Love Story Special: ਮਸ਼ਹੂਰ ਕਵੀ ਬਾਂਕਾ ਬਹਾਦੁਰ ਅਰੋੜਾ ਦੀ ਸੁਣੋ ਪ੍ਰੇਮ ਕਹਾਣੀ, 45 ਸਾਲ ਪਹਿਲਾਂ ਇੰਝ ਹਾਰੇ ਸੀ ਦਿਲ

ਪਠਾਨਕੋਟ: ਵੈਲੇਨਟਾਈਨ ਡੇ (Valentine Day) ਹਫ਼ਤਾ 7 ਫਰਵਰੀ ਤੋਂ 14 ਫਰਵਰੀ ਤੱਕ ਮਨਾਇਆ ਜਾਂਦਾ ਹੈ। ਇਸ ਹਫਤੇ ਲੋਕ ਆਪਣੇ ਪਿਆਰ (Love) ਦਾ ਇਜ਼ਹਾਰ ਕਰਦੇ ਹਨ। ਅੱਜ ਦੇ ਸਮੇਂ ਵਿੱਚ ਪਿਆਰ ਨੂੰ ਜ਼ਾਹਰ ਕਰਨ ਦੇ ਕਈ ਤਰੀਕੇ ਹਨ। ਪਰ ਪੁਰਾਣੇ ਸਮਿਆਂ ਵਿਚ ਪਿਆਰ ਦਾ ਪ੍ਰਗਟਾਵਾ ਕਰਨ ਦੇ ਬਹੁਤ ਘੱਟ ਸਾਧਨ ਸਨ। ਪਰ ਫਿਰ ਵੀ ਜਿਹੜੇ ਸੱਚੇ ਪਿਆਰ ਵਿੱਚ ਸਨ, ਉਹ ਕਿਸੇ ਨਾ ਕਿਸੇ ਤਰ੍ਹਾਂ ਆਪਣੇ ਪ੍ਰੇਮੀ ਨੂੰ ਆਪਣਾ ਸੰਦੇਸ਼ ਪਹੁੰਚਾ ਦਿੰਦੇ ਸਨ। ਅੱਜ ਅਸੀਂ ਤੁਹਾਨੂੰ ਨਿਊਜ਼18 ਦੇ ਜ਼ਰੀਏ 45 ਸਾਲ ਪੁਰਾਣੀ ਪ੍ਰੇਮ ਕਹਾਣੀ ਦੱਸਣ ਜਾ ਰਹੇ ਹਾਂ। ਇਹ ਕਹਾਣੀ ਪਠਾਨਕੋਟ (Pathankot) ਦੇ ਪ੍ਰਸਿੱਧ ਕਵੀ ਬਾਂਕਾ ਬਹਾਦਰ ਅਰੋੜਾ ਦੀ ਕਹਾਣੀ ਹੈ। 45 ਸਾਲ ਪਹਿਲਾਂ ਬਾਂਕਾ ਬਹਾਦੁਰ ਅਰੋੜਾ (Banka Bahadur Arora) ਨੂੰ ਕਿਵੇਂ ਪਿਆਰ ਹੋਇਆ ਅਤੇ ਪਰਿਵਾਰਿਕ ਪਰੇਸ਼ਾਨੀਆਂ ਦੇ ਵਿਚਕਾਰ ਇਨ੍ਹਾਂ ਦੋ ਪ੍ਰੇਮੀ ਜੋੜਿਆਂ ਨੇ ਇਸ ਪਿਆਰ ਨੂੰ ਵਿਆਹ ਦੇ ਪਵਿੱਤਰ ਬੰਧਨ ਵਿੱਚ ਬੰਨ੍ਹਿਆ।

ਬਾਂਕਾ ਬਹਾਦੁਰ ਅਰੋੜਾ ਨੇ ਕਿਹਾ ਕਿ ਅੱਜ ਤੋਂ 45 ਸਾਲ ਪਹਿਲਾਂ ਆਪਣੀ ਪ੍ਰੇਮ ਕਹਾਣੀ ਸੁਣਾਉਣ ਜਾ ਰਿਹਾ ਹਾਂ। ਅੱਜ ਤੋਂ ਕਈ ਸਾਲ ਪਹਿਲਾਂ ਮੈਂ ਟਾਂਡਾ ਉੜਮੁੜ ਵਿਖੇ ਇੱਕ ਪ੍ਰੋਗਰਾਮ ਵਿੱਚ ਆਪਣੇ ਕਾਲਜ ਵੱਲੋਂ ਦਾਜ ਦੇ ਖਿਲਾਫ ਇੱਕ ਵਿਸ਼ੇ ਤੇ ਕਵਿਤਾ ਪੇਸ਼ ਕਰਨ ਆਇਆ ਸੀ। ਇਸ ਪ੍ਰੋਗਰਾਮ ਵਿੱਚ ਵੱਖ-ਵੱਖ ਕਾਲਜਾਂ ਦੇ ਵਿਦਿਆਰਥੀ ਵੀ ਭਾਗ ਲੈਣ ਲਈ ਪਹੁੰਚੇ, ਜਿਨ੍ਹਾਂ ਵਿੱਚ ਜਸਬੀਰ ਕੌਰ ਨਾਂ ਦੀ ਵਿਦਿਆਰਥਣ ਵੀ ਸੀ। ਜਦੋਂ ਮੈਂ ਦਾਜ ਵਿਰੋਧੀ ਕਵਿਤਾ ਪੇਸ਼ ਕੀਤੀ ਤਾਂ ਉਸ ਤੋਂ ਬਾਅਦ ਜਸਬੀਰ ਕੌਰ ਨੇ ਆਪਣੀ ਕਵਿਤਾ ਪੇਸ਼ ਕਰਦਿਆਂ ਕਿਹਾ ਕਿ ਜਿਸ ਨੌਜਵਾਨ ਨੇ ਮੇਰੇ ਤੋਂ ਪਹਿਲਾਂ ਦਾਜ ਵਿਰੋਧੀ ਕਵਿਤਾ ਪੇਸ਼ ਕੀਤੀ ਸੀ, ਅਜਿਹੇ ਵਿਅਕਤੀ ਜਦੋਂ ਵਿਆਹ ਕਰਵਾਉਂਦੇ ਹਨ ਤਾਂ ਉਹ ਖੁਦ ਦਾਜ ਦਾ ਸਮਰਥਨ ਕਰਦੇ ਹਨ ਅਤੇ ਉਸ ਸਮੇਂ ਮੈਂ ਸਟੇਜ 'ਤੇ ਆ ਗਿਆ ਅਤੇ ਕਿਹਾ ਕਿ ਮੈਂ ਤੁਹਾਨੂੰ ਹਜ਼ਾਰਾਂ ਲੋਕਾਂ ਦੇ ਸਾਹਮਣੇ ਦਾਜ ਤੋਂ ਬਿਨਾਂ ਆਪਣਾ ਜੀਵਨ ਸਾਥੀ ਬਣਾਉਣ ਲਈ ਤਿਆਰ ਹਾਂ, ਮੈਨੂੰ ਦੱਸੋ ਕਿ ਤੁਸੀਂ ਕੀ ਕਹਿੰਦੇ ਹੋ। ਉਸ ਸਮੇਂ ਜਸਬੀਰ ਕੌਰ ਚੁੱਪ ਰਹੀ ਅਤੇ ਪ੍ਰੋਗਰਾਮ ਦੌਰਾਨ ਮੌਜੂਦ ਹਜ਼ਾਰਾਂ ਲੋਕਾਂ ਨੇ ਖੜ੍ਹੇ ਹੋ ਕੇ ਤਾੜੀਆਂ ਵਜਾਈਆਂ।

ਫਿਰ ਇੱਕ ਦਿਨ ਮੈਨੂੰ ਇਹ ਚਿੱਠੀ ਮਿਲੀ ਅਤੇ ਇਹ ਚਿੱਠੀ ਜਸਬੀਰ ਦੀ ਸੀ, ਜਿਸ ਵਿੱਚ ਉਸਨੇ ਕਿਹਾ ਸੀ ਕਿ ਉਹ ਵੀ ਮੈਨੂੰ ਪਸੰਦ ਕਰਦੀ ਹੈ। ਜਿਸ ਤੋਂ ਬਾਅਦ ਮੈਂ ਜਸਬੀਰ 'ਤੇ ਕਵਿਤਾਵਾਂ ਲਿਖਣੀਆਂ ਸ਼ੁਰੂ ਕਰ ਦਿੱਤੀਆਂ ਅਤੇ ਜਸਮੀਤ ਦੀ ਪ੍ਰੇਰਨਾ ਸਦਕਾ ਹੀ ਲੋਕ ਮੈਨੂੰ ਇੱਕ ਚੰਗੇ ਕਵੀ ਵਜੋਂ ਜਾਣਨ ਲੱਗੇ।

ਜਸਬੀਤ ਸਿੱਖ ਪਰਿਵਾਰ ਨਾਲ ਸਬੰਧਤ ਸੀ ਅਤੇ ਉਸ ਦਾ ਸਾਰਾ ਪਰਿਵਾਰ ਨੌਕਰਸ਼ਾਹ ਸੀ। ਇਸ ਕਾਰਨ ਸਾਡੇ ਵਿਆਹ ਦਾ ਵਿਰੋਧ ਹੋਇਆ। ਪਰ ਜਸਬੀਰ ਤੇ ਮੈਂ ਆਪਸੀ ਸਹਿਮਤੀ ਦਿਖਾਉਂਦੇ ਹੋਏ ਮੰਦਰ ਵਿੱਚ ਵਿਆਹ ਕਰਵਾ ਲਿਆ। ਇਸ ਤੋਂ ਬਾਅਦ ਸਾਡੇ ਦੋਵੇਂ ਪਰਿਵਾਰ ਵੀ ਰਾਜ਼ੀ ਹੋ ਗਏ। ਮੇਰੇ ਉਤਰਾ-ਚੜ੍ਹਾਅ ਵਿਚ ਜਸਬੀਰ ਨੇ ਹਮੇਸ਼ਾ ਮੇਰਾ ਸਾਥ ਦਿੱਤਾ। ਅੱਜ ਬੇਸ਼ੱਕ ਜਸਬੀਰ ਸਰੀਰਕ ਤੌਰ 'ਤੇ ਮੈਨੂੰ ਛੱਡ ਗਈ ਹੈ ਪਰ ਅੱਜ ਵੀ ਜਸਬੀਰ ਮੇਰੀ ਹਰ ਕਵਿਤਾ ਵਿੱਚ ਮੇਰੇ ਨਾਲ ਹੈ।