Home /News /national /

ਲਾਲ ਪਰੀ ਦੇ ਸਰੂਰ 'ਚ ਸਕੂਲ ਪੁੱਜੀ ਮਾਸਟਰਨੀ, ਬੀਈਓ ਨੇ ਸੱਦੀ ਪੁਲਿਸ; ਮੁਅੱਤਲ

ਲਾਲ ਪਰੀ ਦੇ ਸਰੂਰ 'ਚ ਸਕੂਲ ਪੁੱਜੀ ਮਾਸਟਰਨੀ, ਬੀਈਓ ਨੇ ਸੱਦੀ ਪੁਲਿਸ; ਮੁਅੱਤਲ


ਜਸ਼ਪੁਰ 'ਚ ਮਹਿਲਾ ਟੀਚਰ ਸ਼ਰਾਬ ਦੇ ਨਸ਼ੇ 'ਚ ਸਕੂਲ ਪਹੁੰਚੀ। BEO ਵੱਲੋਂ ਅਚਨਚੇਤ ਚੈਕਿੰਗ ਦੌਰਾਨ ਬੇਹੋਸ਼ ਮਿਲੀ

ਜਸ਼ਪੁਰ 'ਚ ਮਹਿਲਾ ਟੀਚਰ ਸ਼ਰਾਬ ਦੇ ਨਸ਼ੇ 'ਚ ਸਕੂਲ ਪਹੁੰਚੀ। BEO ਵੱਲੋਂ ਅਚਨਚੇਤ ਚੈਕਿੰਗ ਦੌਰਾਨ ਬੇਹੋਸ਼ ਮਿਲੀ

ਮਾਮਲਾ ਸਰਕਾਰੀ ਪ੍ਰਾਇਮਰੀ ਸਕੂਲ ਟਿਕੈਤਗੰਜ ਦਾ ਹੈ, ਜਿੱਥੇ ਬੀਈਓ ਐਮਜ਼ੂ ਸਿੱਦੀਕੀ ਵੀਰਵਾਰ ਸਵੇਰੇ 11 ਵਜੇ ਮੁਆਇਨਾ ਕਰਨ ਪਹੁੰਚੇ ਸਨ। ਉਨ੍ਹਾਂ ਦੇਖਿਆ ਕਿ ਕਲਾਸ ਰੂਮ ਵਿਚ ਬੱਚੇ ਬੈਠੇ ਹਨ ਅਤੇ ਸਹਾਇਕ ਅਧਿਆਪਕ ਜਗਪਤੀ ਭਗਤ ਆਪਣੀ ਕੁਰਸੀ 'ਤੇ ਬੇਹੋਸ਼ ਪਈ ਸੀ। ਟੀਚਰ ਨੂੰ ਸ਼ਰਾਬੀ ਦੇਖ ਕੇ ਬੀਈਓ ਨੇ ਐਡੀਸ਼ਨਲ ਐੱਸਪੀ ਨੂੰ ਬੁਲਾ ਕੇ ਮਹਿਲਾ ਪੁਲਸ ਨੂੰ ਬੁਲਾਇਆ।

ਹੋਰ ਪੜ੍ਹੋ ...
  • Share this:
    ਜਸ਼ਪੁਰ- ਕਈ ਅਧਿਆਪਕਾਂ ਵੱਲੋਂ ਸ਼ਰਾਬ ਪੀ ਕੇ ਸਕੂਲ 'ਚ ਹੰਗਾਮਾ ਕਰਨ ਦੀਆਂ ਖਬਰਾਂ ਆਉਂਦੀਆਂ ਰਹਿੰਦੀਆਂ ਹਨ ਪਰ ਕੀ ਤੁਸੀਂ ਕਿਸੇ ਮਹਿਲਾ ਅਧਿਆਪਕ ਨੂੰ ਸ਼ਰਾਬੀ ਹੋ ਕੇ ਸਕੂਲ 'ਚ ਸੌਂਦੇ ਦੇਖਿਆ ਹੈ। ਅਜਿਹਾ ਹੀ ਇੱਕ ਮਾਮਲਾ ਜਸ਼ਪੁਰ ਦੇ ਇੱਕ ਸਰਕਾਰੀ ਸਕੂਲ ਤੋਂ ਸਾਹਮਣੇ ਆਇਆ ਹੈ। ਮਾਮਲਾ ਸਰਕਾਰੀ ਪ੍ਰਾਇਮਰੀ ਸਕੂਲ ਟਿਕੈਤਗੰਜ ਦਾ ਹੈ, ਜਿੱਥੇ ਬੀਈਓ ਐਮਜ਼ੂ ਸਿੱਦੀਕੀ ਵੀਰਵਾਰ ਸਵੇਰੇ 11 ਵਜੇ ਮੁਆਇਨਾ ਕਰਨ ਪਹੁੰਚੇ ਸਨ। ਉਨ੍ਹਾਂ ਦੇਖਿਆ ਕਿ ਕਲਾਸ ਰੂਮ ਵਿਚ ਬੱਚੇ ਬੈਠੇ ਹਨ ਅਤੇ ਸਹਾਇਕ ਅਧਿਆਪਕ ਜਗਪਤੀ ਭਗਤ ਆਪਣੀ ਕੁਰਸੀ 'ਤੇ ਬੇਹੋਸ਼ ਪਈ ਸੀ। ਟੀਚਰ ਨੂੰ ਸ਼ਰਾਬੀ ਦੇਖ ਕੇ ਬੀਈਓ ਨੇ ਐਡੀਸ਼ਨਲ ਐੱਸਪੀ ਨੂੰ ਬੁਲਾ ਕੇ ਮਹਿਲਾ ਪੁਲਸ ਨੂੰ ਬੁਲਾਇਆ। ਛੱਤੀਸਗੜ੍ਹ ਵਿੱਚ ਕਿਸੇ ਸਕੂਲ ਵਿੱਚ ਇੱਕ ਮਹਿਲਾ ਅਧਿਆਪਕ ਵੱਲੋਂ ਸ਼ਰਾਬ ਪੀਣ ਦਾ ਸ਼ਾਇਦ ਇਹ ਪਹਿਲਾ ਮਾਮਲਾ ਹੈ। ਸਕੂਲ ਵਿੱਚ ਕੁੱਲ 54 ਬੱਚੇ ਪੜ੍ਹਦੇ ਹਨ। ਮਹਿਲਾ ਅਧਿਆਪਕ ਜਗਪਤੀ ਭਗਤ ਸਾਰੇ ਵਿਸ਼ੇ ਪੜ੍ਹਾਉਂਦੀ ਹੈ। ਜ਼ਿਲ੍ਹਾ ਸਿੱਖਿਆ ਅਫ਼ਸਰ ਨੇ ਮਹਿਲਾ ਅਧਿਆਪਕ ਨੂੰ ਮੁਅੱਤਲ ਕਰ ਦਿੱਤਾ ਹੈ।

    ਬੀਈਓ ਐਮਜ਼ੂ ਸਿੱਦੀਕੀ ਨੇ ਕਿਹਾ, “ਮੈਂ ਰੁਟੀਨ ਜਾਂਚ ਲਈ ਸਕੂਲ ਗਿਆ ਸੀ। ਮੈਂ ਅਧਿਆਪਕ ਨੂੰ ਕੁਰਸੀ 'ਤੇ ਬੇਹੋਸ਼ ਪਏ ਦੇਖਿਆ। ਸ਼ੁਰੂ ਵਿਚ ਮੈਂ ਸੋਚਿਆ ਕਿ ਉਹ ਬੀਮਾਰ ਹੈ। ਮੈਂ ਬੱਚਿਆਂ ਤੋਂ ਉਨ੍ਹਾਂ ਦੀ ਸਿਹਤ ਦਾ ਹਾਲ-ਚਾਲ ਪੁੱਛਿਆ। ਮੈਂ ਬੱਚਿਆਂ ਦਾ ਜਵਾਬ ਸੁਣ ਕੇ ਹੈਰਾਨ ਰਹਿ ਗਿਆ। ਉਨ੍ਹਾਂ ਕਿਹਾ ਕਿ ਅਧਿਆਪਕ ਸ਼ਰਾਬ ਪੀਣ ਕਾਰਨ ਬੇਹੋਸ਼ ਪਈ ਸੀ।”

    ਬੀਈਓ ਨੇ ਜਸ਼ਪੁਰ ਦੀ ਐਡੀਸ਼ਨਲ ਐਸਪੀ ਪ੍ਰਤਿਭਾ ਪਾਂਡੇ ਨੂੰ ਬੁਲਾਇਆ ਅਤੇ ਪੂਰੇ ਮਾਮਲੇ ਦੀ ਜਾਣਕਾਰੀ ਦਿੱਤੀ ਅਤੇ ਉਨ੍ਹਾਂ ਨੂੰ ਮਹਿਲਾ ਪੁਲਿਸ ਕਰਮਚਾਰੀ ਨੂੰ ਭੇਜਣ ਦੀ ਬੇਨਤੀ ਕੀਤੀ ਤਾਂ ਜੋ ਅਧਿਆਪਕ ਦਾ ਮੈਡੀਕਲ ਚੈੱਕਅਪ ਕੀਤਾ ਜਾ ਸਕੇ। ਉਨ੍ਹਾਂ ਤੁਰੰਤ ਦੋ ਮਹਿਲਾ ਪੁਲੀਸ ਮੁਲਾਜ਼ਮਾਂ ਨੂੰ ਸਕੂਲ ਭੇਜ ਦਿੱਤਾ। ਮਹਿਲਾ ਅਧਿਆਪਕ ਨੂੰ ਪੁਲੀਸ ਵੈਨ ਵਿੱਚ ਜ਼ਿਲ੍ਹਾ ਹਸਪਤਾਲ ਲਿਜਾਇਆ ਗਿਆ। ਡਾਕਟਰਾਂ ਨੇ ਮਹਿਲਾ ਅਧਿਆਪਕਾ ਵੱਲੋਂ ਸ਼ਰਾਬ ਪੀਣ ਦੀ ਪੁਸ਼ਟੀ ਕੀਤੀ ਹੈ।

    ਬੀਈਓ ਐਮਜ਼ੂ ਸਿੱਦੀਕੀ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਮਾਪਿਆਂ ਨੇ ਮਹਿਲਾ ਅਧਿਆਪਕ ਭਗਤ ਵੱਲੋਂ ਸ਼ਰਾਬ ਪੀ ਕੇ ਸਕੂਲ ਆਉਣ ਦੀ ਸ਼ਿਕਾਇਤ ਕੀਤੀ ਸੀ। ਸਕੂਲ ਕਮੇਟੀ ਨੇ ਮਹਿਲਾ ਅਧਿਆਪਕਾ ਨੂੰ ਸ਼ਰਾਬ ਦਾ ਸੇਵਨ ਬੰਦ ਕਰਨ ਦੀ ਚਿਤਾਵਨੀ ਵੀ ਦਿੱਤੀ ਸੀ ਪਰ ਕੋਈ ਸਾਕਾਰਾਤਮਕ ਨਤੀਜਾ ਨਹੀਂ ਨਿਕਲ ਸਕਿਆ। ਸਕੂਲ ਦੀ ਮੁੱਖ ਅਧਿਆਪਕਾ ਆਰਤੀ ਭਗਤ ਨੇ ਵੀ ਉਸ ਨੂੰ ਕਈ ਵਾਰ ਚਿਤਾਵਨੀ ਦਿੱਤੀ ਸੀ। ਜ਼ਿਲ੍ਹਾ ਸਿੱਖਿਆ ਵਿਭਾਗ ਅਨੁਸਾਰ ਜਸ਼ਪੁਰ ਜ਼ਿਲ੍ਹੇ ਵਿੱਚ ਚਾਲੂ ਸੈਸ਼ਨ ਦੌਰਾਨ ਹੁਣ ਤੱਕ 5 ਅਧਿਆਪਕਾਂ ਨੂੰ ਸ਼ਰਾਬ ਪੀ ਕੇ ਸਕੂਲ ਆਉਣ ਕਾਰਨ ਮੁਅੱਤਲ ਕੀਤਾ ਗਿਆ ਹੈ।
    Published by:Ashish Sharma
    First published:

    Tags: Chhattisgarh, TEACHER, Whisky, Women

    ਅਗਲੀ ਖਬਰ