ਟਿਊਸ਼ਨ ਪੜ੍ਹਨ ਆਈ 3 ਸਾਲਾ ਬੱਚੀ ਨਾਲ ਬਲਾਤਕਾਰ, ਦੋਸ਼ੀ ਅਧਿਆਪਕ ਨੂੰ 20 ਸਾਲ ਦੀ ਹੋਈ ਸਜ਼ਾ

ਨੋਇਡਾ: ਉੱਤਰ ਪ੍ਰਦੇਸ਼ ਵਿੱਚ ਬਲਾਤਕਾਰ ਦੇ ਇੱਕ ਦੋਸ਼ੀ ਨੂੰ ਅਦਾਲਤ ਨੇ ਸਖ਼ਤ ਸਜ਼ਾ ਸੁਣਾਈ ਹੈ। ਗੌਤਮ ਬੁੱਧ ਨਗਰ ਜ਼ਿਲ੍ਹੇ ਦੀ ਇੱਕ ਅਦਾਲਤ ਨੇ ਤਿੰਨ ਸਾਲ ਦੀ ਬੱਚੀ ਨਾਲ ਜਬਰ ਜਨਾਹ ਕਰਨ ਵਾਲੇ ਦੋਸ਼ੀ ਨੂੰ 20 ਸਾਲ ਦੀ ਸਜ਼ਾ ਸੁਣਾਈ ਹੈ। ਇਸ ਦੇ ਨਾਲ ਹੀ ਅਦਾਲਤ ਨੇ ਦੋਸ਼ੀ 'ਤੇ 40 ਹਜ਼ਾਰ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਹੈ। ਬਲਾਤਕਾਰ ਦੀ ਇਹ ਘਟਨਾ ਸਾਲ 2020 ਦੀ ਹੈ। ਜਿੱਥੇ ਮੁਲਜ਼ਮ ਟਿਊਸ਼ਨ ਲਈ ਆਈ ਮਾਸੂਮ ਬੱਚੀ ਨੂੰ ਆਪਣੀ ਛੱਤ 'ਤੇ ਲੈ ਗਿਆ ਅਤੇ ਉਸ ਨਾਲ ਬਲਾਤਕਾਰ ਕੀਤਾ।

ਵਿਸ਼ੇਸ਼ ਸਰਕਾਰੀ ਵਕੀਲ ਜੇਪੀ ਭਾਟੀ ਨੇ ਦੱਸਿਆ ਕਿ ਵਧੀਕ ਸੈਸ਼ਨ ਸਪੈਸ਼ਲ ਜੱਜ (ਪਾਸਕੋ-2) ਚੰਦਰ ਮੋਹਨ ਸ੍ਰੀਵਾਸਤਵ ਦੀ ਅਦਾਲਤ ਨੇ 11 ਗਵਾਹਾਂ ਦੀਆਂ ਗਵਾਹੀਆਂ ਅਤੇ ਸਬੂਤਾਂ ਦੇ ਆਧਾਰ 'ਤੇ ਸਾਗਰ ਨੂੰ ਦੋਸ਼ੀ ਕਰਾਰ ਦਿੰਦਿਆਂ 20 ਸਾਲ ਦੀ ਕੈਦ ਦੀ ਸਜ਼ਾ ਸੁਣਾਈ ਹੈ। ਜੇਪੀ ਭਾਟੀ ਨੇ ਦੱਸਿਆ ਕਿ ਅਦਾਲਤ ਨੇ ਮੁਲਜ਼ਮ ਨੂੰ 40 ਹਜ਼ਾਰ ਰੁਪਏ ਦਾ ਜੁਰਮਾਨਾ ਵੀ ਲਾਇਆ ਹੈ ਅਤੇ ਜੇਕਰ ਉਹ ਜੁਰਮਾਨਾ ਅਦਾ ਕਰਨ ਵਿੱਚ ਅਸਫਲ ਰਹਿੰਦਾ ਹੈ ਤਾਂ ਉਸ ਨੂੰ ਛੇ ਮਹੀਨੇ ਦੀ ਵਾਧੂ ਕੈਦ ਕੱਟਣੀ ਪਵੇਗੀ।

ਛੱਤ 'ਤੇ ਲਿਜਾ ਕੇ ਕੀਤਾ ਸੀ ਬਲਾਤਕਾਰ

ਦੱਸਿਆ ਗਿਆ ਕਿ ਬਲਾਤਕਾਰ ਦੀ ਇਹ ਘਟਨਾ ਸਾਲ 2020 ਦੀ ਹੈ। ਦਾਦਰੀ ਥਾਣਾ ਖੇਤਰ 'ਚ ਦੋਸ਼ੀ ਸਾਗਰ ਦੀ ਭੈਣ ਤੋਂ ਟਿਊਸ਼ਨ ਲਈ ਜਾਂਦਾ ਸੀ। ਬਲਾਤਕਾਰ ਦੀ ਘਟਨਾ ਵਾਲੇ ਦਿਨ ਉਹ ਟਿਊਸ਼ਨ ਪੜ੍ਹਨ ਗਈ ਸੀ। ਪਰ ਸਾਗਰ ਦੀ ਭੈਣ ਉਸ ਦਿਨ ਬਿਮਾਰ ਸੀ। ਅਜਿਹੇ 'ਚ ਉਸ ਦੀ ਭੈਣ ਨੇ ਸਾਗਰ ਨੂੰ ਲੜਕੀ ਨੂੰ ਟਿਊਸ਼ਨ ਪੜ੍ਹਾਉਣ ਲਈ ਕਿਹਾ। ਜਿਸ ਤੋਂ ਬਾਅਦ ਦੋਸ਼ੀ ਨੇ ਮਾਸੂਮ ਨਾਲ ਬਲਾਤਕਾਰ ਦੀ ਘਟਨਾ ਨੂੰ ਅੰਜਾਮ ਦਿੱਤਾ।

ਸਰਕਾਰੀ ਵਕੀਲ ਨੇ ਦੱਸਿਆ ਕਿ ਦੋਸ਼ੀ ਲੜਕੀ ਨੂੰ ਆਪਣੇ ਘਰ ਦੀ ਛੱਤ 'ਤੇ ਲੈ ਗਿਆ। ਜਿੱਥੇ ਉਸ ਨੇ ਲੜਕੀ ਨਾਲ ਬਲਾਤਕਾਰ ਕੀਤਾ। ਜੇਪੀ ਭਾਟੀ ਅਨੁਸਾਰ ਲੜਕੀ ਨੇ ਘਰ ਜਾ ਕੇ ਸਾਗਰ ਦੀ ਹਰਕਤ ਬਾਰੇ ਦੱਸਿਆ। ਜਿਸ ਤੋਂ ਬਾਅਦ ਲੜਕੀ ਦੇ ਪਿਤਾ ਨੇ ਦਾਦਰੀ ਥਾਣੇ 'ਚ ਉਸਦੇ ਖਿਲਾਫ ਮਾਮਲਾ ਦਰਜ ਕਰਵਾਇਆ ਸੀ। ਜਿਸ 'ਤੇ ਅਦਾਲਤ 'ਚ 2020 ਤੋਂ ਸੁਣਵਾਈ ਚੱਲ ਰਹੀ ਸੀ। (ਭਾਸ਼ਾ ਤੋਂ ਇੰਪੁੱਟ ਦੇ ਨਾਲ)