Home /pathankot /

Dengue Case: ਕੀ ਬੱਕਰੀ ਦੇ ਦੁੱਧ ਨਾਲ ਹੋ ਸਕਦਾ ਹੈ ਡੇਂਗੂ ਦਾ ਮਰੀਜ਼ ਠੀਕ ?ਦੇਖੋ ਇਹ ਖ਼ਬਰ

Dengue Case: ਕੀ ਬੱਕਰੀ ਦੇ ਦੁੱਧ ਨਾਲ ਹੋ ਸਕਦਾ ਹੈ ਡੇਂਗੂ ਦਾ ਮਰੀਜ਼ ਠੀਕ ?ਦੇਖੋ ਇਹ ਖ਼ਬਰ

ਡੇਂਗੂ ਦੇ ਮਰੀਜ਼ਾਂ ਲਈ ਕਿਵੇਂ ਫਾਇਦੇਮੰਦ ਹੋ ਸਕਦਾ ਹੈ ਬੱਕਰੀ ਦਾ ਦੁੱਧ?

ਡੇਂਗੂ ਦੇ ਮਰੀਜ਼ਾਂ ਲਈ ਕਿਵੇਂ ਫਾਇਦੇਮੰਦ ਹੋ ਸਕਦਾ ਹੈ ਬੱਕਰੀ ਦਾ ਦੁੱਧ?

Dengue: ਡਾਕਟਰ ਭੁਪਿੰਦਰ ਸਿੰਘ ਨੇ ਕਿਹਾ ਕਿ ਸਾਡੇ ਲੋਕਾਂ ਦੀ ਇਹ ਧਾਰਨਾ ਹੈ ਕਿ ਬੱਕਰੀ ਦੇ ਦੁੱਧ ਪੀਣ ਨਾਲ ਡੇਂਗੂ ਦੇ ਮਰੀਜ਼ ਦੇ ਸੈੱਲ ਵਧ ਜਾਂਦੇ ਹਨ ਪਰ ਜਦ ਕਿ ਅਜਿਹਾ ਕੋਈ ਵੀ ਗੱਲ ਦਾ ਵਿਗਿਆਨਕ ਸਬੂਤ (scientific proof) ਨਹੀਂ ਹੈ। 

  • Share this:

ਜਤਿਨ ਸ਼ਰਮਾ

ਪਠਾਨਕੋਟ:ਡੇਂਗੂ (Dengue) ਦੇ ਮਰੀਜ਼ਾਂ ਦੀ ਲਗਾਤਾਰ ਵੱਧ ਰਹੀ ਗਿਣਤੀ ਨੇ ਸਿਹਤ ਵਿਭਾਗ ਦੀ ਚਿੰਤਾ ਵਧਾ ਦਿੱਤੀ ਹੈ। ਸਰਕਾਰੀ ਹਸਪਤਾਲ (Civil Hospital) ਵਿੱਚ ਬਣਿਆ ਡੇਂਗੂ ਵਾਰਡ ਪੂਰੀ ਤਰ੍ਹਾਂ ਨਾਲ ਭਰ ਗਿਆ ਹੈ, ਅਜਿਹੇ ਵਿੱਚ ਸਿਹਤ ਵਿਭਾਗ (Health Department) ਲਈ ਮੁਸੀਬਤ ਬਣੀ ਹੋਈ ਹੈ ਕਿ ਜੇਕਰ ਇਸ 'ਤੇ ਕਾਬੂ ਨਾ ਪਾਇਆ ਗਿਆ ਤਾਂ ਵਾਰਡ 'ਚ ਲੋਕਾਂ ਨੂੰ ਦਾਖਲ ਕਰਨ ਲਈ ਵੀ ਜਗ੍ਹਾ ਨਹੀਂ ਮਿਲੇਗੀ।ਸ਼ਹਿਰ ਵਿੱਚ ਡੇਂਗੂ ਦੇ ਕੇਸਾਂ ਦੇ ਵਧਣ ਦਾ ਇੱਕ ਮੁੱਖ ਕਾਰਨ ਸਬੰਧਤ ਵਿਭਾਗਾਂ ਵੱਲੋਂ ਸਮੇਂ ਸਿਰ ਕਾਰਵਾਈ ਨਾ ਕਰਨਾ ਵੀ ਹੋ ਸਕਦਾ ਹੈ ਕਿਉਂਕਿ ਡੇਂਗੂ ਦੇ ਪ੍ਰਕੋਪ ਤੋਂ ਬਾਅਦ ਵਿਭਾਗ ਵੱਲੋਂ ਮਸ਼ੀਨਾਂ ਰਾਹੀਂ ਫੋਗਿੰਗ ਅਤੇ ਸਫ਼ਾਈ ਵਿਵਸਥਾ ਨੂੰ ਠੀਕ ਕੀਤਾ ਜਾ ਰਿਹਾ ਹੈ, ਜਦੋਂ ਕਿ ਇਹ ਸਾਰੇ ਕੰਮ ਮਾਨਸੂਨ ਦੀ ਸ਼ੁਰੂਆਤ ਪਹਿਲਾਂ ਕਰਨਾ ਚਾਹੀਦਾ ਸੀ।

ਡੇਂਗੂ ਦੇ ਮਰੀਜ਼ਾਂ ਦੀ ਗਿਣਤੀ ਵਧਣ ਦੇ ਨਾਲ ਹੀ ਬੱਕਰੀ ਦਾ ਦੁੱਧ, ਨਾਰੀਅਲ ਪਾਣੀ, ਕੀ ਵੀ ਫਰੂਟ (Kiwi Fruit), ਡ੍ਰੈਗਨ ਫਰੂਟ (Dragon Fruit) ਦੀਆਂ ਕੀਮਤਾਂ ਵਿੱਚ ਵੀ ਵਾਧਾ ਹੋ ਗਿਆ। ਕਿਉਂਕਿ ਕਿਹਾ ਜਾਂਦਾ ਹੈ ਕਿ ਇਨ੍ਹਾਂ ਸਾਰੀਆਂ ਵਸਤੂਆਂ ਨੂੰ ਖਾਣ ਪੀਣ ਨਾਲ ਮਰੀਜ਼ ਜਲਦੀ ਠੀਕ ਹੋ ਜਾਂਦੇ ਹਨ।

ਉੱਥੇ ਇਸ ਸਭ ਬਾਰੇ ਜਦ ਸਾਬਕਾ ਐਸ.ਐਮ.ਓ. ਡਾ ਭੁਪਿੰਦਰ ਸਿੰਘ ਨਾਲ ਗੱਲ ਕੀਤੀ ਤਾਂ ਉਨ੍ਹਾਂ ਨੇ ਦੱਸਿਆ ਕਿ ਡੇਂਗੂ ਦੀ ਚਪੇਟ ਵਿੱਚ ਆਉਣ ਵਾਲੇ ਮਰੀਜ਼ਾਂ ਨੂੰ ਚੰਗੀ ਖ਼ੁਰਾਕ ਲੈਣੀ ਚਾਹੀਦੀ ਹੈ ਜਿਸ ਵਿੱਚ ਉਹ ਹਰ ਤਰ੍ਹਾਂ ਦੇ ਫਲ ਲੈ ਸਕਦੇ ਹਨ। ਉਨ੍ਹਾਂ ਦੱਸਿਆ ਕਿ ਜ਼ਰੂਰੀ ਨਹੀਂ ਕਿ ਸਾਨੂੰ ਨਾਰੀਅਲ ਪਾਣੀ ,ਕੀਵੀ ਜਾਂ ਡ੍ਰੈਗਨ ਫਰੂਟ ਜਿਹੇ ਫ਼ਲ ਲੈਣ ਦੀ ਖ਼ਾਸ ਲੋੜ ਹੁੰਦੀ ਹੈ।ਇਸ ਵਿੱਚ ਮਰੀਜ਼ ਹਰ ਤਰ੍ਹਾਂ ਦੇ ਫਲ ਲੈ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਸਾਡੇ ਲੋਕਾਂ ਵਿੱਚ ਇਹ ਧਾਰਨਾ ਹੈ ਕਿ ਬੱਕਰੀ ਦਾ ਦੁੱਧ ਪੀਣ ਨਾਲ ਡੇਂਗੂ ਦੇ ਮਰੀਜ਼ ਦੇ ਸੈੱਲ ਵਧਦੇ ਹਨ, ਪਰ ਇਸ ਦਾ ਕੋਈ ਵਿਗਿਆਨਕ ਸਬੂਤ (Scientific Proof)ਨਹੀਂ ਹੈ।

Published by:Shiv Kumar
First published:

Tags: Dengue, Got, Health, Healthy, Milk, Patient