ਵਿਵਾਦਾਂ ‘ਚ ਘਿਰਿਆ ਪੰਜਾਬ ਨੈਸ਼ਨਲ ਬੈਂਕ, ਬੈਂਕ ‘ਤੇ ਗਾਹਕਾਂ ਦਾ ਡੈਟਾ ਲੀਕ ਕਰਨ ਦਾ ਇਲਜ਼ਾਮ: CyberX9

ਸਾਈਬਰ ਸੁਰੱਖਿਆ ਕੰਸਲਟੈਂਟ ਸਟਾਰਟਅੱਪ CyberX9 ਨੇ ਐਤਵਾਰ ਨੂੰ ਦਾਅਵਾ ਕੀਤਾ ਕਿ ਸਰਕਾਰੀ ਬੈਂਕ ਪੰਜਾਬ ਨੈਸ਼ਨਲ ਬੈਂਕ (ਪੀ.ਐੱਨ.ਬੀ.) ਦੇ ਸਰਵਰ 'ਚ ਕਥਿਤ ਤੌਰ 'ਤੇ ਛੇੜਛਾੜ ਕਰਕੇ ਕਰੀਬ 7 ਮਹੀਨਿਆਂ ਤੋਂ ਲਗਭਗ 18 ਕਰੋੜ ਗਾਹਕਾਂ ਦੀ ਨਿੱਜੀ ਅਤੇ ਵਿੱਤੀ ਜਾਣਕਾਰੀ ਲੀਕ ਹੋ ਰਹੀ ਹੈ। CyberX9 ਨੇ ਕਿਹਾ ਕਿ ਇਹ ਸਾਈਬਰ ਹਮਲਾ PNB ਵਿੱਚ ਸੁਰੱਖਿਆ ਦੀ ਕਮੀਆਂ ਤੋਂ ਲੈ ਕੇ ਪ੍ਰਸ਼ਾਸਨਿਕ ਨਿਯੰਤਰਣ ਨਾਲ ਇਸਦੀ ਪੂਰੀ ਡਿਜੀਟਲ ਬੈਂਕਿੰਗ ਪ੍ਰਣਾਲੀ ਤੱਕ ਹੋਇਆ ਹੈ।

ਪੰਜਾਬ ਨੈਸ਼ਨਲ ਬੈਂਕ ਨੇ ਰੱਖਿਆ ਆਪਣਾ ਪੱਖ
ਇਸ ਦਾਅਵੇ ਤੋਂ ਬਾਅਦ, PNB ਬੈਂਕ ਨੇ ਤਕਨੀਕੀ ਖਰਾਬੀ ਦੀ ਪੁਸ਼ਟੀ ਕਰਦੇ ਹੋਏ ਸਰਵਰ ਵਿੱਚ ਉਲੰਘਣਾ ਅਤੇ ਗਾਹਕਾਂ ਦੀ ਜਾਣਕਾਰੀ ਦੇ "ਖੁਲਾਸੇ" ਤੋਂ ਇਨਕਾਰ ਕੀਤਾ ਹੈ। ਬੈਂਕ ਨੇ ਕਿਹਾ, "ਇਸ ਦੇ ਕਾਰਨ, ਗਾਹਕ ਦੇ ਵੇਰਵੇ ਪ੍ਰਭਾਵਿਤ ਨਹੀਂ ਹੋਏ ਹਨ ਅਤੇ ਸਰਵਰ ਨੂੰ ਸਾਵਧਾਨੀ ਦੇ ਤੌਰ 'ਤੇ ਬੰਦ ਕਰ ਦਿੱਤਾ ਗਿਆ ਹੈ।"

CyberX9 ਦਾ ਦਾਅਵਾ - PNB ਨੂੰ ਜਾਣਕਾਰੀ ਦਿੱਤੀ ਗਈ ਸੀ
ਹਿਮਾਂਸ਼ੂ ਪਾਠਕ, CyberX9 ਦੇ ਸੰਸਥਾਪਕ ਅਤੇ ਐਮਡੀ ਨੇ ਕਿਹਾ, “ਪੰਜਾਬ ਨੈਸ਼ਨਲ ਬੈਂਕ ਪਿਛਲੇ ਸੱਤ ਮਹੀਨਿਆਂ ਤੋਂ ਆਪਣੇ 180 ਮਿਲੀਅਨ ਤੋਂ ਵੱਧ ਗਾਹਕਾਂ ਦੇ ਫੰਡਾਂ, ਨਿੱਜੀ ਅਤੇ ਵਿੱਤੀ ਜਾਣਕਾਰੀ ਦੀ ਸੁਰੱਖਿਆ ਨਾਲ ਸਮਝੌਤਾ ਕਰ ਰਿਹਾ ਹੈ। ਜਦੋਂ CyberX9 ਨੇ ਇਸਦਾ ਪਤਾ ਲਗਾਇਆ ਅਤੇ CERT-in ਅਤੇ NCIPC ਦੁਆਰਾ ਬੈਂਕ ਨੂੰ ਸੂਚਿਤ ਕੀਤਾ ਤਾਂ PNB ਨੇ ਇਸ ਉਲੰਘਣ ਨੂੰ ਠੀਕ ਕੀਤਾ।

CyberX9 ਦੀ ਖੋਜ ਟੀਮ ਨੇ ਲਗਾਇਆ ਇਸ ਦਾ ਪਤਾ
ਹਿਮਾਂਸ਼ੂ ਪਾਠਕ ਨੇ ਕਿਹਾ ਕਿ CyberX9 ਦੀ ਖੋਜ ਟੀਮ ਨੇ PNB ਵਿੱਚ ਇੱਕ ਬਹੁਤ ਹੀ ਨਾਜ਼ੁਕ ਸੁਰੱਖਿਆ ਲੈਪਸ ਦਾ ਪਤਾ ਲਗਾਇਆ ਜੋ ਅੰਦਰੂਨੀ ਸਰਵਰਾਂ ਨੂੰ ਵੀ ਪ੍ਰਭਾਵਿਤ ਕਰ ਰਿਹਾ ਸੀ। PNB ਤੋਂ ਜਦੋਂ ਇਸ ਸਬੰਧ 'ਚ ਪੁੱਛਿਆ ਗਿਆ ਤਾਂ ਉਸ ਨੇ ਕਿਹਾ ਕਿ ਸਰਵਰ 'ਚ ਅਜਿਹੀ ਕੋਈ ਵੀ ਸੰਵੇਦਨਸ਼ੀਲ ਜਾਂ ਮਹੱਤਵਪੂਰਨ ਜਾਣਕਾਰੀ ਨਹੀਂ ਸੀ, ਜਿਸ 'ਚ ਇਹ ਉਲੰਘਣਾ ਸਾਹਮਣੇ ਆਈ ਹੋਵੇ।