ਕਿੱਲੋਵਾਟ ਵਾਲੀ ਨਹੀਂ ਕੋਈ ਸ਼ਰਤ, ਹਰ ਵਰਗ ਨੂੰ ਹਰੇਕ ਬਿੱਲ 'ਤੇ ਮਿਲੇਗੀ 600 ਯੂਨਿਟ ਮੁਫ਼ਤ ਬਿਜਲੀ: CM ਮਾਨ

ਚੰਡੀਗੜ੍ਹ : ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਕੈਬਨਿਟ ਨੇ ਫ੍ਰੀ ਬਿਜਲੀ ਦੇ ਫੈਸਲੇ ਤੇ ਲਾਈ ਮੁਹਰ ਲਗਾ ਦਿੱਤੀ ਹੈ। ਮੁੱਖ ਮੰਤਰੀ ਨੇ ਕਿਹਾ ਕਿ ਹਰ ਵਰਗ ਨੂੰ ਹਰੇਕ ਬਿੱਲ ਤੇ 600 ਯੂਨਿਟ ਮੁਫ਼ਤ ਬਿਜਲੀ. ਮਿਲੇਗੀ ਅਤੇ ਕਿੱਲੋਵਾਟ ਵਾਲੀ ਕੋਈ ਸ਼ਰਤ ਨਹੀਂ ਹੈ। ਕੈਬਨਿਟ ਨੇ  600 ਯੂਨਿਟ ਮੁਆਫੀ 'ਤੇ ਮੋਹਰ ਲਾਈ ਹੈ।

ਮੁਫ਼ਤ ਬਿਜਲੀ 'ਤੇ ਸੀਐਮ ਭਗਵੰਤ ਮਾਨ ਦਾ ਬਿਆਨ ਆਇਆ ਹੈ ਕਿ ਬਗੈਰ ਸ਼ਰਤ ਤੇ 600 ਯੂਨਿਟ ਮੁਫਤ ਬਿਜਲੀ ਮਿਲੇਗੀ।  ਕਿੱਲੋਵਾਟ ਵਾਲੀ ਕੋਈ ਵੀ ਸ਼ਰਤ ਨਹੀਂ ਹੋਵੇਗੀ। ਪਹਿਲੀ ਜੁਲਾਈ ਤੋਂ 600 ਯੂਨਿਟ ਮੁਫ਼ਤ ਬਿਜਲੀ ਲਾਗੂ ਹੈ।  600 ਯੂਨਿਟ ਤੇ ਬਿਲ ਨਹੀਂ ਆਵੇਗਾ ਪਰ ਜੇ 601 ਯੂਨਿਟ ਬਿਜਲੀ ਖਪਤ ਹੋਈ ਤਾਂ 601 ਯੂਨਿਟਾਂ ਦਾ ਪੂਰਾ ਬਿਲ ਅਦਾ ਕਰਨਾ ਪਵੇਗਾ।  ਓਧਰ SC, BC , BPL (ਗਰੀਬੀ ਰੇਖਾ ਤੋਂ ਹੇਠਾਂ) ਅਤੇ ਫਰੀਡਮ ਫਾਈਟਰ ਲਈ 600 ਯੂਨਿਟ ਮੁਆਫ਼ ਹੋਵੇਗੀ। ਉਸ ਤੋਂ ਉਪਰ ਖਪਤ ਹੋਈ ਬਿਜਲੀ ਦਾ ਬਿਲ ਭਰਨਾ ਪਵੇਗਾ।

CM ਨੇ ਪਟਵਾਰੀਆਂ ਨੂੰ ਦਿੱਤੇ ਨਿਯੁਕਤੀ ਪੱਤਰ

ਮੁੱਖ ਮੰਤਰੀ ਭਗਵੰਤ ਮਾਨ ਨੇ 855 ਪਟਵਾਰੀਆਂ ਨੂੰ ਨਿਯੁਕਤੀ ਪੱਤਰ ਸੌਂਪੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਟ੍ਰੇਨਿੰਗ ਦਾ ਸਮਾਂ ਘਟਾ ਕੇ ਡੇਢ ਤੋਂ ਇੱਕ ਸਾਲ ਕਰ ਰਹੇ ਹਾਂ। ਪਟਵਾਰੀਆਂ ਨੂੰ ਲੋਕਾਂ ਦੇ ਹਿੱਤ ਵਿੱਚ ਕੰਮ ਕਰਨ ਦੀ ਨਸੀਹਤ ਦਿੱਤੀ ਹੈ।

ਮਾਨ ਸਰਕਾਰ ਦੇ ਨਵੇਂ ਮੰਤਰੀ ਵਿਭਾਗ ਸਾਂਭ ਰਹੇ ਹਨ। ਅਨਮੋਲ ਗਗਨ ਮਾਨ ਅਤੇ ਚੇਤਨ ਜੋੜਾਮਾਜਰਾ ਨੇ ਆਪੋ-ਆਪਣੇ ਮੰਤਰਾਲਿਆਂ ਦਾ ਚਾਰਜ ਲਿਆ ਹੈ।