• Home
  • »
  • News
  • »
  • national
  • »
  • YAMUNANAGAR FEMALE PRINCIPAL ALLEGATIONS ON BJP LEADER ABUSES HER IN FRONT OF CHILDREN

ਮਹਿਲਾ ਪ੍ਰਿੰਸੀਪਲ ਨੇ ਭਾਜਪਾ ਨੇਤਾ 'ਤੇ ਲਗਾਏ ਗੁੰਡਾਗਰਦੀ ਦੇ ਦੋਸ਼, ਬੱਚਿਆਂ ਦੇ ਸਾਹਮਣੇ ਗਾਲੀ-ਗਲੋਚ, ਹੱਥੋਪਾਈ

  • Share this:
    ਹਰਿਆਣਾ ਦੇ ਯਮੁਨਾਨਗਰ ਜ਼ਿਲ੍ਹੇ ਦੇ ਇੱਕ ਭਾਜਪਾ ਆਗੂ ਦੀਆਂ ਗੁੰਡਾਗਰਦੀ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਖੂਬ ਵਾਇਰਲ ਹੋ ਰਹੀਆਂ ਹਨ। ਵੀਡੀਓ ਰਾਏਪੁਰ-ਡਮੋਲੀ ਪਿੰਡ ਦੇ ਸਰਕਾਰੀ ਸੈਕੰਡਰੀ ਸਕੂਲ ਦੇ ਪ੍ਰਿੰਸੀਪਲ ਦੇ ਦਫ਼ਤਰ ਦੀ ਹੈ।

    ਇਸ ਦੀ ਪੁਸ਼ਟੀ ਖੁਦ ਸਰਕਾਰੀ ਸਕੂਲ ਦੀ ਪ੍ਰਿੰਸੀਪਲ ਅਨੀਤਾ ਸ਼ਰਮਾ ਨੇ ਕਰਦਿਆਂ ਦੋਸ਼ ਲਾਇਆ ਹੈ ਕਿ ਭਾਜਪਾ ਆਗੂ ਰਾਮਜਤਨ ਨੇ ਆਪਣੇ ਇੱਕ ਹੋਰ ਸਾਥੀ ਫਕੀਰਚੰਦ ਨਾਲ ਮਿਲ ਕੇ ਸਕੂਲ ਸਮੇਂ ਦੌਰਾਨ ਉਸ ਨਾਲ ਗਾਲੀ-ਗਲੋਚ ਕੀਤਾ।

    ਪ੍ਰਿੰਸੀਪਲ ਅਨੀਤਾ ਸ਼ਰਮਾ ਅਨੁਸਾਰ ਜਿਸ ਸਮੇਂ ਇਹ ਘਟਨਾ ਵਾਪਰੀ ਉਸ ਸਮੇਂ ਪੰਚਾਇਤ ਵਿਭਾਗ ਦਾ ਇੱਕ ਅਧਿਕਾਰੀ ਉਨ੍ਹਾਂ ਦੇ ਸਕੂਲ ਵਿੱਚ ਆਇਆ ਹੋਇਆ ਸੀ। ਜੋ ਦਰੱਖਤਾਂ ਦੀ ਕਟਾਈ ਦੇ ਮਾਮਲੇ ਦੀ ਜਾਂਚ ਕਰ ਰਿਹਾ ਸੀ। ਉਹ ਸਕੂਲ ਵਿਚ ਬੈਠੀ ਉਸ ਨਾਲ ਚਰਚਾ ਕਰ ਰਹੀ ਸੀ। ਇਸ ਦੌਰਾਨ ਪਿੰਡ ਡਮੌਲੀ ਦਾ ਰਾਮਜਤਨ ਆਪਣੇ ਸਾਥੀ ਫਕੀਰਚੰਦ ਨਾਲ ਉਸ ਕੋਲ ਪਹੁੰਚ ਗਿਆ ਅਤੇ ਪੰਚਾਇਤ ਸੈਕਟਰੀ ਬਲਬੀਰ ਦੇ ਸਾਹਮਣੇ ਉਸ ਨਾਲ ਗਾਲੀ-ਗਲੋਚ ਕਰਨਾ ਸ਼ੁਰੂ ਕਰ ਦਿੱਤਾ।

    ਉਨ੍ਹਾਂ ਬੱਚਿਆਂ ਦੇ ਸਾਹਮਣੇ ਅਜਿਹੀ ਭੱਦੀ ਭਾਸ਼ਾ ਦੀ ਵਰਤੋਂ ਨਾ ਕਰਨ ਦੀ ਅਪੀਲ ਕੀਤੀ। ਇਸ ਦੇ ਬਾਵਜੂਦ ਉਸ ਨੇ ਬਚਾਅ ਲਈ ਆਏ ਇਕ ਲੜਕੀ ਦੇ ਪਿਤਾ ਕੇਦਾਰਨਾਥ ਨਾਲ ਵੀ ਹੱਥੋਪਾਈ ਕੀਤੀ। ਉਸ ਨੇ ਦੱਸਿਆ ਕਿ ਰਾਮਜਤਨ ਇਸ ਤੋਂ ਪਹਿਲਾਂ ਵੀ ਉਹ ਕਈ ਵਾਰ ਸਕੂਲ ਆ ਕੇ ਉਸ ਨਾਲ ਦੁਰਵਿਵਹਾਰ ਕਰ ਚੁੱਕਾ ਹੈ।

    ਪੁਲਿਸ ਅਧਿਕਾਰੀ ਬਲਦੇਵ ਰਾਜ ਨੇ ਦੱਸਿਆ ਕਿ ਸਕੂਲ ਦੀ ਪ੍ਰਿੰਸੀਪਲ ਨੇ ਉਨ੍ਹਾਂ ਨੂੰ ਸ਼ਿਕਾਇਤ ਦਿੱਤੀ ਹੈ, ਜਿਸ ’ਤੇ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ ਹੈ। ਮਾਮਲੇ ਵਿੱਚ ਜੋ ਵੀ ਦੋਸ਼ੀ ਪਾਇਆ ਗਿਆ, ਉਸ ਖ਼ਿਲਾਫ਼ ਬਣਦੀ ਕਾਰਵਾਈ ਕੀਤੀ ਜਾਵੇਗੀ।
    Published by:Gurwinder Singh
    First published: