• Home
  • »
  • News
  • »
  • punjab
  • »
  • 7 BANK ACCOUNTS OF 6 ACCUSED INCLUDING FORMER DGP SUMEDH SINGH SAINI SEIZED IN DISPROPORTIONATE ASSETS CASE

Disproportionate Assets Case: ਸਾਬਕਾ DGP ਸੈਣੀ ਸਮੇਤ 6 ਦੋਸ਼ੀਆਂ ਦੇ 37 ਬੈਂਕ ਖਾਤੇ ਸੀਜ਼

Disproportionate Assets Case: ਵਿਜੀਲੈਂਸ ਜਾਂਚ ਵਿੱਚ ਵਿਦੇਸ਼ੀ ਸੰਬੰਧ ਵੀ ਮਿਲੇ ਹਨ। ਜਾਂਚ ਵਿੱਚ ਚੰਡੀਗੜ੍ਹ ਸਥਿਤ ਕੋਠੀ ਦੇ ਸਮਝੌਤੇ ਵਿੱਚ ਵੱਡਾ ਫੇਰਬਦਲ ਵੀ ਮਿਲਿਆ ਹੈ। ਸੈਣੀ ਵੱਲੋਂ ਚੰਡੀਗੜ੍ਹ ਵਿੱਚ ਖਰੀਦੀ ਗਈ ਕੋਠੀ ਦਾ ਸਮਝੌਤਾ ਵੀ ਕਥਿਤ ਤੌਰ ’ਤੇ ਝੂਠਾ ਦੱਸਿਆ ਜਾ ਰਿਹਾ ਹੈ।

Disproportionate Assets Case: ਸਾਬਕਾ DGP ਸੈਣੀ ਸਮੇਤ 6 ਦੋਸ਼ੀਆਂ ਦੇ 37 ਬੈਂਕ ਖਾਤੇ ਸੀਜ਼

  • Share this:
    ਚੰਡੀਗੜ੍ਹ - ਪੰਜਾਬ ਦੇ ਸਾਬਕਾ ਡੀਜੀਪੀ ਸੁਮੇਧ ਸਿੰਘ ਸੈਣੀ ਵੀ ਆਮਦਨ ਤੋਂ ਵੱਧ ਸੰਪਤੀ ਦੇ ਮਾਮਲੇ ਵਿੱਚ ਵਿਜੀਲੈਂਸ ਦੀ ਛਾਪੇਮਾਰੀ ਤੋਂ ਬਾਅਦ ਇਨਫੋਰਸਮੈਂਟ ਡਾਇਰੈਕਟੋਰੇਟ ਦੇ ਰਾਡਾਰ ਵਿੱਚ ਆ ਗਏ ਹਨ। ਹੁਣ ਈਡੀ ਨੇ ਉਨ੍ਹਾਂ ਦੀਆਂ ਸੰਪਤੀਆਂ ਦੀ ਜਾਂਚ ਵੀ ਸ਼ੁਰੂ ਕਰ ਦਿੱਤੀ ਹੈ। ਵਿਜੀਲੈਂਸ ਨੂੰ ਮੁੱਢਲੀ ਜਾਂਚ ਦੌਰਾਨ ਉਨ੍ਹਾਂ ਦੇ ਬੈਂਕ ਖਾਤਿਆਂ ਬਾਰੇ ਜਾਣਕਾਰੀ ਮਿਲੀ। ਜਿਸ ਤੋਂ ਬਾਅਦ ਵਿਜੀਲੈਂਸ ਨੇ ਸੈਣੀ ਸਮੇਤ 6 ਦੋਸ਼ੀਆਂ ਦੇ 37 ਬੈਂਕ ਖਾਤੇ ਜ਼ਬਤ ਕਰ ਲਏ ਹਨ। ਮੁਲਜ਼ਮਾਂ ਦੇ ਖਾਤਿਆਂ ਵਿੱਚ ਇਨ੍ਹਾਂ ਖਾਤਿਆਂ ਤੋਂ ਕਰੋੜਾਂ ਰੁਪਏ ਦਾ ਲੈਣ -ਦੇਣ ਹੋਇਆ ਹੈ।

    ਇੱਕ ਰੋਜ਼ਾਨਾ ਅਖ਼ਬਾਰ ਦੀ ਰਿਪੋਰਟ ਅਨੁਸਾਰ ਇਹ ਬੈਂਕ ਖਾਤੇ ਚੰਡੀਗੜ੍ਹ, ਹਰਿਆਣਾ, ਪੰਜਾਬ ਅਤੇ ਦਿੱਲੀ ਦੇ ਦੱਸੇ ਜਾ ਰਹੇ ਹਨ। ਕੁਝ ਖਾਤੇ ਅਜਿਹੇ ਵੀ ਹਨ ਜਿਨ੍ਹਾਂ ਵਿੱਚ ਬਕਾਇਆ 4 ਤੋਂ 8 ਕਰੋੜ ਰੁਪਏ ਤੱਕ ਸੀ। ਕਈ ਖਾਤਿਆਂ ਤੋਂ ਕਰੋੜਾਂ ਦੇ ਲੈਣ -ਦੇਣ ਵੀ ਸਾਹਮਣੇ ਆਏ ਹਨ। ਵਿਜੀਲੈਂਸ ਜਾਂਚ ਵਿੱਚ ਵਿਦੇਸ਼ੀ ਕੁਨੈਕਸ਼ਨ ਵੀ ਮਿਲੇ ਹਨ। ਜਾਂਚ ਵਿੱਚ ਚੰਡੀਗੜ੍ਹ ਸਥਿਤ ਕੋਠੀ ਦੇ ਐਗਰੀਮੈਂਟ ਵਿੱਚ ਵੱਡਾ ਫੇਰਬਦਲ ਵੀ ਪਾਇਆ ਗਿਆ ਹੈ। ਸੈਣੀ ਵੱਲੋਂ ਚੰਡੀਗੜ੍ਹ ਵਿੱਚ ਖਰੀਦੀ ਗਈ ਕੋਠੀ ਦਾ ਸਮਝੌਤਾ ਵੀ ਕਥਿਤ ਤੌਰ 'ਤੇ ਝੂਠਾ ਦੱਸਿਆ ਜਾ ਰਿਹਾ ਹੈ। ਵਿਜੀਲੈਂਸ ਜਾਂਚ ਵਿੱਚ ਸਾਹਮਣੇ ਆਇਆ ਹੈ ਕਿ ਕੋਠੀ ਮਾਲਕ ਨਿਮਰਤ ਦੀਪ ਦੇ ਪਿਤਾ ਨੂੰ ਅਗਸਤ 2018 ਤੋਂ 2020 ਤੱਕ ਬਿਨਾਂ ਕਿਸੇ ਪ੍ਰਾਪਤੀ ਜਾਂ ਉਦੇਸ਼ ਦੇ 6.4 ਕਰੋੜ ਰੁਪਏ ਅਦਾ ਕੀਤੇ ਗਏ ਹਨ।

    ਜੇਲ੍ਹ ਮੰਤਰੀ ਸੁਖਜਿੰਦਰ ਸਿੰਘ ਰੰਧਾਵਾ ਨੇ ਕਿਹਾ ਕਿ ਜੇ ਸੈਣੀ ਨੂੰ ਗ੍ਰਿਫ਼ਤਾਰ ਕਰਨਾ ਸੀ ਤਾਂ ਉਸ ਦੀ ਥਾਂ ਉਤੇ ਵਿਜੀਲੈਂਸ ਛਾਪੇਮਾਰੀ ਕਿਉਂ ਕੀਤੀ ਗਈ। ਉਨ੍ਹਾਂ ਕਿਹਾ ਕਿ ਜੇਕਰ ਸਮੇਂ ਸਿਰ ਕਾਰਵਾਈ ਕੀਤੀ ਜਾਂਦੀ ਤਾਂ ਸੈਣੀ ਨੂੰ ਅਗਾਊਂ ਜ਼ਮਾਨਤ ਨਾ ਮਿਲਣੀ ਸੀ। ਉਨ੍ਹਾਂ ਇਸ ਦੇ ਲਈ ਸਿੱਧਾ ਵਿਜੀਲੈਂਸ ਮੁਖੀ ਬੀਕੇ ਉੱਪਲ ਨੂੰ ਜ਼ਿੰਮੇਵਾਰ ਠਹਿਰਾਇਆ।

    ਵਿਜੀਲੈਂਸ ਬਿਊਰੋ ਨੂੰ ਮੁੱਢਲੀ ਜਾਂਚ ਵਿੱਚ ਸਾਬਕਾ ਡੀਜੀਪੀ ਸੁਮੇਧ ਸਿੰਘ ਸੈਣੀ ਅਤੇ ਸਹਿ-ਦੋਸ਼ੀ ਨਿਮਰਤ ਦੀਪ ਦੀ ਆਮਦਨ 172.9 ਫੀਸਦੀ ਤੋਂ ਵੱਧ ਹੈ। ਵਿਜੀਲੈਂਸ ਬਿਊਰੋ ਨੂੰ ਸ਼ੱਕ ਹੈ ਕਿ ਨਿਮਰਤ ਦੀਪ ਨੇ ਸੁਰਿੰਦਰਜੀਤ ਸਿੰਘ, ਅਜੇ ਕੌਸ਼ਲ, ਪ੍ਰਦਿਊਮਨ, ਪਰਮਜੀਤ, ਅਮਿਤ ਸਿੰਗਲਾ ਅਤੇ ਸਾਬਕਾ ਡੀਜੀਪੀ ਸੁਮੇਧ ਸਿੰਘ ਸੈਣੀ ਦੇ ਨਾਲ ਮਿਲ ਕੇ ਆਪਣੇ ਪਰਿਵਾਰਕ ਮੈਂਬਰਾਂ ਦੇ ਨਾਂ 'ਤੇ ਗੈਰਕਨੂੰਨੀ ਤੌਰ 'ਤੇ ਸੰਪਤੀ ਬਣਾਈ ਹੈ। ਇਸ ਮਾਮਲੇ ਵਿੱਚ, ਹੁਣ ਈਡੀ ਇਹ ਵੀ ਪਤਾ ਲਗਾਉਣ ਦੀ ਕੋਸ਼ਿਸ਼ ਕਰੇਗਾ ਕਿ ਇਨ੍ਹਾਂ ਲੋਕਾਂ ਦਾ ਵਿਦੇਸ਼ ਵਿੱਚ ਕੀ ਸੰਬੰਧ ਹੈ।
    Published by:Ashish Sharma
    First published:
    Advertisement
    Advertisement