ਮਾਂ ਨੇ ਚੱਲਦੀ ਟਰੇਨ 'ਚੋਂ ਪਹਿਲਾਂ ਦੋ ਬੱਚਿਆਂ ਨੂੰ ਸੁੱਟਿਆ ਤੇ ਫਿਰ ਖੁਦ ਮਾਰੀ ਛਾਲ, ਵੇਖੋ ਵੀਡੀਓ

ਮੱਧ ਪ੍ਰਦੇਸ਼ ਦੇ ਉਜੈਨ ਸਟੇਸ਼ਨ 'ਤੇ ਸ਼ਨੀਵਾਰ ਨੂੰ ਇਕ ਅਜੀਬ ਹਾਦਸਾ ਵਾਪਰਿਆ। ਇਸ ਹਾਦਸੇ ਵਿੱਚ ਦੋ ਬੱਚਿਆਂ ਅਤੇ ਇੱਕ ਮਾਂ ਦੀ ਜ਼ਿੰਦਗੀ ਦਾਅ 'ਤੇ ਲੱਗ ਗਈ। ਦਰਅਸਲ, ਇੱਥੇ ਇੱਕ ਮਾਂ ਨੇ ਆਪਣੇ ਦੋ ਮਾਸੂਮ ਬੱਚਿਆਂ ਨੂੰ ਚੱਲਦੀ ਟਰੇਨ ਤੋਂ ਥੱਲੇ ਸੁੱਟ ਦਿੱਤਾ ਅਤੇ ਫਿਰ ਆਪ ਛਾਲ ਮਾਰ ਦਿੱਤੀ।

ਇਸ ਦੌਰਾਨ ਉਥੇ ਤਾਇਨਾਤ ਕਾਂਸਟੇਬਲ ਨੇ ਕਾਫੀ ਫੁਰਤੀ ਦਿਖਾਉਂਦੇ ਹੋਏ ਮਹਿਲਾ ਨੂੰ ਟਰੇਨ ਦੀ ਲਪੇਟ 'ਚ ਆਉਣ ਤੋਂ ਬਚਾਇਆ। ਮਾਂ ਅਤੇ ਦੋਵੇਂ ਬੱਚੇ ਪੂਰੀ ਤਰ੍ਹਾਂ ਸੁਰੱਖਿਅਤ ਹਨ। ਇਸ ਘਟਨਾ ਦੀ ਸੀਸੀਟੀਵੀ ਫੁਟੇਜ ਹੁਣ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ।

"जल्दबाजी हो सकती है घातक"#उज्जैन- गलत ट्रैन में सवार हुई महिला,पता चलने पर जल्दबाजी में प्लेटफॉर्म पर चलती ट्रेन से उतरी, संतुलन बिगड़ने से महिला ट्रैन की चपेट में आने से बची,प्लेटफार्म पर मौजूद पुलिस कर्मी महेश कुशवाहा की सतर्कता से हादसा टला,#GRP @RailwaySeva#Ujjain #CCTV pic.twitter.com/943niH1usl

— vikas singh Chauhan (@vikassingh218) May 14, 2022

ਜਾਣਕਾਰੀ ਮੁਤਾਬਕ ਇਹ ਔਰਤ ਜਲਦਬਾਜ਼ੀ 'ਚ ਗਲਤ ਟਰੇਨ 'ਚ ਸਵਾਰ ਹੋ ਗਈ ਸੀ। ਟਰੇਨ ਚੱਲਣ ਤੋਂ ਬਾਅਦ ਜਦੋਂ ਉਸ ਨੂੰ ਇਸ ਬਾਰੇ ਪਤਾ ਲੱਗਾ ਤਾਂ ਉਸ ਨੂੰ ਕੁਝ ਸਮਝ ਨਹੀਂ ਆਇਆ। ਉਸ ਨੇ ਤੁਰੰਤ ਪਹਿਲਾਂ ਵੱਡੇ ਪੁੱਤਰ ਨੂੰ, ਫਿਰ ਛੋਟੇ ਨੂੰ ਹੇਠਾਂ ਸੁੱਟ ਦਿੱਤਾ। ਜਦੋਂ ਦੋਵੇਂ ਸਟੇਸ਼ਨ 'ਤੇ ਡਿੱਗ ਪਏ ਤਾਂ ਔਰਤ ਨੇ ਵੀ ਚੱਲਦੀ ਟਰੇਨ ਤੋਂ ਛਾਲ ਮਾਰ ਦਿੱਤੀ। ਜਿਵੇਂ ਹੀ ਉਸ ਨੇ ਛਾਲ ਮਾਰੀ, ਉਹ ਰੇਲਗੱਡੀ ਦੇ ਨਾਲ ਘਸੀਟਣ ਲੱਗੀ।

ਖੁਸ਼ਕਿਸਮਤੀ ਨਾਲ ਕਾਂਸਟੇਬਲ ਮਹੇਸ਼ ਕੁਸ਼ਵਾਹਾ ਉਸੇ ਕੋਚ ਦੇ ਕੋਲ ਖੜ੍ਹਾ ਸੀ। ਉਸ ਨੇ ਔਰਤ ਨੂੰ ਮਰਨ ਤੋਂ ਬਚਾਇਆ। ਇਹ ਸਾਰੀ ਘਟਨਾ ਸੀਸੀਟੀਵੀ ਵਿੱਚ ਕੈਦ ਹੋ ਗਈ। ਜੀਆਰਪੀ ਕਾਂਸਟੇਬਲ ਮਹੇਸ਼ ਕੁਸ਼ਵਾਹਾ ਨੂੰ ਉਸ ਦੇ ਕੰਮ ਲਈ ਇਨਾਮ ਵੀ ਦੇਵੇਗੀ।

ਦੱਸਿਆ ਜਾ ਰਿਹਾ ਹੈ ਕਿ ਇਹ ਘਟਨਾ ਸ਼ਨੀਵਾਰ ਸਵੇਰੇ ਕਰੀਬ 6:30 ਵਜੇ ਵਾਪਰੀ। ਇਕ ਸ਼ਖਸ ਆਪਣੀ ਪਤਨੀ ਅਤੇ ਬੱਚਿਆਂ ਨਾਲ ਉਜੈਨ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ 4 'ਤੇ ਪਹੁੰਚਿਆ, ਜਦੋਂ ਉਸ ਨੇ ਪਲੇਟਫਾਰਮ ਨੰਬਰ 1 'ਤੇ ਜਾਣਾ ਸੀ। ਪਰਿਵਾਰ ਨੂੰ ਸਟੇਸ਼ਨ 'ਤੇ ਛੱਡ ਕੇ ਪਤੀ ਟਿਕਟ ਲੈਣ ਚਲਾ ਗਿਆ। ਉਹ ਜਿਵੇਂ ਹੀ ਰਵਾਨਾ ਹੋਇਆ, ਜੈਪੁਰ-ਨਾਗਪੁਰ ਐਕਸਪ੍ਰੈਸ ਰੇਲਗੱਡੀ ਸਟੇਸ਼ਨ 'ਤੇ ਆ ਗਈ। ਔਰਤ ਨੂੰ ਲੱਗਾ ਕਿ ਉਸ ਨੇ ਇਸ ਟਰੇਨ 'ਚ ਜਾਣਾ ਹੈ, ਇਸ ਲਈ ਉਹ ਜਲਦਬਾਜ਼ੀ 'ਚ ਬੱਚਿਆਂ ਨਾਲ ਇਸ 'ਚ ਚੜ੍ਹ ਗਈ।

ਦੂਜੇ ਪਾਸੇ ਜਦੋਂ ਮਹਿਲਾ ਨੇ ਟਰੇਨ ਦੇ ਅੰਦਰ ਮੌਜੂਦ ਲੋਕਾਂ ਤੋਂ ਜਾਣਕਾਰੀ ਲਈ ਤਾਂ ਪਤਾ ਲੱਗਾ ਕਿ ਉਹ ਗਲਤ ਟਰੇਨ 'ਚ ਸਵਾਰ ਹੋ ਗਈ ਸੀ। ਉਸ ਨੂੰ ਕੁਝ ਸਮਝ ਨਹੀਂ ਆਇਆ ਅਤੇ ਘਬਰਾ ਕੇ ਉਸ ਨੇ ਆਪਣੀ ਜਾਨ ਦਾਅ 'ਤੇ ਲਗਾ ਦਿੱਤੀ।