• Home
  • »
  • News
  • »
  • national
  • »
  • RS 1200 CR ON GUTKHA STAINS PLAN BEE FOR ELEPHANTS AUTO SCAVENGER INDIAN RAILWAYS BEYOND FERRYING

ਥੁੱਕ ਦੇ ਨਿਸ਼ਾਨ ਮਿਟਾਉਣ 'ਤੇ ਰੇਲਵੇ ਖਰਚ ਕਰਦਾ ਹੈ 1200 ਕਰੋੜ, ਹੁਣ ਵਿਭਾਗ ਨੇ ਲੱਭੇ 3 ਹੱਲ...

ਥੁੱਕ ਦੇ ਨਿਸ਼ਾਨ ਮਿਟਾਉਣ 'ਤੇ ਰੇਲਵੇ ਖਰਚ ਕਰਦਾ ਹੈ 1200 ਕਰੋੜ, ਹੁਣ ਵਿਭਾਗ ਨੇ ਲੱਭੇ 3 ਹੱਲ... (ਸੰਕੇਤਕ ਤਸਵੀਰ: Shutterstock)

ਥੁੱਕ ਦੇ ਨਿਸ਼ਾਨ ਮਿਟਾਉਣ 'ਤੇ ਰੇਲਵੇ ਖਰਚ ਕਰਦਾ ਹੈ 1200 ਕਰੋੜ, ਹੁਣ ਵਿਭਾਗ ਨੇ ਲੱਭੇ 3 ਹੱਲ... (ਸੰਕੇਤਕ ਤਸਵੀਰ: Shutterstock)

  • Share this:
    ਕੋਰੋਨਾਵਾਇਰਸ ਦੀ ਦੂਜੀ ਲਹਿਰ ਦੌਰਾਨ ਭਾਵੇਂ ਮੈਡੀਕਲ ਆਕਸੀਜਨ ਦੀ ਸਪਲਾਈ ਹੋਵੇ ਜਾਂ ਕੋਲੇ ਦਾ ਤਾਜ਼ਾ ਸੰਕਟ, ਰੇਲਵੇ ਹਮੇਸ਼ਾਂ ਆਪਣੇ ਸਰੋਤਾਂ ਨਾਲ ਤਿਆਰ ਰਹਿੰਦਾ ਹੈ। ਰੇਲਵੇ, ਜੋ ਕਿ ਦੇਸ਼ ਨੂੰ ਜੋੜਨ ਵਿੱਚ ਵੱਡਾ ਯੋਗਦਾਨ ਪਾ ਰਿਹਾ ਹੈ, ਆਪਣੀਆਂ ਖੁਦ ਦੀਆਂ ਸਮੱਸਿਆਵਾਂ ਜਿਵੇਂ ਕਿ ਹਾਥੀਆਂ ਨਾਲ ਦੁਰਘਟਨਾਵਾਂ, ਥੁੱਕ ਦੇ ਨਿਸ਼ਾਨ ਅਤੇ ਪਟੜੀਆਂ 'ਤੇ ਹੱਥ ਨਾਲ ਗੰਦਗੀ ਥੋਣ ਦੀ ਪ੍ਰਕਿਰਿਆ ਨਾਲ ਵੀ ਜੂਝ ਰਿਹਾ ਹੈ, ਪਰ ਹੁਣ ਇਨ੍ਹਾਂ ਮੁਸ਼ਕਿਲਾਂ ਨਾਲ ਨਜਿੱਠਣ ਲਈ ਇੱਕ ਵਿਸ਼ੇਸ਼ ਯੋਜਨਾ ਦੇ ਨਾਲ ਤਿਆਰ ਹੈ। ਆਓ ਹੁਣ ਵਿਸਥਾਰ ਨਾਲ ਸਮਝੀਏ-

    ਅਨੁਮਾਨ ਲਗਾਇਆ ਜਾਂਦਾ ਹੈ ਕਿ ਭਾਰਤੀ ਰੇਲਵੇ ਹਰ ਸਾਲ ਥੁੱਕਣ ਕਾਰਨ ਫੈਲੀ ਗੰਦਗੀ ਸਾਫ ਕਰਨ ਉਤੇ  1200 ਕਰੋੜ ਰੁਪਏ ਅਤੇ ਬਹੁਤ ਸਾਰਾ ਪਾਣੀ ਖਰਚ ਕਰਦਾ ਹੈ। ਇਨ੍ਹਾਂ ਵਿੱਚ ਖਾਸ ਕਰਕੇ ਗੁਟਖਾ ਅਤੇ ਪਾਨ ਖਾਣ ਤੋਂ ਬਾਅਦ ਥੁੱਕਣ ਦੇ ਨਿਸ਼ਾਨ ਸ਼ਾਮਲ ਹਨ।

    ਕੋਵਿਡ -19 ਦੇ ਬਾਅਦ ਲਗਾਈਆਂ ਗਈਆਂ ਪਾਬੰਦੀਆਂ ਦੇ ਬਾਅਦ ਵੀ ਥੁੱਕ ਦੇ ਨਿਸ਼ਾਨ ਇੱਕ ਵੱਡੀ ਸਮੱਸਿਆ ਹਨ। ਇਸ ਸਮੱਸਿਆ ਦੇ ਹੱਲ ਲਈ ਇੱਕ ਬਾਇਓਡੀਗਰੇਡੇਬਲ ਥੁੱਕਦਾਨ ਤਿਆਰ ਕੀਤਾ ਗਿਆ ਹੈ ਜਿਸ ਨੂੰ ਜੇਬ ਵਿੱਚ ਵੀ ਰੱਖਿਆ ਜਾ ਸਕਦਾ ਹੈ, ਜਿਸਦੀ ਵਰਤੋਂ ਬਾਅਦ ਵਿੱਚ ਵੀ ਕੀਤੀ ਜਾ ਸਕਦੀ ਹੈ।

    ਇਸ ਵਿੱਚ ਬੀਜ ਸ਼ਾਮਲ ਹੁੰਦੇ ਹਨ, ਇਸ ਲਈ ਜਦੋਂ ਇਸ ਨੂੰ ਸੁੱਟਿਆ ਜਾਵੇਗਾ ਤਾਂ ਉਨ੍ਹਾਂ ਵਿੱਚੋਂ ਪੌਦੇ ਉੱਗਣ ਦੇ ਯੋਗ ਹੋਣਗੇ। ਲੋਕਾਂ ਨੂੰ ਥੁੱਕਣ ਤੋਂ ਰੋਕਣ ਲਈ, 42 ਸਟੇਸ਼ਨਾਂ 'ਤੇ ਵੈਂਡਿੰਗ ਮਸ਼ੀਨਾਂ ਸਥਾਪਤ ਕੀਤੀਆਂ ਜਾ ਰਹੀਆਂ ਹਨ, ਜਿੱਥੇ ਇਹ ਥੁੱਕਦਾਨ 5 ਤੋਂ 10 ਰੁਪਏ ਵਿੱਚ ਉਪਲਬਧ ਹੋਣਗੇ।

    ਹਾਥੀਆਂ ਨੂੰ ਡਰਾਉਣ ਲਈ ਮਧੂ ਮੱਖੀਆਂ 

    ਰੇਲ ਮੰਤਰੀ ਪੀਯੂਸ਼ ਗੋਇਲ ਨੇ ਇੱਕ ਲੇਖ ਵਿੱਚ ਲਿਖਿਆ, 'ਇੱਕ ਸਵੇਰ ਪ੍ਰਧਾਨ ਮੰਤਰੀ ਨੇ ਮੈਨੂੰ ਇੱਕ ਅਨੋਖਾ ਸੁਝਾਅ ਦਿੱਤਾ। ਉਨ੍ਹਾਂ ਨੇ ਸੁਣਿਆ ਸੀ ਕਿ ਹਾਥੀ ਮਧੂ ਮੱਖੀਆਂ ਤੋਂ ਡਰਦੇ ਹਨ ਅਤੇ ਉਨ੍ਹਾਂ ਦੀ ਆਵਾਜ਼ ਤੋਂ ਭੱਜ ਜਾਂਦੇ ਹਨ। ਉਨ੍ਹਾਂ ਨੇ ਮੈਨੂੰ ਇਹ ਵੇਖਣ ਲਈ ਕਿਹਾ ਕਿ ਕੀ ਇਸ ਦੀ ਵਰਤੋਂ ਟਰੈਕਾਂ ਉਤੇ ਹਾਥੀਆਂ ਨਾਲ ਹਾਦਸਿਆਂ ਨੂੰ ਘਟਾਉਣ ਲਈ ਕੀਤੀ ਜਾ ਸਕਦੀ ਹੈ।

    ਹਾਥੀਆਂ ਨੂੰ ਪਟੜੀਆਂ ਤੋਂ ਹਟਾਉਣ ਲਈ ਮਧੂ ਮੱਖੀਆਂ ਦੀ ਆਵਾਜ਼ ਦੀ ਵਰਤੋਂ ਕਰਦਿਆਂ 'ਪਲਾਨ ਬੀ' ਪਹਿਲ ਕੀਤੀ ਗਈ ਸੀ। ਇਸ ਯੋਜਨਾ ਦੇ ਜ਼ਰੀਏ, ਮਈ 2017 ਤੋਂ ਮਈ 2021 ਤੱਕ, ਹਾਥੀਆਂ ਨਾਲ ਹਾਦਸਿਆਂ ਵਿੱਚ ਕਾਫ਼ੀ ਕਮੀ ਆਈ ਹੈ। 950 ਤੋਂ ਵੱਧ ਹਾਥੀਆਂ ਦੀ ਜਾਨ ਬਚਾਈ ਗਈ ਹੈ। ’ਨਵੰਬਰ 2017 ਵਿੱਚ, ਭਾਰਤੀ ਰੇਲਵੇ ਨੇ ਹਾਥੀਆਂ ਨੂੰ ਰੇਲਗੱਡੀ ਦੀ ਲਪੇਟ ਵਿੱਚ ਆਉਣ ਤੋਂ ਬਚਾਉਣ ਲਈ ਉੱਤਰ -ਪੂਰਬੀ ਸਰਹੱਦੀ ਰੇਲਵੇ (ਐਨਐਫਆਰ) ਵਿੱਚ ਇਸ ਦੀ ਸ਼ੁਰੂਆਤ ਕੀਤੀ ਸੀ।

    ਟਰੈਕਾਂ 'ਤੇ ਹੱਥ ਨਾਲ ਸਫਾਈ ਦੀ ਪ੍ਰਕਿਰਿਆ ਬੰਦ
    ਵਿਗਿਆਨ ਅਤੇ ਤਕਨਾਲੋਜੀ ਮੰਤਰਾਲੇ ਨੇ 5 ਅਪ੍ਰੈਲ 2021 ਨੂੰ ਕਿਹਾ ਸੀ ਕਿ ਇੱਕ ਸਵੈ-ਚਾਲਤ ਵਾਹਨ ਪਟੜੀਆਂ ਨੂੰ ਸਾਫ ਕਰਨ ਲਈ ਤਿਆਰ ਹੈ। ਇਸ ਵਾਹਨ ਵਿੱਚ ਸੁੱਕੇ ਅਤੇ ਗਿੱਲੇ ਸੈਕਸ਼ਨ ਸਿਸਟਮ, ਹਵਾ ਅਤੇ ਪਾਣੀ ਦੇ ਛਿੜਕਣ ਵਾਲੇ ਨੋਜ਼ਲ, ਨਿਯੰਤਰਣ ਪ੍ਰਣਾਲੀਆਂ ਸਮੇਤ ਹੋਰ ਵਿਸ਼ੇਸ਼ਤਾਵਾਂ ਹੋਣਗੀਆਂ। ਇਸ ਵਿੱਚ ਡਰਾਈਵਰ ਤੋਂ ਇਲਾਵਾ ਸਫਾਈ ਲਈ ਸਿਰਫ ਇੱਕ ਵਿਅਕਤੀ ਦੀ ਜ਼ਰੂਰਤ ਹੋਏਗੀ।
    Published by:Gurwinder Singh
    First published: