PSEB 12th Result 2022: ਸਮਰੀਨ ਕੌਰ ਨੇ 99.20% ਅੰਕਾਂ ਨਾਲ ਜ਼ਿਲ੍ਹੇ 'ਚ ਕੀਤਾ ਟਾਪ

ਨਿਤਿਸ਼ ਸਭਰਵਾਲ,

ਅੰਮ੍ਰਿਤਸਰ: ਬੀਤੇ ਦਿਨ ਪੰਜਾਬ ਸਿੱਖਿਆ ਬੋਰਡ ਦੇ ਵੱਲੋਂ 12 ਜਮਾਤ ਦੇ ਨਤੀਜੇ ਐਲਾਨ ਕੀਤੇ ਗਏ। ਇਹ ਖੁਸ਼ੀ ਦੀ ਗੱਲ ਹੈ ਕਿ ਜ਼ਿਲ੍ਹੇ ਦੇ ਵਿੱਚੋਂ ਗੁਰੂ ਨਗਰੀ ਦੇ ਬੇਟਿਆਂ ਨੇ ਹੀ ਬਾਜ਼ੀ ਮਾਰੀ ਹੈ। ਅੰਮ੍ਰਿਤਸਰ ਦੇ ਅਟਾਰੀ ਦੇ ਓਲੰਪੀਅਨ ਸ਼ਮਸ਼ੇਰ ਸਿੰਘ ਸੀਨੀਅਰ ਸੈਕੰਡਰੀ ਸਕੂਲ ਦੀ ਵਿਦਿਆਰਥਣ ਸਮਰੀਨ ਕੌਰ ਨੇ 99.20% ਅੰਕਾਂ ਦੇ ਨਾਲ ਜ਼ਿਲ੍ਹੇ ਵਿਚੋਂ ਟਾਪ ਕੀਤਾ ਹੈ।

ਸਮਰੀਨ ਦੀ ਇਸ ਉਪਲੱਬਧੀ ਦੀ ਵਧਾਈ ਦੇਣ ਉਸਦੇ ਸਕੂਲ ਦੇ ਪ੍ਰਿੰਸੀਪਲ ਰਿਮਪੀ ਅਰੋੜਾ ਸਟਾਫ ਸਮੇਤ ਸਮਰੀਨ ਦੇ ਘਰ ਪਹੁੰਚੇ। ਤੁਸੀਂ ਤਸਵੀਰਾਂ 'ਚ ਦੇਖ ਸਕਦੇ ਹੋ ਕਿ ਕਿਸ ਤਰਾਂ ਸਮਰੀਨ ਦੇ ਚਿਹਰੇ 'ਤੇ ਖੁਸ਼ੀ ਝਲਕਦੀ ਹੋਈ ਦਿਖਾਈ ਦੇ ਰਹੀ ਹੈ । ਗੱਲਬਾਤ ਕਰਦਿਆਂ ਸਮਰੀਨ ਕੌਰ ਨੇ ਦੱਸਿਆ ਕੇ 12 ਜਮਾਤ ਦੇ ਇਮਤਿਹਾਨਾਂ ਲਈ ਜਿੰਨੀ ਮਿਹਨਤ ਉਸ ਨੇ ਲਗਾਈ ਸੀ, ਉਸਦਾ ਉਸਨੂੰ ਫਲ ਮਿਲ ਗਿਆ ਹੈ । ਸਮਰੀਨ ਨੇ ਦੱਸਿਆ ਕਿ ਅਗਾਮੀ ਹੁਣ ਉਹ ਬੀ ਟੈਕ ਇੰਨ ਕੰਪਿਊਟਰ ਸਾਇੰਸ ਐਂਡ ਇੰਜੀਨੀਅਰਿੰਗ ਦੇ ਖੇਤਰ ਵਿੱਚ ਗਿਆਨ ਹਾਸਲ ਕਰੇਗੀ ।