ਹਿਮਾਚਲ 'ਚ ਹਾਦਸਾ, ਕੇਬਲ ਕਾਰ 'ਚ ਤਕਨੀਕੀ ਖਰਾਬੀ ਕਾਰਨ ਯਾਤਰੀ ਫਸੇ, Video

ਸੋਲਨ : ਹਿਮਾਚਲ ਪ੍ਰਦੇਸ਼ ਦੇ ਸੋਲਨ ਜ਼ਿਲ੍ਹੇ ਤੋਂ ਵੱਡੀ ਖ਼ਬਰ ਹੈ। ਇੱਥੇ ਟ੍ਰਿਮਬਰ ਟਰੇਲ ਰੋਪਵੇਅ 'ਤੇ ਕੈਬਰ ਕਾਰ 'ਚ 11 ਲੋਕ ਫਸ ਗਏ ਹਨ। ਇੱਥੇ ਇਹ ਕੇਬਲ ਕਾਰ ਹਵਾ ਵਿੱਚ ਫਸ ਗਈ ਹੈ ਅਤੇ ਇਨ੍ਹਾਂ ਲੋਕਾਂ ਨੂੰ ਬਚਾਉਣ ਲਈ ਬਚਾਅ ਮੁਹਿੰਮ ਸ਼ੁਰੂ ਕਰ ਦਿੱਤੀ ਗਈ ਹੈ। ਫਸੇ ਸਾਰੇ ਲੋਕ ਸੈਲਾਨੀ ਹਨ, ਜਿਨ੍ਹਾਂ ਵਿਚ ਕੁਝ ਔਰਤਾਂ ਵੀ ਸ਼ਾਮਲ ਹਨ।

ਹਿਮਾਚਲ ਪ੍ਰਦੇਸ਼ ਦੇ ਪ੍ਰਸਿੱਧ ਪਰਵਾਣੂ ਟਿੰਬਰ ਟ੍ਰੇਲ 'ਤੇ ਤਕਨੀਕੀ ਖਰਾਬੀ ਕਾਰਨ ਸੋਮਵਾਰ ਨੂੰ 11 ਸੈਲਾਨੀਆਂ ਨੂੰ ਲੈ ਕੇ ਜਾ ਰਹੀ ਕਾਰ ਵਿਚਾਲੇ ਹੀ ਫੱਸ ਗਈ। ਸੋਲਨ ਜ਼ਿਲੇ ਦੇ ਐੱਸਪੀ ਮੁਤਾਬਕ, ਫਸੇ ਸੈਲਾਨੀਆਂ ਨੂੰ ਕੱਢਣ ਲਈ ਇੱਕ ਕੇਬਲ ਕਾਰ ਤਾਇਨਾਤ ਕੀਤੀ ਗਈ ਹੈ, ਜਦਕਿ ਟਿੰਬਰ ਟ੍ਰੇਲ ਆਪਰੇਟਰ ਦੀ ਤਕਨੀਕੀ ਟੀਮ ਵੀ ਮੌਕੇ 'ਤੇ ਮੌਜੂਦ ਹੈ। ਐਸਪੀ ਨੇ ਕਿਹਾ ਕਿ ਇੱਕ ਪੁਲਿਸ ਟੀਮ ਸਥਿਤੀ ਦੀ ਨਿਗਰਾਨੀ ਕਰ ਰਹੀ ਹੈ।

ਪਰਵਾਣੂ  ਡੀਐਸਪੀ ਪ੍ਰਣਵ ਚੌਹਾਨ, “ਕੇਬਲ ਕਾਰ ਸਿਸਟਮ ਵਿੱਚ ਤਕਨੀਕੀ ਨੁਕਸ ਪੈਣ ਕਾਰਨ ਦੋ ਬਜ਼ੁਰਗ ਨਾਗਰਿਕਾਂ ਅਤੇ ਚਾਰ ਔਰਤਾਂ ਸਮੇਤ 11 ਲੋਕ ਪਿਛਲੇ ਡੇਢ ਘੰਟੇ ਤੋਂ ਕੇਬਲ ਕਾਰ ਟਰਾਲੀ ਵਿੱਚ ਫਸੇ ਹੋਏ ਹਨ।''

ਬਚਾਅ ਕਾਰਜ ਜਾਰੀ:  ਮਿਲੀ ਜਾਣਕਾਰੀ ਅਨੁਸਾਰ ਹੁਣ ਤੱਕ ਨੌਂ ਸੈਲਾਨੀਆਂ ਨੂੰ ਬਚਾਇਆ ਜਾ ਚੁੱਕਾ ਹੈ, ਜਦਕਿ ਦੋ ਅਜੇ ਵੀ ਫਸੇ ਹੋਏ ਹਨ।



ਹਿਮਾਚਲ ਪ੍ਰਦੇਸ਼ ਦੇ ਮੁੱਖ ਮੰਤਰੀ ਜੈਰਾਮ ਠਾਕੁਰ ਨੇ ਟਵਿੱਟਰ 'ਤੇ ਭਰੋਸਾ ਦਿਵਾਇਆ ਕਿ ਫਸੇ ਸਾਰੇ ਸੈਲਾਨੀਆਂ ਨੂੰ ਸੁਰੱਖਿਅਤ ਕੱਢ ਲਿਆ ਜਾਵੇਗਾ। “ਸੋਲਨ ਦੇ ਪਰਵਾਨੂ ਟਿੰਬਰ ਟ੍ਰੇਲ ਵਿੱਚ ਫਸੇ ਸੈਲਾਨੀਆਂ ਦਾ ਬਚਾਅ ਕਾਰਜ ਜਾਰੀ ਹੈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਮੈਂ ਮੌਕੇ 'ਤੇ ਰਵਾਨਾ ਹੋ ਗਿਆ। ਪ੍ਰਸ਼ਾਸਨ ਮੌਕੇ 'ਤੇ ਹੈ ਅਤੇ NDRF ਅਤੇ ਪ੍ਰਸ਼ਾਸਨ ਦੀ ਮਦਦ ਨਾਲ ਸਾਰੇ ਯਾਤਰੀਆਂ ਨੂੰ ਜਲਦੀ ਹੀ ਸੁਰੱਖਿਅਤ ਬਚਾ ਲਿਆ ਜਾਵੇਗਾ, ”ਮੁੱਖ ਮੰਤਰੀ ਨੇ ਹਿੰਦੀ ਵਿੱਚ ਇੱਕ ਟਵੀਟ ਵਿੱਚ ਕਿਹਾ।

ਰੋਪਵੇਅ ਰਾਈਡ ਟਿੰਬਰ ਟ੍ਰੇਲ ਪ੍ਰਾਈਵੇਟ ਰਿਜ਼ੋਰਟ ਦਾ ਇੱਕ ਪ੍ਰਸਿੱਧ ਸੈਲਾਨੀ ਆਕਰਸ਼ਣ ਹੈ, ਜੋ ਚੰਡੀਗੜ੍ਹ ਤੋਂ ਲਗਭਗ 35 ਕਿਲੋਮੀਟਰ ਦੂਰ ਹੈ। ਇਹ ਰਿਜ਼ੋਰਟ ਮੁੱਖ ਤੌਰ 'ਤੇ ਪੂਰੇ ਖੇਤਰ ਦੇ ਸੈਲਾਨੀਆਂ ਨੂੰ ਆਕਰਸ਼ਿਤ ਕਰਦਾ ਹੈ ਕਿਉਂਕਿ ਪਰਵਾਣੂ ਹਿਮਾਚਲ ਦੇ ਚੁਬਾਰੇ 'ਤੇ ਸਥਿਤ ਹੈ ਅਤੇ ਇਸਦੇ ਆਲੇ ਦੁਆਲੇ ਹਰਿਆਣਾ, ਪੰਜਾਬ ਅਤੇ ਚੰਡੀਗੜ੍ਹ ਹੈ।

#WATCH Cable car trolly with tourists stuck mid-air at Parwanoo Timber Trail, rescue operation underway; tourists safe#HimachalPradesh pic.twitter.com/mqcOqgRGjo

— ANI (@ANI) June 20, 2022

1992 ਦੀਆਂ ਯਾਦਾਂ ਤਾਜ਼ਾ ਹੋ ਗਈਆਂ

ਇਸ ਤੋਂ ਪਹਿਲਾਂ ਵੀ ਸਾਲ 1992 'ਚ ਇਕ ਵਾਰ ਇਸੇ ਰੋਪਵੇਅ 'ਤੇ ਹਾਦਸਾ ਹੋਇਆ ਸੀ। ਕਰੀਬ 10 ਜਾਨਾਂ ਤਿੰਨ ਦਿਨਾਂ ਤੋਂ ਟਰਾਲੀ ਵਿੱਚ ਫਸੀਆਂ ਰਹੀਆਂ। ਇਨ੍ਹਾਂ ਵਿੱਚੋਂ ਇੱਕ ਦੀ ਮੌਤ ਵੀ ਹੋ ਗਈ ਸੀ। ਉਸ ਸਮੇਂ ਫੌਜ ਅਤੇ ਹਵਾਈ ਫੌਜ ਦੇ ਜਵਾਨਾਂ ਨੇ ਆਪਣੀ ਜਾਨ 'ਤੇ ਖੇਡ ਕੇ ਲੋਕਾਂ ਨੂੰ ਬਚਾਇਆ ਸੀ। ਅੱਜ ਵੀ ਲੋਕ ਉਸ ਘਟਨਾ ਨੂੰ ਯਾਦ ਕਰਕੇ ਕੰਬ ਜਾਂਦੇ ਹਨ।