚੈਅਰਮੈਨ, ਰਿਲਾਇੰਸ ਇੰਡਸਟਰੀਜ

ਮੁਕੇਸ਼ ਅੰਬਾਨੀ, ਚੈਅਰਮੈਨ, ਰਿਲਾਇੰਸ ਇੰਡਸਟਰੀਜ

  • Share this:
    ਮਾਰਕੀਟ ਕੈਪੀਟਲ ਦੇ ਮਾਮਲੇ ਵਿਚ ਦੇਸ਼ ਦੀ ਸਭ ਤੋਂ ਵੱਡੀ ਕੰਪਨੀ ਰਿਲਾਇੰਸ ਇੰਡਸਟਰੀਜ਼ ਲਿਮਟਿਡ ਹੁਣ ਦੁਨੀਆ ਦੀ 40 ਵੀਂ ਸਭ ਤੋਂ ਕੀਮਤੀ ਕੰਪਨੀ ਬਣ ਗਈ ਹੈ। ਇਸਦੇ ਨਾਲ ਰਿਲਾਇੰਸ ਇੰਡਸਟਰੀਜ਼ 210 ਅਰਬ ਡਾਲਰ (15 ਲੱਖ ਕਰੋੜ ਰੁਪਏ ਤੋਂ ਵੱਧ) ਦੀ ਮਾਰਕੀਟ ਕੈਪ ਨੂੰ ਛੂਹਣ ਵਾਲੀ ਭਾਰਤ ਦੀ ਪਹਿਲੀ ਕੰਪਨੀ ਬਣ ਗਈ। ਰਿਲਾਇੰਸ ਇੰਡਸਟਰੀਜ਼ ਦੇਸ਼ ਦੀ ਪ੍ਰਮੁੱਖ ਕੰਪਨੀ ਹੈ ਜੋ ਕੱਚੇ ਤੇਲ, ਰਿਫਾਇਨਰੀ, ਪੈਟਰੋ ਕੈਮੀਕਲ, ਪ੍ਰਚੂਨ ਅਤੇ ਦੂਰਸੰਚਾਰ ਖੇਤਰਾਂ ਵਿਚ ਕੰਮ ਕਰਦੀ ਹੈ। ਰਿਲਾਇੰਸ ਦੁਨੀਆ ਭਰ ਵਿੱਚ ਮਾਰਕੀਟ ਮੁਲਾਂਕਣ ਦੇ ਹਿਸਾਬ 40ਵੀਂ ਸੱਭ ਤੋਂ ਮੂਲਵਾਨ ਕੰਪਨੀ ਹੈ।

    ਰਿਲਾਇੰਸ ਇੰਡਸਟਰੀਜ਼ ਦਾ ਸ਼ੇਅਰ ਵੀਰਵਾਰ ਨੂੰ ਐੱਨਐੱਸਈ. ਦੇ ਇੰਟਰਾ-ਡੇਅ 'ਤੇ ਆਪਣੇ ਸਰਵਪੱਖੀ ਰਿਕਾਰਡ ਪੱਧਰ 'ਤੇ 2,344.95 ਰੁਪਏ 'ਤੇ ਪਹੁੰਚ ਗਿਆ ਅਤੇ ਕਾਰੋਬਾਰ ਦੇ ਅੰਤ 'ਤੇ 7.29% ਦੀ ਤੇਜ਼ੀ ਨਾਲ 2,319 ਰੁਪਏ 'ਤੇ ਬੰਦ ਹੋਇਆ। ਐਨਐਸਈ ਉੱਤੇ ਰਿਲਾਇੰਸਪੀਪੀ ਦੇ ਸ਼ੇਅਰ ਵਿੱਚ 10 ਪ੍ਰਤੀਸ਼ਤ ਦਾ ਉੱਪਰਲਾ ਸਰਕਟ ਦੇਖਣ ਨੂੰ ਮਿਲਿਆ ਅਤੇ ਇਹ ਕੁੱਲ ਆਲਟ ਟਾਈਮ 1,393.7 ਰੁਪਏ ‘ਤੇ ਬੰਦ ਹੋਇਆ। ਇਸਦੇ ਨਾਲ ਕੰਪਨੀ ਦੀ ਮਾਰਕੀਟ ਕੈਪ 15.45 ਲੱਖ ਕਰੋੜ ਰੁਪਏ ਯਾਨੀ ਇੰਟਰਾ-ਡੇ ਵਿਚ 210 ਬਿਲੀਅਨ ਡਾਲਰ ਤੱਕ ਪੁੱਜ ਗਿਆ।

    ਮਾਰਕੀਟ ਬੰਦ ਹੋਣ 'ਤੇ ਆਰਆਈਐਲ ਦੀ ਮਾਰਕੀਟ ਕੈਪ 208.3 ਅਰਬ ਡਾਲਰ ਸੀ। ਮਾਰਕੀਟ ਵਿਸ਼ਲੇਸ਼ਕਾਂ ਦੇ ਅਨੁਸਾਰ ਇਹ ਪਹਿਲੀ ਵਾਰ ਹੈ ਜਦੋਂ ਕਿਸੇ ਭਾਰਤੀ ਕੰਪਨੀ ਨੇ 200 ਬਿਲੀਅਨ ਡਾਲਰ ਦੀ ਮਾਰਕੀਟ ਕੈਪ ਨੂੰ ਪਾਰ ਕੀਤਾ ਹੈ। ਮਾਰਕੀਟ ਵਿਸ਼ਲੇਸ਼ਕਾਂ ਦੇ ਅਨੁਸਾਰ ਰਿਲਾਇੰਸ ਇੰਡਸਟਰੀਜ਼ ਇਸ ਸਮੇਂ ਦੁਨੀਆ ਦੀ 40 ਵੀਂ ਮਹੱਤਵਪੂਰਣ ਕੰਪਨੀ ਹੈ ਅਤੇ Exxon Mobil, ਪੈਪਸੀਕੋ, SAP, Oracle, Pfizer ਅਤੇ Novartis ਵਰਗੀਆਂ ਕੰਪਨੀਆਂ ਤੋਂ ਅੱਗੇ ਹੈ। ਆਰਆਈਐਲ ਏਸ਼ੀਆ ਦੀਆਂ ਚੋਟੀ ਦੀਆਂ 10 ਸਭ ਤੋਂ ਕੀਮਤੀ ਕੰਪਨੀਆਂ ਵਿੱਚ ਸ਼ਾਮਲ ਹੈ।

    ਰਿਲਾਇੰਸਪੀਪੀ ਜਾਂ ਅੰਸ਼ਕ ਤੌਰ 'ਤੇ ਪੇਡ-ਅਪ ਸ਼ੇਅਰਾਂ ਨੇ ਸਿਰਫ ਤਿੰਨ ਮਹੀਨਿਆਂ ਵਿਚ 4.4 ਗੁਣਾ ਵੱਧ ਗਏ ਹਨ। ਇਹ ਇਸ਼ੂ 4 ਜੂਨ, 2020 ਨੂੰ ਬੰਦ ਹੋਇਆ ਸੀ ਅਤੇ ਨਿਵੇਸ਼ਕਾਂ ਨੂੰ ਹਰੇਕ ਅੰਸ਼ਕ ਤੌਰ ਤੇ ਪੇਡ-ਅਪ ਸ਼ੇਅਰਾਂ ਲਈ 314.25 ਰੁਪਏ ਦਾ ਭੁਗਤਾਨ ਕਰਨਾ ਪਿਆ। 19 ਜੂਨ, 2020 ਨੂੰ ਰਿਲਾਇੰਸ ਨੇ 150 ਅਰਬ ਡਾਲਰ ਦੇ ਮਾਰਕੀਟ ਕੈਪ ਨੂੰ ਪਾਰ ਕਰ ਲਿਆ ਸੀ ਅਤੇ 60 ਦਿਨਾਂ ਦੇ ਥੋੜੇ ਸਮੇਂ ਵਿੱਚ ਇਨਵੈਸਟਰ ਵੈਲਯੂ ਵਿਚ 60 ਅਰਬ ਡਾਲਰ ਦਾ ਵਾਧਾ ਕੀਤਾ ਹੈ।
    Published by:Ashish Sharma
    First published: