Bathinda : ਅੱਜ ਫਿਰ ਕੇਂਦਰੀ ਜੇਲ੍ਹ ਬਠਿੰਡਾ ਵਿਚੋਂ ਮਿਲੇ ਚਾਰਜਰ, ਦੋ ਸਿਮ ਤੇ ਮੋਬਾਇਲ

ਅੱਜ ਫਿਰ ਥਾਣਾ ਕੈਂਟ ਵਿਚ ਕੇਂਦਰੀ ਜੇਲ੍ਹ ਬਠਿੰਡਾ ਦੇ  ਸਹਾਇਕ ਸੁਪਰੀਡੈਂਟ ਜਸਪਾਲ ਸਿੰਘ ਦੀ ਸ਼ਿਕਾਇਤ ਤੇ ਸਹਾਇਕ ਥਾਣੇਦਾਰ ਬਲਜੀਤ ਸਿੰਘ ਵੱਲੋਂ ਹਵਾਲਾਤੀ ਸ਼ਿਵ ਦੱਤ ਉਰਫ ਸ਼ਿਵਾ ਪੁੱਤਰ ਸਾਹਿਬਰਾਮ ਵਾਸੀ ਪਿੰਡ ਵਜੀਦਪੁਰ ਜ਼ਿਲ੍ਹਾ ਫ਼ਾਜ਼ਿਲਕਾ ਖ਼ਿਲਾਫ਼ 3 ਜੂਨ ਨੂੰ ਕੇਂਦਰੀ ਜੇਲ੍ਹ ਬਠਿੰਡਾ ਦੀ ਤਲਾਸ਼ੀ ਦੌਰਾਨ ਬਰਾਮਦ ਹੋਏ ਸੈਮਸੰਗ ਦੇ ਫੋਨ, ਬੈਟਰੀ,  ਚਾਰਜਰ ਅਤੇ 2 ਸੀਮਾ ਦੀ ਬਰਾਮਦਗੀ ਦਾ ਪਰਚਾ ਦਰਜ ਕੀਤਾ ਹੈ। ਉਕਤ ਹਵਾਲਾਤੀ ਖ਼ਿਲਾਫ਼ ਸੈਕਸ਼ਨ 52ਏ ਪਰੀਜਨ ਐਕਟ ਤਹਿਤ ਮਾਮਲਾ ਦਰਜ ਕਰਕੇ ਅਗਲੀ ਕਾਰਵਾਈ ਆਰੰਭ ਦਿੱਤੀ ਹੈ।

ਦੱਸਣਯੋਗ ਹੈ ਕਿ ਦੋ ਦਿਨ ਪਹਿਲਾਂ ਵੀ ਕੇਂਦਰੀ ਜੇਲ੍ਹ ਬਠਿੰਡਾ ਵਿਚੋਂ ਮੋਬਾਇਲ ਬਰਾਮਦ ਹੋ ਚੁੱਕਿਆ ਹੈ । ਇਸ ਤੋਂ ਪਹਿਲਾਂ ਦਰਜਨਾਂ ਮੋਬਾਇਲ ਬਰਾਮਦਗੀ ਦੇ ਥਾਣਾ ਕੈਂਟ ਵਿਚ ਪਰਚੇ ਦਰਜ ਹੋ ਚੁੱਕੇ ਹਨ । ਹੁਣ ਸਵਾਲ ਇਹ ਖੜ੍ਹਾ ਹੁੰਦਾ ਹੈ ਕਿ ਆਖ਼ਰ ਕੇਂਦਰੀ ਜੇਲ੍ਹ ਬਠਿੰਡਾ ਵਿਚੋਂ ਮੋਬਾਇਲ ਬਰਾਮਦਗੀ ਦਾ ਸਿਲਸਿਲਾ ਕਦੋਂ ਖ਼ਤਮ ਹੋਵੇਗਾ। ਕੀ ਸੱਚਮੁੱਚ ਕੇਂਦਰੀ ਜੇਲ੍ਹ ਬਠਿੰਡਾ ਅਸਲ ਵਿੱਚ ਕੈਦੀਆਂ ਨੂੰ ਸੁਧਾਰਨ ਲਈ ਸੁਧਾਰ ਘਰ ਬਣੇਗੀ?