Home /News /national /

ਇਕ ਸਾਲ ਵਿਚ ਹੀ ਪੱਛਮੀ ਬੰਗਾਲ ਦੀ ਮੁੱਖ ਵਿਰੋਧੀ ਪਾਰਟੀ ਭਾਜਪਾ 'ਜ਼ੀਰੋ' 'ਤੇ ਕਿਵੇਂ ਆ ਗਈ?, ਜਾਣੋ ਕਾਰਨ...

ਇਕ ਸਾਲ ਵਿਚ ਹੀ ਪੱਛਮੀ ਬੰਗਾਲ ਦੀ ਮੁੱਖ ਵਿਰੋਧੀ ਪਾਰਟੀ ਭਾਜਪਾ 'ਜ਼ੀਰੋ' 'ਤੇ ਕਿਵੇਂ ਆ ਗਈ?, ਜਾਣੋ ਕਾਰਨ...

  (file phhoto)

(file phhoto)

  • Share this:

ਪੱਛਮੀ ਬੰਗਾਲ ਦੀਆਂ ਵਿਧਾਨ ਸਭਾ ਚੋਣਾਂ (West Bengal Assembly Elections) ਨੂੰ ਅਜੇ ਸਾਲ ਵੀ ਪੂਰਾ ਨਹੀਂ ਹੋਇਆ ਹੈ। ਪਿਛਲੇ ਸਾਲ ਮਈ ਵਿੱਚ ਜਦੋਂ ਵਿਧਾਨ ਸਭਾ ਚੋਣਾਂ ਦੇ ਨਤੀਜੇ ਐਲਾਨੇ ਗਏ ਸਨ, ਤਾਂ ਭਾਰਤੀ ਜਨਤਾ ਪਾਰਟੀ ਨੇ 77 ਸੀਟਾਂ ਜਿੱਤ ਕੇ ਵੱਡੀਆਂ ਆਸਾਂ ਲਾਈਆਂ ਸਨ।

ਨੰਦੀਗ੍ਰਾਮ ਵਿੱਚ ਵੀ ਭਾਜਪਾ ਦੇ ਸ਼ੁਵੇਂਦੂ ਅਧਿਕਾਰੀ (Shuvendu Adhikari) ਨੇ ਮੁੱਖ ਮੰਤਰੀ ਮਮਤਾ ਬੈਨਰਜੀ (CM Mamata Banerjee) ਨੂੰ ਹਰਾਇਆ। ਭਾਜਪਾ ਦੀ ਵੋਟ ਪ੍ਰਤੀਸ਼ਤਤਾ ਵੀ 38.9 ਤੱਕ ਪਹੁੰਚ ਗਈ ਸੀ। ਪਰ ਹਾਲ ਹੀ ਵਿੱਚ ਜਦੋਂ ਇਥੇ ਲੋਕਲ ਬਾਡੀ ਦੀਆਂ ਚੋਣਾਂ ਹੋਈਆਂ ਤਾਂ ਇਹ ਕਹਾਣੀ ਉਲਟ ਗਈ। 108 ਵਿੱਚੋਂ ਕਿਸੇ ਵੀ ਨਿਗਮ ਵਿੱਚੋਂ ਭਾਜਪਾ ਇਕ ਉਤੇ ਵੀ ਨਹੀਂ ਜਿੱਤ ਸਕੀ। ਪਾਰਟੀ ਦੀ ਵੋਟ ਪ੍ਰਤੀਸ਼ਤਤਾ ਵੀ ਘੱਟ ਕੇ 13 ਦੇ ਕਰੀਬ ਆ ਗਈ।

ਇਸ ਦੇ ਨਾਲ ਹੀ ਮਮਤਾ ਬੈਨਰਜੀ ਦੀ ਤ੍ਰਿਣਮੂਲ ਕਾਂਗਰਸ (ਟੀਐਮਸੀ) ਨੇ 102 ਬਾਡੀਜ਼ ਜਿੱਤੀਆਂ ਹਨ। ਨਵੀਂ ਬਣੀ 'ਹਮਰੋ ਪਾਰਟੀ' ਨੇ ਵੀ ਦਾਰਜੀਲਿੰਗ 'ਤੇ ਪੂਰਨ ਬਹੁਮਤ ਹਾਸਲ ਕਰ ਲਿਆ। ਖੱਬੀਆਂ ਪਾਰਟੀਆਂ ਨੂੰ 1 ਸੀਟੀ ਮਿਲੀ, ਜਦੋਂ ਕਿ 4 ਬਾਡੀਜ਼ ਵਿੱਚ ਕਿਸੇ ਨੂੰ ਵੀ ਬਹੁਮਤ ਨਹੀਂ ਮਿਲਿਆ।

ਅਜਿਹੀ ਸਥਿਤੀ ਵਿੱਚ ਰਾਜਨੀਤੀ ਵਿੱਚ ਦਿਲਚਸਪੀ ਰੱਖਣ ਵਾਲਿਆਂ ਦੇ ਸਾਹਮਣੇ ਕੁਝ ਸੁਭਾਵਿਕ ਸਵਾਲ ਹੋ ਸਕਦੇ ਹਨ। ਉਦਾਹਰਨ ਲਈ ਸਭ ਤੋਂ ਪਹਿਲਾਂ, ਅਜਿਹਾ ਕੀ ਹੋਇਆ ਕਿ ਭਾਜਪਾ ਨੂੰ ਵੱਡੀ ਸਫਲਤਾ ਮਿਲਣ ਦੇ ਸਿਰਫ 9-10 ਮਹੀਨਿਆਂ ਦੇ ਅੰਦਰ ਹੀ ਅਜਿਹੀ ਅਸਫਲਤਾ ਦਾ ਸਾਹਮਣਾ ਕਰਨਾ ਪਿਆ?, ਇਸ ਦੇ ਮੁੱਖ ਕਾਰਨ ਕੀ ਸਨ?

ਅਸਲ ਵਿਚ, ਪੱਛਮੀ ਬੰਗਾਲ ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਭਾਜਪਾ ਨੇ ਸੂਬਾਈ ਲੀਡਰਸ਼ਿਪ 'ਚ ਬਦਲਾਅ ਕੀਤਾ ਹੈ। ਰਾਜ ਇਕਾਈ ਦੀ ਕਮਾਨ ਸੰਭਾਲ ਰਹੇ ਦਲੀਪ ਘੋਸ਼ ਨੂੰ ਰਾਸ਼ਟਰੀ ਉਪ ਪ੍ਰਧਾਨ ਬਣਾਇਆ ਗਿਆ। ਉਨ੍ਹਾਂ ਦੀ ਥਾਂ 'ਤੇ ਸੁਕਾਂਤਾ ਮਜੂਮਦਾਰ ਨੂੰ ਸੂਬਾ ਇਕਾਈ ਦੀ ਕਮਾਨ ਸੌਂਪੀ ਗਈ।

ਉਨ੍ਹਾਂ ਨੂੰ ਆਪਣਾ ਅਹੁਦਾ ਸੰਭਾਲੇ 6 ਮਹੀਨੇ ਵੀ ਨਹੀਂ ਹੋਏ ਸਨ ਕਿ ਪੱਛਮੀ ਬੰਗਾਲ ਦੀਆਂ ਲੋਕਲ ਬਾਡੀ ਚੋਣਾਂ ਆ ਗਈਆਂ ਹਨ। ਰਾਜ ਦੇ ਸਿਆਸੀ ਮਾਹਿਰਾਂ ਅਨੁਸਾਰ ਮਜੂਮਦਾਰ ਅਤੇ ਉਨ੍ਹਾਂ ਦੀ ਟੀਮ ਨੂੰ ਜ਼ਮੀਨੀ ਸਥਿਤੀ ਨੂੰ ਸਮਝਣ ਅਤੇ ਕੰਮ ਕਰਨ ਦਾ ਸਮਾਂ ਨਹੀਂ ਮਿਲਿਆ। ਖਰਾਬ ਪ੍ਰਦਰਸ਼ਨ ਦਾ ਇਹ ਇਕ ਮੁੱਖ ਕਾਰਨ ਸੀ।

ਸਿਆਸੀ ਮਾਹਿਰ ਇੱਕ ਹੋਰ ਜ਼ਰੂਰੀ ਗੱਲ ਦੱਸਦੇ ਹਨ। ਭਾਵ, ਜਿੱਥੇ ਵੀ ਨਗਰ ਨਿਗਮ ਚੋਣਾਂ ਹੁੰਦੀਆਂ ਹਨ, ਉਨ੍ਹਾਂ ਦੇ ਨਤੀਜੇ ਜ਼ਿਆਦਾਤਰ ਸੱਤਾ-ਪੱਖੀ ਹੁੰਦੇ ਹਨ। ਯਾਨੀ ਸੂਬੇ ਵਿਚ ਜਿਸ ਪਾਰਟੀ ਦੀ ਸਰਕਾਰ ਹੁੰਦੀ ਹੈ, ਆਮ ਤੌਰ 'ਤੇ ਉਸ ਨੂੰ ਸਥਾਨਕ ਚੋਣਾਂ ਵਿਚ  ਭਾਰੀ ਜਿੱਤ ਮਿਲਦੀ ਹੈ। ਪੱਛਮੀ ਬੰਗਾਲ ਵਿੱਚ ਵੀ ਅਜਿਹਾ ਹੀ ਹੋਇਆ। ਹਾਲਾਂਕਿ ਪਾਰਟੀ ਆਗੂ ਵੀ ਇਸ ਗੱਲ ਨਾਲ ਸਹਿਮਤ ਹਨ ਕਿ ਪਾਰਟੀ ਨੂੰ 'ਜ਼ੀਰੋ' 'ਤੇ ਨਹੀਂ ਆਉਣਾ ਚਾਹੀਦਾ ਸੀ।

ਇਸੇ ਲਈ 'ਦਿ ਇੰਡੀਅਨ ਐਕਸਪ੍ਰੈਸ' ਨਾਲ ਗੱਲਬਾਤ 'ਚ ਦਿਲੀਪ ਘੋਸ਼ ਕਹਿੰਦੇ ਹਨ, 'ਯਕੀਨਨ ਬਹੁਤ ਸਾਰੀਆਂ ਕਮੀਆਂ ਰਹੇ ਗਈਆਂ ਹਨ। ਅਸੀਂ ਉਨ੍ਹਾਂ ਦੀ ਪਛਾਣ ਕਰਨ ਦੀ ਕੋਸ਼ਿਸ਼ ਕਰ ਰਹੇ ਹਾਂ ਜਿੱਥੇ ਤੁਰੰਤ ਕਾਰਵਾਈ ਕਰਨ ਦੀ ਲੋੜ ਹੈ।

ਇਸ ਦੇ ਨਾਲ ਹੀ ਦਲੀਪ ਘੋਸ਼ ਕਹਿੰਦੇ ਹਨ, ‘ਵਿਧਾਨ ਸਭਾ ਚੋਣਾਂ ਤੋਂ ਬਾਅਦ ਸਰਕਾਰੀ ਤੰਤਰ ਜਿਸ ਤਰ੍ਹਾਂ ਸਾਡੇ ਵਰਕਰਾਂ ‘ਤੇ ਤਸ਼ੱਦਦ ਕਰਦਾ ਹੈ, ਉਸ ਦਾ ਡਰ ਅਜੇ ਵੀ ਬਣਿਆ ਹੋਇਆ ਹੈ। ਸਾਡੇ ਵਰਕਰ ਨਗਰ ਨਿਗਮ ਚੋਣਾਂ ਵਿੱਚ ਕੰਮ ਕਰਨ ਲਈ ਵੀ ਨਹੀਂ ਨਿਕਲੇ। ਇਸ ਤੋਂ ਇਲਾਵਾ ਸਥਾਨਕ ਤੋਂ ਲੈ ਕੇ ਰਾਸ਼ਟਰੀ ਰਾਜਨੀਤੀ ਤੱਕ ਪਛਾਣ ਬਣਾਉਣ ਵਾਲੀ ਮਮਤਾ ਬੈਨਰਜੀ ਨਾਲ ਮੁਕਾਬਲਾ ਕਰਨ ਲਈ ਸਾਡੇ ਕੋਲ ਕੋਈ ਚਿਹਰਾ ਵੀ ਨਹੀਂ ਹੈ। ਸਾਨੂੰ ਅਜਿਹੇ ਸਾਰੇ ਪਹਿਲੂਆਂ 'ਤੇ ਕੰਮ ਕਰਨ ਦੀ ਲੋੜ ਹੈ।

Published by:Gurwinder Singh
First published:

Tags: BJP Protest, J P Nadda BJP President, Mamta, West bengal