Home /News /national /

ਤੇਲੰਗਾਨਾ: ਕੋਰੋਨਾ ਪੀੜਤ ਟਰੰਪ ਦੀ ਸਿਹਤਯਾਬੀ ਲਈ ਭੁੱਖੇ ਰਹਿ ਕੇ ਪ੍ਰਾਥਨਾ ਕਰ ਰਹੇ ਕਿਸਾਨ ਦੀ ਮੌਤ

ਤੇਲੰਗਾਨਾ: ਕੋਰੋਨਾ ਪੀੜਤ ਟਰੰਪ ਦੀ ਸਿਹਤਯਾਬੀ ਲਈ ਭੁੱਖੇ ਰਹਿ ਕੇ ਪ੍ਰਾਥਨਾ ਕਰ ਰਹੇ ਕਿਸਾਨ ਦੀ ਮੌਤ

ਤੇਲੰਗਾਨਾ: ਕੋਰੋਨਾ ਪੀੜਤ ਟਰੰਪ ਦੀ ਸਿਹਤਯਾਬੀ ਲਈ ਭੁੱਖੇ ਰਹਿ ਕੇ ਪ੍ਰਾਥਨਾ ਕਰ ਰਹੇ ਕਿਸਾਨ ਦੀ ਮੌਤ  (Twitter)

ਤੇਲੰਗਾਨਾ: ਕੋਰੋਨਾ ਪੀੜਤ ਟਰੰਪ ਦੀ ਸਿਹਤਯਾਬੀ ਲਈ ਭੁੱਖੇ ਰਹਿ ਕੇ ਪ੍ਰਾਥਨਾ ਕਰ ਰਹੇ ਕਿਸਾਨ ਦੀ ਮੌਤ (Twitter)

  • Share this:
    ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ (Donald Trump) ਦੇ ਕੋਰੋਨਵਾਇਰਸ ਤੋਂ ਪੀੜਤ ਹੋਣ ਪਿੱਛੋਂ ਉਨ੍ਹਾਂ ਦੀ ਸਿਹਤ ਠੀਕ ਹੋਣ ਲਈ ਕਈ ਦਿਨਾਂ ਤੋਂ ਭੁੱਖਾ ਰਹਿਣ ਵਾਲੇ ਤੇਲੰਗਾਨਾ ਦੇ ਕਿਸਾਨ ਦੀ ਐਤਵਾਰ ਨੂੰ ਮੌਤ ਹੋ ਗਈ। ਬੂਸਾ ਕ੍ਰਿਸ਼ਨ ਰਾਜੂ ਪਿਛਲੇ ਕਈ ਦਿਨਾਂ ਤੋਂ ਭੁੱਖੇ ਪੇਟ ਟਰੰਪ ਦੇ ਠੀਕ ਹੋਣ ਲਈ ਅਰਦਾਸ ਕਰ ਰਿਹਾ ਸੀ। ਨੀਂਦ ਅਤੇ ਭੁੱਖ ਕਾਰਨ ਉਸ ਨੂੰ ਐਤਵਾਰ ਦਿਲ ਦਾ ਦੌਰਾ ਪਿਆ ਅਤੇ ਹਸਪਤਾਲ ਲਿਜਾਣ ਤੋਂ ਪਹਿਲਾਂ ਉਸ ਦੀ ਮੌਤ ਹੋ ਗਈ।

    ਕ੍ਰਿਸ਼ਨਾ ਰਾਜੂ ਤੇਲੰਗਾਨਾ ਦੇ ਮੇਡਕ ਜ਼ਿਲ੍ਹੇ ਦੇ ਤੁਫਰਾਨ ਖੇਤਰ ਦਾ ਵਸਨੀਕ ਸੀ। ਉਸ ਦੇ ਦੋਸਤਾਂ ਨੇ ਦੱਸਿਆ ਕਿ ਉਹ ਅਮਰੀਕੀ ਰਾਸ਼ਟਰਪਤੀ ਡੋਨਲਡ ਟਰੰਪ ਦਾ ਬਹੁਤ ਵੱਡਾ ਪ੍ਰਸ਼ੰਸਕ ਸੀ। ਉਸ ਨੇ ਪਿਛਲੇ ਸਾਲ ਆਪਣੇ ਘਰ ਦੇ ਵਿਹੜੇ ਵਿੱਚ ਟਰੰਪ ਦੀ ਛੇ ਫੁੱਟ ਦੀ ਮੂਰਤੀ ਸਥਾਪਤ ਕੀਤੀ ਸੀ। ਉਸ ਦੀ ਰੋਜ਼ਾਨਾ ਪੂਜਾ ਕਰਦਾ ਸੀ। ਹਾਲ ਹੀ ਵਿੱਚ, ਟਰੰਪ ਦੇ ਕੋਰੋਨਾ ਪੀੜਤ ਹੋਣ ਪਿੱਛੋਂ ਉਹ ਪ੍ਰੇਸ਼ਾਨ ਸੀ।

    ਇੱਕ ਮਿੱਤਰ ਦੇ ਅਨੁਸਾਰ, ਉਸਨੇ ਪਿਛਲੇ ਤਿੰਨ-ਚਾਰ ਦਿਨਾਂ ਤੋਂ ਨਿਰੰਤਰ ਨੀਂਦ ਤੋਂ ਬਿਨਾਂ ਲਗਾਤਾਰ ਪ੍ਰਾਰਥਨਾ ਕੀਤੀ, ਅਮਰੀਕੀ ਰਾਸ਼ਟਰਪਤੀ ਦੀ ਸਿਹਤਯਾਬੀ ਲਈ ਭੁੱਖਾ ਰਿਹਾ। ਜਿਸਦਾ ਸਿੱਧਾ ਅਸਰ ਉਸਦੀ ਸਿਹਤ ਉੱਤੇ ਪਿਆ। ਰਾਜੂ ਬਿਮਾਰ ਅਤੇ ਕਮਜ਼ੋਰ ਹੋ ਗਿਆ।

    ਕ੍ਰਿਸ਼ਨਾ ਰਾਜੂ ਨੇ 1.30 ਲੱਖ ਰੁਪਏ ਖਰਚਣ ਤੋਂ ਬਾਅਦ ਆਪਣੇ ਘਰ ਵਿਚ ਅਮਰੀਕੀ ਰਾਸ਼ਟਰਪਤੀ ਟਰੰਪ ਦੀ ਛੇ ਫੁੱਟ ਦੀ ਮੂਰਤੀ ਸਥਾਪਿਤ ਕੀਤੀ ਸੀ। ਉਹ ਹਰ ਰੋਜ਼ ਟਰੰਪ ਲਈ ਅਰਦਾਸ ਕਰਦਾ ਸੀ ਅਤੇ ਉਸ ਦੇ ਪਿੰਡ ਵਿਚ ਉਹ 'ਟਰੰਪ ਕ੍ਰਿਸ਼ਨਾ' ਵਜੋਂ ਜਾਣਿਆ ਜਾਂਦਾ ਸੀ। ਕ੍ਰਿਸ਼ਨਾ ਕਹਿੰਦਾ ਸੀ ਕਿ ਟਰੰਪ ਦੇ ਅਮਰੀਕੀ ਰਾਸ਼ਟਰਪਤੀ ਬਣਨ ਤੋਂ ਉਹ ਕਈ ਮੁੱਦਿਆਂ 'ਤੇ ਟਰੰਪ ਦੇ ਵੱਡੇ ਪ੍ਰਸ਼ੰਸਕ ਬਣ ਗਏ ਸਨ।

    ਦੋਸਤਾਂ ਦੇ ਅਨੁਸਾਰ, ਲੋਕਾਂ ਨੇ ਟਰੰਪ ਦੀ ਮੂਰਤੀ ਸਥਾਪਿਤ ਕਰਨ ਅਤੇ ਇਸ ਦੀ ਪੂਜਾ ਕਰਨ ਲਈ ਉਸਦਾ ਮਜ਼ਾਕ ਉਡਾਇਆ ਅਤੇ ਉਸ ਨੂੰ ਇੱਕ ਮਨੋਚਿਕਿਤਸਕ ਨੂੰ ਮਿਲਣ ਦੀ ਸਲਾਹ ਦਿੱਤੀ। ਫਿਰ ਵੀ ਟਰੰਪ ਪ੍ਰਤੀ ਉਸਦਾ ਪਿਆਰ ਘੱਟ ਨਹੀਂ ਹੋਇਆ।

    ਸਕੂਲ ਅਧੂਰਾ ਛੱਡ ਦੇਣ ਵਾਲੇ ਕ੍ਰਿਸ਼ਨ ਦੀ ਆਲਮੀ ਰਾਜਨੀਤੀ ਵਿਚ ਡੂੰਘੀ ਰੁਚੀ ਸੀ। ਉਸ ਦੀ ਇੱਛਾ ਸੀ ਕਿ ਟਰੰਪ ਦੁਬਾਰਾ ਚੋਣਾਂ ਜਿੱਤਣਗੇ। ਜਦੋਂ ਟਰੰਪ ਨੇ ਇਸ ਸਾਲ ਦੇ ਸ਼ੁਰੂ ਵਿਚ ਭਾਰਤ ਦਾ ਦੌਰਾ ਕੀਤਾ ਸੀ, ਤਾਂ ਕ੍ਰਿਸ਼ਨਾ ਨੇ ਕੇਂਦਰ ਸਰਕਾਰ ਨੂੰ ਅਪੀਲ ਕੀਤੀ ਸੀ ਕਿ ਉਹ ਉਸ ਨੂੰ ਅਮਰੀਕੀ ਨੇਤਾ ਨਾਲ ਜਾਣ-ਪਛਾਣ ਕਰਾਉਣ ਦੇ ਪ੍ਰਬੰਧ ਕਰੇ। ਹਾਲਾਂਕਿ, ਉਸ ਦੇ 'ਰੱਬ' ਨੂੰ ਮਿਲਣ ਦੀ ਇੱਛਾ ਅਧੂਰੀ ਰਹੀ। (ਪੀਟੀਆਈ ਇਨਪੁਟ ਦੇ ਨਾਲ)
    Published by:Gurwinder Singh
    First published:

    Tags: Coronavirus, Donal Trump

    ਅਗਲੀ ਖਬਰ