Home /News /punjab /

Barnala- ਸਾਈਨ ਬੋਰਡਾਂ ਦੇ ਮਾਮਲੇ 'ਚ ਕੌਂਸਲਰ ਨੇ ਲਾਏ ਦੋਸ਼, ਪ੍ਰਧਾਨ ਨੇ ਇਲਜ਼ਾਮਾਂ ਨੂੰ ਨਕਾਰਿਆ

Barnala- ਸਾਈਨ ਬੋਰਡਾਂ ਦੇ ਮਾਮਲੇ 'ਚ ਕੌਂਸਲਰ ਨੇ ਲਾਏ ਦੋਸ਼, ਪ੍ਰਧਾਨ ਨੇ ਇਲਜ਼ਾਮਾਂ ਨੂੰ ਨਕਾਰਿਆ

Barnala- ਸਾਈਨ ਬੋਰਡਾਂ ਦੇ ਮਾਮਲੇ 'ਚ ਕੌਂਸਲਰ ਨੇ ਲਾਏ ਦੋਸ਼, ਪ੍ਰਧਾਨ ਨੇ ਇਲਜ਼ਾਮਾਂ ਨੂੰ ਨਕਾਰਿਆ

Barnala- ਸਾਈਨ ਬੋਰਡਾਂ ਦੇ ਮਾਮਲੇ 'ਚ ਕੌਂਸਲਰ ਨੇ ਲਾਏ ਦੋਸ਼, ਪ੍ਰਧਾਨ ਨੇ ਇਲਜ਼ਾਮਾਂ ਨੂੰ ਨਕਾਰਿਆ

  • Share this:
( ਆਸ਼ੀਸ਼ ਸ਼ਰਮਾ )

ਬਰਨਾਲਾ : ਬਰਨਾਲਾ ਨਗਰ ਕੌਂਸਲ ਦੇ ਕੰਮਾਂ ਵਿੱਚ ਭ੍ਰਿਸ਼ਟਾਚਾਰ ਕਰਨ ਦਾ ਵੱਡਾ ਮਾਮਲਾ ਸਾਹਮਣੇ ਆਇਆ ਹੈ। ਸ਼ਹਿਰ ਵਿੱਚ ਨਗਰ ਕੌਂਸਲ ਵਲੋਂ ਗਲੀ ਮੁਹੱਲਿਆਂ ਵਿੱਚ ਲਗਾਏ ਸਾਈਨ ਬੋਰਡਾਂ ਵਿੱਚ ਘਪਲੇਬਾਜ਼ੀ ਦੇ ਦੋਸ਼ ਲੱਗੇ ਹਨ। ਮੌਜੂਦਾ ਕੌਂਸਲਰ ਹੇਮਰਾਜ ਗਰਗ ਨੇ ਨਗਰ ਕੌਂਸਲ ਅਧਿਕਾਰੀਆਂ ਤੇ ਭ੍ਰਿਸ਼ਟਾਚਾਰ ਤੇ ਦੋਸ਼ ਲਗਾਏ ਹਨ। ਐਮਸੀ ਅਨੁਸਾਰ ਪ੍ਰਤੀ ਬੋਰਡ ਦੀ ਬਣਦੀ ਹੈ 2 ਹਜ਼ਾਰ ਰੁਪਏ ਤੋਂ ਘੱਟ ਕੀਮਤ ਬਣਦੀ ਹੈ, ਜਦਕਿ ਕੌਂਸਲ ਅਧਿਕਾਰੀਆਂ ਵਲੋਂ ਪ੍ਰਤੀ ਬੋਰਡ ਦਾ 7400 ਰੁਪੲ ਖ਼ਰਚਾ ਪਾਇਆ ਗਿਆ ਹੈ। ਐਮਸੀ ਹੇਮਰਾਜ ਨੇ  ਹਾਈਕੋਰਟ ਦਾ ਦਰਵਾਜ਼ਾ ਖਟਕਾਉਣ ਦੀ ਚੇਤਾਵਨੀ ਦਿੱਤੀ ਹੈ। ਉਧਰ ਨਗਰ ਕੌਂਸਲ ਦੇ ਪ੍ਰਧਾਨ ਵਲੋਂ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਨੂੰ ਨਕਾਰਿਆ ਜਾ ਰਿਹਾ ਹੈ।

ਕੌਂਸਲਰ ਹੇਮਰਾਜ ਗਰਗ


ਇਸ ਸਬੰਧੀ ਗੱਲਬਾਤ ਕਰਦਿਆਂ ਕੌਂਸਲਰ ਹੇਮਰਾਜ ਗਰਗ ਨੇ ਦੱਸਿਆ ਕਿ ਮੌਜੂਦਾ ਸਮੇਂ ਵਿੱਚ ਨਗਰ ਕੌਂਸਲ ਬਰਨਾਲਾ ਭ੍ਰਿਸ਼ਟਾਚਾਰ ਦਾ ਅੱਡਾ ਬਣ ਚੁੱਕੀ ਹੈ। ਉਹਨਾਂ ਕਿਹਾ ਕਿ ਸ਼ਹਿਰ ਵਿੱਚ ਲਗਾਏ ਗਏ ਸਾਈਨ ਬੋਰਡ ਸਬੰਧੀ ਇੱਕ ਆਰਟੀਆਈ ਨਗਰ ਕੌਂਸਲ ਨੂੰ ਪਾਈ ਸੀ। ਪਰ ਅਜੇ ਤੱਕ ਇਸਦਾ ਜਵਾਬ ਨਹੀਂ ਦਿੱਤਾ ਗਿਆ। ਜੋ ਬੋਰਡ ਲਗਾਏ ਹਨ, ਉਸਦਾ ਹਰ ਤਰ੍ਹਾਂ ਦਾ  ਖ਼ਰਚਾ ਸਿਰਫ਼ 2 ਹਜ਼ਾਰ ਰੁਪਏ ਦੇ ਕਰੀਬ ਬਣਦਾ ਹੈ। ਜਦਕਿ ਕੌਂਸਲ ਅਧਿਕਾਰੀਆਂ ਨੇ ਪ੍ਰਤੀ ਬੋਰਡ ਦੀ ਕੀਮਤ ਦਾ ਬਿੱਲ 7400 ਰੁਪਏ ਦੇ ਕਰੀਬ ਬਣਾ ਦਿੱਤੀ ਹੈ। ਜਿਸਤੋਂ ਨਗਰ ਕੌਂਸਲ ਦੇ ਭ੍ਰਿਸ਼ਟਾਚਾਰ ਦਾ ਪਰਦਾਫ਼ਾਸ ਹੋ ਰਿਹਾ ਹੈ। ਉਹਨਾਂ ਜਿੱਥੇ ਪੰਜਾਬ ਸਰਕਾਰ ਤੋ  ਇਸ ਮਾਮਲੇ ਦੀ ਜਾਂਚ ਦੀ ਮੰਗ ਕੀਤੀ। ਉਥੇ ਉਹਨਾਂ ਕਿਹਾ ਕਿ ਇਸ ਮਾਮਲੇ ਨੂੰ ਲੈ ਕੇ ਉਹ ਹਾਈਕੋਰਟ ਦਾ ਦਰਵਾਜ਼ਾ ਵੀ ਖੜਕਾਉਣਗੇ।

ਨਗਰ ਕੌਂਸਲ ਦੇ ਪ੍ਰਧਾਨ ਗੁਰਜੀਤ ਸਿੰਘ


ਉਧਰ ਭ੍ਰਿਸ਼ਟਾਚਾਰ ਦੇ ਦੋਸ਼ਾਂ ਨੂੰ ਨਕਾਰਦੇ ਹੋਏ ਨਗਰ ਕੌਂਸਲ ਦੇ ਪ੍ਰਧਾਨ ਗੁਰਜੀਤ ਸਿੰਘ ਨੇ ਕਿਹਾ ਕਿ ਸ਼ਹਿਰ ਵਿੱਚ ਕੁੱਲ 465 ਸਾਈਨ ਬੋਰਡ ਲਗਾਏ ਗਏ ਹਨ। ਪ੍ਰਤੀ ਬੋਰਡ ਦੀ ਕੀਮਤ 7400 ਰੁਪਏ ਬਣਦੀ ਹੈ। ਉਹਨਾਂ ਕਿਹਾ ਕਿ ਵਧੀਆ ਕੁਆਲਟੀ ਕਰਕੇ ਬੋਰਡ ਏਨਾ ਮਹਿੰਗਾ ਪਿਆ ਹੈ। ਉਥੇ ਉਹਨਾਂ ਅਧਿਕਾਰੀ ਤੇ ਕੌਂਸਲਰ ਵਲੋਂ ਰਿਸ਼ਵਤ ਲੈਣ ਦੇ ਮਾਮਲੇ ਤੇ ਪ੍ਰਧਾਨ ਨੇ ਕਿਹਾ ਕਿ ਇਸ ਮਾਮਲੇ ਸਬੰਧੀ ਜ਼ਰੂਰੀ ਮੀਟਿੰਗ ਮੰਗਲਵਾਰ ਨੂੰ ਰੱਖੀ ਗਈ ਹੈ। ਜੋ ਵੀ ਸਾਹਮਣੇ ਆਵੇਗਾ, ਉਸ ਸਬੰਧੀ ਕਾਰਵਾਈ ਹੋਵੇਗੀ।
Published by:Ashish Sharma
First published:

Tags: Barnala

ਅਗਲੀ ਖਬਰ