• Home
  • »
  • News
  • »
  • national
  • »
  • UNNAO MLA PANKAJ GUPTA AND FARMER SAYS IN PRESS CONFERENCE THAT IT WAS HIS LOVE HE IS LIKE FATHER

ਕਿਸਾਨ ਨੇ ਮੰਚ 'ਤੇ ਬੈਠੇ BJP MLA ਨੂੰ ਮਾਰਿਆ ਥੱਪੜ, ਭਾਜਪਾ ਆਗੂ ਨੇ ਕਿਹਾ-ਉਹ ਪਿਆਰ ਨਾਲ ਮਾਰਿਆ ਸੀ...

ਪੰਕਜ ਗੁਪਤਾ ਨੇ ਕਿਹਾ ਕਿ ਛਤਰਪਾਲ ਮੇਰੇ ਚਾਚਾ ਜਾਂ ਇਸ ਤਰ੍ਹਾਂ ਆਖ ਲਵੋ ਪਿਤਾ ਵਾਂਗ ਹਨ। ਉਨ੍ਹਾਂ ਨੇ ਥੱਪੜ ਨਹੀਂ ਮਾਰਿਆ। ਇਹ ਉਨ੍ਹਾਂ ਦਾ ਪਿਆਰ ਜ਼ਾਹਰ ਕਰਨ ਦਾ ਤਰੀਕਾ ਸੀ।

  • Share this:
    ਸਿਆਸਤ ਦੀ ਦੁਨੀਆਂ ਵਿੱਚ ਦਾਅ-ਪੇਚ ਤੋਂ ਬਿਨਾਂ ਗੱਲ ਨਹੀਂ ਬਣਦੀ। ਕੁਝ ਦੇਰ ਪਹਿਲਾਂ ਤੱਕ ਉਤਰ ਪ੍ਰਦੇਸ਼ ਦੇ ਉਨਾਓ ਦਾ ਇੱਕ ਵੀਡੀਓ ਵਾਇਰਲ ਹੋ ਰਿਹਾ ਸੀ, ਜਿਸ ਵਿੱਚ ਇੱਕ ਕਿਸਾਨ ਮੰਚ 'ਤੇ ਬੈਠੇ ਭਾਜਪਾ ਵਿਧਾਇਕ ਪੰਕਜ ਗੁਪਤਾ ਨੂੰ ਥੱਪੜ ਮਾਰਦਾ ਨਜ਼ਰ ਆ ਰਿਹਾ ਹੈ।

    ਇਸ ਵੀਡੀਓ ਨੂੰ ਸਮਾਜਵਾਦੀ ਪਾਰਟੀ ਨੇ ਸ਼ੇਅਰ ਕੀਤਾ ਸੀ ਅਤੇ ਇਸ 'ਤੇ ਕਾਫੀ ਸਿਆਸਤ ਹੋ ਰਹੀ ਹੈ। ਪਰ ਹੁਣ ਮਾਮਲਾ ਪੂਰੀ ਤਰ੍ਹਾਂ ਪਲਟ ਗਿਆ ਹੈ। ਦਰਅਸਲ ਭਾਜਪਾ ਵਿਧਾਇਕ ਅਤੇ ਬਜ਼ੁਰਗ ਕਿਸਾਨ ਨੇ ਹੱਸਦੇ-ਹੱਸਦੇ ਸਾਂਝੀ ਪ੍ਰੈਸ ਕਾਨਫਰੰਸ ਕੀਤੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਦੀ ਵੀਡੀਓ ਨੂੰ ਗਲਤ ਤਰੀਕੇ ਨਾਲ ਪੇਸ਼ ਕੀਤਾ ਜਾ ਰਿਹਾ ਹੈ।

    ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸੂਬੇ 'ਚ ਭਾਜਪਾ ਦਾ ਅਕਸ ਖਰਾਬ ਹੋ ਰਿਹਾ ਸੀ ਅਤੇ ਇਸ 'ਤੇ ਲਗਾਤਾਰ ਰਾਜਨੀਤੀ ਕੀਤੀ ਜਾ ਰਹੀ ਸੀ। ਅਜਿਹੇ 'ਚ ਭਾਜਪਾ ਲਈ ਮਾਮਲੇ ਨੂੰ ਸ਼ਾਂਤ ਕਰਨਾ ਜ਼ਰੂਰੀ ਸੀ। ਇਹੀ ਕਾਰਨ ਹੈ ਕਿ ਭਾਜਪਾ ਵਿਧਾਇਕ ਪੰਕਜ ਗੁਪਤਾ ਨੇ ਪ੍ਰੈੱਸ ਕਾਨਫਰੰਸ ਕਰਕੇ ਸਭ ਕੁਝ ਸਾਫ਼ ਕਰ ਦਿੱਤਾ। ਇਸ ਪ੍ਰੈਸ ਕਾਨਫਰੰਸ ਵਿੱਚ ਥੱਪੜ ਮਾਰਨ ਵਾਲੇ ਕਿਸਾਨ ਛਤਰਪਾਲ ਯਾਦਵ ਵੀ ਮੌਜੂਦ ਸਨ।

    ਛਤਰਪਾਲ ਨੇ ਕਿਹਾ ਕਿ ਥੱਪੜ ਨਹੀਂ ਮਾਰਿਆ ਹੈ। 'ਅਰੇ, ਅਸੀਂ 50 ਵਾਰ ਮਾਰ ਚੁੱਕੇ ਹਾਂ, ਇਸ ਨੂੰ ਇਸ ਤਰ੍ਹਾਂ, ਇਕ ਵਾਰ ਨਹੀਂ ਮਾਰਿਆ, ਸਾਡੀ ਉਨ੍ਹਾਂ ਨਾਲ ਕੀ ਦੁਸ਼ਮਣੀ ਹੈ, ਕੀ ਸਾਡੀ ਇਕ ਬਿਸਵਾ ਜ਼ਮੀਨ ਦੱਬੀ ਹੈ, ਜੋ ਉਨ੍ਹਾਂ ਨਾਲ ਸਾਡੀ ਦੁਸ਼ਮਣੀ ਹੋਵੇਗੀ। ਇਸ ਨੇ ਸਿਰ ਨੀਵਾਂ ਕੀਤਾ ਸੀ ਤੇ ਜਦੋਂ ਅਸੀਂ ਗਏ ਤਾਂ ਕਿਹਾ ਬਾਬੂਆ ਦਾ ਕੀ ਹਾਲ ਹੈ? ਕਿਉਂ ਖੋਪੜੀ ਦੀ ਵਰਤੋਂ ਨਹੀਂ ਕਰਦੇ ਹੋ? ਪਿਆਰ ਵਿੱਚ ਮਾਰਿਆ ਗਿਆ ਸੀ।'

    ਦੂਜੇ ਪਾਸੇ ਪੰਕਜ ਗੁਪਤਾ ਨੇ ਕਿਹਾ ਕਿ ਛਤਰਪਾਲ ਮੇਰੇ ਚਾਚਾ ਜਾਂ ਇਸ ਤਰ੍ਹਾਂ ਆਖ ਲਵੋ ਪਿਤਾ ਵਾਂਗ ਹਨ। ਉਨ੍ਹਾਂ ਨੇ ਥੱਪੜ ਨਹੀਂ ਮਾਰਿਆ। ਇਹ ਉਨ੍ਹਾਂ ਦਾ ਪਿਆਰ ਜ਼ਾਹਰ ਕਰਨ ਦਾ ਤਰੀਕਾ ਸੀ। ਇਸ ਮਾਮਲੇ 'ਤੇ ਬੇਲੋੜਾ ਜ਼ੋਰ ਦਿੱਤਾ ਜਾ ਰਿਹਾ ਹੈ। ਵਿਰੋਧੀ ਲੋਕ ਇਸ ਵੀਡੀਓ ਨੂੰ ਗਲਤ ਢੰਗ ਨਾਲ ਪੇਸ਼ ਕਰ ਰਹੇ ਹਨ।

    ਖੈਰ, ਪ੍ਰੈੱਸ ਕਾਨਫਰੰਸ ਕਰਕੇ ਭਾਜਪਾ ਨੇ ਇਸ ਮਾਮਲੇ ਨੂੰ ਪੂਰੀ ਤਰ੍ਹਾਂ ਨਾਲ ਸੰਭਾਲਣ ਦੀ ਕੋਸ਼ਿਸ਼ ਕੀਤੀ ਹੈ। ਹੁਣ ਹੋਰ ਪਾਰਟੀਆਂ ਇਸ 'ਤੇ ਕੀ ਪ੍ਰਤੀਕਿਰਿਆ ਦਿੰਦੀਆਂ ਹਨ, ਇਹ ਦੇਖਣਾ ਹੋਵੇਗਾ।
    Published by:Gurwinder Singh
    First published: