Home /News /punjab /

ਸਿੱਧੂ ਮੂਸੇਵਾਲਾ ਕਤਲ 'ਚ AK-47 ਤੇ ਪਿਸਟਲ ਦੀ ਵਰਤੋਂ ਹੋਈ ਸੀ, 40-45 ਰਾਉਂਡ ਫਾਇਰ ਕੀਤੇ

ਸਿੱਧੂ ਮੂਸੇਵਾਲਾ ਕਤਲ 'ਚ AK-47 ਤੇ ਪਿਸਟਲ ਦੀ ਵਰਤੋਂ ਹੋਈ ਸੀ, 40-45 ਰਾਉਂਡ ਫਾਇਰ ਕੀਤੇ

ਸਿੱਧੂ ਮੂਸੇਵਾਲਾ ਕਤਲ 'ਚ AK-47 ਤੇ ਪਿਸਟਲ ਦੀ ਵਰਤੋਂ ਹੋਈ ਸੀ, 40-45 ਰਾਉਂਡ ਫਾਇਰ ਕੀਤੇ (file photo)

ਸਿੱਧੂ ਮੂਸੇਵਾਲਾ ਕਤਲ 'ਚ AK-47 ਤੇ ਪਿਸਟਲ ਦੀ ਵਰਤੋਂ ਹੋਈ ਸੀ, 40-45 ਰਾਉਂਡ ਫਾਇਰ ਕੀਤੇ (file photo)

ਸ਼ੂਟਰਾਂ ਵੱਲੋਂ ਮੌਕੇ 'ਤੇ 40 ਤੋਂ 45 ਗੋਲੀਆਂ ਚਲਾਈਆਂ ਗਈਆਂ। ਸਾਰੇ ਸ਼ੂਟਰ ਨਸ਼ੇ 'ਚ ਸਨ ਅਤੇ ਇਸ ਕਾਰਨ ਕਈ ਗੋਲੀਆਂ ਕੰਧ 'ਤੇ ਲੱਗੀਆਂ। ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਸ਼ੂਟਰਾਂ ਨੇ ਵੱਖ-ਵੱਖ ਦਿਸ਼ਾਵਾਂ ਵਿਚ ਭੱਜਣ ਤੋਂ ਪਹਿਲਾਂ ਹਰਿਆਣਾ ਦੇ ਇਕ ਵਿਅਕਤੀ ਨੂੰ ਹਥਿਆਰ ਸੌਂਪੇ ਸਨ।

  • Share this:
    ਗਾਇਕ ਸਿੱਧੂ ਮੂਸੇਵਾਲਾ ਨੂੰ ਮਾਰਨ ਲਈ ਸ਼ੂਟਰਾਂ ਵੱਲੋਂ ਏਕੇ-47 ਰਾਈਫਲ, ਇੱਕ 30 ਬੋਰ ਅਤੇ ਚਾਰ ਜਾਂ ਪੰਜ 9 ਐਮਐਮ ਪਿਸਟਲਾਂ ਦੀ ਵਰਤੋਂ ਕੀਤੀ ਗਈ ਸੀ। ਸੂਤਰਾਂ ਦਾ ਕਹਿਣਾ ਹੈ ਕਿ ਮੌਕੇ ਤੋਂ ਬਰਾਮਦ ਹੋਏ ਕਾਰਤੂਸਾਂ ਦੀ ਫੋਰੈਂਸਿਕ ਜਾਂਚ ਤੋਂ ਹਥਿਆਰਾਂ ਦੀ ਸ਼ਨਾਖਤ ਹੋ ਗਈ ਹੈ, ਹਾਲਾਂਕਿ ਪੁਲਿਸ ਹਥਿਆਰ ਬਰਾਮਦ ਕਰਨ ਵਿੱਚ ਨਾਕਾਮ ਰਹੀ ਹੈ।

    ਦੱਸਿਆ ਜਾ ਰਿਹਾ ਹੈ ਕਿ ਸ਼ੂਟਰਾਂ ਵੱਲੋਂ ਮੌਕੇ 'ਤੇ 40 ਤੋਂ 45 ਗੋਲੀਆਂ ਚਲਾਈਆਂ ਗਈਆਂ। ਸਾਰੇ ਸ਼ੂਟਰ ਨਸ਼ੇ 'ਚ ਸਨ ਅਤੇ ਇਸ ਕਾਰਨ ਕਈ ਗੋਲੀਆਂ ਕੰਧ 'ਤੇ ਲੱਗੀਆਂ। ਜਾਂਚ ਤੋਂ ਪਤਾ ਲੱਗਾ ਹੈ ਕਿ ਸ਼ੂਟਰਾਂ ਨੇ ਵੱਖ-ਵੱਖ ਦਿਸ਼ਾਵਾਂ ਵਿਚ ਭੱਜਣ ਤੋਂ ਪਹਿਲਾਂ ਹਰਿਆਣਾ ਦੇ ਇਕ ਵਿਅਕਤੀ ਨੂੰ ਹਥਿਆਰ ਸੌਂਪੇ ਸਨ।

    ਦਿੱਲੀ ਪੁਲਿਸ ਪਹਿਲਾਂ ਹੀ ਪ੍ਰਿਅਵਰਤ ਫੌਜੀ, ਕਸ਼ਿਸ਼ ਅਤੇ ਅੰਕਿਤ ਨੂੰ ਸਚਿਨ ਭਿਵਾਨੀ ਦੇ ਨਾਲ ਵੱਖ-ਵੱਖ ਅਪਰੇਸ਼ਨਾਂ ਵਿੱਚ ਫੜ ਚੁੱਕੀ ਹੈ। ਪੁਲਿਸ ਨੇ ਇਨ੍ਹਾਂ ਕੋਲੋਂ ਅੱਠ ਗ੍ਰਨੇਡ, ਇੱਕ ਅੰਡਰ ਬੈਰਲ ਗ੍ਰਨੇਡ ਲਾਂਚਰ, ਨੌਂ ਇਲੈਕਟ੍ਰਿਕ ਡੈਟੋਨੇਟਰ, 20 ਕਾਰਤੂਸਾਂ ਨਾਲ ਇੱਕ ਅਸਾਲਟ ਰਾਈਫਲ, ਤਿੰਨ ਅਤਿ ਆਧੁਨਿਕ ਪਿਸਤੌਲਾਂ, 36 ਰੌਂਦ ਅਤੇ ਇੱਕ ਏਕੇ ਸੀਰੀਜ਼ ਦੀ ਅਸਾਲਟ ਰਾਈਫਲ ਦਾ ਇੱਕ ਹਿੱਸਾ ਬਰਾਮਦ ਕੀਤਾ ਹੈ।

    ਜੇਕਰ ਹਥਿਆਰ ਕੰਮ ਨਹੀਂ ਕਰਦੇ ਤਾਂ ਵਿਸਫੋਟਕ ਇੱਕ ਬੈਕਅੱਪ ਯੋਜਨਾ ਦਾ ਹਿੱਸਾ ਸਨ। ਹਾਲਾਂਕਿ ਉਨ੍ਹਾਂ ਕੋਲੋਂ ਮੂਸੇਵਾਲਾ ਦੇ ਕਤਲ ਵਿੱਚ ਵਰਤਿਆ ਅਸਲ ਹਥਿਆਰ ਨਹੀਂ ਮਿਲਿਆ ਹੈ।

    ਤਿੰਨ ਸ਼ੂਟਰ ਅਜੇ ਵੀ ਫਰਾਰ
    ਤਿੰਨ ਹੋਰ ਸ਼ੂਟਰ ਜਗਰੂਪ ਰੂਪਾ, ਮਨਪ੍ਰੀਤ ਮਨੂੰ ਅਤੇ ਦੀਪਕ ਮੁੰਡੀ ਅਜੇ ਫਰਾਰ ਹਨ। ਅਪਰਾਧ ਵਿੱਚ ਵਰਤੇ ਗਏ ਹਥਿਆਰਾਂ ਦੀ ਪਛਾਣ ਦੀ ਫੋਰੈਂਸਿਕ ਜਾਂਚ ਵਿੱਚ ਪੂਰੀ ਤਰ੍ਹਾਂ ਪੁਸ਼ਟੀ ਕੀਤੀ ਜਾਵੇਗੀ, ਜਦੋਂ ਵੀ ਉਹ ਬਰਾਮਦ ਕੀਤੇ ਜਾਣਗੇ। ਸੂਤਰਾਂ ਦਾ ਕਹਿਣਾ ਹੈ ਕਿ ਮੌਕੇ ਤੋਂ ਬਰਾਮਦ ਹੋਏ ਹਥਿਆਰਾਂ ਅਤੇ ਕਾਰਤੂਸਾਂ ਦਾ ਮਿਲਾਨ ਕੀਤੇ ਬਿਨਾਂ ਅਦਾਲਤ ਵਿੱਚ ਕੇਸ ਸਾਬਤ ਕਰਨਾ ਮੁਸ਼ਕਲ ਹੋਵੇਗਾ।

    ਇਸ ਤੋਂ ਪਹਿਲਾਂ, ਅਪਰਾਧ ਵਾਲੀ ਥਾਂ 'ਤੇ ਪੁਲਿਸ ਅਧਿਕਾਰੀਆਂ ਨੇ ਸੰਕੇਤ ਦਿੱਤਾ ਸੀ ਕਿ ਘੱਟੋ-ਘੱਟ ਇੱਕ ਸ਼ੂਟਰ ਦੁਆਰਾ ਇੱਕ AN-94 ਅਸਾਲਟ ਰਾਈਫਲ ਦੀ ਵਰਤੋਂ ਕੀਤੀ ਗਈ ਸੀ। ਜ਼ਿਕਰਯੋਗ ਹੈ ਕਿ 29 ਮਈ ਨੂੰ ਮਾਨਸਾ ਵਿਖੇ ਸਿੱਧੂ ਮੂਸੇਵਾਲਾ ਦੀ ਸ਼ਾਰਪ ਸ਼ੂਟਰਾਂ ਵੱਲੋਂ ਗੋਲੀਆਂ ਮਾਰ ਕੇ ਹੱਤਿਆ ਕਰ ਦਿੱਤੀ ਗਈ ਸੀ, ਜਿਸ ਦੀ ਜਾਂਚ ਪਿਛਲੇ 45 ਦਿਨਾਂ ਤੋਂ ਚੱਲ ਰਹੀ ਹੈ।
    Published by:Gurwinder Singh
    First published:

    Tags: Sidhu Moose Wala, Sidhu Moosewala

    ਅਗਲੀ ਖਬਰ