ਘਰੇਲੂ ਕਲੇਸ਼ ਕਾਰਨ ਸੁੱਤੇ ਪਏ ਸਕੇ ਭਰਾ ਨੂੰ ਕਹੀ ਨਾਲ ਵੱਢਿਆ

News18 Punjab
Updated: September 11, 2019, 4:19 PM IST
share image
ਘਰੇਲੂ ਕਲੇਸ਼ ਕਾਰਨ ਸੁੱਤੇ ਪਏ ਸਕੇ ਭਰਾ ਨੂੰ ਕਹੀ ਨਾਲ ਵੱਢਿਆ

  • Share this:
  • Facebook share img
  • Twitter share img
  • Linkedin share img
ਸ੍ਰੀ ਮੁਕਤਸਰ ਸਾਹਿਬ ਨੇੜਲੇ ਪਿੰਡ ਥਾਂਦੇਵਾਲਾ ਵਿਚ ਘਰੇਲੂ ਝਗੜੇ ਕਾਰਨ ਭਰਾ ਵੱਲੋਂ ਆਪਣੇ ਹੀ ਭਰਾ ਦਾ ਕਹੀ ਦੇ ਦੋ ਵਾਰ ਕਰਕੇ ਕਤਲ ਕਰ ਦਿੱਤਾ ਗਿਆ। ਮਿਲੀ ਜਾਣਕਾਰੀ ਮੁਤਾਬਕ ਮ੍ਰਿਤਕ ਗੁਰਭੇਜ ਸਿੰਘ ਦੇ ਭਰਾ ਰਾਜਬੀਰ ਸਿੰਘ ਨੇ ਗੁਰਭੇਜ ਸਿੰਘ ਦੀ ਪਤਨੀ ਨਾਲ ਇਕ ਮਹੀਨਾ ਪਹਿਲਾਂ ਕੁੱਟਮਾਰ ਕੀਤੀ ਸੀ ਜਿਸ ਕਰਕੇ ਉਹ ਨਾਰਾਜ਼ ਹੋ ਕੇ ਆਪਣੇ ਪੇਕੇ ਚਲੀ ਗਈ ਸੀ ਜਿਸ ਨੂੰ ਵਾਪਸ ਲਿਆਉਣ ਲਈ ਦੋ ਦਿਨ ਪਹਿਲਾਂ ਗੁਰਭੇਜ ਸਿੰਘ ਆਪਣੇ ਸਹੁਰੇ ਗਿਆ ਸੀ ਪਰ ਉਹ ਵਾਪਸ ਨਹੀਂ ਆਈ।

ਘਰ ਵਾਪਸ ਆ ਕੇ ਗੁਰਭੇਜ ਸਿੰਘ ਅਤੇ ਰਾਜਬੀਰ ਵਿਚਕਾਰ ਫਿਰ ਝਗੜਾ ਹੋ ਗਿਆ। ਝਗੜਾ ਇੰਨਾ ਵਧ ਗਿਆ ਕਿ ਰਾਜਬੀਰ ਨੇ ਕਹੀ ਨਾਲ ਵਾਰ ਕਰਕੇ ਗੁਰਭੇਜ ਦਾ ਕਤਲ ਕਰ ਦਿੱਤਾ। ਗੁਰਭੇਜ ਉਤੇ ਉਸ ਸਮੇਂ ਕਹੀ ਨਾਲ ਵਾਰ ਕੀਤੇ ਜਦੋਂ ਉਹ ਸੁੱਤਾ ਪਿਆ ਸੀ। ਪੁਲਿਸ ਵੱਲੋਂ ਮੌਕੇ ਉੱਤੇ ਪਹੁੰਚ ਕੇ ਰਾਜਬੀਰ ਸਿੰਘ ਨੂੰ ਸਮੇਤ ਕਹੀ ਕਾਬੂ ਕਰ ਲਿਆ ਹੈ।

ਉਧਰ, ਥਾਣਾ ਸਦਰ ਦੇ ਐਸਐਚਓ ਪਰਮਜੀਤ ਸਿੰਘ ਨੇ ਦੱਸਿਆ ਕੇ ਮ੍ਰਿਤਕ ਦੇ ਪਿਤਾ ਬਲਦੇਵ ਸਿੰਘ ਦੇ ਬਿਆਨਾਂ ਉਤੇ ਰਾਜਬੀਰ ਸਿੰਘ ਦੇ ਖ਼ਿਲਾਫ਼ ਮੁਕੱਦਮਾ ਦਰਜ ਕਰ ਲਿਆ ਹੈ ਅਤੇ ਲਾਸ਼ ਦਾ ਪੋਸਟਮਾਰਟਮ ਕਰਵਾ ਕੇ ਵਾਰਸਾਂ ਦੇ ਹਵਾਲੇ ਕਰ ਦਿੱਤੀ ਹੈ।
First published: September 11, 2019
ਹੋਰ ਪੜ੍ਹੋ
ਅਗਲੀ ਖ਼ਬਰ