24 ਜੁਲਾਈ ਨੂੰ ਹੋਣਗੇ ਦੁਰਗਿਆਨਾ ਕਮੇਟੀ ਦੇ ਚੋਣ, 10 ਤੋਂ 4 ਵਜੇ ਤੱਕ ਪੈਣਗੀਆਂ ਵੋਟਾਂ

ਨਿਤਿਸ਼ ਸਭਰਵਾਲ,

ਅੰਮ੍ਰਿਤਸਰ: ਸ਼ਹਿਰ ਦੇ ਹਾਥੀ ਗੇਟ ਵਿਖੇ ਸਥਿਤ ਵਿਸ਼ਵ ਪ੍ਰਸਿੱਧ ਸ੍ਰੀ ਦੁਰਗਿਆਨਾ ਤੀਰਥ ਵਿਖੇ ਸ੍ਰੀ ਦੁਰਗਿਆਨਾ ਕਮੇਟੀ ਦੇ ਮੁੱਖ ਚੋਣ ਅਧਿਕਾਰੀ ਬਲਬੀਰ ਬਜਾਜ ਨੇ ਪੱਤਰਕਾਰਾਂ ਨਾਲ ਗੱਲਬਾਤ ਕਰਦੇ ਹੋਏ ਦੱਸਿਆ ਕਿ ਹਰ 5 ਸਾਲ ਬਾਅਦ ਦੁਰਗਿਆਨਾ ਕਮੇਟੀ ਦੇ ਚੋਣ ਹੁੰਦੇ ਹਨ । ਕੋਰੋਨਾ ਮਹਾਂਮਾਰੀ ਦੇ ਕਾਰਨ ਇਸ ਵਾਰ ਦੁਰਗਿਆਨਾ ਕਮੇਟੀ ਦੇ ਚੋਣ 7 ਸਾਲਾਂ ਬਾਅਦ ਹੋਣ ਜਾ ਰਹੇ ਹਨ , ਜੋ ਕਿ 24 ਜੁਲਾਈ,2022 ਨੂੰ ਹੋਣਗੇ।

ਉਨ੍ਹਾਂ ਦੱਸਿਆ ਕਿ ਸਵੇਰੇ 10 ਵਜੇ ਤੋਂ ਸ਼ਾਮ 4 ਵਜੇ ਤੱਕ ਵੋਟਾਂ ਪੈਣੀਆਂ ਹਨ ਜਿਸ ਵਿੱਚ ਕਮੇਟੀ ਮੈਂਬਰ ਸ੍ਰੀ ਦੁਰਗਿਆਨਾ ਕਮੇਟੀ ਦੇ ਮੁੱਖ 4 ਅਹੁਦਿਆਂ ਦੇ ਚੋਣ ਕਰਨਗੇ , ਜਿਸ ਵਿੱਚ ਕਮੇਟੀ ਦੇ ਪ੍ਰਧਾਨ, ਸਕੱਤਰ, ਵਿੱਤ ਸਕੱਤਰ, ਮੈਨੇਜਰ ਦੇ ਚੋਣ ਹੋਣਗੇ।