ਦਿੱਲੀ ਵਿਚ ਘੁੰਮਦੇ ਅੰਮ੍ਰਿਤਪਾਲ ਦੀ CCTV ਆਈ ਸਾਹਮਣੇ!

ਪੁਲਿਸ ਵੱਲੋਂ ਅੰਮ੍ਰਿਤਪਾਲ ਸਿੰਘ ਨੂੰ ਫੜਨ ਦੀਆਂ ਕੋਸ਼ਿਸ਼ਾਂ ਜਾਰੀ ਹਨ। ਇਸੇ ਦੌਰਾਨ ਹੁਣ ਇਕ ਹੋਰ CCTV ਸਾਹਮਣੇ ਆਈ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ ਇਹ ਅੰਮ੍ਰਿਤਪਾਲ ਤੇ ਉਸ ਦਾ ਸਾਥੀ ਪੱਪਲਪ੍ਰੀਤ ਸਿੰਘ ਹੈ।

ਵੀਡੀਓ ਵਿਚ ਦੋ ਸ਼ਖਸ ਦਿੱਲੀ ਦੀਆਂ ਗਲੀਆਂ ਵਿਚ ਘੁੰਮਦੇ ਨਜ਼ਰ ਆ ਰਹੇ ਹਨ। ਵੇਖਣ ਤੋਂ ਇਹ ਅੰਮ੍ਰਿਤਪਾਲ ਤੇ ਪੱਪਲਪ੍ਰੀਤ ਵਰਗੇ ਜਾਪ ਰਹੇ ਹਨ। ਇਹ ਤਸਵੀਰ 21 ਮਾਰਚ ਦੀ ਦੱਸੀ ਜਾ ਰਹੀ ਹੈ।

ਖਦਸ਼ਾ ਜ਼ਾਹਿਰ ਕੀਤਾ ਜਾ ਰਿਹਾ ਹੈ ਕਿ ਹਰਿਆਣਾ ਤੋਂ ਬਾਅਦ ਅੰਮ੍ਰਿਤਪਾਲ ਦਿੱਲੀ ਪਹੁੰਚਿਆ ਸੀ। ਉਹ ਸ਼ਰੇਆਮ ਦਿੱਲੀ ਦੀਆਂ ਗਲੀਆਂ ਵਿਚ ਘੁੰਮਦਾ ਨਜ਼ਰ ਆ ਰਿਹਾ ਹੈ।

ਇਸ ਤੋਂ ਪਹਿਲਾਂ ਵੀ ਅੰਮ੍ਰਿਤਪਾਲ ਦੀਆਂ ਤਸਵੀਰਾਂ ਸਾਹਮਣੇ ਆਈਆਂ ਸਨ। ਤਾਜ਼ਾ ਵੀਡੀਓ 21 ਮਾਰਚ ਸ਼ਾਮ ਦੀ ਹੈ। ਹਾਲਾਂਕਿ ਮਾਸਕ ਲਾਏ ਜਾਣ ਕਾਰਨ ਪਛਾਣ ਕਰਨੀ ਔਖੀ ਹੈ ਪਰ ਪਹਿਲੀ ਨਜ਼ਰੇ ਇਹੀ ਲੱਗ ਰਿਹਾ ਹੈ ਕਿ ਇਹ ਅੰਮ੍ਰਿਤਪਾਲ ਤੇ ਉਸ ਦਾ ਸਾਥੀ ਹੀ ਹਨ।